| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੧੨. ਪਹਿਤੇਯੇવ ਅਨੁਜਾਨਨਾ
112. Pahiteyeva anujānanā
੧੯੯ . ਇਧ ਪਨ, ਭਿਕ੍ਖવੇ, ਭਿਕ੍ਖੁਸ੍ਸ ਭਾਤਾ ਗਿਲਾਨੋ ਹੋਤਿ। ਸੋ ਚੇ ਭਾਤੁਨੋ ਸਨ੍ਤਿਕੇ ਦੂਤਂ ਪਹਿਣੇਯ੍ਯ – ‘‘ਅਹਞ੍ਹਿ ਗਿਲਾਨੋ, ਆਗਚ੍ਛਤੁ ਮੇ ਭਾਤਾ, ਇਚ੍ਛਾਮਿ ਭਾਤੁਨੋ ਆਗਤ’’ਨ੍ਤਿ, ਗਨ੍ਤਬ੍ਬਂ, ਭਿਕ੍ਖવੇ , ਸਤ੍ਤਾਹਕਰਣੀਯੇਨ, ਪਹਿਤੇ, ਨ ਤ੍વੇવ ਅਪ੍ਪਹਿਤੇ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ।
199. Idha pana, bhikkhave, bhikkhussa bhātā gilāno hoti. So ce bhātuno santike dūtaṃ pahiṇeyya – ‘‘ahañhi gilāno, āgacchatu me bhātā, icchāmi bhātuno āgata’’nti, gantabbaṃ, bhikkhave , sattāhakaraṇīyena, pahite, na tveva appahite. Sattāhaṃ sannivatto kātabbo.
ਇਧ ਪਨ, ਭਿਕ੍ਖવੇ, ਭਿਕ੍ਖੁਸ੍ਸ ਭਗਿਨੀ ਗਿਲਾਨਾ ਹੋਤਿ। ਸਾ ਚੇ ਭਾਤੁਨੋ ਸਨ੍ਤਿਕੇ ਦੂਤਂ ਪਹਿਣੇਯ੍ਯ – ‘‘ਅਹਞ੍ਹਿ ਗਿਲਾਨਾ, ਆਗਚ੍ਛਤੁ ਮੇ ਭਾਤਾ, ਇਚ੍ਛਾਮਿ ਭਾਤੁਨੋ ਆਗਤ’’ਨ੍ਤਿ, ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ, ਪਹਿਤੇ, ਨ ਤ੍વੇવ ਅਪ੍ਪਹਿਤੇ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ।
Idha pana, bhikkhave, bhikkhussa bhaginī gilānā hoti. Sā ce bhātuno santike dūtaṃ pahiṇeyya – ‘‘ahañhi gilānā, āgacchatu me bhātā, icchāmi bhātuno āgata’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ਇਧ ਪਨ, ਭਿਕ੍ਖવੇ, ਭਿਕ੍ਖੁਸ੍ਸ ਞਾਤਕੋ ਗਿਲਾਨੋ ਹੋਤਿ। ਸੋ ਚੇ ਭਿਕ੍ਖੁਸ੍ਸ ਸਨ੍ਤਿਕੇ ਦੂਤਂ ਪਹਿਣੇਯ੍ਯ – ‘‘ਅਹਞ੍ਹਿ ਗਿਲਾਨੋ, ਆਗਚ੍ਛਤੁ ਭਦਨ੍ਤੋ, ਇਚ੍ਛਾਮਿ ਭਦਨ੍ਤਸ੍ਸ ਆਗਤ’’ਨ੍ਤਿ, ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ, ਪਹਿਤੇ, ਨ ਤ੍વੇવ ਅਪ੍ਪਹਿਤੇ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ।
Idha pana, bhikkhave, bhikkhussa ñātako gilāno hoti. So ce bhikkhussa santike dūtaṃ pahiṇeyya – ‘‘ahañhi gilāno, āgacchatu bhadanto, icchāmi bhadantassa āgata’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ਇਧ ਪਨ, ਭਿਕ੍ਖવੇ, ਭਿਕ੍ਖੁਗਤਿਕੋ ਗਿਲਾਨੋ ਹੋਤਿ। ਸੋ ਚੇ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਹਿਣੇਯ੍ਯ – ‘‘ਅਹਞ੍ਹਿ ਗਿਲਾਨੋ, ਆਗਚ੍ਛਨ੍ਤੁ ਭਦਨ੍ਤਾ, ਇਚ੍ਛਾਮਿ ਭਦਨ੍ਤਾਨਂ ਆਗਤ’’ਨ੍ਤਿ, ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ, ਪਹਿਤੇ, ਨ ਤ੍વੇવ ਅਪ੍ਪਹਿਤੇ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ।
Idha pana, bhikkhave, bhikkhugatiko gilāno hoti. So ce bhikkhūnaṃ santike dūtaṃ pahiṇeyya – ‘‘ahañhi gilāno, āgacchantu bhadantā, icchāmi bhadantānaṃ āgata’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ਤੇਨ ਖੋ ਪਨ ਸਮਯੇਨ ਸਙ੍ਘਸ੍ਸ વਿਹਾਰੋ ਉਨ੍ਦ੍ਰਿਯਤਿ। ਅਞ੍ਞਤਰੇਨ ਉਪਾਸਕੇਨ ਅਰਞ੍ਞੇ ਭਣ੍ਡਂ ਛੇਦਾਪਿਤਂ ਹੋਤਿ। ਸੋ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਸਚੇ ਭਦਨ੍ਤਾ ਤਂ ਭਣ੍ਡਂ ਆવਹਾਪੇਯ੍ਯੁਂ, ਦਜ੍ਜਾਹਂ ਤਂ ਭਣ੍ਡ’’ਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਸਙ੍ਘਕਰਣੀਯੇਨ ਗਨ੍ਤੁਂ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋਤਿ।
Tena kho pana samayena saṅghassa vihāro undriyati. Aññatarena upāsakena araññe bhaṇḍaṃ chedāpitaṃ hoti. So bhikkhūnaṃ santike dūtaṃ pāhesi – ‘‘sace bhadantā taṃ bhaṇḍaṃ āvahāpeyyuṃ, dajjāhaṃ taṃ bhaṇḍa’’nti. Bhagavato etamatthaṃ ārocesuṃ. Anujānāmi, bhikkhave, saṅghakaraṇīyena gantuṃ. Sattāhaṃ sannivatto kātabboti.
ਪਹਿਤੇਯੇવ ਅਨੁਜਾਨਨਾ ਨਿਟ੍ਠਿਤਾ।
Pahiteyeva anujānanā niṭṭhitā.
વਸ੍ਸਾવਾਸਭਾਣવਾਰੋ ਨਿਟ੍ਠਿਤੋ।
Vassāvāsabhāṇavāro niṭṭhito.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਹਿਤੇਯੇવਅਨੁਜਾਨਨਕਥਾ • Pahiteyevaanujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਹਿਤੇਯੇવ ਅਨੁਜਾਨਨਕਥਾવਣ੍ਣਨਾ • Pahiteyeva anujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੨. ਪਹਿਤੇਯੇવਅਨੁਜਾਨਨਕਥਾ • 112. Pahiteyevaanujānanakathā
