бахид̇зязва ануж̇аананагат̇ааван̣н̣анаа

199. бхигкуг̇ад̇игод̇и бхигкуниссид̇аго. со бана яасмаа бхигкуухи сад̣̇д̇хим̣ васад̇и, д̇асмаа вуд̇д̇ам̣ ‘‘бхигкуухи сад̣̇д̇хим̣ васанагабурисо’’д̇и. сад̇д̇аахагаран̣ийязна г̇анд̇ваа б̣ахид̣̇д̇хаа арун̣удтаабанам̣ рад̇д̇ижчзд̣̇о. аниманд̇ид̇зна г̇анд̇ум̣ на ваддад̇ийд̇и зд̇т̇а аниманд̇ид̇ад̇д̇аа сад̇д̇аахагижжам̣ ад̇хидтахид̇ваа г̇ажчанд̇ассаби вассажчзд̣̇о жзва д̣̇уггадан̃жа ход̇ийд̇и взд̣̇ид̇аб̣б̣ам̣. яат̇аавуд̇д̇ан̃хи рад̇д̇ижчзд̣̇агааран̣ам̣ винаа д̇ировихаарз васид̇ваа ааг̇ажчиссаамийд̇и г̇ажчад̇оби вассажчзд̣̇ам̣ вад̣̇анд̇и. г̇анд̇ум̣ ваддад̇ийд̇и сад̇д̇аахагаран̣ийязна г̇анд̇ум̣ ваддад̇и. звам̣ г̇ажчанд̇зна жа анд̇оубажаарасиймааяам̣ тид̇знзва ‘‘анд̇осад̇д̇аахз ааг̇ажчиссаамий’’д̇и аабхог̇ам̣ гад̇ваа г̇анд̇аб̣б̣ам̣. сажз аабхог̇ам̣ агад̇ваа убажаарасиймам̣ ад̇иггамад̇и, чиннавассова ход̇ийд̇и вад̣̇анд̇и. бхан̣д̣аганд̇и жийварам̣ санд̇хааяа вуд̇д̇ам̣. бахин̣анд̇ийд̇и жийварад̇хованаад̣̇игаммзна бахин̣анд̇и. самбаабун̣ид̇ум̣ на саггод̇и, ваддад̇ийд̇и зд̇т̇а ‘‘аж̇ж̇зва ааг̇амиссаамий’’д̇и сааманд̇авихаарам̣ г̇анд̇ваа буна ааг̇ажчанд̇асса анд̇араамаг̇г̇з сажз арун̣уг̇г̇аманам̣ ход̇и, вассажчзд̣̇оби на ход̇и, рад̇д̇ижчзд̣̇ад̣̇уггадан̃жа над̇т̇ийд̇и вад̣̇анд̇и. ‘‘аажарияам̣ бассиссаамий’’д̇и бана г̇анд̇ум̣ лабхад̇ийд̇и ‘‘аг̇илаанамби аажарияам̣ убаж̇жхааяам̣ ваа бассиссаамий’’д̇и сад̇д̇аахагаран̣ийязна г̇анд̇ум̣ лабхад̇и. сажз бана нам̣ аажарияо ‘‘аж̇ж̇а маа г̇ажчаа’’д̇и вад̣̇ад̇и, ваддад̇ийд̇и звам̣ сад̇д̇аахагаран̣ийязна г̇ад̇ам̣ анд̇осад̇д̇аахзязва буна ааг̇ажчанд̇ам̣ сажз аажарияо убаж̇жхааяо ваа ‘‘аж̇ж̇а маа г̇ажчаа’’д̇и вад̣̇ад̇и, ваддад̇и, сад̇д̇аахаад̇иггамзби анаабад̇д̇ийд̇и ад̇хиббааяо, вассажчзд̣̇о бана ход̇иязваад̇и д̣̇адтаб̣б̣ам̣ сад̇д̇аахасса б̣ахид̣̇д̇хаа вийд̇инаамид̇ад̇д̇аа.