| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பஹிதேயேவஅனுஜானநகதா²
Pahiteyevaanujānanakathā
199. பி⁴க்கு²க³திகோதி ஏகஸ்மிங் விஹாரே பி⁴க்கூ²ஹி ஸத்³தி⁴ங் வஸனகபுரிஸோ. உந்த்³ரியதீதி பலுஜ்ஜதி. ப⁴ண்ட³ங் சே²தா³பிதந்தி த³ப்³ப³ஸம்பா⁴ரப⁴ண்ட³ங் சே²தா³பிதங். ஆவஹாபெய்யுந்தி ஆஹராபெய்யுங். த³ஜ்ஜாஹந்தி த³ஜ்ஜே அஹங். ஸங்க⁴கரணீயேனாதி எத்த² யங்கிஞ்சி உபோஸதா²கா³ராதீ³ஸு ஸேனாஸனேஸு சேதியச²த்தவேதி³காதீ³ஸு வா கத்தப்³ப³ங், அந்தமஸோ பி⁴க்கு²னோ புக்³க³லிகஸேனாஸனம்பி, ஸப்³ப³ங் ஸங்க⁴கரணீயமேவ. தஸ்மா தஸ்ஸ நிப்பா²த³னத்த²ங் த³ப்³ப³ஸம்பா⁴ராதீ³னி வா ஆஹரிதுங் வட்³ட⁴கீப்பபு⁴தீனங் ப⁴த்தவேதனாதீ³னி வா தா³பேதுங் க³ந்தப்³ப³ங்.
199.Bhikkhugatikoti ekasmiṃ vihāre bhikkhūhi saddhiṃ vasanakapuriso. Undriyatīti palujjati. Bhaṇḍaṃ chedāpitanti dabbasambhārabhaṇḍaṃ chedāpitaṃ. Āvahāpeyyunti āharāpeyyuṃ. Dajjāhanti dajje ahaṃ. Saṅghakaraṇīyenāti ettha yaṃkiñci uposathāgārādīsu senāsanesu cetiyachattavedikādīsu vā kattabbaṃ, antamaso bhikkhuno puggalikasenāsanampi, sabbaṃ saṅghakaraṇīyameva. Tasmā tassa nipphādanatthaṃ dabbasambhārādīni vā āharituṃ vaḍḍhakīppabhutīnaṃ bhattavetanādīni vā dāpetuṃ gantabbaṃ.
அயங் பனெத்த² பாளிமுத்தகரத்திச்சே²த³வினிச்ச²யோ – த⁴ம்மஸவனத்தா²ய அனிமந்திதேன க³ந்துங் ந வட்டதி. ஸசே ஏகஸ்மிங் மஹாவாஸே பட²மங்யேவ கதிகா கதா ஹோதி – ‘‘அஸுகதி³வஸங் நாம ஸன்னிபதிதப்³ப³’’ந்தி , நிமந்திதோயேவ நாம ஹோதி, க³ந்துங் வட்டதி. ‘‘ப⁴ண்ட³கங் தோ⁴விஸ்ஸாமீ’’தி க³ந்துங் ந வட்டதி. ஸசே பன ஆசரியுபஜ்ஜா²யா பஹிணந்தி, வட்டதி. நாதிதூ³ரே விஹாரோ ஹோதி, தத்த² க³ந்த்வா அஜ்ஜேவ ஆக³மிஸ்ஸாமீதி ஸம்பாபுணிதுங் ந ஸக்கோதி, வட்டதி. உத்³தே³ஸபரிபுச்சா²தீ³னங் அத்தா²யபி க³ந்துங் ந வட்டதி. ‘‘ஆசரியங் பஸ்ஸிஸ்ஸாமீ’’தி பன க³ந்துங் லப⁴தி. ஸசே பன நங் ஆசரியோ ‘‘அஜ்ஜ மா க³ச்சா²’’தி வத³தி, வட்டதி. உபட்டா²ககுலங் வா ஞாதிகுலங் வா த³ஸ்ஸனாய க³ந்துங் ந லப⁴தீதி.
Ayaṃ panettha pāḷimuttakaratticchedavinicchayo – dhammasavanatthāya animantitena gantuṃ na vaṭṭati. Sace ekasmiṃ mahāvāse paṭhamaṃyeva katikā katā hoti – ‘‘asukadivasaṃ nāma sannipatitabba’’nti , nimantitoyeva nāma hoti, gantuṃ vaṭṭati. ‘‘Bhaṇḍakaṃ dhovissāmī’’ti gantuṃ na vaṭṭati. Sace pana ācariyupajjhāyā pahiṇanti, vaṭṭati. Nātidūre vihāro hoti, tattha gantvā ajjeva āgamissāmīti sampāpuṇituṃ na sakkoti, vaṭṭati. Uddesaparipucchādīnaṃ atthāyapi gantuṃ na vaṭṭati. ‘‘Ācariyaṃ passissāmī’’ti pana gantuṃ labhati. Sace pana naṃ ācariyo ‘‘ajja mā gacchā’’ti vadati, vaṭṭati. Upaṭṭhākakulaṃ vā ñātikulaṃ vā dassanāya gantuṃ na labhatīti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 112. பஹிதேயேவ அனுஜானநா • 112. Pahiteyeva anujānanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஹிதேயேவ அனுஜானநகதா²வண்ணனா • Pahiteyeva anujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஹிதேயேவஅனுஜானநகதா²வண்ணனா • Pahiteyevaanujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பஹிதேயேவஅனுஜானநகதா²வண்ணனா • Pahiteyevaanujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 112. பஹிதேயேவஅனுஜானநகதா² • 112. Pahiteyevaanujānanakathā
