| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
112. бахид̇зязваануж̇аананагат̇аа
112. Pahiteyevaanujānanakathā
199. бхигкуг̇ад̇игод̇и бхигку зва г̇ад̇и бад̇идтаа зд̇ассаад̇и бхигкуг̇ад̇игод̇и вуд̇д̇з бхигкуниссид̇аго бурисод̇и ааха ‘‘бхигкуухи сад̣̇д̇хим̣ васанагабурисо’’д̇и. балуж̇ж̇ад̇ийд̇и винассад̇и. бхан̣д̣ам̣ чзд̣̇аабид̇анд̇и зд̇т̇а бхан̣д̣асад̣̇д̣̇о баригкаарад̇т̇о зва, на муулад̇ханад̇т̇од̇и ааха ‘‘д̣̇аб̣б̣асамбхаарабхан̣д̣а’’нд̇и. чзд̣̇аабид̇анд̇и жураад̣̇иг̇ан̣игад̇хаад̇ум̣ ‘‘чинд̣̇аабид̇а’’нд̇и руд̇хаад̣̇иг̇ан̣игад̇хаад̇уяаа ван̣н̣зд̇и. д̣̇аж̇ж̇ааханд̇и згааралобасанд̇хийд̇и ааха ‘‘д̣̇аж̇ж̇з аха’’нд̇и. ‘‘д̣̇аж̇ж̇зха’’нд̇иби баато. зван̃хи сад̇и агааралобасанд̇хи. д̣̇аж̇ж̇зд̇и д̣̇ад̣̇зяяам̣, д̣̇ад̣̇аами ваа. сан̇гхагаран̣ийязнаад̇и сан̇гхасса гаад̇аб̣б̣зна гижжзна. д̇амад̇т̇ам̣ д̣̇ассзнд̇о ааха ‘‘яам̣гин̃жий’’д̇иаад̣̇и. д̇ад̇т̇а яам̣гин̃жи гаад̇аб̣б̣анд̇и яож̇анаа. жзд̇ияачад̇д̇авзд̣̇игаад̣̇ийсууд̇и жзд̇ияасса чад̇д̇з жа взд̣̇игааяа жа. аад̣̇исад̣̇д̣̇зна суд̇хаалимбаад̣̇аяо сан̇г̇ан̣хаад̇и. д̇ассаад̇и сан̇гхагаран̣ийяасса. нибпаад̣̇анад̇т̇ам̣ г̇анд̇аб̣б̣анд̇и самб̣анд̇хо.
199.Bhikkhugatikoti bhikkhu eva gati patiṭṭhā etassāti bhikkhugatikoti vutte bhikkhunissitako purisoti āha ‘‘bhikkhūhi saddhiṃ vasanakapuriso’’ti. Palujjatīti vinassati. Bhaṇḍaṃ chedāpitanti ettha bhaṇḍasaddo parikkhārattho eva, na mūladhanatthoti āha ‘‘dabbasambhārabhaṇḍa’’nti. Chedāpitanti curādigaṇikadhātuṃ ‘‘chindāpita’’nti rudhādigaṇikadhātuyā vaṇṇeti. Dajjāhanti ekāralopasandhīti āha ‘‘dajje aha’’nti. ‘‘Dajjeha’’ntipi pāṭho. Evañhi sati akāralopasandhi. Dajjeti dadeyyaṃ, dadāmi vā. Saṅghakaraṇīyenāti saṅghassa kātabbena kiccena. Tamatthaṃ dassento āha ‘‘yaṃkiñcī’’tiādi. Tattha yaṃkiñci kātabbanti yojanā. Cetiyachattavedikādīsūti cetiyassa chatte ca vedikāya ca. Ādisaddena sudhālimpādayo saṅgaṇhāti. Tassāti saṅghakaraṇīyassa. Nipphādanatthaṃ gantabbanti sambandho.
зд̇т̇аад̇и вассуубанааяигагканд̇хагз. ‘‘аниманд̇ид̇знаа’’д̇и бад̣̇ам̣ ‘‘г̇анд̇у’’нд̇и бад̣̇з бхаавагад̇д̇аа. г̇анд̇унд̇и г̇амид̇ум̣, г̇аманам̣ ваа ‘‘на ваддад̇ий’’д̇и бад̣̇з гад̇д̇аа. батамам̣язваад̇и д̇хаммассаванад̇о батамамзва. саннибад̇ид̇аб̣б̣ам̣ ид̇и гад̇игаа гад̇аа ход̇ийд̇и яож̇анаа. бхан̣д̣аганд̇и жийвараад̣̇ибхан̣д̣агам̣. г̇анд̇ум̣ на ваддад̇ийд̇и саяамзва г̇анд̇ум̣ на ваддад̇ийд̇и ад̇т̇о д̣̇адтаб̣б̣о. д̇зна вуд̇д̇ам̣ ‘‘сажз банаа’’д̇иаад̣̇и. д̇ад̇т̇аад̇и д̇ам̣ вихаарам̣. ‘‘ваддад̇ий’’д̇и иминаа вассажчзд̣̇о жа аабад̇д̇и жа на ход̇ийд̇и д̣̇ассзд̇и. ад̇т̇ааяабийд̇и бисад̣̇д̣̇зна ‘‘бхан̣д̣агам̣ д̇ховиссаамий’’д̇и ад̇т̇ам̣ абзгкад̇и. нанд̇и анд̇зваасигам̣. ваддад̇ийд̇и аажарияасса аан̣ааяа сад̇д̇аахз анад̇игганд̇з ваддад̇и, вассажчзд̣̇о жа аабад̇д̇и жа на ход̇и. сад̇д̇аахз ад̇игганд̇з вассажчзд̣̇ова ход̇и, на аабад̇д̇ийд̇и ад̇хиббааяо.
Etthāti vassūpanāyikakkhandhake. ‘‘Animantitenā’’ti padaṃ ‘‘gantu’’nti pade bhāvakattā. Gantunti gamituṃ, gamanaṃ vā ‘‘na vaṭṭatī’’ti pade kattā. Paṭhamaṃyevāti dhammassavanato paṭhamameva. Sannipatitabbaṃ iti katikā katā hotīti yojanā. Bhaṇḍakanti cīvarādibhaṇḍakaṃ. Gantuṃ na vaṭṭatīti sayameva gantuṃ na vaṭṭatīti attho daṭṭhabbo. Tena vuttaṃ ‘‘sace panā’’tiādi. Tatthāti taṃ vihāraṃ. ‘‘Vaṭṭatī’’ti iminā vassacchedo ca āpatti ca na hotīti dasseti. Atthāyapīti pisaddena ‘‘bhaṇḍakaṃ dhovissāmī’’ti atthaṃ apekkhati. Nanti antevāsikaṃ. Vaṭṭatīti ācariyassa āṇāya sattāhe anatikkante vaṭṭati, vassacchedo ca āpatti ca na hoti. Sattāhe atikkante vassacchedova hoti, na āpattīti adhippāyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 112. бахид̇зязва ануж̇аананаа • 112. Pahiteyeva anujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бахид̇зязваануж̇аананагат̇аа • Pahiteyevaanujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бахид̇зязва ануж̇аананагат̇ааван̣н̣анаа • Pahiteyeva anujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бахид̇зязваануж̇аананагат̇ааван̣н̣анаа • Pahiteyevaanujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бахид̇зязваануж̇аананагат̇ааван̣н̣анаа • Pahiteyevaanujānanakathāvaṇṇanā
