| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਹਿਤੇਯੇવਅਨੁਜਾਨਨਕਥਾ
Pahiteyevaanujānanakathā
੧੯੯. ਭਿਕ੍ਖੁਗਤਿਕੋਤਿ ਏਕਸ੍ਮਿਂ વਿਹਾਰੇ ਭਿਕ੍ਖੂਹਿ ਸਦ੍ਧਿਂ વਸਨਕਪੁਰਿਸੋ। ਉਨ੍ਦ੍ਰਿਯਤੀਤਿ ਪਲੁਜ੍ਜਤਿ। ਭਣ੍ਡਂ ਛੇਦਾਪਿਤਨ੍ਤਿ ਦਬ੍ਬਸਮ੍ਭਾਰਭਣ੍ਡਂ ਛੇਦਾਪਿਤਂ। ਆવਹਾਪੇਯ੍ਯੁਨ੍ਤਿ ਆਹਰਾਪੇਯ੍ਯੁਂ। ਦਜ੍ਜਾਹਨ੍ਤਿ ਦਜ੍ਜੇ ਅਹਂ। ਸਙ੍ਘਕਰਣੀਯੇਨਾਤਿ ਏਤ੍ਥ ਯਂਕਿਞ੍ਚਿ ਉਪੋਸਥਾਗਾਰਾਦੀਸੁ ਸੇਨਾਸਨੇਸੁ ਚੇਤਿਯਛਤ੍ਤવੇਦਿਕਾਦੀਸੁ વਾ ਕਤ੍ਤਬ੍ਬਂ, ਅਨ੍ਤਮਸੋ ਭਿਕ੍ਖੁਨੋ ਪੁਗ੍ਗਲਿਕਸੇਨਾਸਨਮ੍ਪਿ, ਸਬ੍ਬਂ ਸਙ੍ਘਕਰਣੀਯਮੇવ। ਤਸ੍ਮਾ ਤਸ੍ਸ ਨਿਪ੍ਫਾਦਨਤ੍ਥਂ ਦਬ੍ਬਸਮ੍ਭਾਰਾਦੀਨਿ વਾ ਆਹਰਿਤੁਂ વਡ੍ਢਕੀਪ੍ਪਭੁਤੀਨਂ ਭਤ੍ਤવੇਤਨਾਦੀਨਿ વਾ ਦਾਪੇਤੁਂ ਗਨ੍ਤਬ੍ਬਂ।
199.Bhikkhugatikoti ekasmiṃ vihāre bhikkhūhi saddhiṃ vasanakapuriso. Undriyatīti palujjati. Bhaṇḍaṃ chedāpitanti dabbasambhārabhaṇḍaṃ chedāpitaṃ. Āvahāpeyyunti āharāpeyyuṃ. Dajjāhanti dajje ahaṃ. Saṅghakaraṇīyenāti ettha yaṃkiñci uposathāgārādīsu senāsanesu cetiyachattavedikādīsu vā kattabbaṃ, antamaso bhikkhuno puggalikasenāsanampi, sabbaṃ saṅghakaraṇīyameva. Tasmā tassa nipphādanatthaṃ dabbasambhārādīni vā āharituṃ vaḍḍhakīppabhutīnaṃ bhattavetanādīni vā dāpetuṃ gantabbaṃ.
ਅਯਂ ਪਨੇਤ੍ਥ ਪਾਲ਼ਿਮੁਤ੍ਤਕਰਤ੍ਤਿਚ੍ਛੇਦવਿਨਿਚ੍ਛਯੋ – ਧਮ੍ਮਸવਨਤ੍ਥਾਯ ਅਨਿਮਨ੍ਤਿਤੇਨ ਗਨ੍ਤੁਂ ਨ વਟ੍ਟਤਿ। ਸਚੇ ਏਕਸ੍ਮਿਂ ਮਹਾવਾਸੇ ਪਠਮਂਯੇવ ਕਤਿਕਾ ਕਤਾ ਹੋਤਿ – ‘‘ਅਸੁਕਦਿવਸਂ ਨਾਮ ਸਨ੍ਨਿਪਤਿਤਬ੍ਬ’’ਨ੍ਤਿ , ਨਿਮਨ੍ਤਿਤੋਯੇવ ਨਾਮ ਹੋਤਿ, ਗਨ੍ਤੁਂ વਟ੍ਟਤਿ। ‘‘ਭਣ੍ਡਕਂ ਧੋવਿਸ੍ਸਾਮੀ’’ਤਿ ਗਨ੍ਤੁਂ ਨ વਟ੍ਟਤਿ। ਸਚੇ ਪਨ ਆਚਰਿਯੁਪਜ੍ਝਾਯਾ ਪਹਿਣਨ੍ਤਿ, વਟ੍ਟਤਿ। ਨਾਤਿਦੂਰੇ વਿਹਾਰੋ ਹੋਤਿ, ਤਤ੍ਥ ਗਨ੍ਤ੍વਾ ਅਜ੍ਜੇવ ਆਗਮਿਸ੍ਸਾਮੀਤਿ ਸਮ੍ਪਾਪੁਣਿਤੁਂ ਨ ਸਕ੍ਕੋਤਿ, વਟ੍ਟਤਿ। ਉਦ੍ਦੇਸਪਰਿਪੁਚ੍ਛਾਦੀਨਂ ਅਤ੍ਥਾਯਪਿ ਗਨ੍ਤੁਂ ਨ વਟ੍ਟਤਿ। ‘‘ਆਚਰਿਯਂ ਪਸ੍ਸਿਸ੍ਸਾਮੀ’’ਤਿ ਪਨ ਗਨ੍ਤੁਂ ਲਭਤਿ। ਸਚੇ ਪਨ ਨਂ ਆਚਰਿਯੋ ‘‘ਅਜ੍ਜ ਮਾ ਗਚ੍ਛਾ’’ਤਿ વਦਤਿ, વਟ੍ਟਤਿ। ਉਪਟ੍ਠਾਕਕੁਲਂ વਾ ਞਾਤਿਕੁਲਂ વਾ ਦਸ੍ਸਨਾਯ ਗਨ੍ਤੁਂ ਨ ਲਭਤੀਤਿ।
Ayaṃ panettha pāḷimuttakaratticchedavinicchayo – dhammasavanatthāya animantitena gantuṃ na vaṭṭati. Sace ekasmiṃ mahāvāse paṭhamaṃyeva katikā katā hoti – ‘‘asukadivasaṃ nāma sannipatitabba’’nti , nimantitoyeva nāma hoti, gantuṃ vaṭṭati. ‘‘Bhaṇḍakaṃ dhovissāmī’’ti gantuṃ na vaṭṭati. Sace pana ācariyupajjhāyā pahiṇanti, vaṭṭati. Nātidūre vihāro hoti, tattha gantvā ajjeva āgamissāmīti sampāpuṇituṃ na sakkoti, vaṭṭati. Uddesaparipucchādīnaṃ atthāyapi gantuṃ na vaṭṭati. ‘‘Ācariyaṃ passissāmī’’ti pana gantuṃ labhati. Sace pana naṃ ācariyo ‘‘ajja mā gacchā’’ti vadati, vaṭṭati. Upaṭṭhākakulaṃ vā ñātikulaṃ vā dassanāya gantuṃ na labhatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੨. ਪਹਿਤੇਯੇવ ਅਨੁਜਾਨਨਾ • 112. Pahiteyeva anujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਹਿਤੇਯੇવ ਅਨੁਜਾਨਨਕਥਾવਣ੍ਣਨਾ • Pahiteyeva anujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੨. ਪਹਿਤੇਯੇવਅਨੁਜਾਨਨਕਥਾ • 112. Pahiteyevaanujānanakathā
