| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੧੨. ਪਹਿਤੇਯੇવਅਨੁਜਾਨਨਕਥਾ
112. Pahiteyevaanujānanakathā
੧੯੯. ਭਿਕ੍ਖੁਗਤਿਕੋਤਿ ਭਿਕ੍ਖੁ ਏવ ਗਤਿ ਪਤਿਟ੍ਠਾ ਏਤਸ੍ਸਾਤਿ ਭਿਕ੍ਖੁਗਤਿਕੋਤਿ વੁਤ੍ਤੇ ਭਿਕ੍ਖੁਨਿਸ੍ਸਿਤਕੋ ਪੁਰਿਸੋਤਿ ਆਹ ‘‘ਭਿਕ੍ਖੂਹਿ ਸਦ੍ਧਿਂ વਸਨਕਪੁਰਿਸੋ’’ਤਿ। ਪਲੁਜ੍ਜਤੀਤਿ વਿਨਸ੍ਸਤਿ। ਭਣ੍ਡਂ ਛੇਦਾਪਿਤਨ੍ਤਿ ਏਤ੍ਥ ਭਣ੍ਡਸਦ੍ਦੋ ਪਰਿਕ੍ਖਾਰਤ੍ਥੋ ਏવ, ਨ ਮੂਲਧਨਤ੍ਥੋਤਿ ਆਹ ‘‘ਦਬ੍ਬਸਮ੍ਭਾਰਭਣ੍ਡ’’ਨ੍ਤਿ। ਛੇਦਾਪਿਤਨ੍ਤਿ ਚੁਰਾਦਿਗਣਿਕਧਾਤੁਂ ‘‘ਛਿਨ੍ਦਾਪਿਤ’’ਨ੍ਤਿ ਰੁਧਾਦਿਗਣਿਕਧਾਤੁਯਾ વਣ੍ਣੇਤਿ। ਦਜ੍ਜਾਹਨ੍ਤਿ ਏਕਾਰਲੋਪਸਨ੍ਧੀਤਿ ਆਹ ‘‘ਦਜ੍ਜੇ ਅਹ’’ਨ੍ਤਿ। ‘‘ਦਜ੍ਜੇਹ’’ਨ੍ਤਿਪਿ ਪਾਠੋ। ਏવਞ੍ਹਿ ਸਤਿ ਅਕਾਰਲੋਪਸਨ੍ਧਿ। ਦਜ੍ਜੇਤਿ ਦਦੇਯ੍ਯਂ, ਦਦਾਮਿ વਾ। ਸਙ੍ਘਕਰਣੀਯੇਨਾਤਿ ਸਙ੍ਘਸ੍ਸ ਕਾਤਬ੍ਬੇਨ ਕਿਚ੍ਚੇਨ। ਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਯਂਕਿਞ੍ਚੀ’’ਤਿਆਦਿ। ਤਤ੍ਥ ਯਂਕਿਞ੍ਚਿ ਕਾਤਬ੍ਬਨ੍ਤਿ ਯੋਜਨਾ। ਚੇਤਿਯਛਤ੍ਤવੇਦਿਕਾਦੀਸੂਤਿ ਚੇਤਿਯਸ੍ਸ ਛਤ੍ਤੇ ਚ વੇਦਿਕਾਯ ਚ। ਆਦਿਸਦ੍ਦੇਨ ਸੁਧਾਲਿਮ੍ਪਾਦਯੋ ਸਙ੍ਗਣ੍ਹਾਤਿ। ਤਸ੍ਸਾਤਿ ਸਙ੍ਘਕਰਣੀਯਸ੍ਸ। ਨਿਪ੍ਫਾਦਨਤ੍ਥਂ ਗਨ੍ਤਬ੍ਬਨ੍ਤਿ ਸਮ੍ਬਨ੍ਧੋ।
199.Bhikkhugatikoti bhikkhu eva gati patiṭṭhā etassāti bhikkhugatikoti vutte bhikkhunissitako purisoti āha ‘‘bhikkhūhi saddhiṃ vasanakapuriso’’ti. Palujjatīti vinassati. Bhaṇḍaṃ chedāpitanti ettha bhaṇḍasaddo parikkhārattho eva, na mūladhanatthoti āha ‘‘dabbasambhārabhaṇḍa’’nti. Chedāpitanti curādigaṇikadhātuṃ ‘‘chindāpita’’nti rudhādigaṇikadhātuyā vaṇṇeti. Dajjāhanti ekāralopasandhīti āha ‘‘dajje aha’’nti. ‘‘Dajjeha’’ntipi pāṭho. Evañhi sati akāralopasandhi. Dajjeti dadeyyaṃ, dadāmi vā. Saṅghakaraṇīyenāti saṅghassa kātabbena kiccena. Tamatthaṃ dassento āha ‘‘yaṃkiñcī’’tiādi. Tattha yaṃkiñci kātabbanti yojanā. Cetiyachattavedikādīsūti cetiyassa chatte ca vedikāya ca. Ādisaddena sudhālimpādayo saṅgaṇhāti. Tassāti saṅghakaraṇīyassa. Nipphādanatthaṃ gantabbanti sambandho.
ਏਤ੍ਥਾਤਿ વਸ੍ਸੂਪਨਾਯਿਕਕ੍ਖਨ੍ਧਕੇ। ‘‘ਅਨਿਮਨ੍ਤਿਤੇਨਾ’’ਤਿ ਪਦਂ ‘‘ਗਨ੍ਤੁ’’ਨ੍ਤਿ ਪਦੇ ਭਾવਕਤ੍ਤਾ। ਗਨ੍ਤੁਨ੍ਤਿ ਗਮਿਤੁਂ, ਗਮਨਂ વਾ ‘‘ਨ વਟ੍ਟਤੀ’’ਤਿ ਪਦੇ ਕਤ੍ਤਾ। ਪਠਮਂਯੇવਾਤਿ ਧਮ੍ਮਸ੍ਸવਨਤੋ ਪਠਮਮੇવ। ਸਨ੍ਨਿਪਤਿਤਬ੍ਬਂ ਇਤਿ ਕਤਿਕਾ ਕਤਾ ਹੋਤੀਤਿ ਯੋਜਨਾ। ਭਣ੍ਡਕਨ੍ਤਿ ਚੀવਰਾਦਿਭਣ੍ਡਕਂ। ਗਨ੍ਤੁਂ ਨ વਟ੍ਟਤੀਤਿ ਸਯਮੇવ ਗਨ੍ਤੁਂ ਨ વਟ੍ਟਤੀਤਿ ਅਤ੍ਥੋ ਦਟ੍ਠਬ੍ਬੋ। ਤੇਨ વੁਤ੍ਤਂ ‘‘ਸਚੇ ਪਨਾ’’ਤਿਆਦਿ। ਤਤ੍ਥਾਤਿ ਤਂ વਿਹਾਰਂ। ‘‘વਟ੍ਟਤੀ’’ਤਿ ਇਮਿਨਾ વਸ੍ਸਚ੍ਛੇਦੋ ਚ ਆਪਤ੍ਤਿ ਚ ਨ ਹੋਤੀਤਿ ਦਸ੍ਸੇਤਿ। ਅਤ੍ਥਾਯਪੀਤਿ ਪਿਸਦ੍ਦੇਨ ‘‘ਭਣ੍ਡਕਂ ਧੋવਿਸ੍ਸਾਮੀ’’ਤਿ ਅਤ੍ਥਂ ਅਪੇਕ੍ਖਤਿ। ਨਨ੍ਤਿ ਅਨ੍ਤੇવਾਸਿਕਂ। વਟ੍ਟਤੀਤਿ ਆਚਰਿਯਸ੍ਸ ਆਣਾਯ ਸਤ੍ਤਾਹੇ ਅਨਤਿਕ੍ਕਨ੍ਤੇ વਟ੍ਟਤਿ, વਸ੍ਸਚ੍ਛੇਦੋ ਚ ਆਪਤ੍ਤਿ ਚ ਨ ਹੋਤਿ। ਸਤ੍ਤਾਹੇ ਅਤਿਕ੍ਕਨ੍ਤੇ વਸ੍ਸਚ੍ਛੇਦੋવ ਹੋਤਿ, ਨ ਆਪਤ੍ਤੀਤਿ ਅਧਿਪ੍ਪਾਯੋ।
Etthāti vassūpanāyikakkhandhake. ‘‘Animantitenā’’ti padaṃ ‘‘gantu’’nti pade bhāvakattā. Gantunti gamituṃ, gamanaṃ vā ‘‘na vaṭṭatī’’ti pade kattā. Paṭhamaṃyevāti dhammassavanato paṭhamameva. Sannipatitabbaṃ iti katikā katā hotīti yojanā. Bhaṇḍakanti cīvarādibhaṇḍakaṃ. Gantuṃ na vaṭṭatīti sayameva gantuṃ na vaṭṭatīti attho daṭṭhabbo. Tena vuttaṃ ‘‘sace panā’’tiādi. Tatthāti taṃ vihāraṃ. ‘‘Vaṭṭatī’’ti iminā vassacchedo ca āpatti ca na hotīti dasseti. Atthāyapīti pisaddena ‘‘bhaṇḍakaṃ dhovissāmī’’ti atthaṃ apekkhati. Nanti antevāsikaṃ. Vaṭṭatīti ācariyassa āṇāya sattāhe anatikkante vaṭṭati, vassacchedo ca āpatti ca na hoti. Sattāhe atikkante vassacchedova hoti, na āpattīti adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੨. ਪਹਿਤੇਯੇવ ਅਨੁਜਾਨਨਾ • 112. Pahiteyeva anujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਹਿਤੇਯੇવਅਨੁਜਾਨਨਕਥਾ • Pahiteyevaanujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਹਿਤੇਯੇવ ਅਨੁਜਾਨਨਕਥਾવਣ੍ਣਨਾ • Pahiteyeva anujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
