| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бахид̇зязваануж̇аананагат̇ааван̣н̣анаа
Pahiteyevaanujānanakathāvaṇṇanā
199. ‘‘ануж̇аанаами бхигкавз, сан̇гхагаран̣ийязна г̇анд̇ум̣, сад̇д̇аахам̣ саннивад̇д̇о гаад̇аб̣б̣о’’д̇и важанад̇о анд̇овассз сам̣хааригабхаавзна г̇анд̇ум̣ ваддад̇и. д̇ад̇т̇а д̇хаммачанд̣̇авасзнаби ааг̇ад̇з сан̇гхасса ааяамукам̣ винассад̇и. д̇ад̇о ‘‘сзнаасанаани гад̇ваа’’д̇и жа вуд̇д̇ам̣. ааг̇ад̇анд̇и ааг̇аманам̣. бхаавзд̇т̇а д̇абажжаяояам̣. сан̇гхагаран̣ийязна г̇анд̇унд̇и зд̇т̇а ‘‘сзнаасанабадисам̣яуд̇д̇зсу зва сан̇гхагаран̣ийязсу, на ан̃н̃зсуу’’д̇и д̇хаммасирид̇т̇зро вад̣̇ад̇и гира. адтагат̇ааяамби д̇ам̣ бад̣̇ам̣ уд̣̇д̇харид̇ваа ‘‘яам̣ гин̃жи убосат̇ааг̇аараад̣̇ийсу сзнаасанзсуу’’д̇иаад̣̇инаа сзнаасанамзва д̣̇ассид̇ам̣, д̇асмаа убабаригкид̇аб̣б̣ам̣.
199. ‘‘Anujānāmi bhikkhave, saṅghakaraṇīyena gantuṃ, sattāhaṃ sannivatto kātabbo’’ti vacanato antovasse saṃhārikabhāvena gantuṃ vaṭṭati. Tattha dhammachandavasenapi āgate saṅghassa āyamukhaṃ vinassati. Tato ‘‘senāsanāni katvā’’ti ca vuttaṃ. Āgatanti āgamanaṃ. Bhāvettha tapaccayoyaṃ. Saṅghakaraṇīyena gantunti ettha ‘‘senāsanapaṭisaṃyuttesu eva saṅghakaraṇīyesu, na aññesū’’ti dhammasiritthero vadati kira. Aṭṭhakathāyampi taṃ padaṃ uddharitvā ‘‘yaṃ kiñci uposathāgārādīsu senāsanesū’’tiādinā senāsanameva dassitaṃ, tasmā upaparikkhitabbaṃ.
аниманд̇ид̇зна г̇анд̇ум̣ на ваддад̇ийд̇и д̇асса рад̇д̇ижчзд̣̇о жа д̣̇уггадаабад̇д̇и жа ход̇и, д̇ам̣ ‘‘вассажчзд̣̇о’’д̇и жа вад̣̇анд̇и. ниманд̇ид̇оязва наама ход̇ийд̇и зд̇т̇а убаасагзхи ‘‘имасмим̣ наама д̣̇ивасз д̣̇аанаад̣̇ийни гарома, саб̣б̣з саннибад̇анд̇уу’’д̇и гад̇ааяаби гад̇игааяа г̇анд̇ум̣ ваддад̇и. бавааран̣ааяа навамид̇о бадтааяа бам̣сугуулигажийварам̣ бариязсид̇ум̣ гаавийрабадданз вияа саб̣б̣зсам̣ г̇анд̇ум̣ ваддад̇и анусам̣важчарам̣ нияамад̇о убаасагзхи саж̇ж̇ид̇ваа табанад̇о. вуд̇д̇амби жзд̇ам̣ анд̇хагадтагат̇ааяам̣ ‘‘бхигкусан̇гхзна ваа гад̇игаа гад̇аа ‘саманд̇аа бхигкуу г̇ажчанд̇уу’д̇и, гхосанам̣ ваа гад̇ам̣ убаасагзхи, д̇ад̇т̇а г̇ажчанд̇асса рад̇д̇ижчзд̣̇о над̇т̇ийд̇и д̇ат̇аа ‘анусам̣важчарам̣ ааг̇ажчанд̇уу’д̇и сагим̣ ниманд̇ид̇зби ваддад̇ий’’д̇и жа ‘‘жийварагаалад̇о бадтааяа нияамам̣ гад̇ваа саманд̇ад̇о ааг̇ад̇аанам̣ саж̇ж̇зд̇ваа д̣̇аанад̇о гаавийрабадданз гхосзд̇ваа гаран̣аагааро бан̃н̃ааяад̇ийд̇и абарз’’д̇и жа. аажарияаа бана звам̣ на вад̣̇анд̇и.
Animantitena gantuṃ na vaṭṭatīti tassa ratticchedo ca dukkaṭāpatti ca hoti, taṃ ‘‘vassacchedo’’ti ca vadanti. Nimantitoyeva nāma hotīti ettha upāsakehi ‘‘imasmiṃ nāma divase dānādīni karoma, sabbe sannipatantū’’ti katāyapi katikāya gantuṃ vaṭṭati. Pavāraṇāya navamito paṭṭhāya paṃsukūlikacīvaraṃ pariyesituṃ kāvīrapaṭṭane viya sabbesaṃ gantuṃ vaṭṭati anusaṃvaccharaṃ niyamato upāsakehi sajjitvā ṭhapanato. Vuttampi cetaṃ andhakaṭṭhakathāyaṃ ‘‘bhikkhusaṅghena vā katikā katā ‘samantā bhikkhū gacchantū’ti, ghosanaṃ vā kataṃ upāsakehi, tattha gacchantassa ratticchedo natthīti tathā ‘anusaṃvaccharaṃ āgacchantū’ti sakiṃ nimantitepi vaṭṭatī’’ti ca ‘‘cīvarakālato paṭṭhāya niyamaṃ katvā samantato āgatānaṃ sajjetvā dānato kāvīrapaṭṭane ghosetvā karaṇākāro paññāyatīti apare’’ti ca. Ācariyā pana evaṃ na vadanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 112. бахид̇зязва ануж̇аананаа • 112. Pahiteyeva anujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бахид̇зязваануж̇аананагат̇аа • Pahiteyevaanujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бахид̇зязва ануж̇аананагат̇ааван̣н̣анаа • Pahiteyeva anujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бахид̇зязваануж̇аананагат̇ааван̣н̣анаа • Pahiteyevaanujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 112. бахид̇зязваануж̇аананагат̇аа • 112. Pahiteyevaanujānanakathā
