| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бахид̇зязваануж̇аананагат̇ааван̣н̣анаа
Pahiteyevaanujānanakathāvaṇṇanā
199. бхигкуухи сад̣̇д̇хим̣ васанагабурисод̇и анан̃н̃аг̇ад̇игод̇и д̣̇ассзд̇и. г̇анд̇аб̣б̣анд̇и сан̇гхагаран̣ийязна аббахид̇зби г̇анд̇аб̣б̣ам̣. зд̇т̇а жа анубаасагзхиби саасанабхаавам̣ н̃аад̇угаамзхи бахид̇з д̇зсам̣ басаад̣̇авад̣дхим̣ самбассанд̇зхиби сад̇д̇аахагаран̣ийязна г̇анд̇ум̣ ваддад̇ийд̇и г̇ахзд̇аб̣б̣ам̣.
199.Bhikkhūhi saddhiṃ vasanakapurisoti anaññagatikoti dasseti. Gantabbanti saṅghakaraṇīyena appahitepi gantabbaṃ. Ettha ca anupāsakehipi sāsanabhāvaṃ ñātukāmehi pahite tesaṃ pasādavaḍḍhiṃ sampassantehipi sattāhakaraṇīyena gantuṃ vaṭṭatīti gahetabbaṃ.
рад̇д̇ижчзд̣̇авинижчаяод̇и сад̇д̇аахагаран̣ийязна г̇анд̇ваа б̣ахид̣̇д̇хаа арун̣удтаабанасан̇каад̇асса рад̇д̇ижчзд̣̇асса винижчаяо. г̇анд̇ум̣ ваддад̇ийд̇и анд̇оубажаарасиймааяам̣ тид̇знзва сад̇д̇аахагаран̣ийяанимид̇д̇ам̣ саллагкзд̇ваа иминаа нимид̇д̇зна г̇анд̇ваа ‘‘анд̇осад̇д̇аахз ааг̇ажчиссаамий’’д̇и аабхог̇ам̣ гад̇ваа г̇анд̇ум̣ ваддад̇и. буримагкан̣з аабхог̇ам̣ гад̇ваа г̇аманагкан̣з виссарид̇ваа г̇ад̇зби д̣̇осо над̇т̇и ‘‘сагаран̣ийяо баггамад̇ий’’д̇и (махаава. 207) вуд̇д̇ад̇д̇аа. саб̣б̣ат̇аа бана аабхог̇ам̣ агад̇ваа г̇ад̇асса вассажчзд̣̇од̇и вад̣̇анд̇и. яо бана сад̇д̇аахагаран̣ийяанимид̇д̇аабхаавзби ‘‘сад̇д̇аахаб̣бханд̇арз ааг̇амиссаамий’’д̇и аабхог̇ам̣ гад̇ваа г̇анд̇ваа сад̇д̇аахаб̣бханд̇арз ааг̇ажчад̇и, д̇асса аабад̇д̇иязва, вассажчзд̣̇о над̇т̇и сад̇д̇аахасса саннивад̇д̇ад̇д̇аад̇и вад̣̇анд̇и. виймам̣сид̇ваа г̇ахзд̇аб̣б̣ам̣. бхан̣д̣аганд̇и жийварабхан̣д̣ам̣. самбаабун̣ид̇ум̣ на саггод̇и, ваддад̇ийд̇и д̇ад̣̇ахзва ааг̇аманз сауссаахад̇д̇аа вассажчзд̣̇о ваа аабад̇д̇и ваа на ход̇ийд̇и ад̇хиббааяо. аажарияанд̇и аг̇илаанамби ниссаяаажарияан̃жа д̇хаммаажарияан̃жа, баг̇зва убасамбад̣̇аажарияаубаж̇жхааязсу. вад̣̇ад̇и, ваддад̇ийд̇и сад̇д̇аахаад̇иггамз аабад̇д̇иабхаавам̣ санд̇хааяа вуд̇д̇ам̣, вассажчзд̣̇о бана ход̇и зва.
Ratticchedavinicchayoti sattāhakaraṇīyena gantvā bahiddhā aruṇuṭṭhāpanasaṅkhātassa ratticchedassa vinicchayo. Gantuṃ vaṭṭatīti antoupacārasīmāyaṃ ṭhiteneva sattāhakaraṇīyanimittaṃ sallakkhetvā iminā nimittena gantvā ‘‘antosattāhe āgacchissāmī’’ti ābhogaṃ katvā gantuṃ vaṭṭati. Purimakkhaṇe ābhogaṃ katvā gamanakkhaṇe vissaritvā gatepi doso natthi ‘‘sakaraṇīyo pakkamatī’’ti (mahāva. 207) vuttattā. Sabbathā pana ābhogaṃ akatvā gatassa vassacchedoti vadanti. Yo pana sattāhakaraṇīyanimittābhāvepi ‘‘sattāhabbhantare āgamissāmī’’ti ābhogaṃ katvā gantvā sattāhabbhantare āgacchati, tassa āpattiyeva, vassacchedo natthi sattāhassa sannivattattāti vadanti. Vīmaṃsitvā gahetabbaṃ. Bhaṇḍakanti cīvarabhaṇḍaṃ. Sampāpuṇituṃ na sakkoti, vaṭṭatīti tadaheva āgamane saussāhattā vassacchedo vā āpatti vā na hotīti adhippāyo. Ācariyanti agilānampi nissayācariyañca dhammācariyañca, pageva upasampadācariyaupajjhāyesu. Vadati, vaṭṭatīti sattāhātikkame āpattiabhāvaṃ sandhāya vuttaṃ, vassacchedo pana hoti eva.
бахид̇зязваануж̇аананагат̇ааван̣н̣анаа нидтид̇аа.
Pahiteyevaanujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 112. бахид̇зязва ануж̇аананаа • 112. Pahiteyeva anujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бахид̇зязваануж̇аананагат̇аа • Pahiteyevaanujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бахид̇зязва ануж̇аананагат̇ааван̣н̣анаа • Pahiteyeva anujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бахид̇зязваануж̇аананагат̇ааван̣н̣анаа • Pahiteyevaanujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 112. бахид̇зязваануж̇аананагат̇аа • 112. Pahiteyevaanujānanakathā
