| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ
Pahiteyevaanujānanakathāvaṇṇanā
੧੯੯. ‘‘ਅਨੁਜਾਨਾਮਿ ਭਿਕ੍ਖવੇ, ਸਙ੍ਘਕਰਣੀਯੇਨ ਗਨ੍ਤੁਂ, ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ’’ਤਿ વਚਨਤੋ ਅਨ੍ਤੋવਸ੍ਸੇ ਸਂਹਾਰਿਕਭਾવੇਨ ਗਨ੍ਤੁਂ વਟ੍ਟਤਿ। ਤਤ੍ਥ ਧਮ੍ਮਛਨ੍ਦવਸੇਨਪਿ ਆਗਤੇ ਸਙ੍ਘਸ੍ਸ ਆਯਮੁਖਂ વਿਨਸ੍ਸਤਿ। ਤਤੋ ‘‘ਸੇਨਾਸਨਾਨਿ ਕਤ੍વਾ’’ਤਿ ਚ વੁਤ੍ਤਂ। ਆਗਤਨ੍ਤਿ ਆਗਮਨਂ। ਭਾવੇਤ੍ਥ ਤਪਚ੍ਚਯੋਯਂ। ਸਙ੍ਘਕਰਣੀਯੇਨ ਗਨ੍ਤੁਨ੍ਤਿ ਏਤ੍ਥ ‘‘ਸੇਨਾਸਨਪਟਿਸਂਯੁਤ੍ਤੇਸੁ ਏવ ਸਙ੍ਘਕਰਣੀਯੇਸੁ, ਨ ਅਞ੍ਞੇਸੂ’’ਤਿ ਧਮ੍ਮਸਿਰਿਤ੍ਥੇਰੋ વਦਤਿ ਕਿਰ। ਅਟ੍ਠਕਥਾਯਮ੍ਪਿ ਤਂ ਪਦਂ ਉਦ੍ਧਰਿਤ੍વਾ ‘‘ਯਂ ਕਿਞ੍ਚਿ ਉਪੋਸਥਾਗਾਰਾਦੀਸੁ ਸੇਨਾਸਨੇਸੂ’’ਤਿਆਦਿਨਾ ਸੇਨਾਸਨਮੇવ ਦਸ੍ਸਿਤਂ, ਤਸ੍ਮਾ ਉਪਪਰਿਕ੍ਖਿਤਬ੍ਬਂ।
199. ‘‘Anujānāmi bhikkhave, saṅghakaraṇīyena gantuṃ, sattāhaṃ sannivatto kātabbo’’ti vacanato antovasse saṃhārikabhāvena gantuṃ vaṭṭati. Tattha dhammachandavasenapi āgate saṅghassa āyamukhaṃ vinassati. Tato ‘‘senāsanāni katvā’’ti ca vuttaṃ. Āgatanti āgamanaṃ. Bhāvettha tapaccayoyaṃ. Saṅghakaraṇīyena gantunti ettha ‘‘senāsanapaṭisaṃyuttesu eva saṅghakaraṇīyesu, na aññesū’’ti dhammasiritthero vadati kira. Aṭṭhakathāyampi taṃ padaṃ uddharitvā ‘‘yaṃ kiñci uposathāgārādīsu senāsanesū’’tiādinā senāsanameva dassitaṃ, tasmā upaparikkhitabbaṃ.
ਅਨਿਮਨ੍ਤਿਤੇਨ ਗਨ੍ਤੁਂ ਨ વਟ੍ਟਤੀਤਿ ਤਸ੍ਸ ਰਤ੍ਤਿਚ੍ਛੇਦੋ ਚ ਦੁਕ੍ਕਟਾਪਤ੍ਤਿ ਚ ਹੋਤਿ, ਤਂ ‘‘વਸ੍ਸਚ੍ਛੇਦੋ’’ਤਿ ਚ વਦਨ੍ਤਿ। ਨਿਮਨ੍ਤਿਤੋਯੇવ ਨਾਮ ਹੋਤੀਤਿ ਏਤ੍ਥ ਉਪਾਸਕੇਹਿ ‘‘ਇਮਸ੍ਮਿਂ ਨਾਮ ਦਿવਸੇ ਦਾਨਾਦੀਨਿ ਕਰੋਮ, ਸਬ੍ਬੇ ਸਨ੍ਨਿਪਤਨ੍ਤੂ’’ਤਿ ਕਤਾਯਪਿ ਕਤਿਕਾਯ ਗਨ੍ਤੁਂ વਟ੍ਟਤਿ। ਪવਾਰਣਾਯ ਨવਮਿਤੋ ਪਟ੍ਠਾਯ ਪਂਸੁਕੂਲਿਕਚੀવਰਂ ਪਰਿਯੇਸਿਤੁਂ ਕਾવੀਰਪਟ੍ਟਨੇ વਿਯ ਸਬ੍ਬੇਸਂ ਗਨ੍ਤੁਂ વਟ੍ਟਤਿ ਅਨੁਸਂવਚ੍ਛਰਂ ਨਿਯਮਤੋ ਉਪਾਸਕੇਹਿ ਸਜ੍ਜਿਤ੍વਾ ਠਪਨਤੋ। વੁਤ੍ਤਮ੍ਪਿ ਚੇਤਂ ਅਨ੍ਧਕਟ੍ਠਕਥਾਯਂ ‘‘ਭਿਕ੍ਖੁਸਙ੍ਘੇਨ વਾ ਕਤਿਕਾ ਕਤਾ ‘ਸਮਨ੍ਤਾ ਭਿਕ੍ਖੂ ਗਚ੍ਛਨ੍ਤੂ’ਤਿ, ਘੋਸਨਂ વਾ ਕਤਂ ਉਪਾਸਕੇਹਿ, ਤਤ੍ਥ ਗਚ੍ਛਨ੍ਤਸ੍ਸ ਰਤ੍ਤਿਚ੍ਛੇਦੋ ਨਤ੍ਥੀਤਿ ਤਥਾ ‘ਅਨੁਸਂવਚ੍ਛਰਂ ਆਗਚ੍ਛਨ੍ਤੂ’ਤਿ ਸਕਿਂ ਨਿਮਨ੍ਤਿਤੇਪਿ વਟ੍ਟਤੀ’’ਤਿ ਚ ‘‘ਚੀવਰਕਾਲਤੋ ਪਟ੍ਠਾਯ ਨਿਯਮਂ ਕਤ੍વਾ ਸਮਨ੍ਤਤੋ ਆਗਤਾਨਂ ਸਜ੍ਜੇਤ੍વਾ ਦਾਨਤੋ ਕਾવੀਰਪਟ੍ਟਨੇ ਘੋਸੇਤ੍વਾ ਕਰਣਾਕਾਰੋ ਪਞ੍ਞਾਯਤੀਤਿ ਅਪਰੇ’’ਤਿ ਚ। ਆਚਰਿਯਾ ਪਨ ਏવਂ ਨ વਦਨ੍ਤਿ।
Animantitena gantuṃ na vaṭṭatīti tassa ratticchedo ca dukkaṭāpatti ca hoti, taṃ ‘‘vassacchedo’’ti ca vadanti. Nimantitoyeva nāma hotīti ettha upāsakehi ‘‘imasmiṃ nāma divase dānādīni karoma, sabbe sannipatantū’’ti katāyapi katikāya gantuṃ vaṭṭati. Pavāraṇāya navamito paṭṭhāya paṃsukūlikacīvaraṃ pariyesituṃ kāvīrapaṭṭane viya sabbesaṃ gantuṃ vaṭṭati anusaṃvaccharaṃ niyamato upāsakehi sajjitvā ṭhapanato. Vuttampi cetaṃ andhakaṭṭhakathāyaṃ ‘‘bhikkhusaṅghena vā katikā katā ‘samantā bhikkhū gacchantū’ti, ghosanaṃ vā kataṃ upāsakehi, tattha gacchantassa ratticchedo natthīti tathā ‘anusaṃvaccharaṃ āgacchantū’ti sakiṃ nimantitepi vaṭṭatī’’ti ca ‘‘cīvarakālato paṭṭhāya niyamaṃ katvā samantato āgatānaṃ sajjetvā dānato kāvīrapaṭṭane ghosetvā karaṇākāro paññāyatīti apare’’ti ca. Ācariyā pana evaṃ na vadanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੨. ਪਹਿਤੇਯੇવ ਅਨੁਜਾਨਨਾ • 112. Pahiteyeva anujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਹਿਤੇਯੇવਅਨੁਜਾਨਨਕਥਾ • Pahiteyevaanujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਹਿਤੇਯੇવ ਅਨੁਜਾਨਨਕਥਾવਣ੍ਣਨਾ • Pahiteyeva anujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਹਿਤੇਯੇવਅਨੁਜਾਨਨਕਥਾવਣ੍ਣਨਾ • Pahiteyevaanujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੨. ਪਹਿਤੇਯੇવਅਨੁਜਾਨਨਕਥਾ • 112. Pahiteyevaanujānanakathā
