| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
207. баж̇ж̇од̇арааж̇авад̇т̇у
207. Pajjotarājavatthu
334. д̇зна ко бана самаязна ран̃н̃о 1 баж̇ж̇од̇асса бан̣д̣урог̇ааб̣аад̇хо ход̇и. б̣ахуу маханд̇аа маханд̇аа д̣̇исаабаамогкаа взж̇ж̇аа ааг̇анд̇ваа наасагким̣су арог̇ам̣ гаад̇ум̣. б̣ахум̣ хиран̃н̃ам̣ аад̣̇ааяа аг̇амам̣су. ат̇а ко рааж̇аа баж̇ж̇од̇о ран̃н̃о мааг̇ад̇хасса сзнияасса б̣имб̣исаарасса санд̇игз д̣̇ууд̇ам̣ баахзси – ‘‘маяхам̣ ко д̇аад̣̇исо ааб̣аад̇хо, саад̇ху д̣̇зво ж̇ийвагам̣ взж̇ж̇ам̣ аан̣аабзд̇у, со мам̣ д̇игижчиссад̇ий’’д̇и. ат̇а ко рааж̇аа мааг̇ад̇хо сзнияо б̣имб̣исааро ж̇ийвагам̣ гомаарабхажжам̣ аан̣аабзси – ‘‘г̇ажча, бхан̣з ж̇ийвага; уж̇ж̇зним̣ г̇анд̇ваа рааж̇аанам̣ баж̇ж̇од̇ам̣ д̇игижчаахий’’д̇и. ‘‘звам̣, д̣̇зваа’’д̇и ко ж̇ийваго гомаарабхажжо ран̃н̃о мааг̇ад̇хасса сзнияасса б̣имб̣исаарасса бадиссуд̇ваа уж̇ж̇зним̣ г̇анд̇ваа язна рааж̇аа баж̇ж̇од̇о д̇знубасан̇гами; убасан̇гамид̇ваа ран̃н̃о баж̇ж̇од̇асса вигаарам̣ саллагкзд̇ваа рааж̇аанам̣ баж̇ж̇од̇ам̣ зд̇ад̣̇авожа – ‘‘саббим̣ д̣̇зхи 2, саббим̣ д̣̇зва, ниббажиссаами. д̇ам̣ д̣̇зво бивиссад̇ий’’д̇и. ‘‘алам̣, бхан̣з ж̇ийвага, яам̣ д̇з саггаа винаа саббинаа арог̇ам̣ гаад̇ум̣ д̇ам̣ гарохи. ж̇зг̇ужчам̣ мз сабби, бадигуула’’нд̇и. ат̇а ко ж̇ийвагасса гомаарабхажжасса зд̇ад̣̇ахоси – ‘‘имасса ко ран̃н̃о д̇аад̣̇исо ааб̣аад̇хо , на саггаа винаа саббинаа арог̇ам̣ гаад̇ум̣. яам̣нуунаахам̣ саббим̣ ниббажзяяам̣ гасаававан̣н̣ам̣ гасааваг̇анд̇хам̣ гасаавараса’’нд̇и. ат̇а ко ж̇ийваго гомаарабхажжо наанаабхзсаж̇ж̇зхи саббим̣ ниббажи гасаававан̣н̣ам̣ гасааваг̇анд̇хам̣ гасааварасам̣. ат̇а ко ж̇ийвагасса гомаарабхажжасса зд̇ад̣̇ахоси – ‘‘имасса ко ран̃н̃о сабби бийд̇ам̣ барин̣аамзнд̇ам̣ уд̣̇д̣̇згам̣ д̣̇ассад̇и. жан̣д̣ояам̣ рааж̇аа гхаад̇аабзяяааби мам̣. яам̣нуунаахам̣ бадигажжзва аабужчзяяа’’нд̇и. ат̇а ко ж̇ийваго гомаарабхажжо язна рааж̇аа баж̇ж̇од̇о д̇знубасан̇гами, убасан̇гамид̇ваа рааж̇аанам̣ баж̇ж̇од̇ам̣ зд̇ад̣̇авожа – ‘‘маяам̣ ко, д̣̇зва, взж̇ж̇аа наама д̇аад̣̇исзна мухуд̇д̇зна муулаани уд̣̇д̇хараама бхзсаж̇ж̇аани сам̣хараама. саад̇ху д̣̇зво вааханааг̇аарзсу жа д̣̇ваарзсу жа аан̣аабзд̇у – язна вааханзна ж̇ийваго ижчад̇и д̇зна вааханзна г̇ажчад̇у, язна д̣̇ваарзна ижчад̇и д̇зна д̣̇ваарзна г̇ажчад̇у, яам̣ гаалам̣ ижчад̇и д̇ам̣ гаалам̣ г̇ажчад̇у, яам̣ гаалам̣ ижчад̇и д̇ам̣ гаалам̣ бависад̇уу’’д̇и. ат̇а ко рааж̇аа баж̇ж̇од̇о вааханааг̇аарзсу жа д̣̇ваарзсу жа аан̣аабзси – ‘‘язна вааханзна ж̇ийваго ижчад̇и д̇зна вааханзна г̇ажчад̇у, язна д̣̇ваарзна ижчад̇и д̇зна д̣̇ваарзна г̇ажчад̇у, яам̣ гаалам̣ ижчад̇и д̇ам̣ гаалам̣ г̇ажчад̇у, яам̣ гаалам̣ ижчад̇и д̇ам̣ гаалам̣ бависад̇уу’’д̇и.
334. Tena kho pana samayena rañño 3 pajjotassa paṇḍurogābādho hoti. Bahū mahantā mahantā disāpāmokkhā vejjā āgantvā nāsakkhiṃsu arogaṃ kātuṃ. Bahuṃ hiraññaṃ ādāya agamaṃsu. Atha kho rājā pajjoto rañño māgadhassa seniyassa bimbisārassa santike dūtaṃ pāhesi – ‘‘mayhaṃ kho tādiso ābādho, sādhu devo jīvakaṃ vejjaṃ āṇāpetu, so maṃ tikicchissatī’’ti. Atha kho rājā māgadho seniyo bimbisāro jīvakaṃ komārabhaccaṃ āṇāpesi – ‘‘gaccha, bhaṇe jīvaka; ujjeniṃ gantvā rājānaṃ pajjotaṃ tikicchāhī’’ti. ‘‘Evaṃ, devā’’ti kho jīvako komārabhacco rañño māgadhassa seniyassa bimbisārassa paṭissutvā ujjeniṃ gantvā yena rājā pajjoto tenupasaṅkami; upasaṅkamitvā rañño pajjotassa vikāraṃ sallakkhetvā rājānaṃ pajjotaṃ etadavoca – ‘‘sappiṃ dehi 4, sappiṃ deva, nippacissāmi. Taṃ devo pivissatī’’ti. ‘‘Alaṃ, bhaṇe jīvaka, yaṃ te sakkā vinā sappinā arogaṃ kātuṃ taṃ karohi. Jegucchaṃ me sappi, paṭikūla’’nti. Atha kho jīvakassa komārabhaccassa etadahosi – ‘‘imassa kho rañño tādiso ābādho , na sakkā vinā sappinā arogaṃ kātuṃ. Yaṃnūnāhaṃ sappiṃ nippaceyyaṃ kasāvavaṇṇaṃ kasāvagandhaṃ kasāvarasa’’nti. Atha kho jīvako komārabhacco nānābhesajjehi sappiṃ nippaci kasāvavaṇṇaṃ kasāvagandhaṃ kasāvarasaṃ. Atha kho jīvakassa komārabhaccassa etadahosi – ‘‘imassa kho rañño sappi pītaṃ pariṇāmentaṃ uddekaṃ dassati. Caṇḍoyaṃ rājā ghātāpeyyāpi maṃ. Yaṃnūnāhaṃ paṭikacceva āpuccheyya’’nti. Atha kho jīvako komārabhacco yena rājā pajjoto tenupasaṅkami, upasaṅkamitvā rājānaṃ pajjotaṃ etadavoca – ‘‘mayaṃ kho, deva, vejjā nāma tādisena muhuttena mūlāni uddharāma bhesajjāni saṃharāma. Sādhu devo vāhanāgāresu ca dvāresu ca āṇāpetu – yena vāhanena jīvako icchati tena vāhanena gacchatu, yena dvārena icchati tena dvārena gacchatu, yaṃ kālaṃ icchati taṃ kālaṃ gacchatu, yaṃ kālaṃ icchati taṃ kālaṃ pavisatū’’ti. Atha kho rājā pajjoto vāhanāgāresu ca dvāresu ca āṇāpesi – ‘‘yena vāhanena jīvako icchati tena vāhanena gacchatu, yena dvārena icchati tena dvārena gacchatu, yaṃ kālaṃ icchati taṃ kālaṃ gacchatu, yaṃ kālaṃ icchati taṃ kālaṃ pavisatū’’ti.
д̇зна ко бана самаязна ран̃н̃о баж̇ж̇од̇асса бхад̣̇д̣̇авад̇игаа наама хад̇т̇инигаа бан̃н̃аасаяож̇анигаа ход̇и. ат̇а ко ж̇ийваго гомаарабхажжо ран̃н̃о баж̇ж̇од̇асса саббим̣ 5 убанаамзси – ‘‘гасаавам̣ д̣̇зво бивад̇уу’’д̇и. ат̇а ко ж̇ийваго гомаарабхажжо рааж̇аанам̣ баж̇ж̇од̇ам̣ саббим̣ бааязд̇ваа хад̇т̇исаалам̣ г̇анд̇ваа бхад̣̇д̣̇авад̇игааяа хад̇т̇инигааяа наг̇арамхаа ниббад̇и .
Tena kho pana samayena rañño pajjotassa bhaddavatikā nāma hatthinikā paññāsayojanikā hoti. Atha kho jīvako komārabhacco rañño pajjotassa sappiṃ 6 upanāmesi – ‘‘kasāvaṃ devo pivatū’’ti. Atha kho jīvako komārabhacco rājānaṃ pajjotaṃ sappiṃ pāyetvā hatthisālaṃ gantvā bhaddavatikāya hatthinikāya nagaramhā nippati .
ат̇а ко ран̃н̃о баж̇ж̇од̇асса д̇ам̣ сабби бийд̇ам̣ барин̣аамзнд̇ам̣ уд̣̇д̣̇згам̣ ад̣̇ааси. ат̇а ко рааж̇аа баж̇ж̇од̇о мануссз зд̇ад̣̇авожа – ‘‘д̣̇удтзна, бхан̣з, ж̇ийвагзна саббим̣ бааяид̇омхи. д̇зна хи, бхан̣з, ж̇ийвагам̣ взж̇ж̇ам̣ вижинат̇аа’’д̇и. ‘‘бхад̣̇д̣̇авад̇игааяа, д̣̇зва, хад̇т̇инигааяа наг̇арамхаа ниббад̇ид̇о’’д̇и. д̇зна ко бана самаязна ран̃н̃о баж̇ж̇од̇асса гааго наама д̣̇аасо садтияож̇аниго ход̇и, амануссзна бадижжа ж̇аад̇о. ат̇а ко рааж̇аа баж̇ж̇од̇о гаагам̣ д̣̇аасам̣ аан̣аабзси – ‘‘г̇ажча, бхан̣з гаага, ж̇ийвагам̣ взж̇ж̇ам̣ нивад̇д̇зхи – рааж̇аа д̇ам̣, аажарияа, нивад̇д̇аабзд̇ийд̇и. зд̇з ко, бхан̣з гаага, взж̇ж̇аа наама б̣ахумааяаа. маа жасса гин̃жи бадиг̇г̇ахзсий’’д̇и.
Atha kho rañño pajjotassa taṃ sappi pītaṃ pariṇāmentaṃ uddekaṃ adāsi. Atha kho rājā pajjoto manusse etadavoca – ‘‘duṭṭhena, bhaṇe, jīvakena sappiṃ pāyitomhi. Tena hi, bhaṇe, jīvakaṃ vejjaṃ vicinathā’’ti. ‘‘Bhaddavatikāya, deva, hatthinikāya nagaramhā nippatito’’ti. Tena kho pana samayena rañño pajjotassa kāko nāma dāso saṭṭhiyojaniko hoti, amanussena paṭicca jāto. Atha kho rājā pajjoto kākaṃ dāsaṃ āṇāpesi – ‘‘gaccha, bhaṇe kāka, jīvakaṃ vejjaṃ nivattehi – rājā taṃ, ācariya, nivattāpetīti. Ete kho, bhaṇe kāka, vejjā nāma bahumāyā. Mā cassa kiñci paṭiggahesī’’ti.
ат̇а ко гааго д̣̇аасо ж̇ийвагам̣ гомаарабхажжам̣ анд̇араамаг̇г̇з госамб̣ияам̣ самбхаавзси
Atha kho kāko dāso jīvakaṃ komārabhaccaṃ antarāmagge kosambiyaṃ sambhāvesi
баад̇араасам̣ гаронд̇ам̣. ат̇а ко гааго д̣̇аасо ж̇ийвагам̣ гомаарабхажжам̣ зд̇ад̣̇авожа – ‘‘рааж̇аа д̇ам̣, аажарияа, нивад̇д̇аабзд̇ий’’д̇и. ‘‘ааг̇амзхи, бхан̣з гаага, яаава бхун̃ж̇аама 7. ханд̣̇а, бхан̣з гаага, бхун̃ж̇ассуу’’д̇и. ‘‘алам̣, аажарияа, ран̃н̃аамхи аан̣ад̇д̇о – зд̇з ко, бхан̣з гаага, взж̇ж̇аа наама б̣ахумааяаа, маа жасса гин̃жи бадиг̇г̇ахзсий’’д̇и. д̇зна ко бана самаязна ж̇ийваго гомаарабхажжо накзна бхзсаж̇ж̇ам̣ олумбзд̇ваа аамалаган̃жа каад̣̇ад̇и баанийяан̃жа бивад̇и. ат̇а ко ж̇ийваго гомаарабхажжо гаагам̣ д̣̇аасам̣ зд̇ад̣̇авожа – ‘‘ханд̣̇а, бхан̣з гаага, аамалаган̃жа каад̣̇а баанийяан̃жа бивассуу’’д̇и. ат̇а ко гааго д̣̇аасо – аяам̣ ко взж̇ж̇о аамалаган̃жа каад̣̇ад̇и баанийяан̃жа бивад̇и, на арахад̇и гин̃жи баабагам̣ ход̇унд̇и – убад̣дхаамалаган̃жа каад̣̇и баанийяан̃жа абааяи. д̇асса д̇ам̣ убад̣дхаамалагам̣ каад̣̇ид̇ам̣ д̇ад̇т̇зва нижчаарзси. ат̇а ко гааго д̣̇аасо ж̇ийвагам̣ гомаарабхажжам̣ зд̇ад̣̇авожа – ‘‘ад̇т̇и мз, аажарияа, ж̇ийвид̇а’’нд̇и? ‘‘маа, бхан̣з гаага, бхааяи, д̇вам̣ жзва арог̇о бхависсаси рааж̇аа жа. жан̣д̣о со рааж̇аа гхаад̇аабзяяааби мам̣, д̇знаахам̣ на нивад̇д̇аамий’’д̇и бхад̣̇д̣̇авад̇игам̣ хад̇т̇инигам̣ гаагасса нияяаад̣̇зд̇ваа язна рааж̇аг̇ахам̣ д̇зна баггаами. анубуб̣б̣зна язна рааж̇аа мааг̇ад̇хо сзнияо б̣имб̣исааро д̇знубасан̇гами; убасан̇гамид̇ваа ран̃н̃о мааг̇ад̇хасса сзнияасса б̣имб̣исаарасса зд̇амад̇т̇ам̣ аарожзси. ‘‘судту, бхан̣з ж̇ийвага, агааси яамби на нивад̇д̇о, жан̣д̣о со рааж̇аа гхаад̇аабзяяааби д̇а’’нд̇и. ат̇а ко рааж̇аа баж̇ж̇од̇о арог̇о самаано ж̇ийвагасса гомаарабхажжасса санд̇игз д̣̇ууд̇ам̣ баахзси – ‘‘ааг̇ажчад̇у ж̇ийваго, варам̣ д̣̇ассаамий’’д̇и. ‘‘алам̣, аяяо 8, ад̇хигаарам̣ мз д̣̇зво сарад̇уу’’д̇и.
Pātarāsaṃ karontaṃ. Atha kho kāko dāso jīvakaṃ komārabhaccaṃ etadavoca – ‘‘rājā taṃ, ācariya, nivattāpetī’’ti. ‘‘Āgamehi, bhaṇe kāka, yāva bhuñjāma 9. Handa, bhaṇe kāka, bhuñjassū’’ti. ‘‘Alaṃ, ācariya, raññāmhi āṇatto – ete kho, bhaṇe kāka, vejjā nāma bahumāyā, mā cassa kiñci paṭiggahesī’’ti. Tena kho pana samayena jīvako komārabhacco nakhena bhesajjaṃ olumpetvā āmalakañca khādati pānīyañca pivati. Atha kho jīvako komārabhacco kākaṃ dāsaṃ etadavoca – ‘‘handa, bhaṇe kāka, āmalakañca khāda pānīyañca pivassū’’ti. Atha kho kāko dāso – ayaṃ kho vejjo āmalakañca khādati pānīyañca pivati, na arahati kiñci pāpakaṃ hotunti – upaḍḍhāmalakañca khādi pānīyañca apāyi. Tassa taṃ upaḍḍhāmalakaṃ khāditaṃ tattheva nicchāresi. Atha kho kāko dāso jīvakaṃ komārabhaccaṃ etadavoca – ‘‘atthi me, ācariya, jīvita’’nti? ‘‘Mā, bhaṇe kāka, bhāyi, tvaṃ ceva arogo bhavissasi rājā ca. Caṇḍo so rājā ghātāpeyyāpi maṃ, tenāhaṃ na nivattāmī’’ti bhaddavatikaṃ hatthinikaṃ kākassa niyyādetvā yena rājagahaṃ tena pakkāmi. Anupubbena yena rājā māgadho seniyo bimbisāro tenupasaṅkami; upasaṅkamitvā rañño māgadhassa seniyassa bimbisārassa etamatthaṃ ārocesi. ‘‘Suṭṭhu, bhaṇe jīvaka, akāsi yampi na nivatto, caṇḍo so rājā ghātāpeyyāpi ta’’nti. Atha kho rājā pajjoto arogo samāno jīvakassa komārabhaccassa santike dūtaṃ pāhesi – ‘‘āgacchatu jīvako, varaṃ dassāmī’’ti. ‘‘Alaṃ, ayyo 10, adhikāraṃ me devo saratū’’ti.
баж̇ж̇од̇арааж̇авад̇т̇у нидтид̇ам̣.
Pajjotarājavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баж̇ж̇од̇арааж̇авад̇т̇угат̇аа • Pajjotarājavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баж̇ж̇од̇арааж̇авад̇т̇угат̇аад̣̇иван̣н̣анаа • Pajjotarājavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баж̇ж̇од̇арааж̇авад̇т̇угат̇ааван̣н̣анаа • Pajjotarājavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 207. баж̇ж̇од̇арааж̇авад̇т̇угат̇аа • 207. Pajjotarājavatthukathā
