| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பஜ்ஜோதராஜவத்து²கதா²
Pajjotarājavatthukathā
334. ஜேகு³ச்ச²ங் மே ஸப்பீதி அயங் கிர ராஜா விச்சி²கஸ்ஸ ஜாதோ, விச்சி²கவிஸபடிகா⁴தாய ச ஸப்பி பே⁴ஸஜ்ஜங் ஹோதி விச்சி²கானங் படிகூலங், தஸ்மா ஏவமாஹ. உத்³தே³கங் த³ஸ்ஸதீதி உக்³கா³ரங் த³ஸ்ஸதி. பஞ்ஞாஸ யோஜனிகா ஹோதீதி பஞ்ஞாஸ யோஜனானி க³ந்துங் ஸமத்தா² ஹோதி. ந கேவலஞ்சஸ்ஸ ரஞ்ஞோ ஹத்தி²னீயேவ, நாளாகி³ரி நாம ஹத்தீ² யோஜனஸதங் க³ச்ச²தி, சேலகண்ணோ ச முஞ்சகேஸோ சாதி த்³வே அஸ்ஸா வீஸயோஜனஸதங் க³ச்ச²ந்தி, காகோ தா³ஸோ ஸட்டி²யோஜனானி க³ச்ச²தி.
334.Jegucchaṃ me sappīti ayaṃ kira rājā vicchikassa jāto, vicchikavisapaṭighātāya ca sappi bhesajjaṃ hoti vicchikānaṃ paṭikūlaṃ, tasmā evamāha. Uddekaṃ dassatīti uggāraṃ dassati. Paññāsa yojanikā hotīti paññāsa yojanāni gantuṃ samatthā hoti. Na kevalañcassa rañño hatthinīyeva, nāḷāgiri nāma hatthī yojanasataṃ gacchati, celakaṇṇo ca muñcakeso cāti dve assā vīsayojanasataṃ gacchanti, kāko dāso saṭṭhiyojanāni gacchati.
ஏகஸ்ஸ கிர குலபுத்தஸ்ஸ அனுப்பன்னே பு³த்³தே⁴ ஏகதி³வஸங் பு⁴ஞ்ஜிதுங் நிஸின்னஸ்ஸ பச்சேகபு³த்³தோ⁴ த்³வாரே ட²த்வா அக³மாஸி, தஸ்ஸேகோ புரிஸோ ‘‘பச்சேகபு³த்³தோ⁴ ஆக³ந்த்வா க³தோ’’தி ஆரோசேஸி. ஸோ ஸுத்வா ‘‘க³ச்ச², வேகே³ன பத்தங் ஆஹரா’’தி ஆஹராபெத்வா அத்தனோ ஸஜ்ஜிதங் ப⁴த்தங் ஸப்³ப³ங் த³த்வா பேஸேஸி. இதரோ தங் ஆஹரித்வா பச்சேகபு³த்³த⁴ஸ்ஸ ஹத்தே² ட²பெத்வா ‘‘அஹங் ப⁴ந்தே தும்ஹாகங் கதேன இமினா காயவெய்யாவதிகேன யத்த² யத்த² நிப்³ப³த்தோபி வாஹனஸம்பன்னோ ஹோமீ’’தி பத்த²னங் அகாஸி. ஸோ அயங் ஏதரஹி பஜ்ஜோதோ நாம ராஜா ஜாதோ, தாய பத்த²னாய அயங் வாஹனஸம்பத்தி.
Ekassa kira kulaputtassa anuppanne buddhe ekadivasaṃ bhuñjituṃ nisinnassa paccekabuddho dvāre ṭhatvā agamāsi, tasseko puriso ‘‘paccekabuddho āgantvā gato’’ti ārocesi. So sutvā ‘‘gaccha, vegena pattaṃ āharā’’ti āharāpetvā attano sajjitaṃ bhattaṃ sabbaṃ datvā pesesi. Itaro taṃ āharitvā paccekabuddhassa hatthe ṭhapetvā ‘‘ahaṃ bhante tumhākaṃ katena iminā kāyaveyyāvatikena yattha yattha nibbattopi vāhanasampanno homī’’ti patthanaṃ akāsi. So ayaṃ etarahi pajjoto nāma rājā jāto, tāya patthanāya ayaṃ vāhanasampatti.
ஸப்பிங் பாயெத்வாதி ஸப்பிஞ்ச பாயெத்வா; பரிசாரிகானஞ்ச ஆஹாராசாரே விதி⁴ங் ஆசிக்கி²த்வா. நகே²ன பே⁴ஸஜ்ஜங் ஓலும்பெத்வாதி நகே²ன பே⁴ஸஜ்ஜங் ஓத³ஹித்வா; பக்கி²பித்வாதி அத்தோ². நிச்சா²ரேஸீதி விரேசேஸி.
Sappiṃ pāyetvāti sappiñca pāyetvā; paricārikānañca āhārācāre vidhiṃ ācikkhitvā. Nakhena bhesajjaṃ olumpetvāti nakhena bhesajjaṃ odahitvā; pakkhipitvāti attho. Nicchāresīti virecesi.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 207. பஜ்ஜோதராஜவத்து² • 207. Pajjotarājavatthu
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஜ்ஜோதராஜவத்து²கதா²தி³வண்ணனா • Pajjotarājavatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஜ்ஜோதராஜவத்து²கதா²வண்ணனா • Pajjotarājavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 207. பஜ்ஜோதராஜவத்து²கதா² • 207. Pajjotarājavatthukathā
