| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
207. பஜ்ஜோதராஜவத்து²கதா²
207. Pajjotarājavatthukathā
334. விச்சி²கஸ்ஸ ஜாதோதி விச்சி²கஸ்ஸ காரணா ஜாதோ, விச்சி²கங் படிச்ச ஜாதோதி அத்தோ². ஸப்³பி³ ச பே⁴ஸஜ்ஜங் விச்சி²கானங் படிகூலங் ஹோதீதி யோஜனா. பஞ்ஞாஸயோஜனிகாதி எத்த² ணிகபச்சயஸ்ஸ க³ந்துங் ஸமத்த²த்தே² பவத்தபா⁴வங் த³ஸ்ஸெந்தோ ஆஹ ‘‘க³ந்துங் ஸமத்தோ² ஹோதீ’’தி. அஸ்ஸ ரஞ்ஞோதி சந்த³பஜ்ஜோதனாமகஸ்ஸ அஸ்ஸ ரஞ்ஞோ. ஹத்தி²னீயேவாதி ப⁴த்³த³வதிகா நாம ஹத்தி²னீயேவ. வீஸயோஜனஸதந்தி வீஸாதி⁴கங் யோஜனஸதங்.
334.Vicchikassa jātoti vicchikassa kāraṇā jāto, vicchikaṃ paṭicca jātoti attho. Sabbi ca bhesajjaṃ vicchikānaṃ paṭikūlaṃ hotīti yojanā. Paññāsayojanikāti ettha ṇikapaccayassa gantuṃ samatthatthe pavattabhāvaṃ dassento āha ‘‘gantuṃ samattho hotī’’ti. Assa raññoti candapajjotanāmakassa assa rañño. Hatthinīyevāti bhaddavatikā nāma hatthinīyeva. Vīsayojanasatanti vīsādhikaṃ yojanasataṃ.
பு⁴ஞ்ஜிதுங் நிஸின்னஸ்ஸ ஏகஸ்ஸ குலபுத்தஸ்ஸ த்³வாரேதி யோஜனா. தஸ்ஸாதி குலபுத்தஸ்ஸ, ஆரோசேஸீதி ஸம்ப³ந்தோ⁴. ஸோதி குலபுத்தோ, ‘‘ஆஹரா’’தி ஆணாபேஸீதி ஸம்ப³ந்தோ⁴. இதரோதி புரிஸோ. தந்தி பத்தங். யத்த² யத்தா²தி யஸ்மிங் யஸ்மிங் ப⁴வே. தத்த² தத்த² வாஹனஸம்பன்னோ ஹோமீதி யோஜனா. ஸோதி புரிஸோ. பஜ்ஜோதோ நாம அயங் ராஜா ஜாதோதி யோஜனா.
Bhuñjituṃ nisinnassa ekassa kulaputtassa dvāreti yojanā. Tassāti kulaputtassa, ārocesīti sambandho. Soti kulaputto, ‘‘āharā’’ti āṇāpesīti sambandho. Itaroti puriso. Tanti pattaṃ. Yattha yatthāti yasmiṃ yasmiṃ bhave. Tattha tattha vāhanasampanno homīti yojanā. Soti puriso. Pajjoto nāma ayaṃ rājā jātoti yojanā.
ஸப்³பி³ங் பாயெத்வாதி இத³ங் உபலக்க²ணமத்தந்தி த³ஸ்ஸெந்தோ ஆஹ ‘‘ஸப்³பி³ஞ்ச பாயெத்வா’’திஆதி³. ஸப்³பி³ஞ்ச பாயெத்வா, பரிசாரகானங் ஆஹாராசாரே விதி⁴ஞ்ச ஆசிக்கி²த்வாதி அத்தோ². ஓலும்பெத்வாதி லுபிதா⁴து ஓத³ஹனத்தோ²தி ஆஹ ‘‘ஓத³ஹித்வா’’தி. விரேசேஸீதி உத்³த⁴ஞ்ச அதோ⁴ ச விரேசேஸி.
Sabbiṃ pāyetvāti idaṃ upalakkhaṇamattanti dassento āha ‘‘sabbiñca pāyetvā’’tiādi. Sabbiñca pāyetvā, paricārakānaṃ āhārācāre vidhiñca ācikkhitvāti attho. Olumpetvāti lupidhātu odahanatthoti āha ‘‘odahitvā’’ti. Virecesīti uddhañca adho ca virecesi.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 207. பஜ்ஜோதராஜவத்து² • 207. Pajjotarājavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பஜ்ஜோதராஜவத்து²கதா² • Pajjotarājavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பஜ்ஜோதராஜவத்து²கதா²தி³வண்ணனா • Pajjotarājavatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பஜ்ஜோதராஜவத்து²கதா²வண்ணனா • Pajjotarājavatthukathāvaṇṇanā
