| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၂၀၇. ပဇ္ဇောတရာဇဝတ္ထုကထာ
207. Pajjotarājavatthukathā
၃၃၄. ဝိစ္ဆိကသ္သ ဇာတောတိ ဝိစ္ဆိကသ္သ ကာရဏာ ဇာတော, ဝိစ္ဆိကံ ပဋိစ္စ ဇာတောတိ အတ္ထော။ သဗ္ဗိ စ ဘေသဇ္ဇံ ဝိစ္ဆိကာနံ ပဋိကူလံ ဟောတီတိ ယောဇနာ။ ပညာသယောဇနိကာတိ ဧတ္ထ ဏိကပစ္စယသ္သ ဂန္တုံ သမတ္ထတ္ထေ ပဝတ္တဘာဝံ ဒသ္သေန္တော အာဟ ‘‘ဂန္တုံ သမတ္ထော ဟောတီ’’တိ။ အသ္သ ရညောတိ စန္ဒပဇ္ဇောတနာမကသ္သ အသ္သ ရညော။ ဟတ္ထိနီယေဝာတိ ဘဒ္ဒဝတိကာ နာမ ဟတ္ထိနီယေဝ။ ဝီသယောဇနသတန္တိ ဝီသာဓိကံ ယောဇနသတံ။
334.Vicchikassa jātoti vicchikassa kāraṇā jāto, vicchikaṃ paṭicca jātoti attho. Sabbi ca bhesajjaṃ vicchikānaṃ paṭikūlaṃ hotīti yojanā. Paññāsayojanikāti ettha ṇikapaccayassa gantuṃ samatthatthe pavattabhāvaṃ dassento āha ‘‘gantuṃ samattho hotī’’ti. Assa raññoti candapajjotanāmakassa assa rañño. Hatthinīyevāti bhaddavatikā nāma hatthinīyeva. Vīsayojanasatanti vīsādhikaṃ yojanasataṃ.
ဘုဉ္ဇိတုံ နိသိန္နသ္သ ဧကသ္သ ကုလပုတ္တသ္သ ဒ္ဝာရေတိ ယောဇနာ။ တသ္သာတိ ကုလပုတ္တသ္သ, အာရောစေသီတိ သမ္ဗန္ဓော။ သောတိ ကုလပုတ္တော, ‘‘အာဟရာ’’တိ အာဏာပေသီတိ သမ္ဗန္ဓော။ ဣတရောတိ ပုရိသော။ တန္တိ ပတ္တံ။ ယတ္ထ ယတ္ထာတိ ယသ္မိံ ယသ္မိံ ဘဝေ။ တတ္ထ တတ္ထ ဝာဟနသမ္ပန္နော ဟောမီတိ ယောဇနာ။ သောတိ ပုရိသော။ ပဇ္ဇောတော နာမ အယံ ရာဇာ ဇာတောတိ ယောဇနာ။
Bhuñjituṃ nisinnassa ekassa kulaputtassa dvāreti yojanā. Tassāti kulaputtassa, ārocesīti sambandho. Soti kulaputto, ‘‘āharā’’ti āṇāpesīti sambandho. Itaroti puriso. Tanti pattaṃ. Yattha yatthāti yasmiṃ yasmiṃ bhave. Tattha tattha vāhanasampanno homīti yojanā. Soti puriso. Pajjoto nāma ayaṃ rājā jātoti yojanā.
သဗ္ဗိံ ပာယေတ္ဝာတိ ဣဒံ ဥပလက္ခဏမတ္တန္တိ ဒသ္သေန္တော အာဟ ‘‘သဗ္ဗိဉ္စ ပာယေတ္ဝာ’’တိအာဒိ။ သဗ္ဗိဉ္စ ပာယေတ္ဝာ, ပရိစာရကာနံ အာဟာရာစာရေ ဝိဓိဉ္စ အာစိက္ခိတ္ဝာတိ အတ္ထော။ ဩလုမ္ပေတ္ဝာတိ လုပိဓာတု ဩဒဟနတ္ထောတိ အာဟ ‘‘ဩဒဟိတ္ဝာ’’တိ။ ဝိရေစေသီတိ ဥဒ္ဓဉ္စ အဓော စ ဝိရေစေသိ။
Sabbiṃ pāyetvāti idaṃ upalakkhaṇamattanti dassento āha ‘‘sabbiñca pāyetvā’’tiādi. Sabbiñca pāyetvā, paricārakānaṃ āhārācāre vidhiñca ācikkhitvāti attho. Olumpetvāti lupidhātu odahanatthoti āha ‘‘odahitvā’’ti. Virecesīti uddhañca adho ca virecesi.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၀၇. ပဇ္ဇောတရာဇဝတ္ထု • 207. Pajjotarājavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပဇ္ဇောတရာဇဝတ္ထုကထာ • Pajjotarājavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဇ္ဇောတရာဇဝတ္ထုကထာဒိဝဏ္ဏနာ • Pajjotarājavatthukathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပဇ္ဇောတရာဇဝတ္ထုကထာဝဏ္ဏနာ • Pajjotarājavatthukathāvaṇṇanā
