| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
207. පජ්‌ජොතරාජවත්‌ථුකථා
207. Pajjotarājavatthukathā
334. විච්‌ඡිකස්‌ස ජාතොති විච්‌ඡිකස්‌ස කාරණා ජාතො, විච්‌ඡිකං පටිච්‌ච ජාතොති අත්‌ථො. සබ්‌බි ච භෙසජ්‌ජං විච්‌ඡිකානං පටිකූලං හොතීති යොජනා. පඤ්‌ඤාසයොජනිකාති එත්‌ථ ණිකපච්‌චයස්‌ස ගන්‌තුං සමත්‌ථත්‌ථෙ පවත්‌තභාවං දස්‌සෙන්‌තො ආහ ‘‘ගන්‌තුං සමත්‌ථො හොතී’’ති. අස්‌ස රඤ්‌ඤොති චන්‌දපජ්‌ජොතනාමකස්‌ස අස්‌ස රඤ්‌ඤො. හත්‌ථිනීයෙවාති භද්‌දවතිකා නාම හත්‌ථිනීයෙව. වීසයොජනසතන්‌ති වීසාධිකං යොජනසතං.
334.Vicchikassa jātoti vicchikassa kāraṇā jāto, vicchikaṃ paṭicca jātoti attho. Sabbi ca bhesajjaṃ vicchikānaṃ paṭikūlaṃ hotīti yojanā. Paññāsayojanikāti ettha ṇikapaccayassa gantuṃ samatthatthe pavattabhāvaṃ dassento āha ‘‘gantuṃ samattho hotī’’ti. Assa raññoti candapajjotanāmakassa assa rañño. Hatthinīyevāti bhaddavatikā nāma hatthinīyeva. Vīsayojanasatanti vīsādhikaṃ yojanasataṃ.
භුඤ්‌ජිතුං නිසින්‌නස්‌ස එකස්‌ස කුලපුත්‌තස්‌ස ද්‌වාරෙති යොජනා. තස්‌සාති කුලපුත්‌තස්‌ස, ආරොචෙසීති සම්‌බන්‌ධො. සොති කුලපුත්‌තො, ‘‘ආහරා’’ති ආණාපෙසීති සම්‌බන්‌ධො. ඉතරොති පුරිසො. තන්‌ති පත්‌තං. යත්‌ථ යත්‌ථාති යස්‌මිං යස්‌මිං භවෙ. තත්‌ථ තත්‌ථ වාහනසම්‌පන්‌නො හොමීති යොජනා. සොති පුරිසො. පජ්‌ජොතො නාම අයං රාජා ජාතොති යොජනා.
Bhuñjituṃ nisinnassa ekassa kulaputtassa dvāreti yojanā. Tassāti kulaputtassa, ārocesīti sambandho. Soti kulaputto, ‘‘āharā’’ti āṇāpesīti sambandho. Itaroti puriso. Tanti pattaṃ. Yattha yatthāti yasmiṃ yasmiṃ bhave. Tattha tattha vāhanasampanno homīti yojanā. Soti puriso. Pajjoto nāma ayaṃ rājā jātoti yojanā.
සබ්‌බිං පායෙත්‌වාති ඉදං උපලක්‌ඛණමත්‌තන්‌ති දස්‌සෙන්‌තො ආහ ‘‘සබ්‌බිඤ්‌ච පායෙත්‌වා’’තිආදි. සබ්‌බිඤ්‌ච පායෙත්‌වා, පරිචාරකානං ආහාරාචාරෙ විධිඤ්‌ච ආචික්‌ඛිත්‌වාති අත්‌ථො. ඔලුම්‌පෙත්‌වාති ලුපිධාතු ඔදහනත්‌ථොති ආහ ‘‘ඔදහිත්‌වා’’ති. විරෙචෙසීති උද්‌ධඤ්‌ච අධො ච විරෙචෙසි.
Sabbiṃ pāyetvāti idaṃ upalakkhaṇamattanti dassento āha ‘‘sabbiñca pāyetvā’’tiādi. Sabbiñca pāyetvā, paricārakānaṃ āhārācāre vidhiñca ācikkhitvāti attho. Olumpetvāti lupidhātu odahanatthoti āha ‘‘odahitvā’’ti. Virecesīti uddhañca adho ca virecesi.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 207. පජ්‌ජොතරාජවත්‌ථු • 207. Pajjotarājavatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පජ්‌ජොතරාජවත්‌ථුකථා • Pajjotarājavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පජ්‌ජොතරාජවත්‌ථුකථාදිවණ්‌ණනා • Pajjotarājavatthukathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පජ්‌ජොතරාජවත්‌ථුකථාවණ්‌ණනා • Pajjotarājavatthukathāvaṇṇanā
