| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਜ੍ਜੋਤਰਾਜવਤ੍ਥੁਕਥਾ
Pajjotarājavatthukathā
੩੩੪. ਜੇਗੁਚ੍ਛਂ ਮੇ ਸਪ੍ਪੀਤਿ ਅਯਂ ਕਿਰ ਰਾਜਾ વਿਚ੍ਛਿਕਸ੍ਸ ਜਾਤੋ, વਿਚ੍ਛਿਕવਿਸਪਟਿਘਾਤਾਯ ਚ ਸਪ੍ਪਿ ਭੇਸਜ੍ਜਂ ਹੋਤਿ વਿਚ੍ਛਿਕਾਨਂ ਪਟਿਕੂਲਂ, ਤਸ੍ਮਾ ਏવਮਾਹ। ਉਦ੍ਦੇਕਂ ਦਸ੍ਸਤੀਤਿ ਉਗ੍ਗਾਰਂ ਦਸ੍ਸਤਿ। ਪਞ੍ਞਾਸ ਯੋਜਨਿਕਾ ਹੋਤੀਤਿ ਪਞ੍ਞਾਸ ਯੋਜਨਾਨਿ ਗਨ੍ਤੁਂ ਸਮਤ੍ਥਾ ਹੋਤਿ। ਨ ਕੇવਲਞ੍ਚਸ੍ਸ ਰਞ੍ਞੋ ਹਤ੍ਥਿਨੀਯੇવ, ਨਾਲ਼ਾਗਿਰਿ ਨਾਮ ਹਤ੍ਥੀ ਯੋਜਨਸਤਂ ਗਚ੍ਛਤਿ, ਚੇਲਕਣ੍ਣੋ ਚ ਮੁਞ੍ਚਕੇਸੋ ਚਾਤਿ ਦ੍વੇ ਅਸ੍ਸਾ વੀਸਯੋਜਨਸਤਂ ਗਚ੍ਛਨ੍ਤਿ, ਕਾਕੋ ਦਾਸੋ ਸਟ੍ਠਿਯੋਜਨਾਨਿ ਗਚ੍ਛਤਿ।
334.Jegucchaṃ me sappīti ayaṃ kira rājā vicchikassa jāto, vicchikavisapaṭighātāya ca sappi bhesajjaṃ hoti vicchikānaṃ paṭikūlaṃ, tasmā evamāha. Uddekaṃ dassatīti uggāraṃ dassati. Paññāsa yojanikā hotīti paññāsa yojanāni gantuṃ samatthā hoti. Na kevalañcassa rañño hatthinīyeva, nāḷāgiri nāma hatthī yojanasataṃ gacchati, celakaṇṇo ca muñcakeso cāti dve assā vīsayojanasataṃ gacchanti, kāko dāso saṭṭhiyojanāni gacchati.
ਏਕਸ੍ਸ ਕਿਰ ਕੁਲਪੁਤ੍ਤਸ੍ਸ ਅਨੁਪ੍ਪਨ੍ਨੇ ਬੁਦ੍ਧੇ ਏਕਦਿવਸਂ ਭੁਞ੍ਜਿਤੁਂ ਨਿਸਿਨ੍ਨਸ੍ਸ ਪਚ੍ਚੇਕਬੁਦ੍ਧੋ ਦ੍વਾਰੇ ਠਤ੍વਾ ਅਗਮਾਸਿ, ਤਸ੍ਸੇਕੋ ਪੁਰਿਸੋ ‘‘ਪਚ੍ਚੇਕਬੁਦ੍ਧੋ ਆਗਨ੍ਤ੍વਾ ਗਤੋ’’ਤਿ ਆਰੋਚੇਸਿ। ਸੋ ਸੁਤ੍વਾ ‘‘ਗਚ੍ਛ, વੇਗੇਨ ਪਤ੍ਤਂ ਆਹਰਾ’’ਤਿ ਆਹਰਾਪੇਤ੍વਾ ਅਤ੍ਤਨੋ ਸਜ੍ਜਿਤਂ ਭਤ੍ਤਂ ਸਬ੍ਬਂ ਦਤ੍વਾ ਪੇਸੇਸਿ। ਇਤਰੋ ਤਂ ਆਹਰਿਤ੍વਾ ਪਚ੍ਚੇਕਬੁਦ੍ਧਸ੍ਸ ਹਤ੍ਥੇ ਠਪੇਤ੍વਾ ‘‘ਅਹਂ ਭਨ੍ਤੇ ਤੁਮ੍ਹਾਕਂ ਕਤੇਨ ਇਮਿਨਾ ਕਾਯવੇਯ੍ਯਾવਤਿਕੇਨ ਯਤ੍ਥ ਯਤ੍ਥ ਨਿਬ੍ਬਤ੍ਤੋਪਿ વਾਹਨਸਮ੍ਪਨ੍ਨੋ ਹੋਮੀ’’ਤਿ ਪਤ੍ਥਨਂ ਅਕਾਸਿ। ਸੋ ਅਯਂ ਏਤਰਹਿ ਪਜ੍ਜੋਤੋ ਨਾਮ ਰਾਜਾ ਜਾਤੋ, ਤਾਯ ਪਤ੍ਥਨਾਯ ਅਯਂ વਾਹਨਸਮ੍ਪਤ੍ਤਿ।
Ekassa kira kulaputtassa anuppanne buddhe ekadivasaṃ bhuñjituṃ nisinnassa paccekabuddho dvāre ṭhatvā agamāsi, tasseko puriso ‘‘paccekabuddho āgantvā gato’’ti ārocesi. So sutvā ‘‘gaccha, vegena pattaṃ āharā’’ti āharāpetvā attano sajjitaṃ bhattaṃ sabbaṃ datvā pesesi. Itaro taṃ āharitvā paccekabuddhassa hatthe ṭhapetvā ‘‘ahaṃ bhante tumhākaṃ katena iminā kāyaveyyāvatikena yattha yattha nibbattopi vāhanasampanno homī’’ti patthanaṃ akāsi. So ayaṃ etarahi pajjoto nāma rājā jāto, tāya patthanāya ayaṃ vāhanasampatti.
ਸਪ੍ਪਿਂ ਪਾਯੇਤ੍વਾਤਿ ਸਪ੍ਪਿਞ੍ਚ ਪਾਯੇਤ੍વਾ; ਪਰਿਚਾਰਿਕਾਨਞ੍ਚ ਆਹਾਰਾਚਾਰੇ વਿਧਿਂ ਆਚਿਕ੍ਖਿਤ੍વਾ। ਨਖੇਨ ਭੇਸਜ੍ਜਂ ਓਲੁਮ੍ਪੇਤ੍વਾਤਿ ਨਖੇਨ ਭੇਸਜ੍ਜਂ ਓਦਹਿਤ੍વਾ; ਪਕ੍ਖਿਪਿਤ੍વਾਤਿ ਅਤ੍ਥੋ। ਨਿਚ੍ਛਾਰੇਸੀਤਿ વਿਰੇਚੇਸਿ।
Sappiṃ pāyetvāti sappiñca pāyetvā; paricārikānañca āhārācāre vidhiṃ ācikkhitvā. Nakhena bhesajjaṃ olumpetvāti nakhena bhesajjaṃ odahitvā; pakkhipitvāti attho. Nicchāresīti virecesi.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੦੭. ਪਜ੍ਜੋਤਰਾਜવਤ੍ਥੁ • 207. Pajjotarājavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਜ੍ਜੋਤਰਾਜવਤ੍ਥੁਕਥਾਦਿવਣ੍ਣਨਾ • Pajjotarājavatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਜ੍ਜੋਤਰਾਜવਤ੍ਥੁਕਥਾવਣ੍ਣਨਾ • Pajjotarājavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੦੭. ਪਜ੍ਜੋਤਰਾਜવਤ੍ਥੁਕਥਾ • 207. Pajjotarājavatthukathā
