| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. பஜ்ஜோதஸுத்தவண்ணனா
10. Pajjotasuttavaṇṇanā
80. த³ஸமே பஜ்ஜோதோதி பதீ³போ விய ஹோதி. ஜாக³ரோதி ஜாக³ரப்³ராஹ்மணோ விய ஹோதி. கா³வோ கம்மே ஸஜீவானந்தி கம்மேன ஸஹ ஜீவந்தானங் கா³வோவ கம்மே கம்மஸஹாயா கம்மது³தியகா நாம ஹொந்தி. கோ³மண்ட³லேஹி ஸத்³தி⁴ங் கஸிகம்மாதீ³னி நிப்ப²ஜ்ஜந்தி. ஸீதஸ்ஸ இரியாபதோ²தி ஸீதங் அஸ்ஸ ஸத்தகாயஸ்ஸ இரியாபதோ² ஜீவிதவுத்தி. ஸீதந்தி நங்க³லங். யஸ்ஸ ஹி நங்க³லேஹி கெ²த்தங் அப்பமத்தகம்பி கட்ட²ங் ந ஹோதி, ஸோ கத²ங் ஜீவிஸ்ஸதீதி வத³தி. த³ஸமங்.
80. Dasame pajjototi padīpo viya hoti. Jāgaroti jāgarabrāhmaṇo viya hoti. Gāvo kamme sajīvānanti kammena saha jīvantānaṃ gāvova kamme kammasahāyā kammadutiyakā nāma honti. Gomaṇḍalehi saddhiṃ kasikammādīni nipphajjanti. Sītassa iriyāpathoti sītaṃ assa sattakāyassa iriyāpatho jīvitavutti. Sītanti naṅgalaṃ. Yassa hi naṅgalehi khettaṃ appamattakampi kaṭṭhaṃ na hoti, so kathaṃ jīvissatīti vadati. Dasamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. பஜ்ஜோதஸுத்தங் • 10. Pajjotasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. பஜ்ஜோதஸுத்தவண்ணனா • 10. Pajjotasuttavaṇṇanā
