| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. баж̇ж̇од̇асуд̇д̇аван̣н̣анаа
10. Pajjotasuttavaṇṇanā
80. д̇ам̣ д̇ам̣ самависамам̣ баж̇ж̇од̇ад̇ийд̇и баж̇ж̇од̇о. бад̣̇ийбо анд̇хагаарам̣ вид̇хамид̇ваа бажжагкад̇о руубаг̇ад̇ам̣ д̣̇ассзд̇и, звам̣ бан̃н̃аабаж̇ж̇од̇о авиж̇ж̇анд̇хагаарам̣ вид̇хамид̇ваа д̇хаммаанам̣ барамад̇т̇абхууд̇ам̣ руубам̣ д̣̇ассзд̇и. ж̇ааг̇араб̣раахман̣о вияаад̇и ж̇ааг̇аракийн̣аасаваб̣раахман̣о вияа. со хи сад̇ибан̃н̃аавзбуллаббад̇д̇ияаа саб̣б̣ад̣̇ааби ж̇ааг̇аро ход̇и. г̇аавод̇и г̇ож̇аад̇ияо. ид̣̇ам̣ г̇уннам̣ г̇он̣аанан̃жа сааман̃н̃ад̇о г̇ахан̣ам̣. гаммзд̇и гаран̣ад̇т̇з бхуммаважанам̣. ж̇ийванам̣ ж̇ийво, саха ж̇ийвзнаад̇и саж̇ийвино. д̇знааха ‘‘гаммзна саха ж̇ийванд̇аана’’нд̇и, гасиваан̣иж̇ж̇аад̣̇игаммам̣ гад̇ваа ж̇ийванд̇аананд̇и ад̇т̇о. г̇оман̣д̣алзхи сад̣̇д̇хинд̇и г̇ог̇ан̣зна саха. на д̇зна винаа гасигаммаад̣̇ийни уббаж̇ж̇анд̇и, г̇орасасид̣̇д̇хияаа жзва гасанабхаараваханасид̣̇д̇хияаа жа гасигаммазгажжаваан̣иж̇ж̇агаммаад̣̇ийни иж̇жханд̇и. сад̇д̇агааяассаад̇и аахаарубаж̇ийвино сад̇д̇агааяасса гасид̇о ан̃н̃ат̇аа ж̇ийвигам̣ габбзнд̇ассаби гасиж̇ийвид̇авуд̇д̇ияаа муулагааран̣ам̣ паланибпад̇д̇инимид̇д̇ад̇д̇аа д̇асса. ирияаабат̇о жа ирияанагирияаанам̣ бавад̇д̇анубааяо. ‘‘сийд̇анд̇и нан̇г̇аласийд̇агамма’’нд̇и вад̣̇анд̇и.
80. Taṃ taṃ samavisamaṃ pajjotatīti pajjoto. Padīpo andhakāraṃ vidhamitvā paccakkhato rūpagataṃ dasseti, evaṃ paññāpajjoto avijjandhakāraṃ vidhamitvā dhammānaṃ paramatthabhūtaṃ rūpaṃ dasseti. Jāgarabrāhmaṇo viyāti jāgarakhīṇāsavabrāhmaṇo viya. So hi satipaññāvepullappattiyā sabbadāpi jāgaro hoti. Gāvoti gojātiyo. Idaṃ gunnaṃ goṇānañca sāmaññato gahaṇaṃ. Kammeti karaṇatthe bhummavacanaṃ. Jīvanaṃ jīvo, saha jīvenāti sajīvino. Tenāha ‘‘kammena saha jīvantāna’’nti, kasivāṇijjādikammaṃ katvā jīvantānanti attho. Gomaṇḍalehi saddhinti gogaṇena saha. Na tena vinā kasikammādīni uppajjanti, gorasasiddhiyā ceva kasanabhāravahanasiddhiyā ca kasikammaekaccavāṇijjakammādīni ijjhanti. Sattakāyassāti āhārupajīvino sattakāyassa kasito aññathā jīvikaṃ kappentassapi kasijīvitavuttiyā mūlakāraṇaṃ phalanipphattinimittattā tassa. Iriyāpatho ca iriyanakiriyānaṃ pavattanupāyo. ‘‘Sītanti naṅgalasītakamma’’nti vadanti.
баж̇ж̇од̇асуд̇д̇аван̣н̣анаа нидтид̇аа.
Pajjotasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. баж̇ж̇од̇асуд̇д̇ам̣ • 10. Pajjotasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. баж̇ж̇од̇асуд̇д̇аван̣н̣анаа • 10. Pajjotasuttavaṇṇanā
