| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. पज्जोतसुत्तवण्णना
6. Pajjotasuttavaṇṇanā
२६. छट्ठे पुट्ठुन्ति पुच्छितुं। कथं जानेमूति कथं जानेय्याम। दिवारत्तिन्ति दिवा च रत्तिञ्च। तत्थ तत्थाति यत्थ यत्थेव पज्जलितो होति, तत्थ तत्थ। एसा आभाति एसा बुद्धाभा। कतमा पन साति? ञाणालोको वा होतु पीतिआलोको वा पसादालोको वा धम्मकथाआलोको वा, सब्बोपि बुद्धानं पातुभावा उप्पन्नो आलोको बुद्धाभा नाम। अयं अनुत्तरा सब्बसेट्ठा असदिसाति। छट्ठं।
26. Chaṭṭhe puṭṭhunti pucchituṃ. Kathaṃ jānemūti kathaṃ jāneyyāma. Divārattinti divā ca rattiñca. Tattha tatthāti yattha yattheva pajjalito hoti, tattha tattha. Esā ābhāti esā buddhābhā. Katamā pana sāti? Ñāṇāloko vā hotu pītiāloko vā pasādāloko vā dhammakathāāloko vā, sabbopi buddhānaṃ pātubhāvā uppanno āloko buddhābhā nāma. Ayaṃ anuttarā sabbaseṭṭhā asadisāti. Chaṭṭhaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. पज्जोतसुत्तं • 6. Pajjotasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. पज्जोतसुत्तवण्णना • 6. Pajjotasuttavaṇṇanā
