| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਪਜ੍ਜੋਤਸੁਤ੍ਤવਣ੍ਣਨਾ
6. Pajjotasuttavaṇṇanā
੨੬. ਦਿવਾਰਤ੍ਤਿਨ੍ਤਿ ਨ ਆਦਿਚ੍ਚੋ વਿਯ ਦਿવਾ ਏવ, ਨ ਚਨ੍ਦਿਮਾ વਿਯ ਰਤ੍ਤਿਂ ਏવ, ਅਥ ਖੋ ਦਿવਾ ਚ ਰਤ੍ਤਿਞ੍ਚ। ਤਤ੍ਥ ਤਤ੍ਥਾਤਿ ਯਤ੍ਥ ਯਤ੍ਥ ਸਮ੍ਪਜ੍ਜਲਿਤੋ, ਤਤ੍ਥ ਤਤ੍ਥੇવ ਪਦੇਸੇ, ਨ ਆਦਿਚ੍ਚੋ વਿਯ ਚਨ੍ਦਿਮਾ વਿਯ ਸਕਲਂ ਮਹਾਦਿਸਂ ਦਿਸਨ੍ਤਰਾਲ਼ਞ੍ਚ। ਞਾਣਾਨੁਭਾવੇਨ ਉਪ੍ਪਨ੍ਨਾਲੋਕੋ ਞਾਣਾਲੋਕੋਤਿ વਦਨ੍ਤਿ। ‘‘ਇਦਂ ਦੁਕ੍ਖਂ ਅਰਿਯਸਚ੍ਚਨ੍ਤਿ ਪੁਬ੍ਬੇ ਮੇ, ਭਿਕ੍ਖવੇ, ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ ਞਾਣਂ ਉਦਪਾਦਿ ਪਞ੍ਞਾ ਉਦਪਾਦਿ વਿਜ੍ਜਾ ਉਦਪਾਦਿ ਆਲੋਕੋ ਉਦਪਾਦੀ’’ਤਿ (ਸਂ॰ ਨਿ॰ ੫.੧੦੮੧; ਮਹਾવ॰ ੧੫; ਪਟਿ॰ ਮ॰ ੨.੩੦) ਪਨ વਚਨਤੋ ਮਗ੍ਗੋ ਞਾਣਾਲੋਕੋ। ‘‘ਤਮੋ વਿਹਤੋ, ਆਲੋਕੋ ਉਪ੍ਪਨ੍ਨੋ’’ਤਿ (ਮ॰ ਨਿ॰ ੧.੩੮੬; ਪਾਰਾ॰ ੧੨) વਾ વਚਨਤੋ વਿਜ੍ਜਤ੍ਤਯਾਲੋਕੋ ਞਾਣਾਲੋਕੋ। ਪਠਮਾਭਿਸਮ੍ਬੋਧਿਯਂ વਿਯ ਸਞ੍ਜਾਤਪੀਤਿવਿਪ੍ਫਾਰੋ, વਿਸੇਸਤੋ ਰਤਨਘਰੇ ਸਮਨ੍ਤਪਟ੍ਠਾਨવਿਚਿਨਨੇ ਸਞ੍ਜਾਤਪੀਤਿવਸੇਨ ਉਪ੍ਪਨ੍ਨਸਰੀਰੋਭਾਸੋ વਾ ਪੀਤਿਆਲੋਕੋ। ਤਤ੍ਥੇવ ਉਪ੍ਪਨ੍ਨਪਸਾਦવਸੇਨ ਸਞ੍ਜਾਤਆਲੋਕੋવ ਪਸਾਦਾਲੋਕੋ। ਧਮ੍ਮਚਕ੍ਕਪવਤ੍ਤਨੇ ‘‘ਅਞ੍ਞਾਸਿ વਤ, ਭੋ, ਕੋਣ੍ਡਞ੍ਞੋ’’ਤਿ ਉਪ੍ਪਨ੍ਨਪਸਾਦਾਲੋਕੋਤਿ ਚ વਦਨ੍ਤਿ। ਸਬ੍ਬਤ੍ਥੇવ ਸਤ੍ਥੁ ਧਮ੍ਮਦੇਸਨਾ ਸਤ੍ਤਾਨਂ ਹਦਯਤਮਂ વਿਧਮਨ੍ਤੀ ਧਮ੍ਮਕਥਾਆਲੋਕੋ। ਸਬ੍ਬੋਪਿ ਬੁਦ੍ਧਾਨਂ ਪਾਤੁਭਾવਾ ਉਪ੍ਪਨ੍ਨੋ ਆਲੋਕੋਤਿ ਇਮਿਨਾ ਸਾવਕਾਨਂ ਦੇਸਨਾਯ ਸਞ੍ਜਾਤਧਮ੍ਮਾਲੋਕੋਪਿ ਬੁਦ੍ਧਾਨੁਭਾવੋਤਿ ਦਸ੍ਸੇਤਿ।
26.Divārattinti na ādicco viya divā eva, na candimā viya rattiṃ eva, atha kho divā ca rattiñca. Tattha tatthāti yattha yattha sampajjalito, tattha tattheva padese, na ādicco viya candimā viya sakalaṃ mahādisaṃ disantarāḷañca. Ñāṇānubhāvena uppannāloko ñāṇālokoti vadanti. ‘‘Idaṃ dukkhaṃ ariyasaccanti pubbe me, bhikkhave, ananussutesu dhammesu cakkhuṃ udapādi ñāṇaṃ udapādi paññā udapādi vijjā udapādi āloko udapādī’’ti (saṃ. ni. 5.1081; mahāva. 15; paṭi. ma. 2.30) pana vacanato maggo ñāṇāloko. ‘‘Tamo vihato, āloko uppanno’’ti (ma. ni. 1.386; pārā. 12) vā vacanato vijjattayāloko ñāṇāloko. Paṭhamābhisambodhiyaṃ viya sañjātapītivipphāro, visesato ratanaghare samantapaṭṭhānavicinane sañjātapītivasena uppannasarīrobhāso vā pītiāloko. Tattheva uppannapasādavasena sañjātaālokova pasādāloko. Dhammacakkapavattane ‘‘aññāsi vata, bho, koṇḍañño’’ti uppannapasādālokoti ca vadanti. Sabbattheva satthu dhammadesanā sattānaṃ hadayatamaṃ vidhamantī dhammakathāāloko. Sabbopi buddhānaṃ pātubhāvā uppanno ālokoti iminā sāvakānaṃ desanāya sañjātadhammālokopi buddhānubhāvoti dasseti.
ਪਜ੍ਜੋਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pajjotasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਪਜ੍ਜੋਤਸੁਤ੍ਤਂ • 6. Pajjotasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਪਜ੍ਜੋਤਸੁਤ੍ਤવਣ੍ਣਨਾ • 6. Pajjotasuttavaṇṇanā
