| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਪਜ੍ਜੋਤਸੁਤ੍ਤવਣ੍ਣਨਾ
10. Pajjotasuttavaṇṇanā
੮੦. ਤਂ ਤਂ ਸਮવਿਸਮਂ ਪਜ੍ਜੋਤਤੀਤਿ ਪਜ੍ਜੋਤੋ। ਪਦੀਪੋ ਅਨ੍ਧਕਾਰਂ વਿਧਮਿਤ੍વਾ ਪਚ੍ਚਕ੍ਖਤੋ ਰੂਪਗਤਂ ਦਸ੍ਸੇਤਿ, ਏવਂ ਪਞ੍ਞਾਪਜ੍ਜੋਤੋ ਅવਿਜ੍ਜਨ੍ਧਕਾਰਂ વਿਧਮਿਤ੍વਾ ਧਮ੍ਮਾਨਂ ਪਰਮਤ੍ਥਭੂਤਂ ਰੂਪਂ ਦਸ੍ਸੇਤਿ। ਜਾਗਰਬ੍ਰਾਹ੍ਮਣੋ વਿਯਾਤਿ ਜਾਗਰਖੀਣਾਸવਬ੍ਰਾਹ੍ਮਣੋ વਿਯ। ਸੋ ਹਿ ਸਤਿਪਞ੍ਞਾવੇਪੁਲ੍ਲਪ੍ਪਤ੍ਤਿਯਾ ਸਬ੍ਬਦਾਪਿ ਜਾਗਰੋ ਹੋਤਿ। ਗਾવੋਤਿ ਗੋਜਾਤਿਯੋ। ਇਦਂ ਗੁਨ੍ਨਂ ਗੋਣਾਨਞ੍ਚ ਸਾਮਞ੍ਞਤੋ ਗਹਣਂ। ਕਮ੍ਮੇਤਿ ਕਰਣਤ੍ਥੇ ਭੁਮ੍ਮવਚਨਂ। ਜੀવਨਂ ਜੀવੋ, ਸਹ ਜੀવੇਨਾਤਿ ਸਜੀવਿਨੋ। ਤੇਨਾਹ ‘‘ਕਮ੍ਮੇਨ ਸਹ ਜੀવਨ੍ਤਾਨ’’ਨ੍ਤਿ, ਕਸਿવਾਣਿਜ੍ਜਾਦਿਕਮ੍ਮਂ ਕਤ੍વਾ ਜੀવਨ੍ਤਾਨਨ੍ਤਿ ਅਤ੍ਥੋ। ਗੋਮਣ੍ਡਲੇਹਿ ਸਦ੍ਧਿਨ੍ਤਿ ਗੋਗਣੇਨ ਸਹ। ਨ ਤੇਨ વਿਨਾ ਕਸਿਕਮ੍ਮਾਦੀਨਿ ਉਪ੍ਪਜ੍ਜਨ੍ਤਿ, ਗੋਰਸਸਿਦ੍ਧਿਯਾ ਚੇવ ਕਸਨਭਾਰવਹਨਸਿਦ੍ਧਿਯਾ ਚ ਕਸਿਕਮ੍ਮਏਕਚ੍ਚવਾਣਿਜ੍ਜਕਮ੍ਮਾਦੀਨਿ ਇਜ੍ਝਨ੍ਤਿ। ਸਤ੍ਤਕਾਯਸ੍ਸਾਤਿ ਆਹਾਰੁਪਜੀવਿਨੋ ਸਤ੍ਤਕਾਯਸ੍ਸ ਕਸਿਤੋ ਅਞ੍ਞਥਾ ਜੀવਿਕਂ ਕਪ੍ਪੇਨ੍ਤਸ੍ਸਪਿ ਕਸਿਜੀવਿਤવੁਤ੍ਤਿਯਾ ਮੂਲਕਾਰਣਂ ਫਲਨਿਪ੍ਫਤ੍ਤਿਨਿਮਿਤ੍ਤਤ੍ਤਾ ਤਸ੍ਸ। ਇਰਿਯਾਪਥੋ ਚ ਇਰਿਯਨਕਿਰਿਯਾਨਂ ਪવਤ੍ਤਨੁਪਾਯੋ। ‘‘ਸੀਤਨ੍ਤਿ ਨਙ੍ਗਲਸੀਤਕਮ੍ਮ’’ਨ੍ਤਿ વਦਨ੍ਤਿ।
80. Taṃ taṃ samavisamaṃ pajjotatīti pajjoto. Padīpo andhakāraṃ vidhamitvā paccakkhato rūpagataṃ dasseti, evaṃ paññāpajjoto avijjandhakāraṃ vidhamitvā dhammānaṃ paramatthabhūtaṃ rūpaṃ dasseti. Jāgarabrāhmaṇo viyāti jāgarakhīṇāsavabrāhmaṇo viya. So hi satipaññāvepullappattiyā sabbadāpi jāgaro hoti. Gāvoti gojātiyo. Idaṃ gunnaṃ goṇānañca sāmaññato gahaṇaṃ. Kammeti karaṇatthe bhummavacanaṃ. Jīvanaṃ jīvo, saha jīvenāti sajīvino. Tenāha ‘‘kammena saha jīvantāna’’nti, kasivāṇijjādikammaṃ katvā jīvantānanti attho. Gomaṇḍalehi saddhinti gogaṇena saha. Na tena vinā kasikammādīni uppajjanti, gorasasiddhiyā ceva kasanabhāravahanasiddhiyā ca kasikammaekaccavāṇijjakammādīni ijjhanti. Sattakāyassāti āhārupajīvino sattakāyassa kasito aññathā jīvikaṃ kappentassapi kasijīvitavuttiyā mūlakāraṇaṃ phalanipphattinimittattā tassa. Iriyāpatho ca iriyanakiriyānaṃ pavattanupāyo. ‘‘Sītanti naṅgalasītakamma’’nti vadanti.
ਪਜ੍ਜੋਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pajjotasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਪਜ੍ਜੋਤਸੁਤ੍ਤਂ • 10. Pajjotasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਪਜ੍ਜੋਤਸੁਤ੍ਤવਣ੍ਣਨਾ • 10. Pajjotasuttavaṇṇanā
