| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
баагаараад̣̇иануж̇аананам̣
Pākārādianujānanaṃ
302. д̇зна ко бана самаязна вихаараа абаригкид̇д̇аа хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, баригкибид̇ум̣ д̇аяо баагаарз – идтагаабаагаарам̣, силаабаагаарам̣, д̣̇аарубаагаара’’нд̇и. годтаго на ход̇и…бз… ‘‘ануж̇аанаами, бхигкавз, годтага’’нд̇и. годтаго нийжавад̇т̇уго ход̇и, уд̣̇агзна од̇т̇арияяад̇и…бз… ‘‘ануж̇аанаами, бхигкавз, ужжавад̇т̇угам̣ гаад̇у’’нд̇и. годтагасса гаваадам̣ на ход̇и…бз… ‘‘ануж̇аанаами, бхигкавз, гаваадам̣ бидтасан̇гхаадам̣ уд̣̇угкалигам̣ уд̇д̇арабаасагам̣ аг̇г̇ал̣аваддим̣ габисийсагам̣ суужигам̣ гхадигам̣ д̇аал̣ажчид̣̇д̣̇ам̣ аавин̃чанажчид̣̇д̣̇ам̣ аавин̃чанараж̇ж̇у’’нд̇и. годтагз д̇ин̣ажун̣н̣ам̣ барибад̇ад̇и…бз… ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇ум̣ – сзд̇аван̣н̣ам̣ гаал̣аван̣н̣ам̣ г̇зругабаригаммам̣ маалаагаммам̣ лад̇аагаммам̣ магарад̣̇анд̇агам̣ бан̃жабадига’’нд̇и.
302. Tena kho pana samayena vihārā aparikkhittā honti. Bhagavato etamatthaṃ ārocesuṃ. ‘‘Anujānāmi, bhikkhave, parikkhipituṃ tayo pākāre – iṭṭhakāpākāraṃ, silāpākāraṃ, dārupākāra’’nti. Koṭṭhako na hoti…pe… ‘‘anujānāmi, bhikkhave, koṭṭhaka’’nti. Koṭṭhako nīcavatthuko hoti, udakena otthariyyati…pe… ‘‘anujānāmi, bhikkhave, uccavatthukaṃ kātu’’nti. Koṭṭhakassa kavāṭaṃ na hoti…pe… ‘‘anujānāmi, bhikkhave, kavāṭaṃ piṭṭhasaṅghāṭaṃ udukkhalikaṃ uttarapāsakaṃ aggaḷavaṭṭiṃ kapisīsakaṃ sūcikaṃ ghaṭikaṃ tāḷacchiddaṃ āviñchanacchiddaṃ āviñchanarajju’’nti. Koṭṭhake tiṇacuṇṇaṃ paripatati…pe… ‘‘anujānāmi, bhikkhave, ogumphetvā ullittāvalittaṃ kātuṃ – setavaṇṇaṃ kāḷavaṇṇaṃ gerukaparikammaṃ mālākammaṃ latākammaṃ makaradantakaṃ pañcapaṭika’’nti.
д̇зна ко бана самаязна баривзн̣ам̣ жигкаллам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, марумб̣ам̣ убагирид̇у’’нд̇и. на барияаабун̣анд̇и…бз… ‘‘ануж̇аанаами, бхигкавз , бад̣̇арасилам̣ нигкибид̇у’’нд̇и. уд̣̇агам̣ санд̇идтад̇и…бз… ‘‘ануж̇аанаами, бхигкавз, уд̣̇аганид̣̇д̇хамана’’нд̇и.
Tena kho pana samayena pariveṇaṃ cikkhallaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, marumbaṃ upakiritu’’nti. Na pariyāpuṇanti…pe… ‘‘anujānāmi, bhikkhave , padarasilaṃ nikkhipitu’’nti. Udakaṃ santiṭṭhati…pe… ‘‘anujānāmi, bhikkhave, udakaniddhamana’’nti.
д̇зна ко бана самаязна бхигкуу баривзн̣з д̇ахам̣ д̇ахам̣ аг̇г̇идтаанам̣ гаронд̇и. баривзн̣ам̣ углаабам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, згаманд̇ам̣ аг̇г̇исаалам̣ гаад̇у’’нд̇и . аг̇г̇исаалаа нийжавад̇т̇угаа ход̇и, уд̣̇агзна од̇т̇арияяад̇и…бз… ‘‘ануж̇аанаами, бхигкавз, ужжавад̇т̇угам̣ гаад̇у’’нд̇и. жаяо барибад̇ад̇и…бз… ‘‘ануж̇аанаами, бхигкавз, жинид̇ум̣ д̇аяо жаяз – идтагаажаяам̣, силаажаяам̣, д̣̇ааружаяа’’нд̇и. аароханд̇аа вихан̃н̃анд̇и…бз… ‘‘ануж̇аанаами, бхигкавз, д̇аяо собаанз – идтагаасобаанам̣, силаасобаанам̣, д̣̇аарусобаана’’нд̇и. аароханд̇аа барибад̇анд̇и…бз… ‘‘ануж̇аанаами, бхигкавз, ааламб̣анаб̣ааха’’нд̇и. аг̇г̇исаалааяа гаваадам̣ на ход̇и…бз… ‘‘ануж̇аанаами, бхигкавз, гаваадам̣ бидтасан̇гхаадам̣ уд̣̇угкалигам̣ уд̇д̇арабаасагам̣ аг̇г̇ал̣аваддим̣ габисийсагам̣ суужигам̣ гхадигам̣ д̇аал̣ажчид̣̇д̣̇ам̣ аавин̃чанажчид̣̇д̣̇ам̣ аавин̃чанараж̇ж̇у’’нд̇и. аг̇г̇исаалааяа д̇ин̣ажун̣н̣ам̣ барибад̇ад̇и…бз… ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇ум̣ – сзд̇аван̣н̣ам̣ гаал̣аван̣н̣ам̣ г̇зругабаригаммам̣ маалаагаммам̣ лад̇аагаммам̣ магарад̣̇анд̇агам̣ бан̃жабадигам̣ жийваравам̣сам̣ жийварараж̇ж̇у’’нд̇и.
Tena kho pana samayena bhikkhū pariveṇe tahaṃ tahaṃ aggiṭṭhānaṃ karonti. Pariveṇaṃ uklāpaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, ekamantaṃ aggisālaṃ kātu’’nti . Aggisālā nīcavatthukā hoti, udakena otthariyyati…pe… ‘‘anujānāmi, bhikkhave, uccavatthukaṃ kātu’’nti. Cayo paripatati…pe… ‘‘anujānāmi, bhikkhave, cinituṃ tayo caye – iṭṭhakācayaṃ, silācayaṃ, dārucaya’’nti. Ārohantā vihaññanti…pe… ‘‘anujānāmi, bhikkhave, tayo sopāne – iṭṭhakāsopānaṃ, silāsopānaṃ, dārusopāna’’nti. Ārohantā paripatanti…pe… ‘‘anujānāmi, bhikkhave, ālambanabāha’’nti. Aggisālāya kavāṭaṃ na hoti…pe… ‘‘anujānāmi, bhikkhave, kavāṭaṃ piṭṭhasaṅghāṭaṃ udukkhalikaṃ uttarapāsakaṃ aggaḷavaṭṭiṃ kapisīsakaṃ sūcikaṃ ghaṭikaṃ tāḷacchiddaṃ āviñchanacchiddaṃ āviñchanarajju’’nti. Aggisālāya tiṇacuṇṇaṃ paripatati…pe… ‘‘anujānāmi, bhikkhave, ogumphetvā ullittāvalittaṃ kātuṃ – setavaṇṇaṃ kāḷavaṇṇaṃ gerukaparikammaṃ mālākammaṃ latākammaṃ makaradantakaṃ pañcapaṭikaṃ cīvaravaṃsaṃ cīvararajju’’nti.
