| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
பகாஸனீயகம்மாதி³கதா²
Pakāsanīyakammādikathā
336. ‘‘கே²ளஸதி³ஸா’’தி இமினா மிச்சா²ஜீவேன உப்பன்னபச்சயானங் ஸதி³ஸூபசாரேன கே²ளபா⁴வங் த³ஸ்ஸேதி. தஸ்மா கே²ளா வியாதி கே²ளோ, மிச்சா²ஜீவபச்சயா, கே²ளே அஸதி ப⁴க்க²தி அஜ்ஜோ²ஹரதீதி கே²ளாஸகோதி வசனத்தோ² காதப்³போ³. ஏதரஹி பாளியங், அட்ட²கதா²யஞ்ச ‘‘கே²ளாபகஸ்ஸா’’தி ஒட்ட²ஜேன பட²மக்க²ரேன பாடோ² அத்தி².
336. ‘‘Kheḷasadisā’’ti iminā micchājīvena uppannapaccayānaṃ sadisūpacārena kheḷabhāvaṃ dasseti. Tasmā kheḷā viyāti kheḷo, micchājīvapaccayā, kheḷe asati bhakkhati ajjhoharatīti kheḷāsakoti vacanattho kātabbo. Etarahi pāḷiyaṃ, aṭṭhakathāyañca ‘‘kheḷāpakassā’’ti oṭṭhajena paṭhamakkharena pāṭho atthi.
340. பத்த²த்³தே⁴னாதி எத்த² பூ⁴ஸோ த²த்³தோ⁴ பத்த²த்³தோ⁴, பா³ள்ஹத²த்³தோ⁴தி அத்தோ². தேன வுத்தங் ‘‘நிச்சலேனா’’தி. பொத்த²கரூபஸதி³ஸேனாதி எத்த² பொத்த²கரூபங் நாம வத்த²த³ந்தாதி³மயங், தேன ஸதி³ஸோ பொத்த²கரூபஸதி³ஸோ, தேன.
340.Patthaddhenāti ettha bhūso thaddho patthaddho, bāḷhathaddhoti attho. Tena vuttaṃ ‘‘niccalenā’’ti. Potthakarūpasadisenāti ettha potthakarūpaṃ nāma vatthadantādimayaṃ, tena sadiso potthakarūpasadiso, tena.
342. ராஜஞாதகா நாமாதி எத்த² ரஞ்ஞா ஜானியந்தி ‘‘அம்ஹாகங் க³ரூ’’தி ராஜஞாதா, தேயேவ ராஜஞாதகாதி அத்தோ² த³ட்ட²ப்³போ³. தத³த்த²ங் அதி⁴ப்பாயேன த³ஸ்ஸெந்தோ ஆஹ ‘‘ராஜா அம்ஹே ஜானாதீ’’திஆதி³. பஹட்ட²கண்ணவாலோதி பஹட்டோ² கண்ணோ ச வாலோ ச ஏதஸ்ஸாதி பஹட்ட²கண்ணவாலோ. ப³ந்த⁴னிச்சலேதி ரஜ்ஜுவல்லீஹி ப³ந்தோ⁴ விய நிச்சலே, பஹட்ட²கண்ணவாலேதி ஸம்ப³ந்தோ⁴. ‘‘கத்வா’’தி இமினா ‘‘அபி⁴தா⁴வீ’’தி பதே³ கிரியாவிஸேஸனபா⁴வங் த³ஸ்ஸேதி.
342.Rājañātakānāmāti ettha raññā jāniyanti ‘‘amhākaṃ garū’’ti rājañātā, teyeva rājañātakāti attho daṭṭhabbo. Tadatthaṃ adhippāyena dassento āha ‘‘rājā amhe jānātī’’tiādi. Pahaṭṭhakaṇṇavāloti pahaṭṭho kaṇṇo ca vālo ca etassāti pahaṭṭhakaṇṇavālo. Bandhaniccaleti rajjuvallīhi bandho viya niccale, pahaṭṭhakaṇṇavāleti sambandho. ‘‘Katvā’’ti iminā ‘‘abhidhāvī’’ti pade kiriyāvisesanabhāvaṃ dasseti.
து³க்க²ஞ்ஹி குஞ்ஜர நாக³மாஸதோ³தி எத்த² குஞ்ஜரஸத்³த³ஸ்ஸ ஆமந்தனபத³பா⁴வங் ஆவிகரொந்தோ ஆஹ ‘‘போ⁴ குஞ்ஜரா’’தி. நாக³ஸத்³த³ஸ்ஸ அஹினாக³ஹத்தி²னாகே³ஸு பவத்தனதோ வுத்தங் ‘‘பு³த்³த⁴னாக³’’ந்தி. ஆஸதோ³தி பத³ஸ்ஸ ஆகோதே⁴ன ஸத³னங் உபக³மனங் ஆஸதோ³தி த³ஸ்ஸெந்தோ ஆஹ ‘‘வத⁴கசித்தேன உபக³மனங் நாமா’’தி. து³க்க²ந்தி ஏதரஹி ச ஆயதிஞ்ச து³க்க²காரணங். து³க்க²ங் ஹீதி ஹிஸத்³தோ³ பத³பூரணமத்தங், அத² வா து³க்க²மேவாதி அத்தோ². ‘‘பு³த்³த⁴னாக³ங் கா⁴தகஸ்ஸா’’தி இமினா நாக³ங் ஹனதீதி நாக³ஹதோதி வசனத்த²ங் த³ஸ்ஸேதி.
Dukkhañhi kuñjara nāgamāsadoti ettha kuñjarasaddassa āmantanapadabhāvaṃ āvikaronto āha ‘‘bho kuñjarā’’ti. Nāgasaddassa ahināgahatthināgesu pavattanato vuttaṃ ‘‘buddhanāga’’nti. Āsadoti padassa ākodhena sadanaṃ upagamanaṃ āsadoti dassento āha ‘‘vadhakacittena upagamanaṃ nāmā’’ti. Dukkhanti etarahi ca āyatiñca dukkhakāraṇaṃ. Dukkhaṃ hīti hisaddo padapūraṇamattaṃ, atha vā dukkhamevāti attho. ‘‘Buddhanāgaṃ ghātakassā’’ti iminā nāgaṃ hanatīti nāgahatoti vacanatthaṃ dasseti.
படிகுடியோவ ஓஸக்கீதி எத்த² ததா²க³தஸ்ஸ படிமுக²ங் குடேன க³மனமேதஸ்ஸாதி படிகுடியோ, படிகுடியோ ஏவ ஹுத்வா ஓஸக்கீதி த³ஸ்ஸெந்தோ ஆஹ ‘‘ததா²க³தாபி⁴முகோ²யேவ பிட்டி²மேஹி பாதே³ஹி ஓஸக்கீ’’தி. ‘‘ந ஜானாதீ’’தி இமினா லக்க² த³ஸ்ஸனங்கேஸூதி தா⁴துபாடே²ஸு (பாணினீ 1539 ஸத்³த³னீதிதா⁴துமாலாயங் 18 த³காரந்ததா⁴து) வுத்தேஸு அத்தே²ஸு இத⁴ த³ஸ்ஸனத்தோ²தி த³ஸ்ஸேதி. ந லக்கி²தப்³போ³தி அஞ்ஞேஹி ஸப்புரிஸேஹி ந லக்கி²தப்³போ³தி அத்தோ². எத்த² ண்யபச்சயோ கத்துகம்மேஸு ஹோதி, யகாரஸ்ஸ ககாரங் கத்வா அலக்கி²கோதி வுத்தங்.
Paṭikuṭiyova osakkīti ettha tathāgatassa paṭimukhaṃ kuṭena gamanametassāti paṭikuṭiyo, paṭikuṭiyo eva hutvā osakkīti dassento āha ‘‘tathāgatābhimukhoyeva piṭṭhimehi pādehi osakkī’’ti. ‘‘Na jānātī’’ti iminā lakkha dassanaṅkesūti dhātupāṭhesu (pāṇinī 1539 saddanītidhātumālāyaṃ 18 dakārantadhātu) vuttesu atthesu idha dassanatthoti dasseti. Na lakkhitabboti aññehi sappurisehi na lakkhitabboti attho. Ettha ṇyapaccayo kattukammesu hoti, yakārassa kakāraṃ katvā alakkhikoti vuttaṃ.
343. ‘‘பு⁴ஞ்ஜிதப்³ப³போ⁴ஜன’’ந்தி இமினா திகபோ⁴ஜனந்தி எத்த² யுபச்சயஸ்ஸ கம்மத்த²பா⁴வங் த³ஸ்ஸேதி. தந்தி திகபோ⁴ஜனங். யதா²த⁴ம்மோதி ‘‘க³ணபோ⁴ஜனே பாசித்திய’’ந்தி (பாசி॰ 209) வுத்தாய மாதிகாவிப⁴ங்க³பாளியா அனுரூபங் . பஞ்சவத்து²யாசனகதா²தி பஞ்ச வத்தூ²னி யாசனஸ்ஸ கதா². ஆயுகப்பந்தி அவீசிமஹானிரயே ஆயுகப்பங் ஸந்தா⁴ய வுத்தங். அவீசிமஹானிரயே ஆயுகப்போ நாம ஏகோ அந்தரகப்போதி ஜினாலங்காரடீகாதீ³ஸு (மி॰ ப॰ 4.1.3; கதா²॰ அட்ட²॰ 654-657; இதிவு॰ அட்ட²॰ 18; ஸாரத்த²॰ டீ॰ சூளவக்³க³ 3.343; அ॰ நி॰ டீ॰ 3.662) வுத்தோ. ‘‘ஏகோ அஸங்க்²யெய்யகப்போ’’தி ஸம்மோஹவினோத³னாதீ³ஸு (விப⁴॰ அட்ட²॰ 809; ம॰ நி॰ அட்ட²॰ 3.128; வி॰ வி॰ டீ॰ 1.410; வஜிர॰ டீ॰ பாராஜிகண்ட³ 410) வுத்தோ. ஸெட்ட²ங் புஞ்ஞந்தி மஹந்தங் புஞ்ஞங். இமினா ப்³ரஹங் புஞ்ஞந்தி ப்³ரஹஸத்³தோ³ மஹந்தத்தோ²தி த³ஸ்ஸேதி. ப்³ரஹ வுத்³தி⁴யந்தி தா⁴துபாடே²ஸு (பாணினீ 735; ஸத்³த³னீதிதா⁴துமாலாயங் 16 ஹகாரந்ததா⁴து) வுத்தத்தா ப்³ரஹஸத்³தோ³ மஹந்தவாசகோ ஹோதி. ப்³ரஹதா⁴துதோ அபச்சயங் கத்வா ‘‘ப்³ரஹா’’திபி, மபச்சயங் கத்வா ‘‘ப்³ரஹ்மா’’திபி பாடோ² அத்தி². ஆயுகப்பமேவாதி ஸக்³கே³ஸு ஆயுகப்பமேவ.
343. ‘‘Bhuñjitabbabhojana’’nti iminā tikabhojananti ettha yupaccayassa kammatthabhāvaṃ dasseti. Tanti tikabhojanaṃ. Yathādhammoti ‘‘gaṇabhojane pācittiya’’nti (pāci. 209) vuttāya mātikāvibhaṅgapāḷiyā anurūpaṃ . Pañcavatthuyācanakathāti pañca vatthūni yācanassa kathā. Āyukappanti avīcimahāniraye āyukappaṃ sandhāya vuttaṃ. Avīcimahāniraye āyukappo nāma eko antarakappoti jinālaṅkāraṭīkādīsu (mi. pa. 4.1.3; kathā. aṭṭha. 654-657; itivu. aṭṭha. 18; sārattha. ṭī. cūḷavagga 3.343; a. ni. ṭī. 3.662) vutto. ‘‘Eko asaṅkhyeyyakappo’’ti sammohavinodanādīsu (vibha. aṭṭha. 809; ma. ni. aṭṭha. 3.128; vi. vi. ṭī. 1.410; vajira. ṭī. pārājikaṇḍa 410) vutto. Seṭṭhaṃ puññanti mahantaṃ puññaṃ. Iminā brahaṃ puññanti brahasaddo mahantatthoti dasseti. Braha vuddhiyanti dhātupāṭhesu (pāṇinī 735; saddanītidhātumālāyaṃ 16 hakārantadhātu) vuttattā brahasaddo mahantavācako hoti. Brahadhātuto apaccayaṃ katvā ‘‘brahā’’tipi, mapaccayaṃ katvā ‘‘brahmā’’tipi pāṭho atthi. Āyukappamevāti saggesu āyukappameva.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
பகாஸனீயகம்மங் • Pakāsanīyakammaṃ
அபி⁴மாரபேஸனங் • Abhimārapesanaṃ
நாளாகி³ரிபேஸனங் • Nāḷāgiripesanaṃ
பஞ்சவத்து²யாசனகதா² • Pañcavatthuyācanakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / பகாஸனீயகம்மாதி³கதா² • Pakāsanīyakammādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
நாளாகி³ரிபேஸனகதா²வண்ணனா • Nāḷāgiripesanakathāvaṇṇanā
பஞ்சவத்து²யாசனகதா²வண்ணனா • Pañcavatthuyācanakathāvaṇṇanā
