| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
পকাসনীযকম্মাদিকথা
Pakāsanīyakammādikathā
৩৩৬. খেল়াসকস্সাতি এত্থ মিচ্ছাজীৰেন উপ্পন্নপচ্চযা অরিযেহি ৰন্তব্বা খেল়সদিসা, তথারূপে পচ্চযে অযং অজ্ঝোহরতীতি কত্ৰা খেল়াসকোতি ভগৰতা ৰুত্তো।
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
৩৪০. পত্থদ্ধেন কাযেনাতি পোত্থকরূপসদিসেন নিচ্চলেন কাযেন।
340.Patthaddhena kāyenāti potthakarūpasadisena niccalena kāyena.
৩৪২. মযং খো ভণে রাজঞাতকা নামাতি রাজা অম্হে জানাতীতি রাজঞাতকস্স ভাৰেন অত্তানং উক্কংসন্তো আহ। পহট্ঠকণ্ণৰালোতি বন্ধনে নিচ্চলে কত্ৰা।
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
দুক্খঞ্হি কুঞ্জর নাগমাসদোতি ভো কুঞ্জর বুদ্ধনাগং আসাদনং ৰধকচিত্তেন উপগমনং নাম দুক্খং। নাগহতস্সাতি বুদ্ধনাগং ঘাতকস্স।
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
পটিকুটিযোৰ ওসক্কীতি তথাগতাভিমুখোযেৰ পিট্ঠিমেহি পাদেহি অৰসক্কি। অলক্খিকোতি এত্থ ন লক্খেতীতি অলক্খিকো; ন জানাতীতি অত্থো , অহং পাপকম্মং করোমীতি ন জানাতি। ন লক্খিতব্বোতি ৰা অলক্খিকো; ন পস্সিতব্বোতি অত্থো।
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
৩৪৩. তিকভোজনন্তি এত্থ তীহি জনেহি ভুঞ্জিতব্বভোজনং। তং পঞ্ঞাপেস্সামীতি তং অনুজানিস্সামি । গণভোজনে পন যথাধম্মো কারেতব্বোতি। পঞ্চৰত্থুযাচনকথা সঙ্ঘাদিসেসৰণ্ণনাযং ৰুত্তা। কপ্পন্তি আযুকপ্পং। ব্রহ্মং পুঞ্ঞন্তি সেট্ঠং পুঞ্ঞং। কপ্পং সগ্গম্হীতি আযুকপ্পমেৰ।
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
পকাসনীযকম্মাদিকথা নিট্ঠিতা।
Pakāsanīyakammādikathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
পকাসনীযকম্মং • Pakāsanīyakammaṃ
অভিমারপেসনং • Abhimārapesanaṃ
নাল়াগিরিপেসনং • Nāḷāgiripesanaṃ
পঞ্চৰত্থুযাচনকথা • Pañcavatthuyācanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
নাল়াগিরিপেসনকথাৰণ্ণনা • Nāḷāgiripesanakathāvaṇṇanā
পঞ্চৰত্থুযাচনকথাৰণ্ণনা • Pañcavatthuyācanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ছসক্যপব্বজ্জাকথাৰণ্ণনা • Chasakyapabbajjākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ছসক্যপব্বজ্জাকথাদিৰণ্ণনা • Chasakyapabbajjākathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / পকাসনীযকম্মাদিকথা • Pakāsanīyakammādikathā
