| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
পকাসনীযকম্মাদিকথা
Pakāsanīyakammādikathā
৩৩৬. ‘‘খেল়সদিসা’’তি ইমিনা মিচ্ছাজীৰেন উপ্পন্নপচ্চযানং সদিসূপচারেন খেল়ভাৰং দস্সেতি। তস্মা খেল়া ৰিযাতি খেল়ো, মিচ্ছাজীৰপচ্চযা, খেল়ে অসতি ভক্খতি অজ্ঝোহরতীতি খেল়াসকোতি ৰচনত্থো কাতব্বো। এতরহি পাল়িযং, অট্ঠকথাযঞ্চ ‘‘খেল়াপকস্সা’’তি ওট্ঠজেন পঠমক্খরেন পাঠো অত্থি।
336. ‘‘Kheḷasadisā’’ti iminā micchājīvena uppannapaccayānaṃ sadisūpacārena kheḷabhāvaṃ dasseti. Tasmā kheḷā viyāti kheḷo, micchājīvapaccayā, kheḷe asati bhakkhati ajjhoharatīti kheḷāsakoti vacanattho kātabbo. Etarahi pāḷiyaṃ, aṭṭhakathāyañca ‘‘kheḷāpakassā’’ti oṭṭhajena paṭhamakkharena pāṭho atthi.
৩৪০. পত্থদ্ধেনাতি এত্থ ভূসো থদ্ধো পত্থদ্ধো, বাল়্হথদ্ধোতি অত্থো। তেন ৰুত্তং ‘‘নিচ্চলেনা’’তি। পোত্থকরূপসদিসেনাতি এত্থ পোত্থকরূপং নাম ৰত্থদন্তাদিমযং, তেন সদিসো পোত্থকরূপসদিসো, তেন।
340.Patthaddhenāti ettha bhūso thaddho patthaddho, bāḷhathaddhoti attho. Tena vuttaṃ ‘‘niccalenā’’ti. Potthakarūpasadisenāti ettha potthakarūpaṃ nāma vatthadantādimayaṃ, tena sadiso potthakarūpasadiso, tena.
৩৪২. রাজঞাতকা নামাতি এত্থ রঞ্ঞা জানিযন্তি ‘‘অম্হাকং গরূ’’তি রাজঞাতা, তেযেৰ রাজঞাতকাতি অত্থো দট্ঠব্বো। তদত্থং অধিপ্পাযেন দস্সেন্তো আহ ‘‘রাজা অম্হে জানাতী’’তিআদি। পহট্ঠকণ্ণৰালোতি পহট্ঠো কণ্ণো চ ৰালো চ এতস্সাতি পহট্ঠকণ্ণৰালো। বন্ধনিচ্চলেতি রজ্জুৰল্লীহি বন্ধো ৰিয নিচ্চলে, পহট্ঠকণ্ণৰালেতি সম্বন্ধো। ‘‘কত্ৰা’’তি ইমিনা ‘‘অভিধাৰী’’তি পদে কিরিযাৰিসেসনভাৰং দস্সেতি।
342.Rājañātakānāmāti ettha raññā jāniyanti ‘‘amhākaṃ garū’’ti rājañātā, teyeva rājañātakāti attho daṭṭhabbo. Tadatthaṃ adhippāyena dassento āha ‘‘rājā amhe jānātī’’tiādi. Pahaṭṭhakaṇṇavāloti pahaṭṭho kaṇṇo ca vālo ca etassāti pahaṭṭhakaṇṇavālo. Bandhaniccaleti rajjuvallīhi bandho viya niccale, pahaṭṭhakaṇṇavāleti sambandho. ‘‘Katvā’’ti iminā ‘‘abhidhāvī’’ti pade kiriyāvisesanabhāvaṃ dasseti.
দুক্খঞ্হি কুঞ্জর নাগমাসদোতি এত্থ কুঞ্জরসদ্দস্স আমন্তনপদভাৰং আৰিকরোন্তো আহ ‘‘ভো কুঞ্জরা’’তি। নাগসদ্দস্স অহিনাগহত্থিনাগেসু পৰত্তনতো ৰুত্তং ‘‘বুদ্ধনাগ’’ন্তি। আসদোতি পদস্স আকোধেন সদনং উপগমনং আসদোতি দস্সেন্তো আহ ‘‘ৰধকচিত্তেন উপগমনং নামা’’তি। দুক্খন্তি এতরহি চ আযতিঞ্চ দুক্খকারণং। দুক্খং হীতি হিসদ্দো পদপূরণমত্তং, অথ ৰা দুক্খমেৰাতি অত্থো। ‘‘বুদ্ধনাগং ঘাতকস্সা’’তি ইমিনা নাগং হনতীতি নাগহতোতি ৰচনত্থং দস্সেতি।
Dukkhañhi kuñjara nāgamāsadoti ettha kuñjarasaddassa āmantanapadabhāvaṃ āvikaronto āha ‘‘bho kuñjarā’’ti. Nāgasaddassa ahināgahatthināgesu pavattanato vuttaṃ ‘‘buddhanāga’’nti. Āsadoti padassa ākodhena sadanaṃ upagamanaṃ āsadoti dassento āha ‘‘vadhakacittena upagamanaṃ nāmā’’ti. Dukkhanti etarahi ca āyatiñca dukkhakāraṇaṃ. Dukkhaṃ hīti hisaddo padapūraṇamattaṃ, atha vā dukkhamevāti attho. ‘‘Buddhanāgaṃ ghātakassā’’ti iminā nāgaṃ hanatīti nāgahatoti vacanatthaṃ dasseti.
পটিকুটিযোৰ ওসক্কীতি এত্থ তথাগতস্স পটিমুখং কুটেন গমনমেতস্সাতি পটিকুটিযো, পটিকুটিযো এৰ হুত্ৰা ওসক্কীতি দস্সেন্তো আহ ‘‘তথাগতাভিমুখোযেৰ পিট্ঠিমেহি পাদেহি ওসক্কী’’তি। ‘‘ন জানাতী’’তি ইমিনা লক্খ দস্সনঙ্কেসূতি ধাতুপাঠেসু (পাণিনী ১৫৩৯ সদ্দনীতিধাতুমালাযং ১৮ দকারন্তধাতু) ৰুত্তেসু অত্থেসু ইধ দস্সনত্থোতি দস্সেতি। ন লক্খিতব্বোতি অঞ্ঞেহি সপ্পুরিসেহি ন লক্খিতব্বোতি অত্থো। এত্থ ণ্যপচ্চযো কত্তুকম্মেসু হোতি, যকারস্স ককারং কত্ৰা অলক্খিকোতি ৰুত্তং।
Paṭikuṭiyova osakkīti ettha tathāgatassa paṭimukhaṃ kuṭena gamanametassāti paṭikuṭiyo, paṭikuṭiyo eva hutvā osakkīti dassento āha ‘‘tathāgatābhimukhoyeva piṭṭhimehi pādehi osakkī’’ti. ‘‘Na jānātī’’ti iminā lakkha dassanaṅkesūti dhātupāṭhesu (pāṇinī 1539 saddanītidhātumālāyaṃ 18 dakārantadhātu) vuttesu atthesu idha dassanatthoti dasseti. Na lakkhitabboti aññehi sappurisehi na lakkhitabboti attho. Ettha ṇyapaccayo kattukammesu hoti, yakārassa kakāraṃ katvā alakkhikoti vuttaṃ.
৩৪৩. ‘‘ভুঞ্জিতব্বভোজন’’ন্তি ইমিনা তিকভোজনন্তি এত্থ যুপচ্চযস্স কম্মত্থভাৰং দস্সেতি। তন্তি তিকভোজনং। যথাধম্মোতি ‘‘গণভোজনে পাচিত্তিয’’ন্তি (পাচি॰ ২০৯) ৰুত্তায মাতিকাৰিভঙ্গপাল়িযা অনুরূপং । পঞ্চৰত্থুযাচনকথাতি পঞ্চ ৰত্থূনি যাচনস্স কথা। আযুকপ্পন্তি অৰীচিমহানিরযে আযুকপ্পং সন্ধায ৰুত্তং। অৰীচিমহানিরযে আযুকপ্পো নাম একো অন্তরকপ্পোতি জিনালঙ্কারটীকাদীসু (মি॰ প॰ ৪.১.৩; কথা॰ অট্ঠ॰ ৬৫৪-৬৫৭; ইতিৰু॰ অট্ঠ॰ ১৮; সারত্থ॰ টী॰ চূল়ৰগ্গ ৩.৩৪৩; অ॰ নি॰ টী॰ ৩.৬৬২) ৰুত্তো। ‘‘একো অসঙ্খ্যেয্যকপ্পো’’তি সম্মোহৰিনোদনাদীসু (ৰিভ॰ অট্ঠ॰ ৮০৯; ম॰ নি॰ অট্ঠ॰ ৩.১২৮; ৰি॰ ৰি॰ টী॰ ১.৪১০; ৰজির॰ টী॰ পারাজিকণ্ড ৪১০) ৰুত্তো। সেট্ঠং পুঞ্ঞন্তি মহন্তং পুঞ্ঞং। ইমিনা ব্রহং পুঞ্ঞন্তি ব্রহসদ্দো মহন্তত্থোতি দস্সেতি। ব্রহ ৰুদ্ধিযন্তি ধাতুপাঠেসু (পাণিনী ৭৩৫; সদ্দনীতিধাতুমালাযং ১৬ হকারন্তধাতু) ৰুত্তত্তা ব্রহসদ্দো মহন্তৰাচকো হোতি। ব্রহধাতুতো অপচ্চযং কত্ৰা ‘‘ব্রহা’’তিপি, মপচ্চযং কত্ৰা ‘‘ব্রহ্মা’’তিপি পাঠো অত্থি। আযুকপ্পমেৰাতি সগ্গেসু আযুকপ্পমেৰ।
343. ‘‘Bhuñjitabbabhojana’’nti iminā tikabhojananti ettha yupaccayassa kammatthabhāvaṃ dasseti. Tanti tikabhojanaṃ. Yathādhammoti ‘‘gaṇabhojane pācittiya’’nti (pāci. 209) vuttāya mātikāvibhaṅgapāḷiyā anurūpaṃ . Pañcavatthuyācanakathāti pañca vatthūni yācanassa kathā. Āyukappanti avīcimahāniraye āyukappaṃ sandhāya vuttaṃ. Avīcimahāniraye āyukappo nāma eko antarakappoti jinālaṅkāraṭīkādīsu (mi. pa. 4.1.3; kathā. aṭṭha. 654-657; itivu. aṭṭha. 18; sārattha. ṭī. cūḷavagga 3.343; a. ni. ṭī. 3.662) vutto. ‘‘Eko asaṅkhyeyyakappo’’ti sammohavinodanādīsu (vibha. aṭṭha. 809; ma. ni. aṭṭha. 3.128; vi. vi. ṭī. 1.410; vajira. ṭī. pārājikaṇḍa 410) vutto. Seṭṭhaṃ puññanti mahantaṃ puññaṃ. Iminā brahaṃ puññanti brahasaddo mahantatthoti dasseti. Braha vuddhiyanti dhātupāṭhesu (pāṇinī 735; saddanītidhātumālāyaṃ 16 hakārantadhātu) vuttattā brahasaddo mahantavācako hoti. Brahadhātuto apaccayaṃ katvā ‘‘brahā’’tipi, mapaccayaṃ katvā ‘‘brahmā’’tipi pāṭho atthi. Āyukappamevāti saggesu āyukappameva.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
পকাসনীযকম্মং • Pakāsanīyakammaṃ
অভিমারপেসনং • Abhimārapesanaṃ
নাল়াগিরিপেসনং • Nāḷāgiripesanaṃ
পঞ্চৰত্থুযাচনকথা • Pañcavatthuyācanakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / পকাসনীযকম্মাদিকথা • Pakāsanīyakammādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
নাল়াগিরিপেসনকথাৰণ্ণনা • Nāḷāgiripesanakathāvaṇṇanā
পঞ্চৰত্থুযাচনকথাৰণ্ণনা • Pañcavatthuyācanakathāvaṇṇanā
