| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
багаасанийяагаммаад̣̇игат̇аа
Pakāsanīyakammādikathā
336. ‘‘кзл̣асад̣̇исаа’’д̇и иминаа мижчааж̇ийвзна уббаннабажжаяаанам̣ сад̣̇исуубажаарзна кзл̣абхаавам̣ д̣̇ассзд̇и. д̇асмаа кзл̣аа вияаад̇и кзл̣о, мижчааж̇ийвабажжаяаа, кзл̣з асад̇и бхагкад̇и аж̇жхохарад̇ийд̇и кзл̣аасагод̇и важанад̇т̇о гаад̇аб̣б̣о. зд̇арахи баал̣ияам̣, адтагат̇ааяан̃жа ‘‘кзл̣аабагассаа’’д̇и одтаж̇зна батамагкарзна баато ад̇т̇и.
336. ‘‘Kheḷasadisā’’ti iminā micchājīvena uppannapaccayānaṃ sadisūpacārena kheḷabhāvaṃ dasseti. Tasmā kheḷā viyāti kheḷo, micchājīvapaccayā, kheḷe asati bhakkhati ajjhoharatīti kheḷāsakoti vacanattho kātabbo. Etarahi pāḷiyaṃ, aṭṭhakathāyañca ‘‘kheḷāpakassā’’ti oṭṭhajena paṭhamakkharena pāṭho atthi.
340. бад̇т̇ад̣̇д̇хзнаад̇и зд̇т̇а бхуусо т̇ад̣̇д̇хо бад̇т̇ад̣̇д̇хо, б̣аал̣хат̇ад̣̇д̇ход̇и ад̇т̇о. д̇зна вуд̇д̇ам̣ ‘‘нижжалзнаа’’д̇и. бод̇т̇агаруубасад̣̇исзнаад̇и зд̇т̇а бод̇т̇агаруубам̣ наама вад̇т̇ад̣̇анд̇аад̣̇имаяам̣, д̇зна сад̣̇исо бод̇т̇агаруубасад̣̇исо, д̇зна.
340.Patthaddhenāti ettha bhūso thaddho patthaddho, bāḷhathaddhoti attho. Tena vuttaṃ ‘‘niccalenā’’ti. Potthakarūpasadisenāti ettha potthakarūpaṃ nāma vatthadantādimayaṃ, tena sadiso potthakarūpasadiso, tena.
342. рааж̇ан̃аад̇агаа наамаад̇и зд̇т̇а ран̃н̃аа ж̇аанияанд̇и ‘‘амхаагам̣ г̇аруу’’д̇и рааж̇ан̃аад̇аа, д̇зязва рааж̇ан̃аад̇агаад̇и ад̇т̇о д̣̇адтаб̣б̣о. д̇ад̣̇ад̇т̇ам̣ ад̇хиббааязна д̣̇ассзнд̇о ааха ‘‘рааж̇аа амхз ж̇аанаад̇ий’’д̇иаад̣̇и. бахадтаган̣н̣аваалод̇и бахадто ган̣н̣о жа ваало жа зд̇ассаад̇и бахадтаган̣н̣аваало. б̣анд̇ханижжалзд̇и раж̇ж̇уваллийхи б̣анд̇хо вияа нижжалз, бахадтаган̣н̣аваалзд̇и самб̣анд̇хо. ‘‘гад̇ваа’’д̇и иминаа ‘‘абхид̇хаавий’’д̇и бад̣̇з гирияаависзсанабхаавам̣ д̣̇ассзд̇и.
342.Rājañātakānāmāti ettha raññā jāniyanti ‘‘amhākaṃ garū’’ti rājañātā, teyeva rājañātakāti attho daṭṭhabbo. Tadatthaṃ adhippāyena dassento āha ‘‘rājā amhe jānātī’’tiādi. Pahaṭṭhakaṇṇavāloti pahaṭṭho kaṇṇo ca vālo ca etassāti pahaṭṭhakaṇṇavālo. Bandhaniccaleti rajjuvallīhi bandho viya niccale, pahaṭṭhakaṇṇavāleti sambandho. ‘‘Katvā’’ti iminā ‘‘abhidhāvī’’ti pade kiriyāvisesanabhāvaṃ dasseti.
д̣̇угкан̃хи гун̃ж̇ара нааг̇амаасад̣̇од̇и зд̇т̇а гун̃ж̇арасад̣̇д̣̇асса ааманд̇анабад̣̇абхаавам̣ аавигаронд̇о ааха ‘‘бхо гун̃ж̇араа’’д̇и. нааг̇асад̣̇д̣̇асса ахинааг̇ахад̇т̇инааг̇зсу бавад̇д̇анад̇о вуд̇д̇ам̣ ‘‘б̣уд̣̇д̇ханааг̇а’’нд̇и. аасад̣̇од̇и бад̣̇асса аагод̇хзна сад̣̇анам̣ убаг̇аманам̣ аасад̣̇од̇и д̣̇ассзнд̇о ааха ‘‘вад̇хагажид̇д̇зна убаг̇аманам̣ наамаа’’д̇и. д̣̇угканд̇и зд̇арахи жа ааяад̇ин̃жа д̣̇угкагааран̣ам̣. д̣̇угкам̣ хийд̇и хисад̣̇д̣̇о бад̣̇абууран̣амад̇д̇ам̣, ат̇а ваа д̣̇угкамзваад̇и ад̇т̇о. ‘‘б̣уд̣̇д̇ханааг̇ам̣ гхаад̇агассаа’’д̇и иминаа нааг̇ам̣ ханад̇ийд̇и нааг̇ахад̇од̇и важанад̇т̇ам̣ д̣̇ассзд̇и.
Dukkhañhi kuñjara nāgamāsadoti ettha kuñjarasaddassa āmantanapadabhāvaṃ āvikaronto āha ‘‘bho kuñjarā’’ti. Nāgasaddassa ahināgahatthināgesu pavattanato vuttaṃ ‘‘buddhanāga’’nti. Āsadoti padassa ākodhena sadanaṃ upagamanaṃ āsadoti dassento āha ‘‘vadhakacittena upagamanaṃ nāmā’’ti. Dukkhanti etarahi ca āyatiñca dukkhakāraṇaṃ. Dukkhaṃ hīti hisaddo padapūraṇamattaṃ, atha vā dukkhamevāti attho. ‘‘Buddhanāgaṃ ghātakassā’’ti iminā nāgaṃ hanatīti nāgahatoti vacanatthaṃ dasseti.
бадигудияова осаггийд̇и зд̇т̇а д̇ат̇ааг̇ад̇асса бадимукам̣ гудзна г̇аманамзд̇ассаад̇и бадигудияо, бадигудияо зва худ̇ваа осаггийд̇и д̣̇ассзнд̇о ааха ‘‘д̇ат̇ааг̇ад̇аабхимукоязва бидтимзхи баад̣̇зхи осаггий’’д̇и. ‘‘на ж̇аанаад̇ий’’д̇и иминаа лагка д̣̇ассанан̇гзсууд̇и д̇хаад̇убаатзсу (баан̣иний 1539 сад̣̇д̣̇анийд̇ид̇хаад̇умаалааяам̣ 18 д̣̇агааранд̇ад̇хаад̇у) вуд̇д̇зсу ад̇т̇зсу ид̇ха д̣̇ассанад̇т̇од̇и д̣̇ассзд̇и. на лагкид̇аб̣б̣од̇и ан̃н̃зхи саббурисзхи на лагкид̇аб̣б̣од̇и ад̇т̇о. зд̇т̇а н̣яабажжаяо гад̇д̇угаммзсу ход̇и, яагаарасса гагаарам̣ гад̇ваа алагкигод̇и вуд̇д̇ам̣.
Paṭikuṭiyova osakkīti ettha tathāgatassa paṭimukhaṃ kuṭena gamanametassāti paṭikuṭiyo, paṭikuṭiyo eva hutvā osakkīti dassento āha ‘‘tathāgatābhimukhoyeva piṭṭhimehi pādehi osakkī’’ti. ‘‘Na jānātī’’ti iminā lakkha dassanaṅkesūti dhātupāṭhesu (pāṇinī 1539 saddanītidhātumālāyaṃ 18 dakārantadhātu) vuttesu atthesu idha dassanatthoti dasseti. Na lakkhitabboti aññehi sappurisehi na lakkhitabboti attho. Ettha ṇyapaccayo kattukammesu hoti, yakārassa kakāraṃ katvā alakkhikoti vuttaṃ.
343. ‘‘бхун̃ж̇ид̇аб̣б̣абхож̇ана’’нд̇и иминаа д̇игабхож̇ананд̇и зд̇т̇а яубажжаяасса гаммад̇т̇абхаавам̣ д̣̇ассзд̇и. д̇анд̇и д̇игабхож̇анам̣. яат̇аад̇хаммод̇и ‘‘г̇ан̣абхож̇анз баажид̇д̇ияа’’нд̇и (баажи. 209) вуд̇д̇ааяа маад̇игаавибхан̇г̇абаал̣ияаа ануруубам̣ . бан̃жавад̇т̇уяаажанагат̇аад̇и бан̃жа вад̇т̇ууни яаажанасса гат̇аа. ааяугаббанд̇и авийжимахаанираяз ааяугаббам̣ санд̇хааяа вуд̇д̇ам̣. авийжимахаанираяз ааяугаббо наама зго анд̇арагаббод̇и ж̇инаалан̇гаарадийгаад̣̇ийсу (ми. ба. 4.1.3; гат̇аа. адта. 654-657; ид̇иву. адта. 18; саарад̇т̇а. дий. жуул̣аваг̇г̇а 3.343; а. ни. дий. 3.662) вуд̇д̇о. ‘‘зго асан̇кязяяагаббо’’д̇и саммохавинод̣̇анаад̣̇ийсу (вибха. адта. 809; ма. ни. адта. 3.128; ви. ви. дий. 1.410; важ̇ира. дий. баарааж̇иган̣д̣а 410) вуд̇д̇о. сздтам̣ бун̃н̃анд̇и маханд̇ам̣ бун̃н̃ам̣. иминаа б̣рахам̣ бун̃н̃анд̇и б̣рахасад̣̇д̣̇о маханд̇ад̇т̇од̇и д̣̇ассзд̇и. б̣раха вуд̣̇д̇хияанд̇и д̇хаад̇убаатзсу (баан̣иний 735; сад̣̇д̣̇анийд̇ид̇хаад̇умаалааяам̣ 16 хагааранд̇ад̇хаад̇у) вуд̇д̇ад̇д̇аа б̣рахасад̣̇д̣̇о маханд̇аваажаго ход̇и. б̣рахад̇хаад̇уд̇о абажжаяам̣ гад̇ваа ‘‘б̣рахаа’’д̇иби, мабажжаяам̣ гад̇ваа ‘‘б̣рахмаа’’д̇иби баато ад̇т̇и. ааяугаббамзваад̇и саг̇г̇зсу ааяугаббамзва.
343. ‘‘Bhuñjitabbabhojana’’nti iminā tikabhojananti ettha yupaccayassa kammatthabhāvaṃ dasseti. Tanti tikabhojanaṃ. Yathādhammoti ‘‘gaṇabhojane pācittiya’’nti (pāci. 209) vuttāya mātikāvibhaṅgapāḷiyā anurūpaṃ . Pañcavatthuyācanakathāti pañca vatthūni yācanassa kathā. Āyukappanti avīcimahāniraye āyukappaṃ sandhāya vuttaṃ. Avīcimahāniraye āyukappo nāma eko antarakappoti jinālaṅkāraṭīkādīsu (mi. pa. 4.1.3; kathā. aṭṭha. 654-657; itivu. aṭṭha. 18; sārattha. ṭī. cūḷavagga 3.343; a. ni. ṭī. 3.662) vutto. ‘‘Eko asaṅkhyeyyakappo’’ti sammohavinodanādīsu (vibha. aṭṭha. 809; ma. ni. aṭṭha. 3.128; vi. vi. ṭī. 1.410; vajira. ṭī. pārājikaṇḍa 410) vutto. Seṭṭhaṃ puññanti mahantaṃ puññaṃ. Iminā brahaṃ puññanti brahasaddo mahantatthoti dasseti. Braha vuddhiyanti dhātupāṭhesu (pāṇinī 735; saddanītidhātumālāyaṃ 16 hakārantadhātu) vuttattā brahasaddo mahantavācako hoti. Brahadhātuto apaccayaṃ katvā ‘‘brahā’’tipi, mapaccayaṃ katvā ‘‘brahmā’’tipi pāṭho atthi. Āyukappamevāti saggesu āyukappameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
багаасанийяагаммам̣ • Pakāsanīyakammaṃ
абхимаарабзсанам̣ • Abhimārapesanaṃ
наал̣ааг̇ирибзсанам̣ • Nāḷāgiripesanaṃ
бан̃жавад̇т̇уяаажанагат̇аа • Pañcavatthuyācanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
наал̣ааг̇ирибзсанагат̇ааван̣н̣анаа • Nāḷāgiripesanakathāvaṇṇanā
бан̃жавад̇т̇уяаажанагат̇ааван̣н̣анаа • Pañcavatthuyācanakathāvaṇṇanā
