| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
បកាសនីយកម្មាទិកថា
Pakāsanīyakammādikathā
៣៣៦. ខេឡាសកស្សាតិ ឯត្ថ មិច្ឆាជីវេន ឧប្បន្នបច្ចយា អរិយេហិ វន្តព្ពា ខេឡសទិសា, តថារូបេ បច្ចយេ អយំ អជ្ឈោហរតីតិ កត្វា ខេឡាសកោតិ ភគវតា វុត្តោ។
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
៣៤០. បត្ថទ្ធេន កាយេនាតិ បោត្ថករូបសទិសេន និច្ចលេន កាយេន។
340.Patthaddhena kāyenāti potthakarūpasadisena niccalena kāyena.
៣៤២. មយំ ខោ ភណេ រាជញាតកា នាមាតិ រាជា អម្ហេ ជានាតីតិ រាជញាតកស្ស ភាវេន អត្តានំ ឧក្កំសន្តោ អាហ។ បហដ្ឋកណ្ណវាលោតិ ពន្ធនេ និច្ចលេ កត្វា។
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
ទុក្ខញ្ហិ កុញ្ជរ នាគមាសទោតិ ភោ កុញ្ជរ ពុទ្ធនាគំ អាសាទនំ វធកចិត្តេន ឧបគមនំ នាម ទុក្ខំ។ នាគហតស្សាតិ ពុទ្ធនាគំ ឃាតកស្ស។
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
បដិកុដិយោវ ឱសក្កីតិ តថាគតាភិមុខោយេវ បិដ្ឋិមេហិ បាទេហិ អវសក្កិ។ អលក្ខិកោតិ ឯត្ថ ន លក្ខេតីតិ អលក្ខិកោ; ន ជានាតីតិ អត្ថោ , អហំ បាបកម្មំ ករោមីតិ ន ជានាតិ។ ន លក្ខិតព្ពោតិ វា អលក្ខិកោ; ន បស្សិតព្ពោតិ អត្ថោ។
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
៣៤៣. តិកភោជនន្តិ ឯត្ថ តីហិ ជនេហិ ភុញ្ជិតព្ពភោជនំ។ តំ បញ្ញាបេស្សាមីតិ តំ អនុជានិស្សាមិ ។ គណភោជនេ បន យថាធម្មោ ការេតព្ពោតិ។ បញ្ចវត្ថុយាចនកថា សង្ឃាទិសេសវណ្ណនាយំ វុត្តា។ កប្បន្តិ អាយុកប្បំ។ ព្រហ្មំ បុញ្ញន្តិ សេដ្ឋំ បុញ្ញំ។ កប្បំ សគ្គម្ហីតិ អាយុកប្បមេវ។
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
បកាសនីយកម្មាទិកថា និដ្ឋិតា។
Pakāsanīyakammādikathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi
បកាសនីយកម្មំ • Pakāsanīyakammaṃ
អភិមារបេសនំ • Abhimārapesanaṃ
នាឡាគិរិបេសនំ • Nāḷāgiripesanaṃ
បញ្ចវត្ថុយាចនកថា • Pañcavatthuyācanakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
នាឡាគិរិបេសនកថាវណ្ណនា • Nāḷāgiripesanakathāvaṇṇanā
បញ្ចវត្ថុយាចនកថាវណ្ណនា • Pañcavatthuyācanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឆសក្យបព្ពជ្ជាកថាវណ្ណនា • Chasakyapabbajjākathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឆសក្យបព្ពជ្ជាកថាទិវណ្ណនា • Chasakyapabbajjākathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / បកាសនីយកម្មាទិកថា • Pakāsanīyakammādikathā
