| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā |
ಪಕಾಸನೀಯಕಮ್ಮಾದಿಕಥಾ
Pakāsanīyakammādikathā
೩೩೬. ಖೇಳಾಸಕಸ್ಸಾತಿ ಏತ್ಥ ಮಿಚ್ಛಾಜೀವೇನ ಉಪ್ಪನ್ನಪಚ್ಚಯಾ ಅರಿಯೇಹಿ ವನ್ತಬ್ಬಾ ಖೇಳಸದಿಸಾ, ತಥಾರೂಪೇ ಪಚ್ಚಯೇ ಅಯಂ ಅಜ್ಝೋಹರತೀತಿ ಕತ್ವಾ ಖೇಳಾಸಕೋತಿ ಭಗವತಾ ವುತ್ತೋ।
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
೩೪೦. ಪತ್ಥದ್ಧೇನ ಕಾಯೇನಾತಿ ಪೋತ್ಥಕರೂಪಸದಿಸೇನ ನಿಚ್ಚಲೇನ ಕಾಯೇನ।
340.Patthaddhena kāyenāti potthakarūpasadisena niccalena kāyena.
೩೪೨. ಮಯಂ ಖೋ ಭಣೇ ರಾಜಞಾತಕಾ ನಾಮಾತಿ ರಾಜಾ ಅಮ್ಹೇ ಜಾನಾತೀತಿ ರಾಜಞಾತಕಸ್ಸ ಭಾವೇನ ಅತ್ತಾನಂ ಉಕ್ಕಂಸನ್ತೋ ಆಹ। ಪಹಟ್ಠಕಣ್ಣವಾಲೋತಿ ಬನ್ಧನೇ ನಿಚ್ಚಲೇ ಕತ್ವಾ।
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
ದುಕ್ಖಞ್ಹಿ ಕುಞ್ಜರ ನಾಗಮಾಸದೋತಿ ಭೋ ಕುಞ್ಜರ ಬುದ್ಧನಾಗಂ ಆಸಾದನಂ ವಧಕಚಿತ್ತೇನ ಉಪಗಮನಂ ನಾಮ ದುಕ್ಖಂ। ನಾಗಹತಸ್ಸಾತಿ ಬುದ್ಧನಾಗಂ ಘಾತಕಸ್ಸ।
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
ಪಟಿಕುಟಿಯೋವ ಓಸಕ್ಕೀತಿ ತಥಾಗತಾಭಿಮುಖೋಯೇವ ಪಿಟ್ಠಿಮೇಹಿ ಪಾದೇಹಿ ಅವಸಕ್ಕಿ। ಅಲಕ್ಖಿಕೋತಿ ಏತ್ಥ ನ ಲಕ್ಖೇತೀತಿ ಅಲಕ್ಖಿಕೋ; ನ ಜಾನಾತೀತಿ ಅತ್ಥೋ , ಅಹಂ ಪಾಪಕಮ್ಮಂ ಕರೋಮೀತಿ ನ ಜಾನಾತಿ। ನ ಲಕ್ಖಿತಬ್ಬೋತಿ ವಾ ಅಲಕ್ಖಿಕೋ; ನ ಪಸ್ಸಿತಬ್ಬೋತಿ ಅತ್ಥೋ।
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
೩೪೩. ತಿಕಭೋಜನನ್ತಿ ಏತ್ಥ ತೀಹಿ ಜನೇಹಿ ಭುಞ್ಜಿತಬ್ಬಭೋಜನಂ। ತಂ ಪಞ್ಞಾಪೇಸ್ಸಾಮೀತಿ ತಂ ಅನುಜಾನಿಸ್ಸಾಮಿ । ಗಣಭೋಜನೇ ಪನ ಯಥಾಧಮ್ಮೋ ಕಾರೇತಬ್ಬೋತಿ। ಪಞ್ಚವತ್ಥುಯಾಚನಕಥಾ ಸಙ್ಘಾದಿಸೇಸವಣ್ಣನಾಯಂ ವುತ್ತಾ। ಕಪ್ಪನ್ತಿ ಆಯುಕಪ್ಪಂ। ಬ್ರಹ್ಮಂ ಪುಞ್ಞನ್ತಿ ಸೇಟ್ಠಂ ಪುಞ್ಞಂ। ಕಪ್ಪಂ ಸಗ್ಗಮ್ಹೀತಿ ಆಯುಕಪ್ಪಮೇವ।
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
ಪಕಾಸನೀಯಕಮ್ಮಾದಿಕಥಾ ನಿಟ್ಠಿತಾ।
Pakāsanīyakammādikathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
ಪಕಾಸನೀಯಕಮ್ಮಂ • Pakāsanīyakammaṃ
ಅಭಿಮಾರಪೇಸನಂ • Abhimārapesanaṃ
ನಾಳಾಗಿರಿಪೇಸನಂ • Nāḷāgiripesanaṃ
ಪಞ್ಚವತ್ಥುಯಾಚನಕಥಾ • Pañcavatthuyācanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ನಾಳಾಗಿರಿಪೇಸನಕಥಾವಣ್ಣನಾ • Nāḷāgiripesanakathāvaṇṇanā
ಪಞ್ಚವತ್ಥುಯಾಚನಕಥಾವಣ್ಣನಾ • Pañcavatthuyācanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಛಸಕ್ಯಪಬ್ಬಜ್ಜಾಕಥಾವಣ್ಣನಾ • Chasakyapabbajjākathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಛಸಕ್ಯಪಬ್ಬಜ್ಜಾಕಥಾದಿವಣ್ಣನಾ • Chasakyapabbajjākathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಪಕಾಸನೀಯಕಮ್ಮಾದಿಕಥಾ • Pakāsanīyakammādikathā
