| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. д̣̇уд̇ияабхаан̣авааро
2. Dutiyabhāṇavāro
багаасанийяагаммам̣
Pakāsanīyakammaṃ
336. д̇зна ко бана самаязна бхаг̇аваа махад̇ияаа барисааяа баривуд̇о д̇хаммам̣ д̣̇зсзнд̇о нисинно ход̇и сарааж̇игааяа барисааяа. ат̇а ко д̣̇звад̣̇ад̇д̇о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘ж̇ин̣н̣о д̣̇аани, бханд̇з, бхаг̇аваа вуд̣дхо махаллаго ад̣̇д̇хаг̇ад̇о ваяоануббад̇д̇о. аббоссугго д̣̇аани, бханд̇з, бхаг̇аваа д̣̇идтад̇хаммасукавихаарам̣ ануяуд̇д̇о вихарад̇у, мамам̣ бхигкусан̇гхам̣ ниссаж̇ж̇ад̇у. ахам̣ бхигкусан̇гхам̣ барихариссаамий’’д̇и. ‘‘алам̣, д̣̇звад̣̇ад̇д̇а, маа д̇з ружжи бхигкусан̇гхам̣ барихарид̇у’’нд̇и. д̣̇уд̇ияамби ко д̣̇звад̣̇ад̇д̇о…бз… д̇ад̇ияамби ко д̣̇звад̣̇ад̇д̇о бхаг̇аванд̇ам̣ зд̇ад̣̇авожа – ‘‘ж̇ин̣н̣о д̣̇аани, бханд̇з, бхаг̇аваа вуд̣дхо махаллаго ад̣̇д̇хаг̇ад̇о ваяоануббад̇д̇о. аббоссугго д̣̇аани, бханд̇з, бхаг̇аваа д̣̇идтад̇хаммасукавихаарам̣ ануяуд̇д̇о вихарад̇у, мамам̣ бхигкусан̇гхам̣ ниссаж̇ж̇ад̇у. ахам̣ бхигкусан̇гхам̣ барихариссаамий’’д̇и. ‘‘саарибуд̇д̇амог̇г̇аллаанаанамби ко ахам̣, д̣̇звад̣̇ад̇д̇а, бхигкусан̇гхам̣ на ниссаж̇ж̇зяяам̣ , гим̣ бана д̇уяхам̣ чавасса кзл̣аасагассаа’’д̇и! ат̇а ко д̣̇звад̣̇ад̇д̇о – сарааж̇игааяа мам̣ бхаг̇аваа барисааяа кзл̣аасагаваад̣̇зна абасаад̣̇зд̇и, саарибуд̇д̇амог̇г̇аллаанзва уггам̣сад̇ийд̇и – губид̇о анад̇д̇амано бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. аяан̃жарахи д̣̇звад̣̇ад̇д̇асса бхаг̇авад̇и батамо аагхаад̇о ахоси.
336. Tena kho pana samayena bhagavā mahatiyā parisāya parivuto dhammaṃ desento nisinno hoti sarājikāya parisāya. Atha kho devadatto uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘jiṇṇo dāni, bhante, bhagavā vuḍḍho mahallako addhagato vayoanuppatto. Appossukko dāni, bhante, bhagavā diṭṭhadhammasukhavihāraṃ anuyutto viharatu, mamaṃ bhikkhusaṅghaṃ nissajjatu. Ahaṃ bhikkhusaṅghaṃ pariharissāmī’’ti. ‘‘Alaṃ, devadatta, mā te rucci bhikkhusaṅghaṃ pariharitu’’nti. Dutiyampi kho devadatto…pe… tatiyampi kho devadatto bhagavantaṃ etadavoca – ‘‘jiṇṇo dāni, bhante, bhagavā vuḍḍho mahallako addhagato vayoanuppatto. Appossukko dāni, bhante, bhagavā diṭṭhadhammasukhavihāraṃ anuyutto viharatu, mamaṃ bhikkhusaṅghaṃ nissajjatu. Ahaṃ bhikkhusaṅghaṃ pariharissāmī’’ti. ‘‘Sāriputtamoggallānānampi kho ahaṃ, devadatta, bhikkhusaṅghaṃ na nissajjeyyaṃ , kiṃ pana tuyhaṃ chavassa kheḷāsakassā’’ti! Atha kho devadatto – sarājikāya maṃ bhagavā parisāya kheḷāsakavādena apasādeti, sāriputtamoggallāneva ukkaṃsatīti – kupito anattamano bhagavantaṃ abhivādetvā padakkhiṇaṃ katvā pakkāmi. Ayañcarahi devadattassa bhagavati paṭhamo āghāto ahosi.
ат̇а ко бхаг̇аваа бхигкуу ааманд̇зси – ‘‘д̇зна хи, бхигкавз, сан̇гхо д̣̇звад̣̇ад̇д̇асса рааж̇аг̇ахз багаасанийяам̣ гаммам̣ гарод̇у – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. зван̃жа бана, бхигкавз, гаад̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Atha kho bhagavā bhikkhū āmantesi – ‘‘tena hi, bhikkhave, saṅgho devadattassa rājagahe pakāsanīyaṃ kammaṃ karotu – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Evañca pana, bhikkhave, kātabbaṃ. Byattena bhikkhunā paṭibalena saṅgho ñāpetabbo –
337. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣ сан̇гхо д̣̇звад̣̇ад̇д̇асса рааж̇аг̇ахз багаасанийяам̣ гаммам̣ гарзяяа – ‘‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. зсаа н̃ад̇д̇и.
337. ‘‘Suṇātu me, bhante, saṅgho. Yadi saṅghassa pattakallaṃ saṅgho devadattassa rājagahe pakāsanīyaṃ kammaṃ kareyya – ‘‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Esā ñatti.
‘‘сун̣аад̇у мз, бханд̇з, сан̇гхо. сан̇гхо д̣̇звад̣̇ад̇д̇асса рааж̇аг̇ахз багаасанийяам̣ гаммам̣ гарод̇и – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. яассааяасмад̇о камад̇и д̣̇звад̣̇ад̇д̇асса рааж̇аг̇ахз багаасанийяам̣ гаммасса гаран̣ам̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и, яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и – со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho devadattassa rājagahe pakāsanīyaṃ kammaṃ karoti – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Yassāyasmato khamati devadattassa rājagahe pakāsanīyaṃ kammassa karaṇaṃ – ‘pubbe devadattassa aññā pakati ahosi, idāni aññā pakati, yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti – so tuṇhassa; yassa nakkhamati, so bhāseyya.
‘‘гад̇ам̣ сан̇гхзна д̣̇звад̣̇ад̇д̇асса рааж̇аг̇ахз багаасанийяам̣ гаммам̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Kataṃ saṅghena devadattassa rājagahe pakāsanīyaṃ kammaṃ – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Khamati saṅghassa, tasmā tuṇhī, evametaṃ dhārayāmī’’ti.
338. ат̇а ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘д̇зна хи д̇вам̣, саарибуд̇д̇а, д̣̇звад̣̇ад̇д̇ам̣ рааж̇аг̇ахз багаасзхий’’д̇и. ‘‘буб̣б̣з маяаа, бханд̇з, д̣̇звад̣̇ад̇д̇асса рааж̇аг̇ахз ван̣н̣о бхаасид̇о – ‘махид̣̇д̇хиго г̇од̇хибуд̇д̇о, махаанубхааво г̇од̇хибуд̇д̇о’д̇и. гат̇аахам̣, бханд̇з, д̣̇звад̣̇ад̇д̇ам̣ рааж̇аг̇ахз багаасзмий’’д̇и? ‘‘нану д̇аяаа, саарибуд̇д̇а, бхууд̇оязва д̣̇звад̣̇ад̇д̇асса рааж̇аг̇ахз ван̣н̣о бхаасид̇о – ‘махид̣̇д̇хиго г̇од̇хибуд̇д̇о, махаанубхааво г̇од̇хибуд̇д̇о’’’ д̇и? ‘‘звам̣ бханд̇з’’д̇и. ‘‘звамзва ко д̇вам̣, саарибуд̇д̇а, бхууд̇ам̣язва д̣̇звад̣̇ад̇д̇ам̣ рааж̇аг̇ахз багаасзхий’’д̇и. ‘‘звам̣ бханд̇з’’д̇и ко ааяасмаа саарибуд̇д̇о бхаг̇авад̇о бажжассоси.
338. Atha kho bhagavā āyasmantaṃ sāriputtaṃ āmantesi – ‘‘tena hi tvaṃ, sāriputta, devadattaṃ rājagahe pakāsehī’’ti. ‘‘Pubbe mayā, bhante, devadattassa rājagahe vaṇṇo bhāsito – ‘mahiddhiko godhiputto, mahānubhāvo godhiputto’ti. Kathāhaṃ, bhante, devadattaṃ rājagahe pakāsemī’’ti? ‘‘Nanu tayā, sāriputta, bhūtoyeva devadattassa rājagahe vaṇṇo bhāsito – ‘mahiddhiko godhiputto, mahānubhāvo godhiputto’’’ ti? ‘‘Evaṃ bhante’’ti. ‘‘Evameva kho tvaṃ, sāriputta, bhūtaṃyeva devadattaṃ rājagahe pakāsehī’’ti. ‘‘Evaṃ bhante’’ti kho āyasmā sāriputto bhagavato paccassosi.
ат̇а ко бхаг̇аваа бхигкуу ааманд̇зси – ‘‘д̇зна хи, бхигкавз, сан̇гхо саарибуд̇д̇ам̣ самманнад̇у д̣̇звад̣̇ад̇д̇ам̣ рааж̇аг̇ахз багаасзд̇ум̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. зван̃жа бана, бхигкавз, самманнид̇аб̣б̣о. батамам̣ саарибуд̇д̇о яаажид̇аб̣б̣о. яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Atha kho bhagavā bhikkhū āmantesi – ‘‘tena hi, bhikkhave, saṅgho sāriputtaṃ sammannatu devadattaṃ rājagahe pakāsetuṃ – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Evañca pana, bhikkhave, sammannitabbo. Paṭhamaṃ sāriputto yācitabbo. Yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ааяасманд̇ам̣ саарибуд̇д̇ам̣ самманнзяяа д̣̇звад̣̇ад̇д̇ам̣ рааж̇аг̇ахз багаасзд̇ум̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho āyasmantaṃ sāriputtaṃ sammanneyya devadattaṃ rājagahe pakāsetuṃ – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Esā ñatti.
‘‘сун̣аад̇у мз, бханд̇з, сан̇гхо. сан̇гхо ааяасманд̇ам̣ саарибуд̇д̇ам̣ самманнад̇и д̣̇звад̣̇ад̇д̇ам̣ рааж̇аг̇ахз багаасзд̇ум̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и, яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. яассааяасмад̇о камад̇и, ааяасмад̇о саарибуд̇д̇асса саммуд̇и д̣̇звад̣̇ад̇д̇ам̣ рааж̇аг̇ахз багаасзд̇ум̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и, яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и – со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho āyasmantaṃ sāriputtaṃ sammannati devadattaṃ rājagahe pakāsetuṃ – ‘pubbe devadattassa aññā pakati ahosi, idāni aññā pakati, yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Yassāyasmato khamati, āyasmato sāriputtassa sammuti devadattaṃ rājagahe pakāsetuṃ – ‘pubbe devadattassa aññā pakati ahosi, idāni aññā pakati, yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti – so tuṇhassa; yassa nakkhamati, so bhāseyya.
‘‘саммад̇о сан̇гхзна ааяасмаа саарибуд̇д̇о д̣̇звад̣̇ад̇д̇ам̣ рааж̇аг̇ахз багаасзд̇ум̣ – ‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’д̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena āyasmā sāriputto devadattaṃ rājagahe pakāsetuṃ – ‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti. Khamati saṅghassa, tasmā tuṇhī, evametaṃ dhārayāmī’’ti.
саммад̇о жа ааяасмаа саарибуд̇д̇о самб̣ахулзхи бхигкуухи сад̣̇д̇хим̣ рааж̇аг̇ахам̣ бависид̇ваа д̣̇звад̣̇ад̇д̇ам̣ рааж̇аг̇ахз багаасзси – ‘‘буб̣б̣з д̣̇звад̣̇ад̇д̇асса ан̃н̃аа багад̇и ахоси, ид̣̇аани ан̃н̃аа багад̇и. яам̣ д̣̇звад̣̇ад̇д̇о гарзяяа гааязна ваажааяа, на д̇зна б̣уд̣̇д̇хо ваа д̇хаммо ваа сан̇гхо ваа д̣̇адтаб̣б̣о, д̣̇звад̣̇ад̇д̇ова д̇зна д̣̇адтаб̣б̣о’’д̇и. д̇ад̇т̇а яз д̇з мануссаа ассад̣̇д̇хаа аббасаннаа д̣̇уб̣б̣уд̣̇д̇хино, д̇з звамаахам̣су – ‘‘усууяагаа имз саман̣аа сагяабуд̇д̇ияаа д̣̇звад̣̇ад̇д̇асса лаабхасаггаарам̣ усууяанд̇ий’’д̇и. яз бана д̇з мануссаа сад̣̇д̇хаа басаннаа бан̣д̣ид̇аа б̣яад̇д̇аа б̣уд̣̇д̇химанд̇о, д̇з звамаахам̣су – ‘‘на ко ид̣̇ам̣ орагам̣ бхависсад̇и яат̇аа бхаг̇аваа д̣̇звад̣̇ад̇д̇ам̣ рааж̇аг̇ахз багаасаабзд̇ий’’д̇и.
Sammato ca āyasmā sāriputto sambahulehi bhikkhūhi saddhiṃ rājagahaṃ pavisitvā devadattaṃ rājagahe pakāsesi – ‘‘pubbe devadattassa aññā pakati ahosi, idāni aññā pakati. Yaṃ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’’ti. Tattha ye te manussā assaddhā appasannā dubbuddhino, te evamāhaṃsu – ‘‘usūyakā ime samaṇā sakyaputtiyā devadattassa lābhasakkāraṃ usūyantī’’ti. Ye pana te manussā saddhā pasannā paṇḍitā byattā buddhimanto, te evamāhaṃsu – ‘‘na kho idaṃ orakaṃ bhavissati yathā bhagavā devadattaṃ rājagahe pakāsāpetī’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / багаасанийяагаммаад̣̇игат̇аа • Pakāsanīyakammādikathā
