| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. баагад̇инд̣̇рияасуд̇д̇ам̣
13. Pākatindriyasuttaṃ
233. згам̣ самаяам̣ самб̣ахулаа бхигкуу госалзсу вихаранд̇и ан̃н̃ад̇арасмим̣ ванасан̣д̣з уд̣̇д̇хад̇аа уннал̣аа жабалаа мукараа вигин̣н̣аваажаа мудтассад̇ино асамбаж̇аанаа асамаахид̇аа виб̣бханд̇ажид̇д̇аа баагад̇инд̣̇рияаа. ат̇а ко яаа д̇асмим̣ ванасан̣д̣з ад̇хивад̇т̇аа д̣̇звад̇аа д̇зсам̣ бхигкуунам̣ анугамбигаа ад̇т̇агаамаа д̇з бхигкуу сам̣взж̇зд̇угаамаа язна д̇з бхигкуу д̇знубасан̇гами; убасан̇гамид̇ваа д̇з бхигкуу г̇аат̇аахи аж̇жхабхааси –
233. Ekaṃ samayaṃ sambahulā bhikkhū kosalesu viharanti aññatarasmiṃ vanasaṇḍe uddhatā unnaḷā capalā mukharā vikiṇṇavācā muṭṭhassatino asampajānā asamāhitā vibbhantacittā pākatindriyā. Atha kho yā tasmiṃ vanasaṇḍe adhivatthā devatā tesaṃ bhikkhūnaṃ anukampikā atthakāmā te bhikkhū saṃvejetukāmā yena te bhikkhū tenupasaṅkami; upasaṅkamitvā te bhikkhū gāthāhi ajjhabhāsi –
‘‘сукаж̇ийвино бурз аасум̣, бхигкуу г̇од̇амасаавагаа;
‘‘Sukhajīvino pure āsuṃ, bhikkhū gotamasāvakā;
анижчаа бин̣д̣амзсанаа, анижчаа саяанаасанам̣;
Anicchā piṇḍamesanā, anicchā sayanāsanaṃ;
логз анижжад̇ам̣ н̃ад̇ваа, д̣̇угкассанд̇ам̣ агам̣су д̇з.
Loke aniccataṃ ñatvā, dukkhassantaṃ akaṃsu te.
‘‘д̣̇уббосам̣ гад̇ваа ад̇д̇аанам̣, г̇аамз г̇ааман̣игаа вияа;
‘‘Dupposaṃ katvā attānaṃ, gāme gāmaṇikā viya;
бхуд̇ваа бхуд̇ваа нибаж̇ж̇анд̇и, барааг̇аарзсу мужчид̇аа.
Bhutvā bhutvā nipajjanti, parāgāresu mucchitā.
‘‘сан̇гхасса ан̃ж̇алим̣ гад̇ваа, ид̇хзгажжз вад̣̇аамахам̣;
‘‘Saṅghassa añjaliṃ katvā, idhekacce vadāmahaṃ;
абавид̣̇д̇хаа 1 анаат̇аа д̇з, яат̇аа бзд̇аа д̇ат̇зва д̇з.
Apaviddhā 2 anāthā te, yathā petā tatheva te.
‘‘яз ко бамад̇д̇аа вихаранд̇и, д̇з мз санд̇хааяа бхаасид̇ам̣;
‘‘Ye kho pamattā viharanti, te me sandhāya bhāsitaṃ;
яз аббамад̇д̇аа вихаранд̇и, намо д̇зсам̣ гаромаха’’нд̇и.
Ye appamattā viharanti, namo tesaṃ karomaha’’nti.
ат̇а ко д̇з бхигкуу д̇ааяа д̣̇звад̇ааяа сам̣взж̇ид̇аа сам̣взг̇амаабаад̣̇унд̇и.
Atha kho te bhikkhū tāya devatāya saṃvejitā saṃvegamāpādunti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 13. баагад̇инд̣̇рияасуд̇д̇аван̣н̣анаа • 13. Pākatindriyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 13. баагад̇инд̣̇рияасуд̇д̇аван̣н̣анаа • 13. Pākatindriyasuttavaṇṇanā
