| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੩. ਪਾਕਤਿਨ੍ਦ੍ਰਿਯਸੁਤ੍ਤਂ
13. Pākatindriyasuttaṃ
੨੩੩. ਏਕਂ ਸਮਯਂ ਸਮ੍ਬਹੁਲਾ ਭਿਕ੍ਖੂ ਕੋਸਲੇਸੁ વਿਹਰਨ੍ਤਿ ਅਞ੍ਞਤਰਸ੍ਮਿਂ વਨਸਣ੍ਡੇ ਉਦ੍ਧਤਾ ਉਨ੍ਨਲ਼ਾ ਚਪਲਾ ਮੁਖਰਾ વਿਕਿਣ੍ਣવਾਚਾ ਮੁਟ੍ਠਸ੍ਸਤਿਨੋ ਅਸਮ੍ਪਜਾਨਾ ਅਸਮਾਹਿਤਾ વਿਬ੍ਭਨ੍ਤਚਿਤ੍ਤਾ ਪਾਕਤਿਨ੍ਦ੍ਰਿਯਾ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਤੇਸਂ ਭਿਕ੍ਖੂਨਂ ਅਨੁਕਮ੍ਪਿਕਾ ਅਤ੍ਥਕਾਮਾ ਤੇ ਭਿਕ੍ਖੂ ਸਂવੇਜੇਤੁਕਾਮਾ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤੇ ਭਿਕ੍ਖੂ ਗਾਥਾਹਿ ਅਜ੍ਝਭਾਸਿ –
233. Ekaṃ samayaṃ sambahulā bhikkhū kosalesu viharanti aññatarasmiṃ vanasaṇḍe uddhatā unnaḷā capalā mukharā vikiṇṇavācā muṭṭhassatino asampajānā asamāhitā vibbhantacittā pākatindriyā. Atha kho yā tasmiṃ vanasaṇḍe adhivatthā devatā tesaṃ bhikkhūnaṃ anukampikā atthakāmā te bhikkhū saṃvejetukāmā yena te bhikkhū tenupasaṅkami; upasaṅkamitvā te bhikkhū gāthāhi ajjhabhāsi –
‘‘ਸੁਖਜੀવਿਨੋ ਪੁਰੇ ਆਸੁਂ, ਭਿਕ੍ਖੂ ਗੋਤਮਸਾવਕਾ।
‘‘Sukhajīvino pure āsuṃ, bhikkhū gotamasāvakā;
ਅਨਿਚ੍ਛਾ ਪਿਣ੍ਡਮੇਸਨਾ, ਅਨਿਚ੍ਛਾ ਸਯਨਾਸਨਂ।
Anicchā piṇḍamesanā, anicchā sayanāsanaṃ;
ਲੋਕੇ ਅਨਿਚ੍ਚਤਂ ਞਤ੍વਾ, ਦੁਕ੍ਖਸ੍ਸਨ੍ਤਂ ਅਕਂਸੁ ਤੇ॥
Loke aniccataṃ ñatvā, dukkhassantaṃ akaṃsu te.
‘‘ਦੁਪ੍ਪੋਸਂ ਕਤ੍વਾ ਅਤ੍ਤਾਨਂ, ਗਾਮੇ ਗਾਮਣਿਕਾ વਿਯ।
‘‘Dupposaṃ katvā attānaṃ, gāme gāmaṇikā viya;
ਭੁਤ੍વਾ ਭੁਤ੍વਾ ਨਿਪਜ੍ਜਨ੍ਤਿ, ਪਰਾਗਾਰੇਸੁ ਮੁਚ੍ਛਿਤਾ॥
Bhutvā bhutvā nipajjanti, parāgāresu mucchitā.
‘‘ਸਙ੍ਘਸ੍ਸ ਅਞ੍ਜਲਿਂ ਕਤ੍વਾ, ਇਧੇਕਚ੍ਚੇ વਦਾਮਹਂ।
‘‘Saṅghassa añjaliṃ katvā, idhekacce vadāmahaṃ;
‘‘ਯੇ ਖੋ ਪਮਤ੍ਤਾ વਿਹਰਨ੍ਤਿ, ਤੇ ਮੇ ਸਨ੍ਧਾਯ ਭਾਸਿਤਂ।
‘‘Ye kho pamattā viharanti, te me sandhāya bhāsitaṃ;
ਯੇ ਅਪ੍ਪਮਤ੍ਤਾ વਿਹਰਨ੍ਤਿ, ਨਮੋ ਤੇਸਂ ਕਰੋਮਹ’’ਨ੍ਤਿ॥
Ye appamattā viharanti, namo tesaṃ karomaha’’nti.
ਅਥ ਖੋ ਤੇ ਭਿਕ੍ਖੂ ਤਾਯ ਦੇવਤਾਯ ਸਂવੇਜਿਤਾ ਸਂવੇਗਮਾਪਾਦੁਨ੍ਤਿ।
Atha kho te bhikkhū tāya devatāya saṃvejitā saṃvegamāpādunti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੩. ਪਾਕਤਿਨ੍ਦ੍ਰਿਯਸੁਤ੍ਤવਣ੍ਣਨਾ • 13. Pākatindriyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੩. ਪਾਕਤਿਨ੍ਦ੍ਰਿਯਸੁਤ੍ਤવਣ੍ਣਨਾ • 13. Pākatindriyasuttavaṇṇanā
