| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
பகிண்ணககதா²
Pakiṇṇakakathā
எத்தா²தி இமஸ்மிங் ஸிக்கா²பதே³. இத³ங் பகிண்ணகங் வுத்தந்தி ஸம்ப³ந்தோ⁴. தீணி பாசித்தியானீதி பி⁴க்கு²னோ அஸம்மதத்தா ஏகங் பாசித்தியங், ஸூரியஸ்ஸ அத்த²ங்க³தத்தா ஏகங், பி⁴க்கு²னுபஸ்ஸயங் உபஸங்கமிதத்தா ஏகந்தி தீணி பாசித்தியானி. கத²ந்தி கேன காரணேன ஹோதீதி யோஜனா. தத்தா²தி பி⁴க்கு²னுபஸ்ஸயங். தஸ்ஸேவாதி ஸம்மதஸ்ஸேவ பி⁴க்கு²னோ. அஞ்ஞேன த⁴ம்மேனாதி க³ருத⁴ம்மேஹி அஞ்ஞேன த⁴ம்மேன. தி³வா பனாதி ஸூரியுக்³க³மனதோ தஸ்ஸ அனத்த²ங்க³தேயேவாதி.
Etthāti imasmiṃ sikkhāpade. Idaṃ pakiṇṇakaṃ vuttanti sambandho. Tīṇi pācittiyānīti bhikkhuno asammatattā ekaṃ pācittiyaṃ, sūriyassa atthaṅgatattā ekaṃ, bhikkhunupassayaṃ upasaṅkamitattā ekanti tīṇi pācittiyāni. Kathanti kena kāraṇena hotīti yojanā. Tatthāti bhikkhunupassayaṃ. Tassevāti sammatasseva bhikkhuno. Aññena dhammenāti garudhammehi aññena dhammena. Divā panāti sūriyuggamanato tassa anatthaṅgateyevāti.
