| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
багин̣н̣агагат̇аа
Pakiṇṇakakathā
имзсу бана руубзсу асаммохад̇т̇ам̣ самод̇хаанам̣ самудтаанам̣ баринибпаннан̃жа сан̇кад̇анд̇и ид̣̇ам̣ ‘багин̣н̣агам̣’ взд̣̇ид̇аб̣б̣ам̣.
Imesu pana rūpesu asammohatthaṃ samodhānaṃ samuṭṭhānaṃ parinipphannañca saṅkhatanti idaṃ ‘pakiṇṇakaṃ’ veditabbaṃ.
д̇ад̇т̇а ‘самод̇хаана’нд̇и саб̣б̣амзва хид̣̇ам̣ руубам̣ самод̇хаанад̇о жагкааяад̇анам̣…бз… габ̣ал̣ийгааро аахааро, подтаб̣б̣ааяад̇анам̣ аабод̇хаад̇ууд̇и бан̃жавийсад̇исан̇кяам̣ ход̇и. д̇ам̣ вад̇т̇уруубзна сад̣̇д̇хим̣ чаб̣б̣ийсад̇исан̇кяам̣ взд̣̇ид̇аб̣б̣ам̣. ид̇о ан̃н̃ам̣ руубам̣ наама над̇т̇и. гзжи бана ‘мид̣̇д̇харуубам̣ наама ад̇т̇ий’д̇и вад̣̇анд̇и. д̇з ‘‘ад̣̇д̇хаа мунийси самб̣уд̣̇д̇хо, над̇т̇и нийваран̣аа д̇аваа’’д̇иаад̣̇ийни (су. ни. 546) вад̇ваа мид̣̇д̇харуубам̣ наама над̇т̇ийд̇и бадисзд̇хзд̇аб̣б̣аа. абарз б̣аларуубзна сад̣̇д̇хим̣ сад̇д̇авийсад̇и, самбхаваруубзна сад̣̇д̇хим̣ адтавийсад̇и, ж̇аад̇ируубзна сад̣̇д̇хим̣ згуунад̇им̣сад̇и, рог̇аруубзна сад̣̇д̇хим̣ самад̇им̣сад̇и руубаанийд̇и вад̣̇анд̇и. д̇зби д̇зсам̣ висум̣ абхаавам̣ д̣̇ассзд̇ваа бадигкибид̇аб̣б̣аа. вааяод̇хаад̇уяаа хи г̇ахид̇ааяа б̣аларуубам̣ г̇ахид̇амзва, ан̃н̃ам̣ б̣аларуубам̣ наама над̇т̇и. аабод̇хаад̇уяаа самбхаваруубам̣, убажаяасанд̇ад̇ийхи ж̇аад̇ируубам̣, ж̇арад̇ааанижжад̇аахи г̇ахид̇аахи рог̇аруубам̣ г̇ахид̇амзва. ан̃н̃ам̣ рог̇аруубам̣ наама над̇т̇и. яоби ган̣н̣арог̇аад̣̇и ааб̣аад̇хо со висамабажжаяасамудтид̇ад̇хаад̇умад̇д̇амзва. на ан̃н̃о д̇ад̇т̇а рог̇о наама ад̇т̇ийд̇и самод̇хаанад̇о чаб̣б̣ийсад̇имзва руубаани.
Tattha ‘samodhāna’nti sabbameva hidaṃ rūpaṃ samodhānato cakkhāyatanaṃ…pe… kabaḷīkāro āhāro, phoṭṭhabbāyatanaṃ āpodhātūti pañcavīsatisaṅkhyaṃ hoti. Taṃ vatthurūpena saddhiṃ chabbīsatisaṅkhyaṃ veditabbaṃ. Ito aññaṃ rūpaṃ nāma natthi. Keci pana ‘middharūpaṃ nāma atthī’ti vadanti. Te ‘‘addhā munīsi sambuddho, natthi nīvaraṇā tavā’’tiādīni (su. ni. 546) vatvā middharūpaṃ nāma natthīti paṭisedhetabbā. Apare balarūpena saddhiṃ sattavīsati, sambhavarūpena saddhiṃ aṭṭhavīsati, jātirūpena saddhiṃ ekūnatiṃsati, rogarūpena saddhiṃ samatiṃsati rūpānīti vadanti. Tepi tesaṃ visuṃ abhāvaṃ dassetvā paṭikkhipitabbā. Vāyodhātuyā hi gahitāya balarūpaṃ gahitameva, aññaṃ balarūpaṃ nāma natthi. Āpodhātuyā sambhavarūpaṃ, upacayasantatīhi jātirūpaṃ, jaratāaniccatāhi gahitāhi rogarūpaṃ gahitameva. Aññaṃ rogarūpaṃ nāma natthi. Yopi kaṇṇarogādi ābādho so visamapaccayasamuṭṭhitadhātumattameva. Na añño tattha rogo nāma atthīti samodhānato chabbīsatimeva rūpāni.
‘самудтаана’нд̇и гад̇и руубаани гад̇исамудтаанаани? д̣̇аса згасамудтаанаани, згам̣ д̣̇висамудтаанам̣, д̇ийн̣и д̇исамудтаанаани, нава жад̇усамудтаанаани, д̣̇вз на гзнажи самудтаханд̇и.
‘Samuṭṭhāna’nti kati rūpāni katisamuṭṭhānāni? Dasa ekasamuṭṭhānāni, ekaṃ dvisamuṭṭhānaṃ, tīṇi tisamuṭṭhānāni, nava catusamuṭṭhānāni, dve na kenaci samuṭṭhahanti.
д̇ад̇т̇а жагкубасаад̣̇о…бз… ж̇ийвид̇инд̣̇рияанд̇и имаани адта зганд̇ам̣ гаммад̇ова самудтаханд̇и. гааяавин̃н̃ад̇д̇иважийвин̃н̃ад̇д̇ид̣̇ваяам̣ зганд̇зна жид̇д̇ад̇о самудтаад̇ийд̇и д̣̇аса ‘згасамудтаанаани’ наама. сад̣̇д̣̇о уд̇уд̇о жа жид̇д̇ад̇о жа самудтаад̇ийд̇и зго ‘д̣̇висамудтаано’ наама. д̇ад̇т̇а авин̃н̃аан̣агасад̣̇д̣̇о уд̇уд̇о самудтаад̇и, савин̃н̃аан̣агасад̣̇д̣̇о жид̇д̇ад̇о. лахуд̇аад̣̇ид̇д̇аяам̣ бана уд̇ужид̇д̇аахаарзхи самудтаад̇ийд̇и д̇ийн̣и ‘д̇исамудтаанаани’ наама. авасзсаани нава руубаани д̇зхи гаммзна жаад̇и жад̇уухи самудтаханд̇ийд̇и нава ‘жад̇усамудтаанаани’ наама. ж̇арад̇аа анижжад̇аа бана зд̇зсу згад̇оби на самудтаханд̇ийд̇и д̣̇вз ‘на гзнажи самудтаханд̇и’ наама. гасмаа? аж̇ааяанад̇о. на хи зд̇аани ж̇ааяанд̇и. гасмаа? ж̇аад̇асса баагабхзд̣̇ад̇д̇аа. уббаннан̃хи руубам̣ ж̇ийрад̇и бхиж̇ж̇ад̇ийд̇и авассам̣ банзд̇ам̣ самбадижчид̇аб̣б̣ам̣. на хи уббаннам̣ руубам̣ аруубам̣ ваа агкаяам̣ наама д̣̇иссад̇и. яаава бана на бхиж̇ж̇ад̇и д̇аавасса барибаагод̇и сид̣̇д̇хамзд̇ам̣. ‘ж̇аад̇асса баагабхзд̣̇ад̇д̇аа’д̇и яад̣̇и жа д̇аани ж̇ааязяяум̣ д̇зсамби баагабхзд̣̇аа бхавзяяум̣. на жа бааго бажжад̇и, бхзд̣̇о ваа бхиж̇ж̇ад̇ийд̇и ж̇аад̇асса баагабхзд̣̇ад̇д̇аа нзд̇ам̣ д̣̇ваяам̣ ж̇ааяад̇и.
Tattha cakkhupasādo…pe… jīvitindriyanti imāni aṭṭha ekantaṃ kammatova samuṭṭhahanti. Kāyaviññattivacīviññattidvayaṃ ekantena cittato samuṭṭhātīti dasa‘ekasamuṭṭhānāni’ nāma. Saddo ututo ca cittato ca samuṭṭhātīti eko ‘dvisamuṭṭhāno’ nāma. Tattha aviññāṇakasaddo ututo samuṭṭhāti, saviññāṇakasaddo cittato. Lahutādittayaṃ pana utucittāhārehi samuṭṭhātīti tīṇi ‘tisamuṭṭhānāni’ nāma. Avasesāni nava rūpāni tehi kammena cāti catūhi samuṭṭhahantīti nava ‘catusamuṭṭhānāni’ nāma. Jaratā aniccatā pana etesu ekatopi na samuṭṭhahantīti dve ‘na kenaci samuṭṭhahanti’ nāma. Kasmā? Ajāyanato. Na hi etāni jāyanti. Kasmā? Jātassa pākabhedattā. Uppannañhi rūpaṃ jīrati bhijjatīti avassaṃ panetaṃ sampaṭicchitabbaṃ. Na hi uppannaṃ rūpaṃ arūpaṃ vā akkhayaṃ nāma dissati. Yāva pana na bhijjati tāvassa paripākoti siddhametaṃ. ‘Jātassa pākabhedattā’ti yadi ca tāni jāyeyyuṃ tesampi pākabhedā bhaveyyuṃ. Na ca pāko paccati, bhedo vā bhijjatīti jātassa pākabhedattā netaṃ dvayaṃ jāyati.
д̇ад̇т̇а сияаа – яат̇аа ‘гаммасса гад̇ад̇д̇аа’д̇и аад̣̇инид̣̇д̣̇зсзсу ‘руубасса убажаяо руубасса санд̇ад̇ий’д̇и важанзна ‘ж̇аад̇и’ ж̇ааяад̇ийд̇и самбадижчид̇ам̣ ход̇и, звам̣ ‘бааго’би бажжад̇у ‘бхзд̣̇о’би бхиж̇ж̇ад̇ууд̇и. ‘‘на д̇ад̇т̇а ‘ж̇аад̇и ж̇ааяад̇ий’д̇и самбадижчид̇ам̣. яз бана д̇хаммаа гаммаад̣̇ийхи ниб̣б̣ад̇д̇анд̇и д̇зсам̣ абхиниб̣б̣ад̇д̇ибхаавад̇о ж̇аад̇ияаа д̇аббажжаяабхаававохааро анумад̇о. на бана барамад̇т̇ад̇о ж̇аад̇и ж̇ааяад̇и. ж̇ааяамаанасса хи абхиниб̣б̣ад̇д̇имад̇д̇ам̣ ж̇аад̇ий’’д̇и.
Tattha siyā – yathā ‘kammassa katattā’ti ādiniddesesu ‘rūpassa upacayo rūpassa santatī’ti vacanena ‘jāti’ jāyatīti sampaṭicchitaṃ hoti, evaṃ ‘pāko’pi paccatu ‘bhedo’pi bhijjatūti. ‘‘Na tattha ‘jāti jāyatī’ti sampaṭicchitaṃ. Ye pana dhammā kammādīhi nibbattanti tesaṃ abhinibbattibhāvato jātiyā tappaccayabhāvavohāro anumato. Na pana paramatthato jāti jāyati. Jāyamānassa hi abhinibbattimattaṃ jātī’’ti.
д̇ад̇т̇а сияаа – ‘яат̇зва ж̇аад̇и язсам̣ д̇хаммаанам̣ абхиниб̣б̣ад̇д̇и д̇аббажжаяабхаававохаарам̣ абхиниб̣б̣ад̇д̇ивохааран̃жа лабхад̇и, д̇ат̇аа баагабхзд̣̇ааби язсам̣ д̇хаммаанам̣ баагабхзд̣̇аа д̇аббажжаяабхаававохаарам̣ абхиниб̣б̣ад̇д̇ивохааран̃жа лабханд̇у. звам̣ ид̣̇амби д̣̇ваяам̣ гаммаад̣̇исамудтаанамзваад̇и вад̇д̇аб̣б̣ам̣ бхависсад̇ий’д̇и. ‘на баагабхзд̣̇аа д̇ам̣ вохаарам̣ лабханд̇и. гасмаа? ж̇анагабажжаяаанубхаавагкан̣з абхаавад̇о. ж̇анагабажжаяаанан̃хи уббаад̣̇зд̇аб̣б̣ад̇хаммасса уббаад̣̇агкан̣зязва аанубхааво, на д̇ад̇о уд̇д̇ари. д̇зхи абхиниб̣б̣ад̇д̇ид̇ад̇хаммагкан̣асмин̃жа ж̇аад̇и бан̃н̃ааяамаанаа д̇аббажжаяабхаававохаарам̣ абхиниб̣б̣ад̇д̇ивохааран̃жа лабхад̇и, д̇асмим̣ кан̣з саб̣бхаавад̇о; на ид̇арад̣̇ваяам̣, д̇асмим̣ кан̣з абхаавад̇од̇и нзвзд̇ам̣ ж̇ааяад̇ий’д̇и вад̇д̇аб̣б̣ам̣. ‘‘ж̇араамаран̣ам̣, бхигкавз, анижжам̣ сан̇кад̇ам̣ бадижжасамуббанна’’нд̇и (сам̣. ни. 2.20) ааг̇ад̇ад̇д̇аа ид̣̇амби д̣̇ваяам̣ ж̇ааяад̇ийд̇и жз – ‘на, барияааяад̣̇зсид̇ад̇д̇аа. д̇ад̇т̇а хи бадижжасамуббаннаанам̣ д̇хаммаанам̣ ж̇араамаран̣ад̇д̇аа барияааязна д̇ам̣ бадижжасамуббанна’нд̇и вуд̇д̇ам̣.
Tattha siyā – ‘yatheva jāti yesaṃ dhammānaṃ abhinibbatti tappaccayabhāvavohāraṃ abhinibbattivohārañca labhati, tathā pākabhedāpi yesaṃ dhammānaṃ pākabhedā tappaccayabhāvavohāraṃ abhinibbattivohārañca labhantu. Evaṃ idampi dvayaṃ kammādisamuṭṭhānamevāti vattabbaṃ bhavissatī’ti. ‘Na pākabhedā taṃ vohāraṃ labhanti. Kasmā? Janakapaccayānubhāvakkhaṇe abhāvato. Janakapaccayānañhi uppādetabbadhammassa uppādakkhaṇeyeva ānubhāvo, na tato uttari. Tehi abhinibbattitadhammakkhaṇasmiñca jāti paññāyamānā tappaccayabhāvavohāraṃ abhinibbattivohārañca labhati, tasmiṃ khaṇe sabbhāvato; na itaradvayaṃ, tasmiṃ khaṇe abhāvatoti nevetaṃ jāyatī’ti vattabbaṃ. ‘‘Jarāmaraṇaṃ, bhikkhave, aniccaṃ saṅkhataṃ paṭiccasamuppanna’’nti (saṃ. ni. 2.20) āgatattā idampi dvayaṃ jāyatīti ce – ‘na, pariyāyadesitattā. Tattha hi paṭiccasamuppannānaṃ dhammānaṃ jarāmaraṇattā pariyāyena taṃ paṭiccasamuppanna’nti vuttaṃ.
‘яад̣̇и звам̣, д̇аяамбзд̇ам̣ аж̇аад̇ад̇д̇аа сасависаан̣ам̣ вияа над̇т̇и; ниб̣б̣аанам̣ вияа ваа нижжа’нд̇и жз – на, ниссаяабадиб̣ад̣̇д̇хавуд̇д̇ид̇о; бат̇авийаад̣̇ийнан̃хи ниссаяаанам̣ бхаавз ж̇аад̇иаад̣̇ид̇д̇аяам̣ бан̃н̃ааяад̇и, д̇асмаа на над̇т̇и. д̇зсан̃жа абхаавз на бан̃н̃ааяад̇и, д̇асмаа на нижжам̣. зд̇амби жа абхинивзсам̣ бадисзд̇хзд̇ум̣ зва ид̣̇ам̣ вуд̇д̇ам̣ – ‘‘ж̇араамаран̣ам̣, бхигкавз, анижжам̣ сан̇кад̇ам̣ бадижжасамуббанна’’нд̇и (сам̣. ни. 2.20). звамаад̣̇ийхи наязхи д̇аани д̣̇вз руубаани на гзхижи самудтаханд̇ийд̇и взд̣̇ид̇аб̣б̣ам̣.
‘Yadi evaṃ, tayampetaṃ ajātattā sasavisāṇaṃ viya natthi; nibbānaṃ viya vā nicca’nti ce – na, nissayapaṭibaddhavuttito; pathavīādīnañhi nissayānaṃ bhāve jātiādittayaṃ paññāyati, tasmā na natthi. Tesañca abhāve na paññāyati, tasmā na niccaṃ. Etampi ca abhinivesaṃ paṭisedhetuṃ eva idaṃ vuttaṃ – ‘‘jarāmaraṇaṃ, bhikkhave, aniccaṃ saṅkhataṃ paṭiccasamuppanna’’nti (saṃ. ni. 2.20). Evamādīhi nayehi tāni dve rūpāni na kehici samuṭṭhahantīti veditabbaṃ.
абижа ‘самудтаана’нд̇и зд̇т̇а аяаман̃н̃оби ад̇т̇о. д̇ассааяам̣ маад̇игаа – ‘гаммаж̇ам̣ гаммабажжаяам̣ гаммабажжаяауд̇усамудтаанам̣, аахаарасамудтаанам̣ аахаарабажжаяам̣ аахаарабажжаяауд̇усамудтаанам̣, уд̇усамудтаанам̣ уд̇убажжаяам̣ уд̇убажжаяауд̇усамудтаанам̣, жид̇д̇асамудтаанам̣ жид̇д̇абажжаяам̣ жид̇д̇абажжаяауд̇усамудтаана’нд̇и.
Apica ‘samuṭṭhāna’nti ettha ayamaññopi attho. Tassāyaṃ mātikā – ‘kammajaṃ kammapaccayaṃ kammapaccayautusamuṭṭhānaṃ, āhārasamuṭṭhānaṃ āhārapaccayaṃ āhārapaccayautusamuṭṭhānaṃ, utusamuṭṭhānaṃ utupaccayaṃ utupaccayautusamuṭṭhānaṃ, cittasamuṭṭhānaṃ cittapaccayaṃ cittapaccayautusamuṭṭhāna’nti.
д̇ад̇т̇а жагкубасаад̣̇аад̣̇и адтавид̇хам̣ руубам̣ сад̣̇д̇хим̣ хад̣̇аяавад̇т̇унаа ‘гаммаж̇ам̣’ наама. гзсамассу хад̇т̇ид̣̇анд̇аа ассаваалаа жамараваалаад̇и звамаад̣̇и ‘гаммабажжаяам̣’ наама. жаггарад̇анам̣ д̣̇звад̇аанам̣ уяяаанавимаанаад̣̇ийнийд̇и звамаад̣̇и ‘гаммабажжаяауд̇усамудтаанам̣’ наама.
Tattha cakkhupasādādi aṭṭhavidhaṃ rūpaṃ saddhiṃ hadayavatthunā ‘kammajaṃ’ nāma. Kesamassu hatthidantā assavālā camaravālāti evamādi ‘kammapaccayaṃ’ nāma. Cakkaratanaṃ devatānaṃ uyyānavimānādīnīti evamādi ‘kammapaccayautusamuṭṭhānaṃ’ nāma.
аахаарад̇о самудтид̇ам̣ суд̣̇д̇хадтагам̣ ‘аахаарасамудтаанам̣’ наама. габ̣ал̣ийгааро аахааро д̣̇виннамби руубасанд̇ад̇ийнам̣ бажжаяо ход̇и аахаарасамудтаанасса жа убаад̣̇иннасса жа. аахаарасамудтаанасса ж̇анаго худ̇ваа бажжаяо ход̇и, гаммаж̇асса анубаалаго худ̇ваад̇и ид̣̇ам̣ аахаараанубаалид̇ам̣ гаммаж̇аруубам̣ ‘аахаарабажжаяам̣’ наама. висабхааг̇аахаарам̣ сзвид̇ваа аад̇абз г̇ажчанд̇асса д̇илагагаал̣агудтаад̣̇ийни уббаж̇ж̇анд̇и, ид̣̇ам̣ ‘аахаарабажжаяауд̇усамудтаанам̣’ наама.
Āhārato samuṭṭhitaṃ suddhaṭṭhakaṃ ‘āhārasamuṭṭhānaṃ’ nāma. Kabaḷīkāro āhāro dvinnampi rūpasantatīnaṃ paccayo hoti āhārasamuṭṭhānassa ca upādinnassa ca. Āhārasamuṭṭhānassa janako hutvā paccayo hoti, kammajassa anupālako hutvāti idaṃ āhārānupālitaṃ kammajarūpaṃ ‘āhārapaccayaṃ’ nāma. Visabhāgāhāraṃ sevitvā ātape gacchantassa tilakakāḷakuṭṭhādīni uppajjanti, idaṃ ‘āhārapaccayautusamuṭṭhānaṃ’ nāma.
уд̇уд̇о самудтид̇ам̣ суд̣̇д̇хадтагам̣ ‘уд̇усамудтаанам̣’ наама. д̇асмим̣ уд̇у ан̃н̃ам̣ адтагам̣ самудтаабзд̇и, ид̣̇ам̣ ‘уд̇убажжаяам̣’ наама. д̇асмимби уд̇у ан̃н̃ам̣ адтагам̣ самудтаабзд̇и, ид̣̇ам̣ ‘уд̇убажжаяауд̇усамудтаанам̣’ наама. звам̣ д̇иссоязва санд̇ад̇ияо гхаддзд̇ум̣ саггод̇и. на д̇ад̇о барам̣. имамад̇т̇ам̣ анубаад̣̇иннагзнааби д̣̇ийбзд̇ум̣ ваддад̇и. уд̇усамудтаано наама валаахаго. уд̇убажжаяаа наама вудтид̇хаараа. д̣̇звз бана вудтз б̣ийж̇аани вирууханд̇и, бат̇авий г̇анд̇хам̣ мун̃жад̇и, баб̣б̣ад̇аа нийлаа кааяанд̇и, самуд̣̇д̣̇о вад̣дхад̇и, зд̇ам̣ уд̇убажжаяауд̇усамудтаанам̣ наама.
Ututo samuṭṭhitaṃ suddhaṭṭhakaṃ ‘utusamuṭṭhānaṃ’ nāma. Tasmiṃ utu aññaṃ aṭṭhakaṃ samuṭṭhāpeti, idaṃ ‘utupaccayaṃ’ nāma. Tasmimpi utu aññaṃ aṭṭhakaṃ samuṭṭhāpeti, idaṃ ‘utupaccayautusamuṭṭhānaṃ’ nāma. Evaṃ tissoyeva santatiyo ghaṭṭetuṃ sakkoti. Na tato paraṃ. Imamatthaṃ anupādinnakenāpi dīpetuṃ vaṭṭati. Utusamuṭṭhāno nāma valāhako. Utupaccayā nāma vuṭṭhidhārā. Deve pana vuṭṭhe bījāni virūhanti, pathavī gandhaṃ muñcati, pabbatā nīlā khāyanti, samuddo vaḍḍhati, etaṃ utupaccayautusamuṭṭhānaṃ nāma.
жид̇д̇ад̇о самудтид̇ам̣ суд̣̇д̇хадтагам̣ ‘жид̇д̇асамудтаанам̣’ наама. ‘‘бажчааж̇аад̇аа жид̇д̇ажзд̇асигаа д̇хаммаа бурзж̇аад̇асса имасса гааяасса бажчааж̇аад̇абажжаязна бажжаяо’’д̇и (бадтаа. 1.1.11) ид̣̇ам̣ ‘жид̇д̇абажжаяам̣’ наама. аагаасз анд̇алигкз хад̇т̇имби д̣̇ассзд̇и, ассамби д̣̇ассзд̇и, рат̇амби д̣̇ассзд̇и , вивид̇хамби сзнааб̣яуухам̣ д̣̇ассзд̇ид̇ий (бади. ма. 3.18) ид̣̇ам̣ ‘жид̇д̇абажжаяауд̇усамудтаанам̣’ наама.
Cittato samuṭṭhitaṃ suddhaṭṭhakaṃ ‘cittasamuṭṭhānaṃ’ nāma. ‘‘Pacchājātā cittacetasikā dhammā purejātassa imassa kāyassa pacchājātapaccayena paccayo’’ti (paṭṭhā. 1.1.11) idaṃ ‘cittapaccayaṃ’ nāma. Ākāse antalikkhe hatthimpi dasseti, assampi dasseti, rathampi dasseti , vividhampi senābyūhaṃ dassetitī (paṭi. ma. 3.18) idaṃ ‘cittapaccayautusamuṭṭhānaṃ’ nāma.
‘баринибпанна’нд̇и баннараса руубаани баринибпаннаани наама, д̣̇аса абаринибпаннаани наама. ‘яад̣̇и абаринибпаннаа, асан̇кад̇аа наама бхавзяяум̣’. ‘‘д̇зсам̣язва бана руубаанам̣ гааяавигааро ‘гааяавин̃н̃ад̇д̇и’ наама, важийвигааро ‘важийвин̃н̃ад̇д̇и’ наама, чид̣̇д̣̇ам̣ виварам̣ ‘аагаасад̇хаад̇у’ наама, лахубхааво ‘лахуд̇аа’ наама, муд̣̇убхааво ‘муд̣̇уд̇аа’ наама, гамман̃н̃абхааво ‘гамман̃н̃ад̇аа’ наама, ниб̣б̣ад̇д̇и ‘убажаяо’ наама, бавад̇д̇и ‘санд̇ад̇и’ наама, ж̇ийран̣аагааро ‘ж̇арад̇аа’ наама, худ̇ваа абхааваагааро ‘анижжад̇аа’ наамаад̇и. саб̣б̣ам̣ баринибпаннам̣ сан̇кад̇амзва ход̇ий’’д̇и.
‘Parinipphanna’nti pannarasa rūpāni parinipphannāni nāma, dasa aparinipphannāni nāma. ‘Yadi aparinipphannā, asaṅkhatā nāma bhaveyyuṃ’. ‘‘Tesaṃyeva pana rūpānaṃ kāyavikāro ‘kāyaviññatti’ nāma, vacīvikāro ‘vacīviññatti’ nāma, chiddaṃ vivaraṃ ‘ākāsadhātu’ nāma, lahubhāvo ‘lahutā’ nāma, mudubhāvo ‘mudutā’ nāma, kammaññabhāvo ‘kammaññatā’ nāma, nibbatti ‘upacayo’ nāma, pavatti ‘santati’ nāma, jīraṇākāro ‘jaratā’ nāma, hutvā abhāvākāro ‘aniccatā’ nāmāti. Sabbaṃ parinipphannaṃ saṅkhatameva hotī’’ti.
адтасаалинияаа д̇хаммасан̇г̇ахаадтагат̇ааяа
Aṭṭhasāliniyā dhammasaṅgahaaṭṭhakathāya
руубаган̣д̣аван̣н̣анаа нидтид̇аа.
Rūpakaṇḍavaṇṇanā niṭṭhitā.
