| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಪಕಿಣ್ಣಕಕಥಾ
Pakiṇṇakakathā
ಏತ್ಥಾತಿ ಇಮಸ್ಮಿಂ ಸಿಕ್ಖಾಪದೇ। ಇದಂ ಪಕಿಣ್ಣಕಂ ವುತ್ತನ್ತಿ ಸಮ್ಬನ್ಧೋ। ತೀಣಿ ಪಾಚಿತ್ತಿಯಾನೀತಿ ಭಿಕ್ಖುನೋ ಅಸಮ್ಮತತ್ತಾ ಏಕಂ ಪಾಚಿತ್ತಿಯಂ, ಸೂರಿಯಸ್ಸ ಅತ್ಥಙ್ಗತತ್ತಾ ಏಕಂ, ಭಿಕ್ಖುನುಪಸ್ಸಯಂ ಉಪಸಙ್ಕಮಿತತ್ತಾ ಏಕನ್ತಿ ತೀಣಿ ಪಾಚಿತ್ತಿಯಾನಿ। ಕಥನ್ತಿ ಕೇನ ಕಾರಣೇನ ಹೋತೀತಿ ಯೋಜನಾ। ತತ್ಥಾತಿ ಭಿಕ್ಖುನುಪಸ್ಸಯಂ। ತಸ್ಸೇವಾತಿ ಸಮ್ಮತಸ್ಸೇವ ಭಿಕ್ಖುನೋ। ಅಞ್ಞೇನ ಧಮ್ಮೇನಾತಿ ಗರುಧಮ್ಮೇಹಿ ಅಞ್ಞೇನ ಧಮ್ಮೇನ। ದಿವಾ ಪನಾತಿ ಸೂರಿಯುಗ್ಗಮನತೋ ತಸ್ಸ ಅನತ್ಥಙ್ಗತೇಯೇವಾತಿ।
Etthāti imasmiṃ sikkhāpade. Idaṃ pakiṇṇakaṃ vuttanti sambandho. Tīṇi pācittiyānīti bhikkhuno asammatattā ekaṃ pācittiyaṃ, sūriyassa atthaṅgatattā ekaṃ, bhikkhunupassayaṃ upasaṅkamitattā ekanti tīṇi pācittiyāni. Kathanti kena kāraṇena hotīti yojanā. Tatthāti bhikkhunupassayaṃ. Tassevāti sammatasseva bhikkhuno. Aññena dhammenāti garudhammehi aññena dhammena. Divā panāti sūriyuggamanato tassa anatthaṅgateyevāti.
