| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
பகிண்ணககதா²வண்ணனா
Pakiṇṇakakathāvaṇṇanā
தோ³மனஸ்ஸசித்தேனேவ ப⁴ணதீதி இமினா ஸன்னிட்டா²பகசேதனா து³க்க²வேத³னாய ஸம்பயுத்தா ஏவாதி த³ஸ்ஸேதி. ஸுக²ப³ஹுலதாய ஹி ராஜானோ ஹஸமானாபி ‘‘கா⁴தேதா²’’தி வத³ந்தி, ஹாஸோ பன நேஸங் அனத்த²வூபஸமாதி³அஞ்ஞவிஸயோதி ஸன்னிட்டா²பகசேதனா து³க்க²வேத³னாய ஸம்பயுத்தா ஏவ. ஸதி பன தோ³மனஸ்ஸே கத²ங் தங் நப்பகாஸதீதி ஆஹ ‘‘ஸுக²வோகிண்ணத்தா’’திஆதி³, புப்³பா³பரியவஸேன உபோ⁴ஸு பஸ்ஸேஸு உப்பஜ்ஜனகஸுகே²ஹி ஆகிண்ணத்தா உப்பன்னஸ்ஸ ச தோ³மனஸ்ஸஸ்ஸ அனுப்பப³ந்த⁴னேன பவத்தியா அபா⁴வதோ ததா³ உப்பன்னம்பி தோ³மனஸ்ஸங் நப்பகாஸதீதி அத்தோ².
Domanassacittenevabhaṇatīti iminā sanniṭṭhāpakacetanā dukkhavedanāya sampayuttā evāti dasseti. Sukhabahulatāya hi rājāno hasamānāpi ‘‘ghātethā’’ti vadanti, hāso pana nesaṃ anatthavūpasamādiaññavisayoti sanniṭṭhāpakacetanā dukkhavedanāya sampayuttā eva. Sati pana domanasse kathaṃ taṃ nappakāsatīti āha ‘‘sukhavokiṇṇattā’’tiādi, pubbāpariyavasena ubhosu passesu uppajjanakasukhehi ākiṇṇattā uppannassa ca domanassassa anuppabandhanena pavattiyā abhāvato tadā uppannampi domanassaṃ nappakāsatīti attho.
