| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
логуд̇д̇арагусалам̣
Lokuttarakusalaṃ
багин̣н̣агагат̇ааван̣н̣анаа
Pakiṇṇakakathāvaṇṇanā
д̇ад̇раад̇и логуд̇д̇араж̇жхаанз. аж̇жхад̇д̇ан̃жаад̇и убад̣дхаг̇аат̇ааяа абхинивисид̇аб̣б̣ам̣ вудтаад̇аб̣б̣ам̣ вибассанаабхуумим̣ бан̃жад̇хаа уд̣̇д̣̇исад̇и. сад̇д̇аадтаад̣̇ийни ан̇г̇аани сад̇д̇адтан̇г̇аанийд̇и аад̣̇исад̣̇д̣̇асса лобо д̣̇адтаб̣б̣о. нимид̇д̇анд̇и яад̇о вудтаанам̣, д̇аани нимид̇д̇абавад̇д̇аани нимид̇д̇аважанзнзва уд̣̇д̣̇исад̇и. сан̇каарубзгкаан̃аан̣амзва арияамаг̇г̇асса б̣ож̇жхан̇г̇аад̣̇ивисзсам̣ нияамзд̇и. гасмаа? д̇ад̇о д̇ад̇о д̣̇уд̇ияаад̣̇ибаад̣̇агаж̇жхаанад̇о уббаннасса сасан̇каарубзгкаан̃аан̣асса баад̣̇агаж̇жхаанаад̇игганд̇аанам̣ ан̇г̇аанам̣ асамаабаж̇ж̇ид̇угаамад̇аавирааг̇абхааванаабхаавад̇о ид̇арасса жа ад̇аб̣бхаавад̇о. д̇зсамби ваад̣̇зсу…бз… вибассанаава нияамзд̇ийд̇и взд̣̇ид̇аб̣б̣аа. гасмаа? вибассанаанияамзнзва хи батамад̇т̇зраваад̣̇зби абаад̣̇агабатамаж̇жхаанабаад̣̇агамаг̇г̇аа батамаж̇жхаанигаава хонд̇и, ид̇арз жа баад̣̇агаж̇жхаанавибассанаанияамзхи д̇ам̣д̇ам̣жхаанигаа. звам̣ сзсаваад̣̇зсуби вибассанаанияамо яат̇аасамбхавам̣ яож̇зд̇аб̣б̣о.
Tatrāti lokuttarajjhāne. Ajjhattañcāti upaḍḍhagāthāya abhinivisitabbaṃ vuṭṭhātabbaṃ vipassanābhūmiṃ pañcadhā uddisati. Sattaaṭṭhādīni aṅgāni sattaṭṭhaṅgānīti ādisaddassa lopo daṭṭhabbo. Nimittanti yato vuṭṭhānaṃ, tāni nimittapavattāni nimittavacaneneva uddisati. Saṅkhārupekkhāñāṇameva ariyamaggassa bojjhaṅgādivisesaṃ niyameti. Kasmā? Tato tato dutiyādipādakajjhānato uppannassa sasaṅkhārupekkhāñāṇassa pādakajjhānātikkantānaṃ aṅgānaṃ asamāpajjitukāmatāvirāgabhāvanābhāvato itarassa ca atabbhāvato. Tesampi vādesu…pe… vipassanāva niyametīti veditabbā. Kasmā? Vipassanāniyameneva hi paṭhamattheravādepi apādakapaṭhamajjhānapādakamaggā paṭhamajjhānikāva honti, itare ca pādakajjhānavipassanāniyamehi taṃtaṃjhānikā. Evaṃ sesavādesupi vipassanāniyamo yathāsambhavaṃ yojetabbo.
багин̣н̣агасан̇каарзд̇и баад̣̇агаж̇жхаанад̇о ан̃н̃асан̇каарз. д̇зна баад̣̇агаж̇жхаанасан̇каарзсу саммасид̇зсу вад̇д̇аб̣б̣амзва над̇т̇ийд̇и д̣̇ассзд̇и. д̇ад̇раабийд̇и д̣̇уд̇ияад̇т̇зраваад̣̇зби. д̇ам̣д̇ам̣жхаанигад̇аа д̇ам̣д̇ам̣саммасид̇асан̇кааравибассанаанияамзхи ход̇и. д̇ад̇рааби хи вибассанаа д̇ам̣д̇ам̣вирааг̇аавирааг̇абхааванаабхаавзна соманассасахаг̇ад̇аа убзгкаасахаг̇ад̇аа жа худ̇ваа жхаанан̇г̇аад̣̇инияамам̣ маг̇г̇асса гарод̇ийд̇и звам̣ вибассанаанияамо вуд̇д̇анаязнзва взд̣̇ид̇аб̣б̣о.
Pakiṇṇakasaṅkhāreti pādakajjhānato aññasaṅkhāre. Tena pādakajjhānasaṅkhāresu sammasitesu vattabbameva natthīti dasseti. Tatrāpīti dutiyattheravādepi. Taṃtaṃjhānikatā taṃtaṃsammasitasaṅkhāravipassanāniyamehi hoti. Tatrāpi hi vipassanā taṃtaṃvirāgāvirāgabhāvanābhāvena somanassasahagatā upekkhāsahagatā ca hutvā jhānaṅgādiniyamaṃ maggassa karotīti evaṃ vipassanāniyamo vuttanayeneva veditabbo.
д̇анд̇и д̇ам̣д̇ам̣жхаанасад̣̇исабхаванам̣. свааяамад̇т̇о баад̣̇агаж̇жхаанасаммасид̇аж̇жхаанубаниссаязхи винаа аж̇жхаасаяамад̇д̇зна асиж̇жханаа убаниссаязна винаа сан̇габбамад̇д̇зна сагад̣̇ааг̇аамипалаад̣̇ийнам̣ асиж̇жханад̣̇ийбагзна нанд̣̇аговаад̣̇зна (ма. ни. 3.398 аад̣̇аяо) д̣̇ийбзд̇аб̣б̣о. д̇ад̇т̇а хи сод̇аабаннааяаби барибун̣н̣асан̇габбабхаавам̣ вад̣̇анд̇зна бхаг̇авад̇аа яасса яасса убаниссаяо ад̇т̇и, д̇асса д̇ассзва аж̇жхаасаяо нияаамаго, наан̃н̃ассаад̇и д̇зна д̇зна барибун̣н̣асан̇габбад̇аа ход̇и, на д̇ад̇о барам̣ сан̇габбасаб̣бхаавзби асиж̇жханад̇од̇и аяамад̇т̇о д̣̇ийбид̇о ход̇и. звамид̇хааби яасса яасса д̣̇уд̇ияаад̣̇ижхаанигасса маг̇г̇асса яат̇аавуд̇д̇о убаниссаяо ад̇т̇и, д̇асса д̇ассзва аж̇жхаасаяо нияаамаго, наан̃н̃асса сад̇иби д̇асмим̣ асиж̇жханад̇о. имасмим̣ бана ваад̣̇з баад̣̇агасаммасид̇аж̇жхаанубаниссаяасаб̣бхаавз аж̇жхаасаяо зганд̇зна ход̇и, д̇ам̣д̇ам̣палуубаниссаяасаб̣бхаавз д̇ам̣д̇ам̣сан̇габбо вияаад̇и д̇ад̣̇абхааваабхаавад̇о аж̇жхаасаяо нияамзд̇ийд̇и вуд̇д̇ам̣.
Tanti taṃtaṃjhānasadisabhavanaṃ. Svāyamattho pādakajjhānasammasitajjhānupanissayehi vinā ajjhāsayamattena asijjhanā upanissayena vinā saṅkappamattena sakadāgāmiphalādīnaṃ asijjhanadīpakena nandakovādena (ma. ni. 3.398 ādayo) dīpetabbo. Tattha hi sotāpannāyapi paripuṇṇasaṅkappabhāvaṃ vadantena bhagavatā yassa yassa upanissayo atthi, tassa tasseva ajjhāsayo niyāmako, nāññassāti tena tena paripuṇṇasaṅkappatā hoti, na tato paraṃ saṅkappasabbhāvepi asijjhanatoti ayamattho dīpito hoti. Evamidhāpi yassa yassa dutiyādijhānikassa maggassa yathāvutto upanissayo atthi, tassa tasseva ajjhāsayo niyāmako, nāññassa satipi tasmiṃ asijjhanato. Imasmiṃ pana vāde pādakasammasitajjhānupanissayasabbhāve ajjhāsayo ekantena hoti, taṃtaṃphalūpanissayasabbhāve taṃtaṃsaṅkappo viyāti tadabhāvābhāvato ajjhāsayo niyametīti vuttaṃ.
яасмим̣ бана баад̣̇агаж̇жхаанам̣ над̇т̇ийд̇и жад̇уд̇т̇аж̇жхаанигаваж̇ж̇аанам̣ баад̣̇агаани логияаж̇жхаанаани санд̇хааяа вуд̇д̇ам̣. аббанааббад̇д̇и жа ол̣аариган̇г̇аад̇иггаманубаниссаяаабхаавз бан̃жахи ан̇г̇зхи винаа на ход̇ийд̇и ‘‘соманассасахаг̇ад̇амаг̇г̇о ход̇ий’’д̇и ааха. убзгкаасахаг̇ад̇амаг̇г̇од̇и зд̇зна жад̇уд̇т̇аж̇жхаанигад̇ааби самаанаа анусаяасамуг̇гхааданасамад̇т̇асса на сан̇каараавасзсад̇аад̇и д̣̇ассзд̇и. д̇з жа ваад̣̇аа на вируж̇жханд̇и аж̇жхаасаяавасзна бан̃жамаж̇жхаанигад̇ааяа батамаад̣̇иж̇жхаанигад̇ааяа жа самбхавад̇од̇и ад̇хиббааяо. аж̇жхаасаяо жа саад̇т̇аго ход̇и, ан̃н̃ат̇аа баад̣̇агасаммасид̇аж̇жхаанзхзва нияамасса сид̣̇д̇хад̇д̇аа аж̇жхаасаяо нияаамаго вужжамаано нирад̇т̇аго сияаад̇и. ид̇ха бана адтасаалинияаа нияааманз зганд̇игам̣ вибассанаасан̇каад̇ам̣ ад̇т̇амзва уд̣̇д̇харид̇ваа ‘‘д̇зсамби ваад̣̇зсу аяам̣…бз… вибассанаава нияамзд̇ий’’д̇и вад̣̇анд̇зна д̇аяобзд̇з ваад̣̇з вибассанаава нияамзд̇ийд̇и д̣̇ассид̇ам̣. д̇ам̣д̇ам̣ваад̣̇аанан̃хи вибассанаасахид̇аанамзва сид̣̇д̇хи, наан̃н̃ат̇аад̇и д̣̇ассид̇анд̇и.
Yasmiṃ pana pādakajjhānaṃ natthīti catutthajjhānikavajjānaṃ pādakāni lokiyajjhānāni sandhāya vuttaṃ. Appanāppatti ca oḷārikaṅgātikkamanupanissayābhāve pañcahi aṅgehi vinā na hotīti ‘‘somanassasahagatamaggo hotī’’ti āha. Upekkhāsahagatamaggoti etena catutthajjhānikatāpi samānā anusayasamugghāṭanasamatthassa na saṅkhārāvasesatāti dasseti. Te ca vādā na virujjhanti ajjhāsayavasena pañcamajjhānikatāya paṭhamādijjhānikatāya ca sambhavatoti adhippāyo. Ajjhāsayo ca sātthako hoti, aññathā pādakasammasitajjhāneheva niyamassa siddhattā ajjhāsayo niyāmako vuccamāno niratthako siyāti. Idha pana aṭṭhasāliniyā niyāmane ekantikaṃ vipassanāsaṅkhātaṃ atthameva uddharitvā ‘‘tesampi vādesu ayaṃ…pe… vipassanāva niyametī’’ti vadantena tayopete vāde vipassanāva niyametīti dassitaṃ. Taṃtaṃvādānañhi vipassanāsahitānameva siddhi, nāññathāti dassitanti.
бавзд̇хад̇ийд̇и г̇од̇рабхусса бажжаяо бхавид̇ум̣ на саггод̇ийд̇и ад̇т̇о. яад̣̇и бан̃жамажид̇д̇агкан̣з ж̇аванам̣ бад̇ид̇ам̣ наама ход̇и, гат̇ам̣ д̇ад̣̇аа г̇од̇рабху д̇ад̣̇ананд̇аран̃жа маг̇г̇о ж̇аванасса бад̇ид̇агкан̣з уббаж̇ж̇ад̇ийд̇и? абуб̣б̣асса ж̇авананд̇арасса бад̇ид̇ад̇аабхаавад̇о. д̇ад̣̇зва хи ж̇аванам̣ анзгагкад̇д̇ум̣ бавад̇д̇амаанам̣ бад̇ид̇ам̣ сияаад̇и, г̇од̇рабху бана аарамман̣анд̇арз уббаннам̣ абуб̣б̣ам̣ ж̇аванам̣, д̇ат̇аа маг̇г̇о бхууманд̇арад̇о жаад̇и. нану жа сад̇д̇амаж̇аванажзд̇анааяа б̣алавад̇ааяа убабаж̇ж̇авзд̣̇анийяабхааво ход̇и аананд̇арияад̇аабийд̇и, д̇ад̇т̇ааяам̣ ад̇хиббааяо сияаа ‘‘бадисанд̇хияаа ананд̇арабажжаяабхаавино вибаагасанд̇аанасса ананд̇арабажжаяабхаавзна анд̇имаж̇аванажзд̇анааяа сусан̇кад̇ад̇д̇аа саа сад̇д̇амаж̇аванажзд̇анаа убабаж̇ж̇авзд̣̇анийяаа аананд̇аригаа жа ход̇и, на абад̇ид̇аж̇аванажзд̇анаа вияа б̣алавад̇ааяаа’’д̇и.
Pavedhatīti gotrabhussa paccayo bhavituṃ na sakkotīti attho. Yadi pañcamacittakkhaṇe javanaṃ patitaṃ nāma hoti, kathaṃ tadā gotrabhu tadanantarañca maggo javanassa patitakkhaṇe uppajjatīti? Apubbassa javanantarassa patitatābhāvato. Tadeva hi javanaṃ anekakkhattuṃ pavattamānaṃ patitaṃ siyāti, gotrabhu pana ārammaṇantare uppannaṃ apubbaṃ javanaṃ, tathā maggo bhūmantarato cāti. Nanu ca sattamajavanacetanāya balavatāya upapajjavedanīyabhāvo hoti ānantariyatāpīti, tatthāyaṃ adhippāyo siyā ‘‘paṭisandhiyā anantarapaccayabhāvino vipākasantānassa anantarapaccayabhāvena antimajavanacetanāya susaṅkhatattā sā sattamajavanacetanā upapajjavedanīyā ānantarikā ca hoti, na apatitajavanacetanā viya balavatāyā’’ti.
буна ануломам̣ д̇ам̣ ануб̣анд̇хзяяаад̇и г̇од̇рабхусса хи сан̇каараарамман̣ад̇д̇з сад̇и д̇ад̣̇аби ануломамзваад̇и буримаануломам̣ вияа д̇ам̣ д̇ад̣̇аби ан̃н̃ам̣ ануломам̣ ануб̣анд̇хзяяа, на маг̇г̇од̇и маг̇г̇авудтаанамзва жа на бхавзяяа ад̇д̇ано сад̣̇исааламб̣анасса ааваж̇ж̇анадтаанияасса бажжаяасса алаабхаа. аббахийнабхаавзна бан̃жасу убаад̣̇аанагканд̇хзсу анусаяид̇аа гилзсаа саа бхууми зд̇зхи лад̣̇д̇хаад̇и гад̇ваа бхуумилад̣̇д̇хаа. ваддам̣ синонд̇и б̣анд̇ханд̇ийд̇и гад̇ваа ваддасзд̇уу жа, д̇зсам̣ самуг̇гхаад̇агаран̣анд̇иби зд̇ад̣̇звасса лобхагканд̇хаад̣̇ибад̣̇ааланам̣ вужжад̇и. д̇анд̇и бавад̇д̇ам̣. згам̣ бхаванд̇и анааг̇аамино анзгагкад̇д̇ун̃жа д̇ад̇т̇зва убабаж̇ж̇анд̇асса хздтаа анааг̇аманавасзна зго бхавод̇и г̇ахзд̇ваа вуд̇д̇ам̣.
Puna anulomaṃ taṃ anubandheyyāti gotrabhussa hi saṅkhārārammaṇatte sati tadapi anulomamevāti purimaanulomaṃ viya taṃ tadapi aññaṃ anulomaṃ anubandheyya, na maggoti maggavuṭṭhānameva ca na bhaveyya attano sadisālambanassa āvajjanaṭṭhāniyassa paccayassa alābhā. Appahīnabhāvena pañcasu upādānakkhandhesu anusayitā kilesā sā bhūmi etehi laddhāti katvā bhūmiladdhā. Vaṭṭaṃ sinonti bandhantīti katvā vaṭṭasetū ca, tesaṃ samugghātakaraṇantipi etadevassa lobhakkhandhādipadālanaṃ vuccati. Tanti pavattaṃ. Ekaṃ bhavanti anāgāmino anekakkhattuñca tattheva upapajjantassa heṭṭhā anāgamanavasena eko bhavoti gahetvā vuttaṃ.
имасса банад̇т̇ассаад̇и яат̇аавуд̇д̇асса убаад̣̇иннагабавад̇д̇ад̇о вудтаанасса. абааязсу сад̇д̇амабхавад̇о уд̣̇д̇хам̣ суг̇ад̇ияан̃жа вибаагад̣̇ааяагасса абхисан̇кааравин̃н̃аан̣асса бажжаяагхаад̇о сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хо д̣̇адтаб̣б̣о. д̣̇вийсу бхавзсууд̇и анааг̇аамимаг̇г̇з абхаавид̇з сагад̣̇ааг̇аамисса гаамад̇хаад̇уяам̣ яз д̣̇вз бхаваа уббаж̇ж̇зяяум̣, д̇зсууд̇и ад̇т̇о. жалад̇ийд̇и зд̇зна жаланасабхаавамзва д̣̇ассзд̇и, на ажаланаабхаавам̣, д̇асмаа ажаланам̣ д̣̇ассзд̇ваа буна жаланам̣ д̣̇ассзд̇ум̣ ‘‘д̇ат̇ааг̇ад̇асса хий’’д̇иаад̣̇имааха. язби ваа гад̇т̇ажи жад̇д̇аароби маг̇г̇з самаанабадибад̣̇з д̣̇исваа сабхаавад̇о ажаланамзва г̇ан̣хзяяум̣, д̇зсам̣ д̇ам̣г̇ахан̣анивааран̣ад̇т̇ам̣ ‘‘жалад̇ий’’д̇и вуд̇д̇ам̣, на жаланаавад̇хааран̣ад̇т̇анд̇и яуд̇д̇ам̣ убхаяад̣̇ассанам̣. ат̇а ваа яад̣̇иби гзсан̃жи жад̇д̇аароби маг̇г̇аа самаанабадибад̣̇аа, д̇ат̇ааби гилзсинд̣̇риязхи сиж̇жхамаанаа бадибад̣̇аа д̇зсам̣ васзна жаланабагад̇игаа зваад̇и ‘‘жалад̇и’’жжзва вуд̇д̇ам̣, на ‘‘на жалад̇ий’’д̇и.
Imassa panatthassāti yathāvuttassa upādinnakapavattato vuṭṭhānassa. Apāyesu sattamabhavato uddhaṃ sugatiyañca vipākadāyakassa abhisaṅkhāraviññāṇassa paccayaghāto sotāpattimaggañāṇena abhisaṅkhāraviññāṇassa nirodho daṭṭhabbo. Dvīsu bhavesūti anāgāmimagge abhāvite sakadāgāmissa kāmadhātuyaṃ ye dve bhavā uppajjeyyuṃ, tesūti attho. Calatīti etena calanasabhāvameva dasseti, na acalanābhāvaṃ, tasmā acalanaṃ dassetvā puna calanaṃ dassetuṃ ‘‘tathāgatassa hī’’tiādimāha. Yepi vā katthaci cattāropi magge samānapaṭipade disvā sabhāvato acalanameva gaṇheyyuṃ, tesaṃ taṃgahaṇanivāraṇatthaṃ ‘‘calatī’’ti vuttaṃ, na calanāvadhāraṇatthanti yuttaṃ ubhayadassanaṃ. Atha vā yadipi kesañci cattāropi maggā samānapaṭipadā, tathāpi kilesindriyehi sijjhamānā paṭipadā tesaṃ vasena calanapakatikā evāti ‘‘calati’’cceva vuttaṃ, na ‘‘na calatī’’ti.
логуд̇д̇арагусалабагин̣н̣агагат̇ааван̣н̣анаа нидтид̇аа.
Lokuttarakusalapakiṇṇakakathāvaṇṇanā niṭṭhitā.
