| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
багин̣н̣агагат̇ааван̣н̣анаа
Pakiṇṇakakathāvaṇṇanā
975. над̇т̇и нийваран̣аад̇и важанзна мид̣̇д̇хассаби нийваран̣асса бахаанам̣ вуд̇д̇ам̣, на жа руубам̣ бахаад̇аб̣б̣ам̣, на жа руубагааяаг̇злан̃н̃ам̣ мунино над̇т̇ийд̇и саггаа вад̇д̇ум̣ ‘‘бидти мз ааг̇илааяад̇и, д̇амахам̣ ааяамиссаамий’’д̇и (ма. ни. 2.22) важанад̇о. савин̃н̃аан̣агасад̣̇д̣̇од̇и вин̃н̃аан̣зна бавад̇д̇ид̇о важийгхосаад̣̇исад̣̇д̣̇о. на хи зд̇аани ж̇ааяанд̇ийд̇и барибажжамаанасса руубасса барибажжанам̣ ж̇араа , кийяамаанасса каяо анижжад̇аад̇и руубабхаавамад̇д̇аани зд̇аани, на саяам̣ сабхаававанд̇аанийд̇и санд̇хааяа вуд̇д̇ам̣. д̇ат̇аа ж̇ааяамаанасса ж̇ананам̣ ж̇аад̇и, саа жа руубабхаавова, на саяам̣ сабхаававад̇ийд̇и ‘‘на бана барамад̇т̇ад̇о ж̇аад̇и ж̇ааяад̇ий’’д̇и вуд̇д̇ам̣.
975. Natthi nīvaraṇāti vacanena middhassapi nīvaraṇassa pahānaṃ vuttaṃ, na ca rūpaṃ pahātabbaṃ, na ca rūpakāyagelaññaṃ munino natthīti sakkā vattuṃ ‘‘piṭṭhi me āgilāyati, tamahaṃ āyamissāmī’’ti (ma. ni. 2.22) vacanato. Saviññāṇakasaddoti viññāṇena pavattito vacīghosādisaddo. Na hi etāni jāyantīti paripaccamānassa rūpassa paripaccanaṃ jarā , khīyamānassa khayo aniccatāti rūpabhāvamattāni etāni, na sayaṃ sabhāvavantānīti sandhāya vuttaṃ. Tathā jāyamānassa jananaṃ jāti, sā ca rūpabhāvova, na sayaṃ sabhāvavatīti ‘‘na pana paramatthato jāti jāyatī’’ti vuttaṃ.
д̇зсам̣ бажжаяо зд̇иссаад̇и д̇аббажжаяаа, д̇аббажжаяааяа бхааво д̇аббажжаяабхааво, д̇аббажжаяабхаавзна бавад̇д̇о вохааро д̇аббажжаяабхаававохааро, д̇ам̣ лабхад̇и. абхиниб̣б̣ад̇д̇ид̇ад̇хаммагкан̣асминд̇и абхиниб̣б̣ад̇д̇ияамаанад̇хаммагкан̣асминд̇и ад̇хиббааяо. на хи д̇ад̣̇аа д̇з д̇хаммаа на ж̇ааяанд̇ийд̇и ж̇ааяамаанабхаавова ж̇аад̇ийд̇и яуд̇д̇аа д̇ассаа гаммаад̣̇исамудтаанад̇аа д̇ам̣ниб̣б̣ад̇д̇ад̇аа жа, на бана д̇ад̣̇аа д̇з д̇хаммаа ж̇ийяанд̇и кийяанд̇и жа, д̇асмаа на д̇зсам̣ д̇з ж̇ийран̣абхиж̇ж̇анабхааваа жид̇д̇аад̣̇исамудтаанаа д̇ам̣ниб̣б̣ад̇д̇аа жаад̇и важанам̣ араханд̇и. звамаби убаад̣̇инна-сад̣̇д̣̇о убзд̇зна гаммунаа аад̣̇иннад̇ам̣ вад̣̇ад̇и, на ниб̣б̣ад̇д̇инд̇и убаад̣̇иннабаагабхзд̣̇аанам̣ убаад̣̇иннад̇аа д̇зсам̣ вад̇д̇аб̣б̣аад̇и жз? на, аад̣̇инна-сад̣̇д̣̇асса ниб̣б̣ад̇д̇иваажагад̇д̇аа. убзд̇зна ниб̣б̣ад̇д̇ан̃хи убаад̣̇иннанд̇и бажжаяаанубхаавагкан̣ан̃жа ниб̣б̣ад̇д̇ин̃жа г̇ахзд̇ваава бавад̇д̇о аяам̣ вохааро д̇ад̣̇аа абхааваа ж̇араамаран̣з на бавад̇д̇ад̇ийд̇и. бадижжасамуббаннаанам̣ д̇хаммаанам̣ ж̇араамаран̣ад̇д̇аа д̇зсам̣ уббаад̣̇з сад̇и ж̇араамаран̣ам̣ ход̇и, асад̇и на ход̇и. на хи аж̇аад̇ам̣ барибажжад̇и бхиж̇ж̇ад̇и ваа, д̇асмаа ж̇аад̇ибажжаяад̇ам̣ санд̇хааяа ‘‘ж̇араамаран̣ам̣ бадижжасамуббанна’’нд̇и вуд̇д̇ам̣.
Tesaṃ paccayo etissāti tappaccayā, tappaccayāya bhāvo tappaccayabhāvo, tappaccayabhāvena pavatto vohāro tappaccayabhāvavohāro, taṃ labhati. Abhinibbattitadhammakkhaṇasminti abhinibbattiyamānadhammakkhaṇasminti adhippāyo. Na hi tadā te dhammā na jāyantīti jāyamānabhāvova jātīti yuttā tassā kammādisamuṭṭhānatā taṃnibbattatā ca, na pana tadā te dhammā jīyanti khīyanti ca, tasmā na tesaṃ te jīraṇabhijjanabhāvā cittādisamuṭṭhānā taṃnibbattā cāti vacanaṃ arahanti. Evamapi upādinna-saddo upetena kammunā ādinnataṃ vadati, na nibbattinti upādinnapākabhedānaṃ upādinnatā tesaṃ vattabbāti ce? Na, ādinna-saddassa nibbattivācakattā. Upetena nibbattañhi upādinnanti paccayānubhāvakkhaṇañca nibbattiñca gahetvāva pavatto ayaṃ vohāro tadā abhāvā jarāmaraṇe na pavattatīti. Paṭiccasamuppannānaṃ dhammānaṃ jarāmaraṇattā tesaṃ uppāde sati jarāmaraṇaṃ hoti, asati na hoti. Na hi ajātaṃ paripaccati bhijjati vā, tasmā jātipaccayataṃ sandhāya ‘‘jarāmaraṇaṃ paṭiccasamuppanna’’nti vuttaṃ.
ниссаяабадиб̣ад̣̇д̇хавуд̇д̇ид̇од̇и ж̇ааяамаанабарибажжамаанабхиж̇ж̇амаанаанам̣ ж̇ааяамаанаад̣̇ибхаавамад̇д̇ад̇д̇аа ж̇ааяамаанаад̣̇иниссаяабадиб̣ад̣̇д̇хавуд̇д̇игаа ж̇аад̇иаад̣̇аяод̇и вуд̇д̇ам̣ ход̇и. яад̣̇и звам̣ убаад̣̇ааяаруубаанан̃жа жагкааяад̇анаад̣̇ийнам̣ уббаад̣̇аад̣̇исабхаавабхууд̇аа ж̇аад̇иаад̣̇аяо д̇ам̣ниссид̇аа хонд̇ийд̇и бхууд̇аниссид̇аанам̣ д̇зсам̣ лагкан̣аанам̣ убаад̣̇ааяабхааво вияа убаад̣̇ааяаруубаниссид̇аанам̣ убаад̣̇ааяубаад̣̇ааяабхааво аабаж̇ж̇ад̇ийд̇и жз? на, бхууд̇абадиб̣ад̣̇д̇хаубаад̣̇ааяаруубалагкан̣аанан̃жа бхууд̇абадиб̣ад̣̇д̇хабхаавасса авинивад̇д̇анад̇о. абижа згагалаабабарияаабаннаанам̣ руубаанам̣ сахзва уббаад̣̇аад̣̇иббавад̇д̇ид̇о згасса галаабасса уббаад̣̇аад̣̇аяо згзгаава хонд̇ийд̇и яат̇аа згзгасса галаабасса ж̇ийвид̇инд̣̇рияам̣ галаабаанубаалагам̣ ‘‘убаад̣̇ааяарууба’’нд̇и вужжад̇и, звам̣ галаабуббаад̣̇аад̣̇исабхааваа ж̇аад̇иаад̣̇аяо ‘‘убаад̣̇ааяаруубаани’’жжзва вужжанд̇и. звам̣ вигаарабарижчзд̣̇аруубаани жа яож̇зд̇аб̣б̣аани.
Nissayapaṭibaddhavuttitoti jāyamānaparipaccamānabhijjamānānaṃ jāyamānādibhāvamattattā jāyamānādinissayapaṭibaddhavuttikā jātiādayoti vuttaṃ hoti. Yadi evaṃ upādāyarūpānañca cakkhāyatanādīnaṃ uppādādisabhāvabhūtā jātiādayo taṃnissitā hontīti bhūtanissitānaṃ tesaṃ lakkhaṇānaṃ upādāyabhāvo viya upādāyarūpanissitānaṃ upādāyupādāyabhāvo āpajjatīti ce? Na, bhūtapaṭibaddhaupādāyarūpalakkhaṇānañca bhūtapaṭibaddhabhāvassa avinivattanato. Apica ekakalāpapariyāpannānaṃ rūpānaṃ saheva uppādādippavattito ekassa kalāpassa uppādādayo ekekāva hontīti yathā ekekassa kalāpassa jīvitindriyaṃ kalāpānupālakaṃ ‘‘upādāyarūpa’’nti vuccati, evaṃ kalāpuppādādisabhāvā jātiādayo ‘‘upādāyarūpāni’’cceva vuccanti. Evaṃ vikāraparicchedarūpāni ca yojetabbāni.
гаммасамудтаанасамб̣анд̇хам̣ уд̇усамудтаанам̣ гаммависзсзна суван̣н̣ад̣̇уб̣б̣ан̣н̣асусан̣тид̇ад̣̇уссан̣тид̇аад̣̇ивисзсам̣ ход̇ийд̇и ‘‘гаммабажжаяа’’нд̇и вуд̇д̇ам̣. гаммавибаагаанубхаванасса гааран̣абхууд̇ам̣ б̣аахирауд̇усамудтаанам̣ гаммабажжаяауд̇усамудтаанам̣. гаммасахааяо бажжаяо, гаммасса ваа сахааяабхууд̇о бажжаяо гаммабажжаяо, сова уд̇у гаммабажжаяауд̇у, со самудтаанам̣ зд̇ассаад̇и гаммабажжаяауд̇усамудтаананд̇и важанад̇т̇о. сийд̇з ун̣хз ваа гисмин̃жи уд̇умхи самааг̇ад̇з д̇ад̇о суд̣̇д̇хадтагам̣ уббаж̇ж̇ад̇и, д̇асса со уд̇у самудтаанам̣. д̣̇уд̇ияасса суд̣̇д̇хадтагасса уд̇усамудтаанигабадиб̣анд̇хагасса со зва буримо уд̇у бажжаяо. д̇ад̇ияам̣ бана суд̣̇д̇хадтагам̣ буримауд̇усахааязна уд̇унаа ниб̣б̣ад̇д̇ад̇д̇аа буб̣б̣з вуд̇д̇анаязнзва ‘‘уд̇убажжаяауд̇усамудтаана’’нд̇и вуд̇д̇ам̣. звамаяам̣ буримо уд̇у д̇иссо санд̇ад̇ияо гхаддзд̇и, д̇ад̇о барам̣ ан̃н̃ауд̇усамааг̇амз ан̃н̃асанд̇ад̇ид̇д̇аяам̣, д̇ад̇о жа ан̃н̃зна ан̃н̃анд̇и звам̣ бавад̇д̇и д̣̇адтаб̣б̣аа. д̇ад̣̇зд̇ам̣ сийд̇ун̣хаанам̣ аббаб̣ахубхаавз д̇ам̣сампассасса ажираббавад̇д̇ияаа жираббавад̇д̇ияаа жа взд̣̇ид̇аб̣б̣ам̣, анубаад̣̇иннзна д̣̇ийбанаа на санд̇ад̇ид̇д̇аяавасзна, ат̇а ко мзгхасамудтаабагамуулауд̇увасзна багааранд̇арзна д̣̇адтаб̣б̣аа, д̇ам̣ д̣̇ассзд̇ум̣ ‘‘уд̇усамудтаано наама валаахаго’’д̇иаад̣̇имааха. руубаруубаанам̣ вигаараад̣̇имад̇д̇абхаавад̇о абаринибпаннад̇аа вуд̇д̇аа. д̇зсан̃хи руубавигаараад̣̇ибхаавад̇о руубад̇аад̇и ад̇хиббааяо. руубавигаараад̣̇ибхаавад̇о зва бана руубз сад̇и санд̇и, асад̇и на санд̇ийд̇и асан̇кад̇абхааванивааран̣ад̇т̇ам̣ баринибпаннад̇аа вуд̇д̇аад̇и.
Kammasamuṭṭhānasambandhaṃ utusamuṭṭhānaṃ kammavisesena suvaṇṇadubbaṇṇasusaṇṭhitadussaṇṭhitādivisesaṃ hotīti ‘‘kammapaccaya’’nti vuttaṃ. Kammavipākānubhavanassa kāraṇabhūtaṃ bāhirautusamuṭṭhānaṃ kammapaccayautusamuṭṭhānaṃ. Kammasahāyo paccayo, kammassa vā sahāyabhūto paccayo kammapaccayo, sova utu kammapaccayautu, so samuṭṭhānaṃ etassāti kammapaccayautusamuṭṭhānanti vacanattho. Sīte uṇhe vā kismiñci utumhi samāgate tato suddhaṭṭhakaṃ uppajjati, tassa so utu samuṭṭhānaṃ. Dutiyassa suddhaṭṭhakassa utusamuṭṭhānikapaṭibandhakassa so eva purimo utu paccayo. Tatiyaṃ pana suddhaṭṭhakaṃ purimautusahāyena utunā nibbattattā pubbe vuttanayeneva ‘‘utupaccayautusamuṭṭhāna’’nti vuttaṃ. Evamayaṃ purimo utu tisso santatiyo ghaṭṭeti, tato paraṃ aññautusamāgame aññasantatittayaṃ, tato ca aññena aññanti evaṃ pavatti daṭṭhabbā. Tadetaṃ sītuṇhānaṃ appabahubhāve taṃsamphassassa acirappavattiyā cirappavattiyā ca veditabbaṃ, anupādinnena dīpanā na santatittayavasena, atha kho meghasamuṭṭhāpakamūlautuvasena pakārantarena daṭṭhabbā, taṃ dassetuṃ ‘‘utusamuṭṭhāno nāma valāhako’’tiādimāha. Rūparūpānaṃ vikārādimattabhāvato aparinipphannatā vuttā. Tesañhi rūpavikārādibhāvato rūpatāti adhippāyo. Rūpavikārādibhāvato eva pana rūpe sati santi, asati na santīti asaṅkhatabhāvanivāraṇatthaṃ parinipphannatā vuttāti.
руубаган̣д̣аван̣н̣анаа нидтид̇аа.
Rūpakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / навагаад̣̇инид̣̇д̣̇зсаван̣н̣анаа • Navakādiniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / багин̣н̣агагат̇ааван̣н̣анаа • Pakiṇṇakakathāvaṇṇanā
