| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
логуд̇д̇арагусалам̣
Lokuttarakusalaṃ
багин̣н̣агагат̇ааван̣н̣анаа
Pakiṇṇakakathāvaṇṇanā
бан̃жад̇хаа уд̣̇д̣̇исад̇и бан̃жубаад̣̇аанагканд̇хз аж̇жхад̇д̇ад̣̇угавасзна руубад̣̇угавасзна жа бхинд̣̇ид̇ваа абхинд̣̇ид̇ваа жа нимид̇д̇аважанзнзва уд̣̇д̣̇исад̇и бавад̇д̇ассаби сан̇кааранимид̇д̇абхааваанад̇ивад̇д̇анад̇о вудтаад̇аб̣б̣ад̇аасааман̃н̃ад̇о жа. д̇знзва убаад̣̇иннаанубаад̣̇иннавасзна бавад̇д̇ам̣ д̣̇вид̇хаа гад̇ваа нид̣̇д̣̇исид̇вааби ‘‘аяам̣ д̇аава нимид̇д̇з винижчаяо’’д̇и нимид̇д̇авасзнзва ниг̇амзд̇и. зд̇т̇а жа нимид̇д̇ам̣ аж̇жхад̇д̇аб̣ахид̣̇д̇хаа, бавад̇д̇ам̣ бана аж̇жхад̇д̇амзваад̇и аяамзд̇зсам̣ висзсо. б̣ож̇жхан̇г̇аад̣̇ивисзсанд̇и б̣ож̇жхан̇г̇ажхаанан̇г̇амаг̇г̇ан̇г̇аанам̣ асад̣̇исад̇ам̣. асамаабаж̇ж̇ид̇угаамад̇аасан̇каад̇аа вид̇аггаад̣̇ивирааг̇абхааванаа асамаабаж̇ж̇ид̇угаамад̇аавирааг̇абхааванаа. ид̇арассаад̇и баад̣̇агаж̇жхаанаад̣̇игасса. ад̇аб̣бхаавад̇од̇и яат̇аавуд̇д̇авирааг̇абхааванаабхаавасса абхаавад̇о. ид̣̇ам̣ вуд̇д̇ам̣ ход̇и – яат̇аа маг̇г̇аасаннааяа вибассанааяа соманассасахаг̇ад̇ад̇д̇з маг̇г̇асса батамаад̣̇иж̇жхаанигад̇аа жа убзгкаасахаг̇ад̇ад̇д̇з бан̃жамаж̇жхаанигад̇аа зва жа д̇аб̣б̣асзна жа б̣ож̇жхан̇г̇аад̣̇ийнам̣ висзсод̇и д̇зсам̣ нияамз аасаннагааран̣ам̣ бад̇хаанагааран̣ан̃жа вудтаанаг̇ааминивибассанаа, на звам̣ баад̣̇агаж̇жхаанаад̣̇аяод̇и.
Pañcadhāuddisati pañcupādānakkhandhe ajjhattadukavasena rūpadukavasena ca bhinditvā abhinditvā ca nimittavacaneneva uddisati pavattassapi saṅkhāranimittabhāvānativattanato vuṭṭhātabbatāsāmaññato ca. Teneva upādinnānupādinnavasena pavattaṃ dvidhā katvā niddisitvāpi ‘‘ayaṃ tāva nimitte vinicchayo’’ti nimittavaseneva nigameti. Ettha ca nimittaṃ ajjhattabahiddhā, pavattaṃ pana ajjhattamevāti ayametesaṃ viseso. Bojjhaṅgādivisesanti bojjhaṅgajhānaṅgamaggaṅgānaṃ asadisataṃ. Asamāpajjitukāmatāsaṅkhātā vitakkādivirāgabhāvanā asamāpajjitukāmatāvirāgabhāvanā. Itarassāti pādakajjhānādikassa. Atabbhāvatoti yathāvuttavirāgabhāvanābhāvassa abhāvato. Idaṃ vuttaṃ hoti – yathā maggāsannāya vipassanāya somanassasahagatatte maggassa paṭhamādijjhānikatā ca upekkhāsahagatatte pañcamajjhānikatā eva ca tabbasena ca bojjhaṅgādīnaṃ visesoti tesaṃ niyame āsannakāraṇaṃ padhānakāraṇañca vuṭṭhānagāminivipassanā, na evaṃ pādakajjhānādayoti.
ид̣̇аани абаад̣̇агабатамаж̇жхаанабаад̣̇агаанам̣ багин̣н̣агасан̇каарабатамаж̇жхаанаани саммасид̇ваа ниб̣б̣ад̇д̇ид̇аанан̃жа маг̇г̇аанам̣ зганд̇зна батамаж̇жхаанигабхаавад̇о вибассанаанияамоязвзд̇т̇а зганд̇иго бад̇хаанан̃жаад̇и имамад̇т̇ам̣ вибхаавзнд̇о ‘‘вибассанаанияамзнзваа’’д̇иаад̣̇имааха. д̇ад̇т̇а ид̇арзд̇и д̣̇уд̇ияаж̇жхаанигаад̣̇имаг̇г̇аа. баад̣̇агаж̇жхаанаад̇игганд̇аанам̣ ан̇г̇аанам̣ асамаабаж̇ж̇ид̇угаамад̇аавирааг̇абхааванаабхууд̇аа вудтаанаг̇ааминивибассанаа ад̇хидтаанабхууд̇зна баад̣̇агаж̇жхаанзна аахид̇ависзсаа маг̇г̇асса жхаанан̇г̇аад̣̇ивисзсанияаамигаа ход̇ийд̇и ‘‘баад̣̇агаж̇жхаанавибассанаанияамзхий’’д̇и вуд̇д̇ам̣. яат̇аа жа ад̇хидтаанабхууд̇зна баад̣̇агаж̇жхаанзна, звам̣ аарамман̣абхууд̇зна саммасид̇аж̇жхаанзна убхаяасаб̣бхаавз аж̇жхаасаяавасзна аахид̇ависзсаа вибассанаа нияамзд̇ийд̇и ааха ‘‘звам̣ сзсаваад̣̇зсуби…бз… яож̇зд̇аб̣б̣о’’д̇и.
Idāni apādakapaṭhamajjhānapādakānaṃ pakiṇṇakasaṅkhārapaṭhamajjhānāni sammasitvā nibbattitānañca maggānaṃ ekantena paṭhamajjhānikabhāvato vipassanāniyamoyevettha ekantiko padhānañcāti imamatthaṃ vibhāvento ‘‘vipassanāniyamenevā’’tiādimāha. Tattha itareti dutiyajjhānikādimaggā. Pādakajjhānātikkantānaṃ aṅgānaṃ asamāpajjitukāmatāvirāgabhāvanābhūtā vuṭṭhānagāminivipassanā adhiṭṭhānabhūtena pādakajjhānena āhitavisesā maggassa jhānaṅgādivisesaniyāmikā hotīti ‘‘pādakajjhānavipassanāniyamehī’’ti vuttaṃ. Yathā ca adhiṭṭhānabhūtena pādakajjhānena, evaṃ ārammaṇabhūtena sammasitajjhānena ubhayasabbhāve ajjhāsayavasena āhitavisesā vipassanā niyametīti āha ‘‘evaṃ sesavādesupi…pe… yojetabbo’’ti.
баад̣̇агаж̇жхаанасан̇каарзсууд̇и батамаж̇жхаанасан̇каарзсу. ‘‘батамаж̇жхаанам̣ баад̣̇агам̣ гад̇ваа’’д̇и (д̇ха. са. адта. 350) хи вуд̇д̇ам̣. д̇ам̣д̇ам̣вирааг̇аавирааг̇абхааванаабхаавзнаад̇и вид̇аггаад̣̇ийнам̣ вираж̇ж̇анаавираж̇ж̇анабхааванаабхаавзна. д̇зна аарамман̣аж̇жхаанассаби вибассанааяа висзсаад̇хаанам̣ убаниссаяад̇амааха.
Pādakajjhānasaṅkhāresūti paṭhamajjhānasaṅkhāresu. ‘‘Paṭhamajjhānaṃ pādakaṃ katvā’’ti (dha. sa. aṭṭha. 350) hi vuttaṃ. Taṃtaṃvirāgāvirāgabhāvanābhāvenāti vitakkādīnaṃ virajjanāvirajjanabhāvanābhāvena. Tena ārammaṇajjhānassapi vipassanāya visesādhānaṃ upanissayatamāha.
баад̣̇агаж̇жхаанасаммасид̇аж̇жхаанааниязва б̣ож̇жхан̇г̇аад̣̇ивисзсаанам̣ убаниссаяо гааран̣анд̇и баад̣̇агаж̇жхаанасаммасид̇аж̇жхаанубаниссаяо , д̇асса саб̣бхаавз. д̇ад̣̇абхааваабхаавад̇од̇и д̇асса аж̇жхаасаяасса абхааваабхаавад̇о.
Pādakajjhānasammasitajjhānāniyeva bojjhaṅgādivisesānaṃ upanissayo kāraṇanti pādakajjhānasammasitajjhānupanissayo, tassa sabbhāve. Tadabhāvābhāvatoti tassa ajjhāsayassa abhāvābhāvato.
жад̇уд̇т̇аж̇жхаанигасса маг̇г̇асса ааруббз аруубаж̇жхаанамзва баад̣̇агам̣ сияаад̇и ааха ‘‘жад̇уд̇т̇аж̇жхаанигаваж̇ж̇аана’’нд̇и. арияамаг̇г̇асса ол̣аариган̇г̇аад̇иггамануубаниссаяаа вибассанааяа ад̇хидтаанаарамман̣абхууд̇аа д̣̇уд̇ияаж̇жхаанаад̣̇аяо. бан̃жахи ан̇г̇зхийд̇и бан̃жахи жхаанан̇г̇зхи. ‘‘д̇ам̣д̇ам̣ваад̣̇зхи бан̃н̃аабияамаанаани баад̣̇агаж̇жхаанаад̣̇ийни ваад̣̇асахажаарид̇ааяа ‘ваад̣̇аа’д̇и вужжанд̇ий’’д̇и ад̇хиббааязна ‘‘д̇аяобзд̇з ваад̣̇з’’д̇и ааха. вад̣̇анд̇и зд̇зхийд̇и ваа ваад̣̇агаран̣абхууд̇аани баад̣̇агаж̇жхаанаад̣̇ийни ваад̣̇аа.
Catutthajjhānikassa maggassa āruppe arūpajjhānameva pādakaṃ siyāti āha ‘‘catutthajjhānikavajjāna’’nti. Ariyamaggassa oḷārikaṅgātikkamanūpanissayā vipassanāya adhiṭṭhānārammaṇabhūtā dutiyajjhānādayo. Pañcahi aṅgehīti pañcahi jhānaṅgehi. ‘‘Taṃtaṃvādehi paññāpiyamānāni pādakajjhānādīni vādasahacāritāya ‘vādā’ti vuccantī’’ti adhippāyena ‘‘tayopete vāde’’ti āha. Vadanti etehīti vā vādakaraṇabhūtāni pādakajjhānādīni vādā.
вибаагасанд̇аанасса…бз… сусан̇кад̇ад̇д̇аад̇и зд̇зна яасмим̣ санд̇аанз гаммам̣ уббаж̇ж̇ад̇и, д̇ад̇т̇а уббаж̇ж̇амаанамзва гин̃жи висзсаад̇хаанам̣ гарод̇ийд̇и д̣̇ийбзд̇и. яад̇о д̇асмим̣язва санд̇аанз д̇асса вибааго, наан̃н̃ад̇т̇а.
Vipākasantānassa…pe…susaṅkhatattāti etena yasmiṃ santāne kammaṃ uppajjati, tattha uppajjamānameva kiñci visesādhānaṃ karotīti dīpeti. Yato tasmiṃyeva santāne tassa vipāko, nāññattha.
буримаануломам̣ вияа д̇анд̇и яат̇аа г̇од̇рабхудтаанз уббаннаануломад̇о буримаануломан̃аан̣ам̣ д̇ам̣ г̇од̇рабхудтаанз уббаннаануломам̣ ануб̣анд̇хад̇и, звам̣. д̇ад̣̇абийд̇и г̇од̇рабхудтаанз уббаннаануломан̃аан̣амби ан̃н̃ам̣ ануломан̃аан̣амзва ануб̣анд̇хзяяа, д̇асса ананд̇арам̣ уббаж̇ж̇зяяа. саа бхуумийд̇и саа бан̃жубаад̣̇аанагканд̇хасан̇каад̇аа гилзсаанам̣ уббад̇д̇идтаанад̇ааяа бхууми. зго бхавод̇и г̇ахзд̇ваа вуд̇д̇анд̇и зд̇зна сад̇д̇а бхавз д̣̇вз бхавзд̇и ид̣̇амби ад̇хиббааяавасзна нзд̇аб̣б̣ад̇т̇ам̣, на яат̇ааруд̇авасзнаад̇и д̣̇ассзд̇и. д̇ад̇т̇ааяам̣ ад̇хиббааяо – згаваарам̣ гаамааважарад̣̇звзсу згаваарам̣ мануссзсууд̇и звамби миссид̇уубабад̇д̇ивасзна д̇зсу згиссаа зва убабад̇д̇ияаа аяам̣ барижчзд̣̇о. яам̣ бана ‘‘на д̇з бхавам̣ адтамамаад̣̇ияанд̇ий’’д̇и (ку. баа. 6.9; су. ни. 232) вуд̇д̇ам̣, д̇амби гаамааважарабхавам̣язва санд̇хааяааха. махаг̇г̇ад̇абхаваанам̣ барижчзд̣̇о над̇т̇ийд̇и вад̣̇анд̇и. д̇ат̇аа ‘‘табзд̇ваа д̣̇вз бхавз’’д̇и зд̇т̇ааби гаамааважарад̣̇звамануссабхаваанам̣ миссагавасзнзва, д̇асмаа гаамад̇хаад̇уяам̣ яз д̣̇вз бхаваад̇и гаамааважарад̣̇звамануссавасзна яз д̣̇вз бхаваад̇и ад̇т̇о. буримавигаббзсу буг̇г̇алабхзд̣̇зна бадибад̣̇аа бхинд̣̇ид̇ваа гассажи жалад̇ийд̇и, гассажи на жалад̇ийд̇и гад̇ваа ‘‘жалад̇и зваа’’д̇и авад̇хааран̣аманд̇арзна ад̇т̇о вуд̇д̇о. яасмаа бана адтагат̇ааяам̣ (д̇ха. са. адта. 350 логуд̇д̇арагусалабагин̣н̣агагат̇аа) ‘‘яат̇аа жа бадибад̣̇аа, звам̣ ад̇хибад̇иби жалад̇и зваа’’д̇и вуд̇д̇ам̣, д̇асмаа саб̣б̣зсамби бадибад̣̇аасу абхзд̣̇зна г̇ахид̇аасу зганд̇зна жаланам̣ самбхавад̇ийд̇и ‘‘жалад̇ижжзва вуд̇д̇ам̣, на на жалад̇ий’’д̇и д̇ад̇ияавигаббо жаланаавад̇хааран̣о вуд̇д̇о.
Purimānulomaṃ viya tanti yathā gotrabhuṭṭhāne uppannānulomato purimaanulomañāṇaṃ taṃ gotrabhuṭṭhāne uppannānulomaṃ anubandhati, evaṃ. Tadapīti gotrabhuṭṭhāne uppannānulomañāṇampi aññaṃ anulomañāṇameva anubandheyya, tassa anantaraṃ uppajjeyya. Sā bhūmīti sā pañcupādānakkhandhasaṅkhātā kilesānaṃ uppattiṭṭhānatāya bhūmi. Eko bhavoti gahetvā vuttanti etena satta bhave dve bhaveti idampi adhippāyavasena netabbatthaṃ, na yathārutavasenāti dasseti. Tatthāyaṃ adhippāyo – ekavāraṃ kāmāvacaradevesu ekavāraṃ manussesūti evampi missitūpapattivasena tesu ekissā eva upapattiyā ayaṃ paricchedo. Yaṃ pana ‘‘na te bhavaṃ aṭṭhamamādiyantī’’ti (khu. pā. 6.9; su. ni. 232) vuttaṃ, tampi kāmāvacarabhavaṃyeva sandhāyāha. Mahaggatabhavānaṃ paricchedo natthīti vadanti. Tathā ‘‘ṭhapetvā dve bhave’’ti etthāpi kāmāvacaradevamanussabhavānaṃ missakavaseneva, tasmā kāmadhātuyaṃ ye dve bhavāti kāmāvacaradevamanussavasena ye dve bhavāti attho. Purimavikappesu puggalabhedena paṭipadā bhinditvā kassaci calatīti, kassaci na calatīti katvā ‘‘calati evā’’ti avadhāraṇamantarena attho vutto. Yasmā pana aṭṭhakathāyaṃ (dha. sa. aṭṭha. 350 lokuttarakusalapakiṇṇakakathā) ‘‘yathā ca paṭipadā, evaṃ adhipatipi calati evā’’ti vuttaṃ, tasmā sabbesampi paṭipadāsu abhedena gahitāsu ekantena calanaṃ sambhavatīti ‘‘calaticceva vuttaṃ, na na calatī’’ti tatiyavikappo calanāvadhāraṇo vutto.
логуд̇д̇арагусалабагин̣н̣агагат̇ааван̣н̣анаа нидтид̇аа.
Lokuttarakusalapakiṇṇakakathāvaṇṇanā niṭṭhitā.
