| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
багин̣н̣агагат̇ааван̣н̣анаа
Pakiṇṇakakathāvaṇṇanā
багин̣н̣аганд̇и вомиссаганаяам̣. самудтаананд̇и уббад̇д̇игааран̣ам̣. гирияаад̇иаад̣̇и нид̣̇ассанамад̇д̇ам̣, агирияаад̣̇ийнамби сан̇г̇ахо д̣̇адтаб̣б̣о. взд̣̇анааяаад̇и сахаяог̇з гаран̣аважанам̣, взд̣̇анааяа саха гусалан̃жаад̇и вуд̇д̇ам̣ ход̇и. саб̣б̣асан̇г̇аахагавасзнаад̇и саб̣б̣зсам̣ сигкаабад̣̇аанам̣ сан̇г̇аахагавасзна. ча сигкаабад̣̇асамудтаанаанийд̇и гааяо ваажаа гааяаваажаа гааяажид̇д̇ам̣ ваажаажид̇д̇ам̣ гааяаваажаажид̇д̇анд̇и звам̣ вуд̇д̇аани ча аабад̇д̇исамудтаанаани. аабад̇д̇иязва хи сигкаабад̣̇асийсзна вуд̇д̇аа. самудтаанаад̣̇аяо хи аабад̇д̇ияаа хонд̇и, на сигкаабад̣̇асса, имзсу бана часу самудтаанзсу буримаани д̇ийн̣и ажид̇д̇агаани, бажчимаани сажид̇д̇агаани. д̇зсу згзна ваа д̣̇вийхи ваа д̇ийхи ваа жад̇уухи ваа чахи ваа самудтаанзхи аабад̇д̇ияо самудтаханд̇и, бан̃жасамудтаанаа аабад̇д̇и наама над̇т̇и. д̇ад̇т̇а згасамудтаанаа жад̇уд̇т̇зна жа бан̃жамзна жа чадтзна жа самудтаанзна самудтаад̇и, на ан̃н̃зна. д̣̇висамудтаанаа батамажад̇уд̇т̇зхи жа д̣̇уд̇ияабан̃жамзхи жа д̇ад̇ияачадтзхи жа жад̇уд̇т̇ачадтзхи жа бан̃жамачадтзхи жа самудтаанзхи самудтаад̇и, на ан̃н̃зхи. д̇исамудтаанаа батамзхи жа д̇ийхи, бажчимзхи жа д̇ийхи самудтаанзхи самудтаад̇и, на ан̃н̃зхи. жад̇усамудтаанаа батамад̇ад̇ияажад̇уд̇т̇ачадтзхи жа д̣̇уд̇ияад̇ад̇ияабан̃жамачадтзхи жа самудтаанзхи самудтаад̇и, на ан̃н̃зхи. часамудтаанаа чахиби самудтаад̇и.
Pakiṇṇakanti vomissakanayaṃ. Samuṭṭhānanti uppattikāraṇaṃ. Kiriyātiādi nidassanamattaṃ, akiriyādīnampi saṅgaho daṭṭhabbo. Vedanāyāti sahayoge karaṇavacanaṃ, vedanāya saha kusalañcāti vuttaṃ hoti. Sabbasaṅgāhakavasenāti sabbesaṃ sikkhāpadānaṃ saṅgāhakavasena. Cha sikkhāpadasamuṭṭhānānīti kāyo vācā kāyavācā kāyacittaṃ vācācittaṃ kāyavācācittanti evaṃ vuttāni cha āpattisamuṭṭhānāni. Āpattiyeva hi sikkhāpadasīsena vuttā. Samuṭṭhānādayo hi āpattiyā honti, na sikkhāpadassa, imesu pana chasu samuṭṭhānesu purimāni tīṇi acittakāni, pacchimāni sacittakāni. Tesu ekena vā dvīhi vā tīhi vā catūhi vā chahi vā samuṭṭhānehi āpattiyo samuṭṭhahanti, pañcasamuṭṭhānā āpatti nāma natthi. Tattha ekasamuṭṭhānā catutthena ca pañcamena ca chaṭṭhena ca samuṭṭhānena samuṭṭhāti, na aññena. Dvisamuṭṭhānā paṭhamacatutthehi ca dutiyapañcamehi ca tatiyachaṭṭhehi ca catutthachaṭṭhehi ca pañcamachaṭṭhehi ca samuṭṭhānehi samuṭṭhāti, na aññehi. Tisamuṭṭhānā paṭhamehi ca tīhi, pacchimehi ca tīhi samuṭṭhānehi samuṭṭhāti, na aññehi. Catusamuṭṭhānā paṭhamatatiyacatutthachaṭṭhehi ca dutiyatatiyapañcamachaṭṭhehi ca samuṭṭhānehi samuṭṭhāti, na aññehi. Chasamuṭṭhānā chahipi samuṭṭhāti.
сигкаабад̣̇ам̣ наама ад̇т̇и часамудтаананд̇и зд̇т̇ааби сигкаабад̣̇асийсзна аабад̇д̇и вуд̇д̇аад̇и взд̣̇ид̇аб̣б̣аа. д̇знзва вагкад̇и ‘‘саб̣б̣ан̃жзд̇ам̣ аабад̇д̇ияам̣ яуж̇ж̇ад̇и, сигкаабад̣̇асийсзна бана саб̣б̣аадтагат̇аасу д̣̇зсанаа аарул̣хаа’’д̇и. гааяаад̣̇ийхи чахи самудтаанам̣ уббад̇д̇и, ча ваа самудтаанаани зд̇ассаад̇и часамудтаанам̣. ад̇т̇и жад̇усамудтаананд̇и гааяо гааяаваажаа гааяажид̇д̇ам̣ гааяаваажаажид̇д̇анд̇и имаани жад̇д̇аари, ваажаа гааяаваажаа ваажаажид̇д̇ам̣ гааяаваажаажид̇д̇анд̇и имаани ваа жад̇д̇аари самудтаанаани зд̇ассаад̇и жад̇усамудтаанам̣. ад̇т̇и д̇исамудтаананд̇и гааяо ваажаа гааяаваажаад̇и имаани д̇ийн̣и, гааяажид̇д̇ам̣ ваажаажид̇д̇ам̣ гааяаваажаажид̇д̇анд̇и имаани ваа д̇ийн̣и самудтаанаани зд̇ассаад̇и д̇исамудтаанам̣. д̣̇висамудтаанам̣ згасамудтаанан̃жа самудтаанасийсавасзна д̣̇ассзнд̇о ‘‘ад̇т̇и гат̇инасамудтаана’’нд̇иаад̣̇имааха. д̇зраса хи самудтаанасийсаани батамабаарааж̇игасамудтаанам̣ ад̣̇иннаад̣̇аанасамудтаанам̣ сан̃жарид̇д̇асамудтаанам̣ саманубхаасанасамудтаанам̣ гат̇инасамудтаанам̣ зл̣агаломасамудтаанам̣ бад̣̇асод̇хаммасамудтаанам̣ ад̣̇д̇хаанасамудтаанам̣ т̇зяяасад̇т̇асамудтаанам̣ д̇хаммад̣̇зсанаасамудтаанам̣ бхууд̇аарожанасамудтаанам̣ жоривудтаабанасамудтаанам̣ ананун̃н̃аад̇асамудтаананд̇и.
Sikkhāpadaṃ nāma atthi chasamuṭṭhānanti etthāpi sikkhāpadasīsena āpatti vuttāti veditabbā. Teneva vakkhati ‘‘sabbañcetaṃ āpattiyaṃ yujjati, sikkhāpadasīsena pana sabbaaṭṭhakathāsu desanā āruḷhā’’ti. Kāyādīhi chahi samuṭṭhānaṃ uppatti, cha vā samuṭṭhānāni etassāti chasamuṭṭhānaṃ. Atthi catusamuṭṭhānanti kāyo kāyavācā kāyacittaṃ kāyavācācittanti imāni cattāri, vācā kāyavācā vācācittaṃ kāyavācācittanti imāni vā cattāri samuṭṭhānāni etassāti catusamuṭṭhānaṃ. Atthi tisamuṭṭhānanti kāyo vācā kāyavācāti imāni tīṇi, kāyacittaṃ vācācittaṃ kāyavācācittanti imāni vā tīṇi samuṭṭhānāni etassāti tisamuṭṭhānaṃ. Dvisamuṭṭhānaṃ ekasamuṭṭhānañca samuṭṭhānasīsavasena dassento ‘‘atthi kathinasamuṭṭhāna’’ntiādimāha. Terasa hi samuṭṭhānasīsāni paṭhamapārājikasamuṭṭhānaṃ adinnādānasamuṭṭhānaṃ sañcarittasamuṭṭhānaṃ samanubhāsanasamuṭṭhānaṃ kathinasamuṭṭhānaṃ eḷakalomasamuṭṭhānaṃ padasodhammasamuṭṭhānaṃ addhānasamuṭṭhānaṃ theyyasatthasamuṭṭhānaṃ dhammadesanāsamuṭṭhānaṃ bhūtārocanasamuṭṭhānaṃ corivuṭṭhāpanasamuṭṭhānaṃ ananuññātasamuṭṭhānanti.
д̇ад̇т̇а ‘‘ад̇т̇и часамудтаана’’нд̇и иминаа сан̃жарид̇д̇асамудтаанам̣ вуд̇д̇ам̣. ‘‘ад̇т̇и жад̇усамудтаана’’нд̇и иминаа бана ад̣̇д̇хаанасамудтаанам̣ ананун̃н̃аад̇асамудтаанан̃жа сан̇г̇ахид̇ам̣. яан̃хи батамад̇ад̇ияажад̇уд̇т̇ачадтзхи самудтаад̇и, ид̣̇ам̣ ад̣̇д̇хаанасамудтаанам̣. яам̣ бана д̣̇уд̇ияад̇ад̇ияабан̃жамачадтзхи самудтаад̇и, ид̣̇ам̣ ананун̃н̃аад̇асамудтаанам̣. ‘‘ад̇т̇и д̇исамудтаана’’нд̇и иминаа ад̣̇иннаад̣̇аанасамудтаанам̣ бхууд̇аарожанасамудтаанан̃жа сан̇г̇ахид̇ам̣. яан̃хи сажид̇д̇агзхи д̇ийхи самудтаанзхи самудтаад̇и, ид̣̇ам̣ ад̣̇иннаад̣̇аанасамудтаанам̣. яам̣ бана ажид̇д̇агзхи д̇ийхи самудтаад̇и, ид̣̇ам̣ бхууд̇аарожанасамудтаанам̣. ‘‘ад̇т̇и гат̇инасамудтаана’’нд̇иаад̣̇инаа бана авасзсасамудтаанасийсзна д̣̇висамудтаанам̣ згасамудтаанан̃жа сан̇г̇ан̣хаад̇и. д̇ат̇аа хи яам̣ д̇ад̇ияачадтзхи самудтаад̇и, ид̣̇ам̣ гат̇инасамудтаананд̇и вужжад̇и. яам̣ батамажад̇уд̇т̇зхи самудтаад̇и, ид̣̇ам̣ зл̣агаломасамудтаанам̣. яам̣ чадтзнзва самудтаад̇и, ид̣̇ам̣ д̇хуранигкзбасамудтаанам̣, саманубхаасанасамудтаананд̇иби д̇ассзва наамам̣. аад̣̇и-сад̣̇д̣̇асан̇г̇ахид̇зсу бана батамабаарааж̇игасамудтаанабад̣̇асод̇хаммат̇зяяасад̇т̇ад̇хаммад̣̇зсанаажоривудтаабанасамудтаанзсу яам̣ гааяажид̇д̇ад̇о самудтаад̇и, ид̣̇ам̣ батамабаарааж̇игасамудтаанам̣. яам̣ д̣̇уд̇ияабан̃жамзхи самудтаад̇и, ид̣̇ам̣ бад̣̇асод̇хаммасамудтаанам̣. яам̣ жад̇уд̇т̇ачадтзхи самудтаад̇и, ид̣̇ам̣ т̇зяяасад̇т̇асамудтаанам̣. яам̣ бан̃жамзнзва самудтаад̇и, ид̣̇ам̣ д̇хаммад̣̇зсанаасамудтаанам̣. яам̣ бан̃жамачадтзхи самудтаад̇и, ид̣̇ам̣ жоривудтаабанасамудтаананд̇и взд̣̇ид̇аб̣б̣ам̣.
Tattha ‘‘atthi chasamuṭṭhāna’’nti iminā sañcarittasamuṭṭhānaṃ vuttaṃ. ‘‘Atthi catusamuṭṭhāna’’nti iminā pana addhānasamuṭṭhānaṃ ananuññātasamuṭṭhānañca saṅgahitaṃ. Yañhi paṭhamatatiyacatutthachaṭṭhehi samuṭṭhāti, idaṃ addhānasamuṭṭhānaṃ. Yaṃ pana dutiyatatiyapañcamachaṭṭhehi samuṭṭhāti, idaṃ ananuññātasamuṭṭhānaṃ. ‘‘Atthi tisamuṭṭhāna’’nti iminā adinnādānasamuṭṭhānaṃ bhūtārocanasamuṭṭhānañca saṅgahitaṃ. Yañhi sacittakehi tīhi samuṭṭhānehi samuṭṭhāti, idaṃ adinnādānasamuṭṭhānaṃ. Yaṃ pana acittakehi tīhi samuṭṭhāti, idaṃ bhūtārocanasamuṭṭhānaṃ. ‘‘Atthi kathinasamuṭṭhāna’’ntiādinā pana avasesasamuṭṭhānasīsena dvisamuṭṭhānaṃ ekasamuṭṭhānañca saṅgaṇhāti. Tathā hi yaṃ tatiyachaṭṭhehi samuṭṭhāti, idaṃ kathinasamuṭṭhānanti vuccati. Yaṃ paṭhamacatutthehi samuṭṭhāti, idaṃ eḷakalomasamuṭṭhānaṃ. Yaṃ chaṭṭheneva samuṭṭhāti, idaṃ dhuranikkhepasamuṭṭhānaṃ, samanubhāsanasamuṭṭhānantipi tasseva nāmaṃ. Ādi-saddasaṅgahitesu pana paṭhamapārājikasamuṭṭhānapadasodhammatheyyasatthadhammadesanācorivuṭṭhāpanasamuṭṭhānesu yaṃ kāyacittato samuṭṭhāti, idaṃ paṭhamapārājikasamuṭṭhānaṃ. Yaṃ dutiyapañcamehi samuṭṭhāti, idaṃ padasodhammasamuṭṭhānaṃ. Yaṃ catutthachaṭṭhehi samuṭṭhāti, idaṃ theyyasatthasamuṭṭhānaṃ. Yaṃ pañcameneva samuṭṭhāti, idaṃ dhammadesanāsamuṭṭhānaṃ. Yaṃ pañcamachaṭṭhehi samuṭṭhāti, idaṃ corivuṭṭhāpanasamuṭṭhānanti veditabbaṃ.
звам̣ самудтаанасийсзна саб̣б̣асигкаабад̣̇аани д̇зрасад̇хаа д̣̇ассзд̇ваа ид̣̇аани гирияаавасзна бан̃жад̇хаа д̣̇ассзнд̇о ‘‘д̇ад̇рааби гин̃жи гирияад̇о самудтаад̇ий’’д̇иаад̣̇имааха. д̇ад̇т̇а гин̃жийд̇и сигкаабад̣̇асийсзна аабад̇д̇им̣ вад̣̇ад̇и. д̇асмаа яаа гааязна ваа ваажааяа ваа бат̇авийкан̣анаад̣̇ийсу вияа вийд̇иггамам̣ гаронд̇асса ход̇и, аяам̣ гирияад̇о самудтаад̇и наама. яаа гааяаваажааяа гад̇д̇аб̣б̣ам̣ агаронд̇асса ход̇и батамагат̇инаабад̇д̇и вияа, аяам̣ агирияад̇о самудтаад̇и наама. яаа гаронд̇асса жа агаронд̇асса жа ход̇и ан̃н̃аад̇игааяа бхигкунияаа хад̇т̇ад̇о жийварабадиг̇г̇ахан̣аабад̇д̇и вияа, аяам̣ гирияаагирияад̇о самудтаад̇и наама. яаа сияаа гаронд̇асса жа сияаа агаронд̇асса жа ход̇и руубияабадиг̇г̇ахан̣аабад̇д̇и вияа, аяам̣ сияаа гирияад̇о сияаа агирияад̇о самудтаад̇и наама. яаа сияаа гаронд̇асса жа сияаа гаронд̇асса жа агаронд̇асса жа ход̇и гудигаараабад̇д̇и вияа, аяам̣ сияаа гирияад̇о сияаа гирияаагирияад̇о самудтаад̇и наама.
Evaṃ samuṭṭhānasīsena sabbasikkhāpadāni terasadhā dassetvā idāni kiriyāvasena pañcadhā dassento ‘‘tatrāpi kiñci kiriyato samuṭṭhātī’’tiādimāha. Tattha kiñcīti sikkhāpadasīsena āpattiṃ vadati. Tasmā yā kāyena vā vācāya vā pathavīkhaṇanādīsu viya vītikkamaṃ karontassa hoti, ayaṃ kiriyato samuṭṭhāti nāma. Yā kāyavācāya kattabbaṃ akarontassa hoti paṭhamakathināpatti viya, ayaṃ akiriyato samuṭṭhāti nāma. Yā karontassa ca akarontassa ca hoti aññātikāya bhikkhuniyā hatthato cīvarapaṭiggahaṇāpatti viya, ayaṃ kiriyākiriyato samuṭṭhāti nāma. Yā siyā karontassa ca siyā akarontassa ca hoti rūpiyapaṭiggahaṇāpatti viya, ayaṃ siyā kiriyato siyā akiriyato samuṭṭhāti nāma. Yā siyā karontassa ca siyā karontassa ca akarontassa ca hoti kuṭikārāpatti viya, ayaṃ siyā kiriyato siyā kiriyākiriyato samuṭṭhāti nāma.
ид̣̇аани саб̣б̣асигкаабад̣̇аани сан̃н̃аавасзна д̣̇вид̇хаа гад̇ваа д̣̇ассзнд̇о ‘‘д̇ад̇рааби ад̇т̇и сан̃н̃аавимогка’’нд̇иаад̣̇имааха. сан̃н̃ааяа абхаавзна вимогко ассаад̇и сан̃н̃аавимогканд̇и маж̇жхзбад̣̇алобасамаасо д̣̇адтаб̣б̣о. яад̇о хи вийд̇иггамасан̃н̃ааабхаавзна мужжад̇и, ид̣̇ам̣ сан̃н̃аавимогканд̇и вужжад̇и. жид̇д̇ан̇г̇ам̣ лабхад̇иязваад̇и гааяажид̇д̇аад̣̇исажид̇д̇агасамудтаанзхзва самудтаханад̇о . ‘‘лабхад̇иязваа’’д̇и авад̇хааран̣зна но на лабхад̇ийд̇и д̣̇ассзд̇и. д̇асмаа яам̣ жид̇д̇ан̇г̇ам̣ лабхад̇и, на лабхад̇и жа, д̇ам̣ ‘‘ид̇ара’’нд̇и вуд̇д̇ам̣ ид̇ара-сад̣̇д̣̇асса вуд̇д̇абадияог̇ависаяад̇д̇аа.
Idāni sabbasikkhāpadāni saññāvasena dvidhā katvā dassento ‘‘tatrāpi atthi saññāvimokkha’’ntiādimāha. Saññāya abhāvena vimokkho assāti saññāvimokkhanti majjhepadalopasamāso daṭṭhabbo. Yato hi vītikkamasaññāabhāvena muccati, idaṃ saññāvimokkhanti vuccati. Cittaṅgaṃ labhatiyevāti kāyacittādisacittakasamuṭṭhāneheva samuṭṭhahanato . ‘‘Labhatiyevā’’ti avadhāraṇena no na labhatīti dasseti. Tasmā yaṃ cittaṅgaṃ labhati, na labhati ca, taṃ ‘‘itara’’nti vuttaṃ itara-saddassa vuttapaṭiyogavisayattā.
буна саб̣б̣асигкаабад̣̇аани жид̇д̇авасзна д̣̇вид̇хаа д̣̇ассзнд̇о ‘‘буна ад̇т̇и сажид̇д̇ага’’нд̇иаад̣̇имааха. яам̣ сахзва жид̇д̇зна аабаж̇ж̇ад̇ийд̇и яам̣ сажид̇д̇агзнзва самудтаанзна аабаж̇ж̇ад̇и, но ажид̇д̇агзна. винаабийд̇и аби-сад̣̇д̣̇зна сахааби жид̇д̇зна аабаж̇ж̇ад̇ийд̇и д̣̇ассзд̇и. яан̃хи гад̣̇аажи ажид̇д̇агзна, гад̣̇аажи сажид̇д̇агзна самудтаанзна самудтаад̇и, д̇ам̣ ажид̇д̇аганд̇и вужжад̇и. зд̇т̇а жа сан̃н̃аад̣̇угам̣ анаабад̇д̇имукзна, сажид̇д̇агад̣̇угам̣ аабад̇д̇имукзна вуд̇д̇анд̇и ид̣̇амзд̇зсам̣ наанаагаран̣анд̇и взд̣̇ид̇аб̣б̣ам̣.
Puna sabbasikkhāpadāni cittavasena dvidhā dassento ‘‘puna atthi sacittaka’’ntiādimāha. Yaṃ saheva cittena āpajjatīti yaṃ sacittakeneva samuṭṭhānena āpajjati, no acittakena. Vināpīti api-saddena sahāpi cittena āpajjatīti dasseti. Yañhi kadāci acittakena, kadāci sacittakena samuṭṭhānena samuṭṭhāti, taṃ acittakanti vuccati. Ettha ca saññādukaṃ anāpattimukhena, sacittakadukaṃ āpattimukhena vuttanti idametesaṃ nānākaraṇanti veditabbaṃ.
логаваж̇ж̇ад̣̇угасса хздтаа вуд̇д̇алагкан̣ад̇д̇аа д̇ам̣ авибхаж̇ид̇ваа ид̣̇аани саб̣б̣асигкаабад̣̇аани гаммавасзна д̣̇увид̇хаани, гусалаад̣̇ивасзна взд̣̇анаавасзна жа д̇ивид̇хаани хонд̇ийд̇и д̣̇ассзнд̇о ‘‘гаммагусалавзд̣̇анаавасзнаа’’д̇иаад̣̇имааха. зд̇т̇а бана гин̃жааби адтагат̇аасу ааг̇ад̇анаязна гааяагаммам̣ важийгамманд̇и гаммавасзна д̣̇угам̣ вуд̇д̇ам̣, д̇игамзва бана д̣̇ассзд̇ум̣ ваддад̇и. саб̣б̣амзва хи сигкаабад̣̇ам̣ гааяад̣̇ваарз аабаж̇ж̇ид̇аб̣б̣ад̇о важийд̣̇ваарз аабаж̇ж̇ид̇аб̣б̣ад̇о гааяаважийд̣̇ваарз аабаж̇ж̇ид̇аб̣б̣ад̇о жа д̇ивид̇хам̣ ход̇и. д̇знзва маад̇игаадтагат̇ааяам̣ (ган̇каа. адта. батамабаарааж̇игаван̣н̣анаа) вуд̇д̇ам̣ ‘‘саб̣б̣аава гааяагаммаважийгаммад̇ад̣̇убхаяавасзна д̇ивид̇хаа хонд̇и. д̇ад̇т̇а гааяад̣̇ваарз аабаж̇ж̇ид̇аб̣б̣аа гааяагамманд̇и вужжад̇и, важийд̣̇ваарз аабаж̇ж̇ид̇аб̣б̣аа важийгамманд̇и вужжад̇и, убхаяад̇т̇а аабаж̇ж̇ид̇аб̣б̣аа гааяагаммаважийгамма’’нд̇и. д̇ад̇оязва жа ад̣̇иннаад̣̇аанасигкаабад̣̇аад̣̇ийсу гааяагаммаважийгамманд̇и д̇ад̣̇убхаяавасзна д̣̇ассид̇ам̣.
Lokavajjadukassa heṭṭhā vuttalakkhaṇattā taṃ avibhajitvā idāni sabbasikkhāpadāni kammavasena duvidhāni, kusalādivasena vedanāvasena ca tividhāni hontīti dassento ‘‘kammakusalavedanāvasenā’’tiādimāha. Ettha pana kiñcāpi aṭṭhakathāsu āgatanayena kāyakammaṃ vacīkammanti kammavasena dukaṃ vuttaṃ, tikameva pana dassetuṃ vaṭṭati. Sabbameva hi sikkhāpadaṃ kāyadvāre āpajjitabbato vacīdvāre āpajjitabbato kāyavacīdvāre āpajjitabbato ca tividhaṃ hoti. Teneva mātikāṭṭhakathāyaṃ (kaṅkhā. aṭṭha. paṭhamapārājikavaṇṇanā) vuttaṃ ‘‘sabbāva kāyakammavacīkammatadubhayavasena tividhā honti. Tattha kāyadvāre āpajjitabbā kāyakammanti vuccati, vacīdvāre āpajjitabbā vacīkammanti vuccati, ubhayattha āpajjitabbā kāyakammavacīkamma’’nti. Tatoyeva ca adinnādānasikkhāpadādīsu kāyakammavacīkammanti tadubhayavasena dassitaṃ.
ад̇т̇и бана сигкаабад̣̇ам̣ гусаланд̇иаад̣̇инаа аабад̇д̇им̣ аабаж̇ж̇анд̇о гусалажид̇д̇асаман̇г̇ий ваа аабаж̇ж̇ад̇и агусалажид̇д̇асаман̇г̇ий ваа аб̣яаагад̇ажид̇д̇асаман̇г̇ий ваад̇и д̣̇ассзд̇и, на бана гусалааби аабад̇д̇и ад̇т̇ийд̇и. на хи гусалаа аабад̇д̇и наама ад̇т̇и ‘‘аабад̇д̇аад̇хигаран̣ам̣ сияаа агусалам̣ сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусала’’нд̇и (бари. 303) важанад̇о. д̣̇аса гаамааважарагирияажид̇д̇аанийд̇и хасид̇уббаад̣̇аводтаб̣б̣анзхи сад̣̇д̇хим̣ адта махаагирияажид̇д̇аани. д̣̇виннам̣ абхин̃н̃аажид̇д̇аанам̣ аабад̇д̇исамудтаабагад̇д̇ам̣ бан̃н̃ад̇д̇им̣ аж̇аананд̇асса ид̣̇д̇хивигуб̣б̣анаад̣̇ийсу д̣̇адтаб̣б̣ам̣. яам̣ гусалажид̇д̇зна аабаж̇ж̇ад̇ийд̇и яам̣ сигкаабад̣̇асийсзна г̇ахид̇ам̣ аабад̇д̇им̣ гусалажид̇д̇асаман̇г̇ий аабаж̇ж̇ад̇и. иминаа бана важанзна д̇ам̣ гусаланд̇и аабад̇д̇ияаа вужжамаано гусалабхааво барияааяад̇ова, на барамад̇т̇ад̇од̇и д̣̇ассзд̇и. гусалажид̇д̇зна хи аабад̇д̇им̣ аабаж̇ж̇анд̇о савин̃н̃ад̇д̇игам̣ авин̃н̃ад̇д̇игам̣ ваа сигкаабад̣̇авийд̇иггамаагаараббавад̇д̇ам̣ руубагканд̇хасан̇каад̇ам̣ аб̣яаагад̇аабад̇д̇им̣ аабаж̇ж̇ад̇и. ид̇арзхи ид̇аранд̇и ид̇арзхи агусалааб̣яаагад̇ажид̇д̇зхи яам̣ аабаж̇ж̇ад̇и, д̇ам̣ ид̇арам̣, агусалам̣ аб̣яаагад̇ан̃жаад̇и ад̇т̇о. ид̣̇ан̃жа аабад̇д̇им̣ аабаж̇ж̇анд̇о агусалажид̇д̇асаман̇г̇ий ваа аабаж̇ж̇ад̇и гусалааб̣яаагад̇ажид̇д̇асаман̇г̇ий ваад̇и д̣̇ассанад̇т̇ам̣ вуд̇д̇ам̣. звам̣ санд̇зби саб̣б̣асигкаабад̣̇зсу гин̃жи агусалажид̇д̇амзва гин̃жи гусалааб̣яаагад̇авасзна д̣̇вижид̇д̇ам̣, гин̃жи саб̣б̣зсам̣ васзна д̇ижид̇д̇анд̇и аяамзва бабхзд̣̇о лаб̣бхад̇и, на ан̃н̃од̇и взд̣̇ид̇аб̣б̣ам̣.
Atthi pana sikkhāpadaṃ kusalantiādinā āpattiṃ āpajjanto kusalacittasamaṅgī vā āpajjati akusalacittasamaṅgī vā abyākatacittasamaṅgī vāti dasseti, na pana kusalāpi āpatti atthīti. Na hi kusalā āpatti nāma atthi ‘‘āpattādhikaraṇaṃ siyā akusalaṃ siyā abyākataṃ, natthi āpattādhikaraṇaṃ kusala’’nti (pari. 303) vacanato. Dasa kāmāvacarakiriyacittānīti hasituppādavoṭṭhabbanehi saddhiṃ aṭṭha mahākiriyacittāni. Dvinnaṃ abhiññācittānaṃ āpattisamuṭṭhāpakattaṃ paññattiṃ ajānantassa iddhivikubbanādīsu daṭṭhabbaṃ. Yaṃ kusalacittena āpajjatīti yaṃ sikkhāpadasīsena gahitaṃ āpattiṃ kusalacittasamaṅgī āpajjati. Iminā pana vacanena taṃ kusalanti āpattiyā vuccamāno kusalabhāvo pariyāyatova, na paramatthatoti dasseti. Kusalacittena hi āpattiṃ āpajjanto saviññattikaṃ aviññattikaṃ vā sikkhāpadavītikkamākārappavattaṃ rūpakkhandhasaṅkhātaṃ abyākatāpattiṃ āpajjati. Itarehi itaranti itarehi akusalābyākatacittehi yaṃ āpajjati, taṃ itaraṃ, akusalaṃ abyākatañcāti attho. Idañca āpattiṃ āpajjanto akusalacittasamaṅgī vā āpajjati kusalābyākatacittasamaṅgī vāti dassanatthaṃ vuttaṃ. Evaṃ santepi sabbasikkhāpadesu kiñci akusalacittameva kiñci kusalābyākatavasena dvicittaṃ, kiñci sabbesaṃ vasena ticittanti ayameva pabhedo labbhati, na aññoti veditabbaṃ.
д̇ивзд̣̇анам̣ д̣̇вивзд̣̇анам̣ згавзд̣̇ананд̇и ид̣̇ан̃жа яат̇аавуд̇д̇авзд̣̇анаавасзнзва лаб̣бхад̇и, наан̃н̃ат̇аад̇и д̣̇адтаб̣б̣ам̣. нибаж̇ж̇ид̇ваа нирод̇хам̣ самаабаннасса сахасзяяавасзна д̇ад̣̇аагаараббавад̇д̇аруубагканд̇хассзва аабад̇д̇ибхаавад̇о ‘‘ад̇т̇и авзд̣̇ана’’нд̇иби вад̇д̇аб̣б̣амзд̇ам̣, гад̣̇аажи гарахажи яад̣̇ижчагам̣ самбхавад̇ийд̇и аг̇г̇ахзд̇ваа язбхуяяавасзна лаб̣бхамаанам̣язва г̇ахзд̇ваа вуд̇д̇анд̇и взд̣̇ид̇аб̣б̣ам̣.
Tivedanaṃ dvivedanaṃ ekavedananti idañca yathāvuttavedanāvaseneva labbhati, nāññathāti daṭṭhabbaṃ. Nipajjitvā nirodhaṃ samāpannassa sahaseyyavasena tadākārappavattarūpakkhandhasseva āpattibhāvato ‘‘atthi avedana’’ntipi vattabbametaṃ, kadāci karahaci yadicchakaṃ sambhavatīti aggahetvā yebhuyyavasena labbhamānaṃyeva gahetvā vuttanti veditabbaṃ.
ид̣̇аани яат̇аавуд̇д̇асамудтаанаад̣̇ийни имасмим̣ сам̣ван̣н̣ияамаанасигкаабад̣̇з вибхаж̇ид̇ваа д̣̇ассзнд̇о ‘‘имам̣ багин̣н̣агам̣ вид̣̇ид̇ваа’’д̇иаад̣̇имааха. д̇ад̇т̇а вид̣̇ид̇ваад̇и имасса ‘‘взд̣̇ид̇аб̣б̣а’’нд̇и иминаа абарагаалагирияааважанзна самб̣анд̇хо взд̣̇ид̇аб̣б̣о. гирияасамудтаананд̇и ид̣̇ам̣ язбхуяяавасзна вуд̇д̇ам̣ баруубаггамз сад̇и саад̣̇ияанд̇асса агирияасамудтаанабхаавад̇о. ‘‘манод̣̇ваарз аабад̇д̇и наама над̇т̇ийд̇и ид̣̇амби б̣аахуллавасзнзва вуд̇д̇а’’нд̇и вад̣̇анд̇и. жид̇д̇ам̣ банзд̇т̇а ан̇г̇амад̇д̇ам̣ ход̇ийд̇и батамабаарааж̇игам̣ гааяажид̇д̇ад̇о самудтаад̇ийд̇и жид̇д̇амзд̇т̇а аабад̇д̇ияаа ан̇г̇амзва ход̇и. на д̇асса васзна гаммабхааво лаб̣бхад̇ийд̇и вин̃н̃ад̇д̇иж̇анагавасзна гааяад̣̇ваарз бавад̇д̇ад̇д̇аа д̇асса жид̇д̇асса васзна имасса сигкаабад̣̇асса маногаммабхааво на лаб̣бхад̇ийд̇и ад̇т̇о. сигкаабад̣̇асса хздтаа вуд̇д̇анаязна бан̃н̃ад̇д̇ибхаавад̇о ‘‘саб̣б̣ан̃жзд̇ам̣ аабад̇д̇ияам̣ яуж̇ж̇ад̇ий’’д̇и вуд̇д̇ам̣. на хи яат̇аавуд̇д̇асамудтаанаад̣̇и бан̃н̃ад̇д̇ияам̣ яуж̇ж̇ад̇и.
Idāni yathāvuttasamuṭṭhānādīni imasmiṃ saṃvaṇṇiyamānasikkhāpade vibhajitvā dassento ‘‘imaṃ pakiṇṇakaṃ viditvā’’tiādimāha. Tattha viditvāti imassa ‘‘veditabba’’nti iminā aparakālakiriyāvacanena sambandho veditabbo. Kiriyasamuṭṭhānanti idaṃ yebhuyyavasena vuttaṃ parūpakkame sati sādiyantassa akiriyasamuṭṭhānabhāvato. ‘‘Manodvāre āpatti nāma natthīti idampi bāhullavaseneva vutta’’nti vadanti. Cittaṃ panettha aṅgamattaṃ hotīti paṭhamapārājikaṃ kāyacittato samuṭṭhātīti cittamettha āpattiyā aṅgameva hoti. Na tassa vasena kammabhāvo labbhatīti viññattijanakavasena kāyadvāre pavattattā tassa cittassa vasena imassa sikkhāpadassa manokammabhāvo na labbhatīti attho. Sikkhāpadassa heṭṭhā vuttanayena paññattibhāvato ‘‘sabbañcetaṃ āpattiyaṃ yujjatī’’ti vuttaṃ. Na hi yathāvuttasamuṭṭhānādi paññattiyaṃ yujjati.
багин̣н̣агагат̇ааван̣н̣анаа нидтид̇аа.
Pakiṇṇakakathāvaṇṇanā niṭṭhitā.
