| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
багин̣н̣агагат̇ааван̣н̣анаа
Pakiṇṇakakathāvaṇṇanā
багин̣н̣агз яаани сигкаабад̣̇аани ‘‘гирияааний’’д̇и вужжанд̇и, д̇зсам̣ васзна гааяо, ваажаа жа саха вин̃н̃ад̇д̇ияаа взд̣̇ид̇аб̣б̣аа. агирияаанам̣ васзна винаа вин̃н̃ад̇д̇ияаа взд̣̇ид̇аб̣б̣аа, жид̇д̇ам̣ банзд̇т̇а аббамаан̣ам̣ бхууд̇аарожанасамудтаанасса гирияад̇д̇аа, ажид̇д̇агад̇д̇аа жа. д̇ад̇т̇а гирияаа аабад̇д̇ияаа ананд̇аражид̇д̇асамудтаанаа взд̣̇ид̇аб̣б̣аа. авин̃н̃ад̇д̇иж̇анагамби згажжам̣ б̣аахулланаязна ‘‘гирияа’’нд̇и вужжад̇и, яат̇аяид̣̇ам̣ батамабаарааж̇игам̣ вин̃н̃ад̇д̇ияаа абхаавзби ‘‘со жз саад̣̇ияад̇и, аабад̇д̇и баарааж̇игассаа’’д̇и хи вуд̇д̇ам̣ ‘‘на саад̣̇ияад̇и анаабад̇д̇ий’’д̇и жа. вин̃н̃ад̇д̇исан̇каад̇ааби гирияаа винаа сзванажид̇д̇зна на ход̇и жид̇д̇аж̇ад̇д̇аа, вигаараруубад̇д̇аа, жид̇д̇аанубаривад̇д̇игад̇д̇аа жа. д̇асмаа гирияаасан̇каад̇амид̣̇ам̣ вин̃н̃ад̇д̇ируубам̣ ид̇арам̣ жид̇д̇аж̇аруубам̣ вияа ж̇анагажид̇д̇зна винаа на д̇идтад̇и, ид̇арам̣ сад̣̇д̣̇ааяад̇анам̣ д̇идтад̇и, д̇асмаа гирияааяа сад̇и зганд̇ад̇о д̇аж̇ж̇анагам̣ сзванажид̇д̇ам̣ ад̇т̇иязваад̇и гад̇ваа на саад̣̇ияад̇и анаабад̇д̇ийд̇и на яуж̇ж̇ад̇и. яасмаа вин̃н̃ад̇д̇иж̇анагамби самаанам̣ сзванажид̇д̇ам̣ на саб̣б̣агаалам̣ вин̃н̃ад̇д̇им̣ ж̇анзд̇и, д̇асмаа винааби вин̃н̃ад̇д̇ияаа саяам̣ уббаж̇ж̇ад̇ийд̇и гад̇ваа ‘‘саад̣̇ияад̇и, аабад̇д̇и баарааж̇игассаа’’д̇и вуд̇д̇ам̣. нуббаж̇ж̇ад̇и жз, на саад̣̇ияад̇и наама, д̇асса анаабад̇д̇и, д̇знзва бхаг̇аваа ‘‘гим̣жид̇д̇о д̇вам̣ бхигкуу’’д̇и жид̇д̇знзва аабад̇д̇им̣ барижчинд̣̇ад̇и, на гирияааяаад̇и взд̣̇ид̇аб̣б̣ам̣. зд̇д̇аавад̇аа ча аабад̇д̇исамудтаанаани, д̇аани зва аабад̇д̇игараа д̇хаммаа наамаад̇и жа, жад̇уухаагаарзхи аабад̇д̇им̣ аабаж̇ж̇ад̇и гааязна ваажааяа гааяаваажаахи гаммаваажааяа аабаж̇ж̇ад̇ийд̇и жа зд̇аани суд̇д̇абад̣̇аани авирод̇хид̇аани хонд̇и, ан̃н̃ат̇аа вирод̇хид̇аани. гат̇ам̣? яан̃хи аабад̇д̇им̣ гаммаваажааяа аабаж̇ж̇ад̇и, на д̇ад̇т̇а гааяаад̣̇аяод̇и аабаннам̣, д̇ад̇о гаммаваажааяа сад̣̇д̇хим̣ аабад̇д̇игараа д̇хаммаа сад̇д̇аад̇и аабаж̇ж̇ад̇и, ат̇а д̇ад̇т̇ааби гааяаад̣̇аяо згад̇о ваа наанаад̇о ваа лаб̣бханд̇и. ‘‘жад̇уухи аагаарзхий’’д̇и на яуж̇ж̇ад̇и, ‘‘д̇ийхаагаарзхи аабад̇д̇им̣ аабаж̇ж̇ад̇ий’’д̇и вад̇д̇аб̣б̣ам̣ сияаад̇и звам̣ вирод̇хид̇аани хонд̇и. гат̇ам̣ авирод̇хид̇аанийд̇и? савин̃н̃ад̇д̇игаавин̃н̃ад̇д̇игабхзд̣̇абхиннад̇д̇аа гааяаад̣̇ийнам̣. яаа гирияаа аабад̇д̇и, д̇ам̣ згажжам̣ гааязна савин̃н̃ад̇д̇игзна аабаж̇ж̇ад̇и , згажжам̣ савин̃н̃ад̇д̇ияаа ваажааяа, згажжам̣ савин̃н̃ад̇д̇игаахи гааяаваажаахи аабаж̇ж̇ад̇и. яаа бана агирияаа аабад̇д̇и, д̇ам̣ згажжам̣ гаммаваажааяа аабаж̇ж̇ад̇и, д̇ан̃жа ко авасидтаахи авин̃н̃ад̇д̇игаахи гааяаваажаахиязва, на винаа ‘‘но жз гааязна ваажааяа бадиниссаж̇ж̇ад̇и, гаммаваажаабарияосаанз аабад̇д̇и сан̇гхаад̣̇исзсассаа’’д̇и (баараа. 414, 421) важанад̇о. ависзсзна ваа згажжам̣ аабад̇д̇им̣ гааязна аабаж̇ж̇ад̇и, згажжам̣ ваажааяа, згажжам̣ гааяаваажаахи. яам̣ банзд̇т̇а гааяаваажаахи, д̇ам̣ згажжам̣ гзвалаахи гааяаваажаахи аабаж̇ж̇ад̇и, згажжам̣ гаммаваажааяа аабаж̇ж̇ад̇ийд̇и аяамад̇т̇о взд̣̇ид̇аб̣б̣од̇и звам̣ авирод̇хид̇аани хонд̇и.
Pakiṇṇake yāni sikkhāpadāni ‘‘kiriyānī’’ti vuccanti, tesaṃ vasena kāyo, vācā ca saha viññattiyā veditabbā. Akiriyānaṃ vasena vinā viññattiyā veditabbā, cittaṃ panettha appamāṇaṃ bhūtārocanasamuṭṭhānassa kiriyattā, acittakattā ca. Tattha kiriyā āpattiyā anantaracittasamuṭṭhānā veditabbā. Aviññattijanakampi ekaccaṃ bāhullanayena ‘‘kiriya’’nti vuccati, yathayidaṃ paṭhamapārājikaṃ viññattiyā abhāvepi ‘‘so ce sādiyati, āpatti pārājikassā’’ti hi vuttaṃ ‘‘na sādiyati anāpattī’’ti ca. Viññattisaṅkhātāpi kiriyā vinā sevanacittena na hoti cittajattā, vikārarūpattā, cittānuparivattikattā ca. Tasmā kiriyāsaṅkhātamidaṃ viññattirūpaṃ itaraṃ cittajarūpaṃ viya janakacittena vinā na tiṭṭhati, itaraṃ saddāyatanaṃ tiṭṭhati, tasmā kiriyāya sati ekantato tajjanakaṃ sevanacittaṃ atthiyevāti katvā na sādiyati anāpattīti na yujjati. Yasmā viññattijanakampi samānaṃ sevanacittaṃ na sabbakālaṃ viññattiṃ janeti, tasmā vināpi viññattiyā sayaṃ uppajjatīti katvā ‘‘sādiyati, āpatti pārājikassā’’ti vuttaṃ. Nuppajjati ce, na sādiyati nāma, tassa anāpatti, teneva bhagavā ‘‘kiṃcitto tvaṃ bhikkhū’’ti citteneva āpattiṃ paricchindati, na kiriyāyāti veditabbaṃ. Ettāvatā cha āpattisamuṭṭhānāni, tāni eva āpattikarā dhammā nāmāti ca, catūhākārehi āpattiṃ āpajjati kāyena vācāya kāyavācāhi kammavācāya āpajjatīti ca etāni suttapadāni avirodhitāni honti, aññathā virodhitāni. Kathaṃ? Yañhi āpattiṃ kammavācāya āpajjati, na tattha kāyādayoti āpannaṃ, tato kammavācāya saddhiṃ āpattikarā dhammā sattāti āpajjati, atha tatthāpi kāyādayo ekato vā nānāto vā labbhanti. ‘‘Catūhi ākārehī’’ti na yujjati, ‘‘tīhākārehi āpattiṃ āpajjatī’’ti vattabbaṃ siyāti evaṃ virodhitāni honti. Kathaṃ avirodhitānīti? Saviññattikāviññattikabhedabhinnattā kāyādīnaṃ. Yā kiriyā āpatti, taṃ ekaccaṃ kāyena saviññattikena āpajjati , ekaccaṃ saviññattiyā vācāya, ekaccaṃ saviññattikāhi kāyavācāhi āpajjati. Yā pana akiriyā āpatti, taṃ ekaccaṃ kammavācāya āpajjati, tañca kho avasiṭṭhāhi aviññattikāhi kāyavācāhiyeva, na vinā ‘‘no ce kāyena vācāya paṭinissajjati, kammavācāpariyosāne āpatti saṅghādisesassā’’ti (pārā. 414, 421) vacanato. Avisesena vā ekaccaṃ āpattiṃ kāyena āpajjati, ekaccaṃ vācāya, ekaccaṃ kāyavācāhi. Yaṃ panettha kāyavācāhi, taṃ ekaccaṃ kevalāhi kāyavācāhi āpajjati, ekaccaṃ kammavācāya āpajjatīti ayamattho veditabboti evaṃ avirodhitāni honti.
д̇ад̇рааяам̣ самаасад̇о ад̇т̇авибхааванаа – гааязна аабаж̇ж̇ад̇ийд̇и гааязна савин̃н̃ад̇д̇игзна агад̇д̇аб̣б̣ам̣ гад̇ваа згажжам̣ аабаж̇ж̇ад̇и, авин̃н̃ад̇д̇игзна гад̇д̇аб̣б̣ам̣ агад̇ваа аабаж̇ж̇ад̇и, д̇ад̣̇убхаяамби гааяагаммам̣ наама. агад̇амби хи логз ‘‘гад̇а’’нд̇и вужжад̇и ‘‘ид̣̇ам̣ д̣̇уггадам̣ маяаа, яам̣ маяаа бун̃н̃ам̣ на гад̇а’’нд̇и звамаад̣̇ийсу, саасанз жа ‘‘ид̣̇ам̣ д̇з, аавусо аананд̣̇а, д̣̇уггадам̣, яам̣ д̇вам̣ бхаг̇аванд̇ам̣ на бужчий’’д̇иаад̣̇ийсу (жуул̣ава. 443), звамид̇ха винаяабарияааяз гааязна агаран̣ийяамби ‘‘гааяагамма’’нд̇и вужжад̇и, аяамзва наяо ваажааяа аабаж̇ж̇ад̇ийд̇иаад̣̇ийсу. д̇ад̇т̇а самудтаанаг̇г̇ахан̣ам̣ гад̇д̇аб̣б̣ад̇о ваа агад̇д̇аб̣б̣ад̇о ваа гааяаад̣̇ибхзд̣̇аабзгкамзва аабад̇д̇им̣ аабаж̇ж̇ад̇и, на ан̃н̃ат̇аад̇и д̣̇ассанад̇т̇ам̣. гирияааг̇г̇ахан̣ам̣ гааяаад̣̇ийнам̣ савин̃н̃ад̇д̇игаавин̃н̃ад̇д̇игабхзд̣̇ад̣̇ассанад̇т̇ам̣. сан̃н̃ааг̇г̇ахан̣ам̣ аабад̇д̇ияаа ан̇г̇аанан̇г̇ажид̇д̇ависзсад̣̇ассанад̇т̇ам̣, д̇зна яам̣ жид̇д̇ам̣ гирияаалагкан̣з, агирияаалагкан̣з ваа саннихид̇ам̣, яад̇о ваа гирияаа ваа агирияаа ваа ход̇и, на д̇ам̣ ависзсзна аабад̇д̇ияаа ан̇г̇ам̣ ваа анан̇г̇ам̣ ваа ход̇и, гинд̇у яааяа сан̃н̃ааяа ‘‘сан̃н̃аавимогка’’нд̇и вужжад̇и, д̇ааяа самбаяуд̇д̇ам̣ жид̇д̇ам̣ ан̇г̇ам̣, ид̇арам̣ анан̇г̇анд̇и д̣̇ассид̇ам̣ ход̇и. ид̣̇аани язна жид̇д̇зна сигкаабад̣̇ам̣ сажид̇д̇агам̣ ход̇и, яад̣̇абхааваа ажид̇д̇агам̣, д̇зна д̇асса ависзсзна сааваж̇ж̇ад̇д̇аа логаваж̇ж̇абхаавова вужжад̇и, гинд̇у сааваж̇ж̇ам̣язва самаанам̣ згажжам̣ логаваж̇ж̇ам̣ згажжам̣ бан̣н̣ад̇д̇иваж̇ж̇анд̇и д̣̇ассанад̇т̇ам̣ логаваж̇ж̇аг̇г̇ахан̣ам̣. жид̇д̇амзва яасмаа ‘‘логаваж̇ж̇а’’нд̇и вужжад̇и, д̇асмаа маногаммамби сияаа аабад̇д̇ийд̇и анидтаббасан̇г̇анивааран̣ад̇т̇ам̣ гаммаг̇г̇ахан̣ам̣. яам̣ банзд̇т̇а агирияаалагкан̣ам̣ гаммам̣, д̇ам̣ гусалад̇д̇игавинимуд̇д̇ам̣ сияаад̇и анидтаббасан̇г̇анивааран̣ад̇т̇ам̣ гусалад̇д̇игаг̇г̇ахан̣ам̣. яаа банзд̇т̇а аб̣яаагад̇аа аабад̇д̇и, д̇ам̣ згажжам̣ авзд̣̇анамби сан̃н̃аавзд̣̇аяид̇анирод̇хасамаабанно аабаж̇ж̇ад̇ийд̇и гад̇ваа взд̣̇анаад̇д̇игам̣ зд̇т̇а на лаб̣бхад̇ийд̇и анидтаббасан̇г̇анивааран̣ад̇т̇ам̣ взд̣̇анаад̇д̇игаг̇г̇ахан̣ам̣ гад̇анд̇и взд̣̇ид̇аб̣б̣ам̣. сигкаабад̣̇ан̃хи сажид̇д̇агабуг̇г̇алавасзна ‘‘д̇ижид̇д̇ам̣ д̇ивзд̣̇ана’’нд̇и лад̣̇д̇хавохаарам̣ ажид̇д̇агзнаабаннамби ‘‘д̇ижид̇д̇ам̣ д̇ивзд̣̇ана’’мижжзва вужжад̇и. д̇ад̇рид̣̇ам̣ суд̇д̇ам̣ ‘‘ад̇т̇аабад̇д̇и ажид̇д̇аго аабаж̇ж̇ад̇и ажид̇д̇аго вудтаад̇и (бари. 324). ад̇т̇аабад̇д̇и гусалажид̇д̇о аабаж̇ж̇ад̇и гусалажид̇д̇о вудтаад̇ий’’д̇иаад̣̇и (бари. 470). ануг̇ан̣тибад̣̇з бана ‘‘сан̃н̃аа сад̣̇аа анаабад̇д̇имзва гарод̇и, жид̇д̇ам̣ аабад̇д̇имзва, ажид̇д̇агам̣ наама вад̇т̇уавиж̇аананам̣, носан̃н̃аавимогкам̣ вийд̇иггамаж̇аананам̣, ид̣̇амзд̇зсам̣ наанад̇д̇а’’нд̇и вуд̇д̇ам̣.
Tatrāyaṃ samāsato atthavibhāvanā – kāyena āpajjatīti kāyena saviññattikena akattabbaṃ katvā ekaccaṃ āpajjati, aviññattikena kattabbaṃ akatvā āpajjati, tadubhayampi kāyakammaṃ nāma. Akatampi hi loke ‘‘kata’’nti vuccati ‘‘idaṃ dukkaṭaṃ mayā, yaṃ mayā puññaṃ na kata’’nti evamādīsu, sāsane ca ‘‘idaṃ te, āvuso ānanda, dukkaṭaṃ, yaṃ tvaṃ bhagavantaṃ na pucchī’’tiādīsu (cūḷava. 443), evamidha vinayapariyāye kāyena akaraṇīyampi ‘‘kāyakamma’’nti vuccati, ayameva nayo vācāya āpajjatītiādīsu. Tattha samuṭṭhānaggahaṇaṃ kattabbato vā akattabbato vā kāyādibhedāpekkhameva āpattiṃ āpajjati, na aññathāti dassanatthaṃ. Kiriyāggahaṇaṃ kāyādīnaṃ saviññattikāviññattikabhedadassanatthaṃ. Saññāggahaṇaṃ āpattiyā aṅgānaṅgacittavisesadassanatthaṃ, tena yaṃ cittaṃ kiriyālakkhaṇe, akiriyālakkhaṇe vā sannihitaṃ, yato vā kiriyā vā akiriyā vā hoti, na taṃ avisesena āpattiyā aṅgaṃ vā anaṅgaṃ vā hoti, kintu yāya saññāya ‘‘saññāvimokkha’’nti vuccati, tāya sampayuttaṃ cittaṃ aṅgaṃ, itaraṃ anaṅganti dassitaṃ hoti. Idāni yena cittena sikkhāpadaṃ sacittakaṃ hoti, yadabhāvā acittakaṃ, tena tassa avisesena sāvajjattā lokavajjabhāvova vuccati, kintu sāvajjaṃyeva samānaṃ ekaccaṃ lokavajjaṃ ekaccaṃ paṇṇattivajjanti dassanatthaṃ lokavajjaggahaṇaṃ. Cittameva yasmā ‘‘lokavajja’’nti vuccati, tasmā manokammampi siyā āpattīti aniṭṭhappasaṅganivāraṇatthaṃ kammaggahaṇaṃ. Yaṃ panettha akiriyālakkhaṇaṃ kammaṃ, taṃ kusalattikavinimuttaṃ siyāti aniṭṭhappasaṅganivāraṇatthaṃ kusalattikaggahaṇaṃ. Yā panettha abyākatā āpatti, taṃ ekaccaṃ avedanampi saññāvedayitanirodhasamāpanno āpajjatīti katvā vedanāttikaṃ ettha na labbhatīti aniṭṭhappasaṅganivāraṇatthaṃ vedanāttikaggahaṇaṃ katanti veditabbaṃ. Sikkhāpadañhi sacittakapuggalavasena ‘‘ticittaṃ tivedana’’nti laddhavohāraṃ acittakenāpannampi ‘‘ticittaṃ tivedana’’micceva vuccati. Tatridaṃ suttaṃ ‘‘atthāpatti acittako āpajjati acittako vuṭṭhāti (pari. 324). Atthāpatti kusalacitto āpajjati kusalacitto vuṭṭhātī’’tiādi (pari. 470). Anugaṇṭhipade pana ‘‘saññā sadā anāpattimeva karoti, cittaṃ āpattimeva, acittakaṃ nāma vatthuavijānanaṃ, nosaññāvimokkhaṃ vītikkamajānanaṃ, idametesaṃ nānatta’’nti vuttaṃ.
саб̣б̣асан̇г̇аахагавасзнаад̇и саб̣б̣асигкаабад̣̇аанам̣ сан̇г̇ахавасзна. бхигкунияаа жийварад̣̇аанаад̣̇и гирияаагирияад̇о. ж̇аад̇аруубараж̇ад̇абадиг̇г̇ахан̣аад̣̇и сияаа гирияад̇о. убанигкид̇д̇аабадигкзбз сияаа агирияад̇о. д̣̇зсид̇авад̇т̇угабамаан̣аад̇игганд̇агудигаран̣з сияаа гирияад̇о, ад̣̇зсид̇авад̇т̇угабамаан̣аад̇игганд̇агаран̣з сияаа гирияаагирияад̇о. яам̣ жид̇д̇ан̇г̇ам̣ лабхад̇иязваад̇и гааяажид̇д̇ам̣ ваажаажид̇д̇анд̇и звам̣. винааби жид̇д̇знаад̇и зд̇т̇а винааби жид̇д̇зна сахааби жид̇д̇знаад̇и ад̇хиббааяо. яо со савин̃н̃ад̇д̇иго, авин̃н̃ад̇д̇иго жа вуд̇д̇о гааяо, д̇асса гаммам̣ гааяагаммам̣, д̇ат̇аа важийгаммам̣. д̇ад̇т̇а савин̃н̃ад̇д̇иго гааяо уббад̇д̇ияаа гаммам̣ саад̇хзд̇и, ид̇аро ануббад̇д̇ияаа. д̇ат̇аа ваажаад̇и взд̣̇ид̇аб̣б̣ам̣, сигкаабад̣̇анд̇и ‘‘яо д̇ад̇т̇а наамагааяо бад̣̇агааяо’’д̇и важанад̇о вийд̇иггамз яуж̇ж̇ад̇ийд̇и вуд̇д̇ам̣. ‘‘хасид̇уббаад̣̇аводтаб̣б̣анааниби аабад̇д̇исамудтаабагажид̇д̇аани. ид̣̇амби на маяаа барижчиннанд̇и хасамаано бассад̇и яад̣̇аа, д̇ад̣̇аа водтаб̣б̣анам̣ ж̇аванаг̇ад̇ига’’нд̇и ануг̇ан̣тибад̣̇з вуд̇д̇ам̣. абхин̃н̃аажид̇д̇аани бан̃н̃ад̇д̇им̣ аж̇аанид̇ваа ид̣̇д̇хивигуб̣б̣анаад̣̇игаалз г̇ахзд̇аб̣б̣аани.
Sabbasaṅgāhakavasenāti sabbasikkhāpadānaṃ saṅgahavasena. Bhikkhuniyā cīvaradānādi kiriyākiriyato. Jātarūparajatapaṭiggahaṇādi siyā kiriyato. Upanikkhittāpaṭikkhepe siyā akiriyato. Desitavatthukapamāṇātikkantakuṭikaraṇe siyā kiriyato, adesitavatthukapamāṇātikkantakaraṇe siyā kiriyākiriyato. Yaṃ cittaṅgaṃ labhatiyevāti kāyacittaṃ vācācittanti evaṃ. Vināpi cittenāti ettha vināpi cittena sahāpi cittenāti adhippāyo. Yo so saviññattiko, aviññattiko ca vutto kāyo, tassa kammaṃ kāyakammaṃ, tathā vacīkammaṃ. Tattha saviññattiko kāyo uppattiyā kammaṃ sādheti, itaro anuppattiyā. Tathā vācāti veditabbaṃ, sikkhāpadanti ‘‘yo tattha nāmakāyo padakāyo’’ti vacanato vītikkame yujjatīti vuttaṃ. ‘‘Hasituppādavoṭṭhabbanānipi āpattisamuṭṭhāpakacittāni. Idampi na mayā paricchinnanti hasamāno passati yadā, tadā voṭṭhabbanaṃ javanagatika’’nti anugaṇṭhipade vuttaṃ. Abhiññācittāni paññattiṃ ajānitvā iddhivikubbanādikāle gahetabbāni.
зд̇т̇а бана яо бана бхигку бхигкуунам̣ сигкаасааж̇ийвасамаабанно…бз… мзт̇унам̣ д̇хаммам̣ бадисзванд̇о ад̇т̇и гожи баарааж̇иго ход̇и асам̣ваасо, ад̇т̇и гожи на баарааж̇иго ход̇и асам̣ваасо. д̣̇уггадат̇уллажжаяавад̇т̇уусу бадисзванд̇о ад̇т̇и гожи на баарааж̇иго. багкабан̣д̣аго абан̣д̣агабагкз убасамбанно бан̣д̣агабагкз мзт̇унам̣ д̇хаммам̣ бадисзванд̇о со баарааж̇игам̣ аабад̇д̇им̣ наабаж̇ж̇ад̇ийд̇и на баарааж̇иго наама. на хи абхигкуно аабад̇д̇и наама ад̇т̇и. со анаабад̇д̇игад̇д̇аа абан̣д̣агабагкз ааг̇ад̇о гим̣ асам̣ваасо ход̇и на ход̇ийд̇и? ход̇и, ‘‘абхаб̣б̣о д̇зна сарийраб̣анд̇ханзнаа’’д̇и (баараа. 55; махаава. 129) хи вуд̇д̇ам̣. ‘‘яо бана, бхигку, бхигкуунам̣…бз… асам̣ваасо’’д̇и (баараа. 44) вуд̇д̇ад̇д̇аа яо бана бхигкубхаавзна мзт̇унам̣ д̇хаммам̣ бадисзвад̇и, со зва абхаб̣б̣о. нааяам̣ абаарааж̇игад̇д̇аад̇и жз? на, ‘‘б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о’’д̇и (махаава. 86) вуд̇д̇адтаанз яат̇аа абхигкунаа гаммаваажааяа саавид̇ааяаби гаммам̣ рухад̇и гаммавибад̇д̇ияаа асамбхавад̇о, звам̣самбад̣̇амид̣̇ам̣ д̣̇адтаб̣б̣ам̣. д̇ад̇рид̣̇ам̣ яуд̇д̇и – убасамбаннабуб̣б̣о зва жз гаммаваажам̣ саавзд̇и, сан̇гхо жа д̇асмим̣ убасамбаннасан̃н̃ий, зван̃жз гаммам̣ рухад̇и, на ан̃н̃ат̇аад̇и но канд̇ийд̇и аажарияо. г̇ахадто ваа д̇ид̇т̇ияо ваа бан̣д̣аго ваа анубасамбаннасан̃н̃ий гаммаваажам̣ саавзд̇и, сан̇гхзна гаммаваажаа на вуд̇д̇аа ход̇и, ‘‘сан̇гхо убасамбаад̣̇зяяа, сан̇гхо убасамбаад̣̇зд̇и, убасамбанно сан̇гхзнаа’’д̇и (махаава. 127) хи важанад̇о сан̇гхзна гаммаваажааяа вад̇д̇аб̣б̣ааяа сан̇гхабарияаабаннзна, сан̇гхабарияаабаннасан̃н̃ид̇зна ваа згзна вуд̇д̇аа сан̇гхзна вуд̇д̇аава ход̇ийд̇и взд̣̇ид̇аб̣б̣о, аяамзва саб̣б̣агаммзсу яуд̇д̇и. д̇ат̇аа ад̇т̇и мзт̇унам̣ д̇хаммам̣ бадисзванд̇о гожи наасзд̇аб̣б̣о ‘‘яо бхигкунийд̣̇уусаго, аяам̣ наасзд̇аб̣б̣о’’д̇и вуд̇д̇ад̇д̇аа зва, со анубасамбаннова, сахасзяяаабад̇д̇иаад̣̇им̣ ж̇анзд̇и, д̇асса омасанз жа д̣̇уггадам̣ ход̇и. абхигкунияаа мзт̇унам̣ д̇хаммам̣ бадисзванд̇о на наасзд̇аб̣б̣о ‘‘анд̇имавад̇т̇ум̣ аж̇жхаабанно, бхигкавз, анубасамбанно…бз… наасзд̇аб̣б̣о’’д̇и баал̣ияаа абхаавад̇о. д̇знзва со убасамбаннасан̇кяам̣ г̇ажчад̇и, на сахасзяяаабад̇д̇аад̣̇им̣ ж̇анзд̇и, гзвалам̣ асам̣ваасод̇и гад̇ваа г̇ан̣абуураго на ход̇и, згагаммам̣ згуд̣̇д̣̇зсоби хи сам̣ваасод̇и вуд̇д̇о. самасигкад̇ааби сам̣ваасод̇и гад̇ваа со д̇зна сад̣̇д̇хим̣ над̇т̇ийд̇и бад̣̇асод̇хаммаабад̇д̇им̣ бана ж̇анзд̇ийд̇и гааран̣ажчааяаа д̣̇иссад̇и. яат̇аа бхигкунияаа сад̣̇д̇хим̣ бхигкусан̇гхасса згагаммаад̣̇ино сам̣ваасасса абхааваа бхигкуний асам̣ваасаа бхигкусса, д̇ат̇аа бхигку жа бхигкунияаа, бад̣̇асод̇хаммаабад̇д̇им̣ бана ж̇анзд̇и. д̇ат̇аа ‘‘анд̇имавад̇т̇ум̣ аж̇жхаабанноби згажжо яо наасзд̇аб̣б̣о’’д̇и авуд̇д̇од̇и иминаа нид̣̇ассанзна саа гааран̣ажчааяаа г̇ахан̣ам̣ на г̇ажчад̇и.
Ettha pana yo pana bhikkhu bhikkhūnaṃ sikkhāsājīvasamāpanno…pe… methunaṃ dhammaṃ paṭisevanto atthi koci pārājiko hoti asaṃvāso, atthi koci na pārājiko hoti asaṃvāso. Dukkaṭathullaccayavatthūsu paṭisevanto atthi koci na pārājiko. Pakkhapaṇḍako apaṇḍakapakkhe upasampanno paṇḍakapakkhe methunaṃ dhammaṃ paṭisevanto so pārājikaṃ āpattiṃ nāpajjatīti na pārājiko nāma. Na hi abhikkhuno āpatti nāma atthi. So anāpattikattā apaṇḍakapakkhe āgato kiṃ asaṃvāso hoti na hotīti? Hoti, ‘‘abhabbo tena sarīrabandhanenā’’ti (pārā. 55; mahāva. 129) hi vuttaṃ. ‘‘Yo pana, bhikkhu, bhikkhūnaṃ…pe… asaṃvāso’’ti (pārā. 44) vuttattā yo pana bhikkhubhāvena methunaṃ dhammaṃ paṭisevati, so eva abhabbo. Nāyaṃ apārājikattāti ce? Na, ‘‘byattena bhikkhunā paṭibalena saṅgho ñāpetabbo’’ti (mahāva. 86) vuttaṭṭhāne yathā abhikkhunā kammavācāya sāvitāyapi kammaṃ ruhati kammavipattiyā asambhavato, evaṃsampadamidaṃ daṭṭhabbaṃ. Tatridaṃ yutti – upasampannapubbo eva ce kammavācaṃ sāveti, saṅgho ca tasmiṃ upasampannasaññī, evañce kammaṃ ruhati, na aññathāti no khantīti ācariyo. Gahaṭṭho vā titthiyo vā paṇḍako vā anupasampannasaññī kammavācaṃ sāveti, saṅghena kammavācā na vuttā hoti, ‘‘saṅgho upasampādeyya, saṅgho upasampādeti, upasampanno saṅghenā’’ti (mahāva. 127) hi vacanato saṅghena kammavācāya vattabbāya saṅghapariyāpannena, saṅghapariyāpannasaññitena vā ekena vuttā saṅghena vuttāva hotīti veditabbo, ayameva sabbakammesu yutti. Tathā atthi methunaṃ dhammaṃ paṭisevanto koci nāsetabbo ‘‘yo bhikkhunīdūsako, ayaṃ nāsetabbo’’ti vuttattā eva, so anupasampannova, sahaseyyāpattiādiṃ janeti, tassa omasane ca dukkaṭaṃ hoti. Abhikkhuniyā methunaṃ dhammaṃ paṭisevanto na nāsetabbo ‘‘antimavatthuṃ ajjhāpanno, bhikkhave, anupasampanno…pe… nāsetabbo’’ti pāḷiyā abhāvato. Teneva so upasampannasaṅkhyaṃ gacchati, na sahaseyyāpattādiṃ janeti, kevalaṃ asaṃvāsoti katvā gaṇapūrako na hoti, ekakammaṃ ekuddesopi hi saṃvāsoti vutto. Samasikkhatāpi saṃvāsoti katvā so tena saddhiṃ natthīti padasodhammāpattiṃ pana janetīti kāraṇacchāyā dissati. Yathā bhikkhuniyā saddhiṃ bhikkhusaṅghassa ekakammādino saṃvāsassa abhāvā bhikkhunī asaṃvāsā bhikkhussa, tathā bhikkhu ca bhikkhuniyā, padasodhammāpattiṃ pana janeti. Tathā ‘‘antimavatthuṃ ajjhāpannopi ekacco yo nāsetabbo’’ti avuttoti iminā nidassanena sā kāraṇacchāyā gahaṇaṃ na gacchati.
аби жа ‘‘бхигку суд̇д̇абхигкумхи виббадибаж̇ж̇ад̇и, бадиб̣уд̣̇д̇хо саад̣̇ияад̇и, убхо наасзд̇аб̣б̣аа’’д̇и (баараа. 66) жа, ‘‘д̇зна хи, бхигкавз, мзд̇д̇ияам̣ бхигкуним̣ наасзт̇аа’’д̇и (баараа. 384) жа важанад̇о яо сан̇гхамаж̇жхам̣ бависид̇ваа анувиж̇ж̇агзна анувиж̇ж̇ияамаано барааж̇аабид̇о, соби анубасамбаннова, на омасаваад̣̇абаажид̇д̇ияам̣ ж̇анзд̇ийд̇и взд̣̇ид̇аб̣б̣ам̣. гин̃жааби ‘‘убасамбаннам̣ убасамбаннасан̃н̃ий кум̣сзд̇угаамо’’д̇и баал̣и над̇т̇и, гин̃жааби ган̇каавид̇аран̣ияам̣ ‘‘яам̣ аггосад̇и, д̇асса убасамбаннад̇аа, анан̃н̃аабад̣̇зсзна ж̇аад̇иаад̣̇ийхи аггосанам̣, ‘мам̣ аггосад̇ий’д̇и ж̇аананаа, ад̇т̇абурзгкаарад̇аад̣̇ийнам̣ абхаавод̇и имаанзд̇т̇а жад̇д̇аари ан̇г̇ааний’’д̇и (ган̇каа. адта. омасаваад̣̇асигкаабад̣̇аван̣н̣анаа) вуд̇д̇ам̣, д̇ат̇ааби д̣̇удтад̣̇осасигкаабад̣̇з ‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз суд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇ассаа’’д̇и (баараа. 389) важанад̇о асуд̣̇д̇хз убасамбаннасан̃н̃ааяа зва омасанд̇асса баажид̇д̇ияам̣. асуд̣̇д̇хад̣̇идтисса д̣̇уггадам̣. ‘‘суд̣̇д̇хо ход̇и буг̇г̇ало, ан̃н̃ад̇арам̣ баарааж̇игам̣ д̇хаммам̣ анаж̇жхаабанно, д̇ан̃жз суд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇ассаа’’д̇и (баараа. 389) важанад̇о бана ган̇каавид̇аран̣ияам̣ ‘‘д̇асса убасамбаннад̇аа убасамбаннасан̃н̃ид̇аа’’д̇и на вуд̇д̇ам̣ анзгам̣сигад̇д̇аа д̇асса ан̇г̇ассаад̇и взд̣̇ид̇аб̣б̣ам̣.
Api ca ‘‘bhikkhu suttabhikkhumhi vippaṭipajjati, paṭibuddho sādiyati, ubho nāsetabbā’’ti (pārā. 66) ca, ‘‘tena hi, bhikkhave, mettiyaṃ bhikkhuniṃ nāsethā’’ti (pārā. 384) ca vacanato yo saṅghamajjhaṃ pavisitvā anuvijjakena anuvijjiyamāno parājāpito, sopi anupasampannova, na omasavādapācittiyaṃ janetīti veditabbaṃ. Kiñcāpi ‘‘upasampannaṃ upasampannasaññī khuṃsetukāmo’’ti pāḷi natthi, kiñcāpi kaṅkhāvitaraṇiyaṃ ‘‘yaṃ akkosati, tassa upasampannatā, anaññāpadesena jātiādīhi akkosanaṃ, ‘maṃ akkosatī’ti jānanā, atthapurekkhāratādīnaṃ abhāvoti imānettha cattāri aṅgānī’’ti (kaṅkhā. aṭṭha. omasavādasikkhāpadavaṇṇanā) vuttaṃ, tathāpi duṭṭhadosasikkhāpade ‘‘asuddho hoti puggalo aññataraṃ pārājikaṃ dhammaṃ ajjhāpanno, tañce suddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassā’’ti (pārā. 389) vacanato asuddhe upasampannasaññāya eva omasantassa pācittiyaṃ. Asuddhadiṭṭhissa dukkaṭaṃ. ‘‘Suddho hoti puggalo, aññataraṃ pārājikaṃ dhammaṃ anajjhāpanno, tañce suddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassā’’ti (pārā. 389) vacanato pana kaṅkhāvitaraṇiyaṃ ‘‘tassa upasampannatā upasampannasaññitā’’ti na vuttaṃ anekaṃsikattā tassa aṅgassāti veditabbaṃ.
аби жзд̇т̇а сигкаабажжагкаад̇агажад̇уггам̣ взд̣̇ид̇аб̣б̣ам̣, ад̇т̇и буг̇г̇ало сигкаабажжагкаад̇аго на сигкаасааж̇ийвасамаабанно, ад̇т̇и сигкаасааж̇ийвасамаабанно на сигкаабажжагкаад̇аго, ад̇т̇и сигкаабажжагкаад̇аго жзва сигкаасааж̇ийвасамаабанно жа, ад̇т̇и нзва сигкаабажжагкаад̇аго на сигкаасааж̇ийвасамаабанно. д̇ад̇т̇а д̇ад̇ияо бхигкунийсигкаабажжагкаад̇аго взд̣̇ид̇аб̣б̣о. саа хи яаава на лин̇г̇ам̣ барижжаж̇ад̇и, гаасаавз сауссаахаава самаанаа сааман̃н̃аа жавид̇угаамаа сигкам̣ бажжагканд̇ийби бхигкуний зва сигкаасааж̇ийвасамаабаннаава. вуд̇д̇ан̃хи бхаг̇авад̇аа ‘‘на, бхигкавз, бхигкунияаа сигкаабажжагкаана’’нд̇и (жуул̣ава. 434). гад̣̇аа жа бана саа абхигкуний ход̇ийд̇и? яад̣̇аа сааман̃н̃аа жавид̇угаамаа г̇ихиниваасанам̣ ниваасзд̇и, саа ‘‘виб̣бханд̇аа’’д̇и сан̇кяам̣ г̇ажчад̇и. вуд̇д̇ан̃хи бхаг̇авад̇аа ‘‘яад̣̇зва саа виб̣бханд̇аа, д̇ад̣̇зва абхигкуний’’д̇и (жуул̣ава. 434). гид̇д̇аавад̇аа бана виб̣бханд̇аа ход̇ийд̇и? сааман̃н̃аа жавид̇угаамаа гаасаавзсу анаалаяаа гаасаавам̣ ваа абанзд̇и, наг̇г̇аа ваа г̇ажчад̇и, д̇ин̣абан̣н̣аад̣̇инаа ваа бадижчаад̣̇зд̇ваа г̇ажчад̇и, гаасаавам̣язва ваа г̇ихиниваасанаагаарзна ниваасзд̇и, од̣̇аад̇ам̣ ваа вад̇т̇ам̣ ниваасзд̇и, салин̇г̇знзва ваа сад̣̇д̇хим̣ д̇ид̇т̇иязсу бависид̇ваа гзсалун̃жанаад̣̇ивад̇ам̣ самаад̣̇ияад̇и, д̇ид̇т̇ияалин̇г̇ам̣ ваа самаад̣̇ияад̇и, д̇ад̣̇аа виб̣бханд̇аа наама ход̇и. д̇ад̇т̇а яаа бхигкунилин̇г̇з тид̇аава д̇ид̇т̇ияавад̇ам̣ самаад̣̇ияад̇и, саа д̇ид̇т̇ияабагганд̇аго бхигку вияа бажчаа баб̣б̣аж̇ж̇амби на лабхад̇и, сзсаа баб̣б̣аж̇ж̇амзвзгам̣ лабханд̇и, на убасамбад̣̇ам̣. баал̣ияам̣ гин̃жааби ‘‘яаа саа, бхигкавз, бхигкуний сагаасааваа д̇ид̇т̇ааяад̇анам̣ сан̇ганд̇аа, саа ааг̇ад̇аа на убасамбаад̣̇зд̇аб̣б̣аа’’д̇и важанад̇о яаа батамам̣ виб̣бхамид̇ваа бажчаа д̇ид̇т̇ааяад̇анам̣ сан̇ганд̇аа, саа ааг̇ад̇аа убасамбаад̣̇зд̇аб̣б̣аад̇и анун̃н̃аад̇ам̣ вияа д̣̇иссад̇и. сан̇г̇ийд̇иаажариязхи бана ‘‘жад̇увийсад̇и баарааж̇игааний’’д̇и вуд̇д̇ад̇д̇аа на буна саа убасамбаад̣̇зд̇аб̣б̣аа, д̇асмаа зва сигкаабажжагкаанам̣ наанун̃н̃аад̇ам̣ бхаг̇авад̇аа. анд̇имавад̇т̇уаж̇жхаабаннаа бана бхигкуний зва. багкабан̣д̣агийби бхигкуний зва. гинд̇и бужчаа.
Api cettha sikkhāpaccakkhātakacatukkaṃ veditabbaṃ, atthi puggalo sikkhāpaccakkhātako na sikkhāsājīvasamāpanno, atthi sikkhāsājīvasamāpanno na sikkhāpaccakkhātako, atthi sikkhāpaccakkhātako ceva sikkhāsājīvasamāpanno ca, atthi neva sikkhāpaccakkhātako na sikkhāsājīvasamāpanno. Tattha tatiyo bhikkhunīsikkhāpaccakkhātako veditabbo. Sā hi yāva na liṅgaṃ pariccajati, kāsāve saussāhāva samānā sāmaññā cavitukāmā sikkhaṃ paccakkhantīpi bhikkhunī eva sikkhāsājīvasamāpannāva. Vuttañhi bhagavatā ‘‘na, bhikkhave, bhikkhuniyā sikkhāpaccakkhāna’’nti (cūḷava. 434). Kadā ca pana sā abhikkhunī hotīti? Yadā sāmaññā cavitukāmā gihinivāsanaṃ nivāseti, sā ‘‘vibbhantā’’ti saṅkhyaṃ gacchati. Vuttañhi bhagavatā ‘‘yadeva sā vibbhantā, tadeva abhikkhunī’’ti (cūḷava. 434). Kittāvatā pana vibbhantā hotīti? Sāmaññā cavitukāmā kāsāvesu anālayā kāsāvaṃ vā apaneti, naggā vā gacchati, tiṇapaṇṇādinā vā paṭicchādetvā gacchati, kāsāvaṃyeva vā gihinivāsanākārena nivāseti, odātaṃ vā vatthaṃ nivāseti, saliṅgeneva vā saddhiṃ titthiyesu pavisitvā kesaluñcanādivataṃ samādiyati, titthiyaliṅgaṃ vā samādiyati, tadā vibbhantā nāma hoti. Tattha yā bhikkhuniliṅge ṭhitāva titthiyavataṃ samādiyati, sā titthiyapakkantako bhikkhu viya pacchā pabbajjampi na labhati, sesā pabbajjamevekaṃ labhanti, na upasampadaṃ. Pāḷiyaṃ kiñcāpi ‘‘yā sā, bhikkhave, bhikkhunī sakāsāvā titthāyatanaṃ saṅkantā, sā āgatā na upasampādetabbā’’ti vacanato yā paṭhamaṃ vibbhamitvā pacchā titthāyatanaṃ saṅkantā, sā āgatā upasampādetabbāti anuññātaṃ viya dissati. Saṅgītiācariyehi pana ‘‘catuvīsati pārājikānī’’ti vuttattā na puna sā upasampādetabbā, tasmā eva sikkhāpaccakkhānaṃ nānuññātaṃ bhagavatā. Antimavatthuajjhāpannā pana bhikkhunī eva. Pakkhapaṇḍakīpi bhikkhunī eva. Kinti pucchā.
