| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
багин̣н̣агагат̇ааван̣н̣анаа
Pakiṇṇakakathāvaṇṇanā
саахад̇т̇игаан̣ад̇д̇иганд̇и згабхан̣д̣ам̣ зва. ‘‘бхаарияан̃хид̣̇ам̣ д̇вамби згабассам̣ г̇ан̣ха, ахамби згабассам̣ г̇ан̣хаамийд̇и сам̣вид̣̇ахид̇ваа убхаязсам̣ баяог̇зна таанаажааванз гад̇з гааяаваажаажид̇д̇зхи ход̇и . ан̃н̃ат̇аа ‘саахад̇т̇игам̣ ваа аан̣ад̇д̇игасса ан̇г̇ам̣ на ход̇и, аан̣ад̇д̇игам̣ ваа саахад̇т̇игассаа’д̇и иминаа вируж̇жхад̇ий’’д̇и ликид̇ам̣. д̇хаммасирид̇т̇зро бана ‘‘на гзвалам̣ бхаарияз зва вад̇т̇умхи аяам̣ наяо лаб̣бхад̇и, бан̃жамаасагамад̇д̇амби д̣̇вз жз ж̇анаа сам̣вид̣̇ахид̇ваа г̇ан̣ханд̇и, д̣̇виннамби баадзггам̣, саахад̇т̇игам̣ наама д̇ам̣ гаммам̣, саахад̇т̇игабаяог̇ад̇д̇аа згасмим̣язва бхан̣д̣з, д̇асмаа ‘саахад̇т̇игам̣ аан̣ад̇д̇игасса ан̇г̇ам̣ на ход̇ий’д̇и важанамимам̣ наяам̣ на бадиб̣аахад̇и. ‘саахад̇т̇игавад̇т̇уан̇г̇анд̇и саахад̇т̇игасса вад̇т̇усса ан̇г̇ам̣ на ход̇ий’д̇и д̇ад̇т̇а вуд̇д̇ам̣. ид̇ха бана баяог̇ам̣ санд̇хааяа вуд̇д̇ад̇д̇аа яуж̇ж̇ад̇ий’’д̇и ааха гира, д̇ам̣ аяуд̇д̇ам̣ гааяаважийгамманд̇и важанаабхааваа, д̇асмаа саахад̇т̇игаан̣ад̇д̇игзсу баяог̇зсу ан̃н̃ад̇арзна вааяамаабад̇д̇и самудтаад̇и , д̇ат̇ааби д̇урид̇ад̇урид̇аа худ̇ваа вилобанаад̣̇ийсу г̇ахан̣аг̇аахаабанавасзнзд̇ам̣ вуд̇д̇ам̣. яат̇аа гаалзна ад̇д̇ано гаалзна барасса д̇хаммам̣ аараб̣бха сийгхам̣ сийгхам̣ уббад̇д̇им̣ санд̇хааяа ‘‘аж̇жхад̇д̇аб̣ахид̣̇д̇хаарамман̣аа д̇хаммаа’’д̇и (д̇ха. са. д̇игамаад̇игаа 21) вуд̇д̇аа, звам̣самбад̣̇амид̣̇анд̇и д̣̇адтаб̣б̣ам̣.
Sāhatthikāṇattikanti ekabhaṇḍaṃ eva. ‘‘Bhāriyañhidaṃ tvampi ekapassaṃ gaṇha, ahampi ekapassaṃ gaṇhāmīti saṃvidahitvā ubhayesaṃ payogena ṭhānācāvane kate kāyavācācittehi hoti . Aññathā ‘sāhatthikaṃ vā āṇattikassa aṅgaṃ na hoti, āṇattikaṃ vā sāhatthikassā’ti iminā virujjhatī’’ti likhitaṃ. Dhammasiritthero pana ‘‘na kevalaṃ bhāriye eva vatthumhi ayaṃ nayo labbhati, pañcamāsakamattampi dve ce janā saṃvidahitvā gaṇhanti, dvinnampi pāṭekkaṃ, sāhatthikaṃ nāma taṃ kammaṃ, sāhatthikapayogattā ekasmiṃyeva bhaṇḍe, tasmā ‘sāhatthikaṃ āṇattikassa aṅgaṃ na hotī’ti vacanamimaṃ nayaṃ na paṭibāhati. ‘Sāhatthikavatthuaṅganti sāhatthikassa vatthussa aṅgaṃ na hotī’ti tattha vuttaṃ. Idha pana payogaṃ sandhāya vuttattā yujjatī’’ti āha kira, taṃ ayuttaṃ kāyavacīkammanti vacanābhāvā, tasmā sāhatthikāṇattikesu payogesu aññatarena vāyamāpatti samuṭṭhāti , tathāpi turitaturitā hutvā vilopanādīsu gahaṇagāhāpanavasenetaṃ vuttaṃ. Yathā kālena attano kālena parassa dhammaṃ ārabbha sīghaṃ sīghaṃ uppattiṃ sandhāya ‘‘ajjhattabahiddhārammaṇā dhammā’’ti (dha. sa. tikamātikā 21) vuttā, evaṃsampadamidanti daṭṭhabbaṃ.
д̇ад̇т̇аби яз ануд̇д̇араад̣̇аяо зганд̇аб̣ахид̣̇д̇хаарамман̣аа вин̃н̃аан̣ан̃жааяад̇анаад̣̇аяо зганд̇ааж̇жхад̇д̇аарамман̣аа, ид̇арз анияад̇аарамман̣ад̇д̇аа ‘‘аж̇жхад̇д̇аб̣ахид̣̇д̇хаарамман̣аа’’д̇и вужжанд̇и, на згагкан̣з убхаяаарамман̣ад̇д̇аа. аяам̣ бана аабад̇д̇и яат̇аавуд̇д̇анаязна саахад̇т̇игаа аан̣ад̇д̇игааби ход̇иязва, д̇асмаа анид̣̇ассанамзд̇анд̇и аяуд̇д̇ам̣. ‘‘яат̇аа анияад̇аарамман̣ад̇д̇аа ‘аж̇жхад̇д̇аб̣ахид̣̇д̇хаарамман̣аа’д̇и вуд̇д̇аа, д̇ат̇аа анияад̇абаяог̇ад̇д̇аа аяамби аабад̇д̇и ‘саахад̇т̇игаан̣ад̇д̇игаа’д̇и вуд̇д̇аад̇и нид̣̇ассанамзвзд̇а’’нд̇и згажжз аажарияаа ааху. ‘‘имз банаажарияаа убхиннам̣ згад̇о аарамман̣агаран̣ам̣ над̇т̇и. ад̇т̇и жз, ‘аж̇жхад̇д̇аб̣ахид̣̇д̇хаарамман̣ам̣ д̇хаммам̣ бадижжа аж̇жхад̇д̇аб̣ахид̣̇д̇хаарамман̣о д̇хаммо уббаж̇ж̇ад̇и хзд̇убажжаяаа’д̇иаад̣̇инаа (бадтаа. 2.21.1 аж̇жхад̇д̇аарамман̣ад̇ига) бадтаанабаатзна бхавид̇аб̣б̣анд̇и сан̃н̃ааяа аахам̣су, д̇зсам̣ мад̇зна ‘сияаа аж̇жхад̇д̇аб̣ахид̣̇д̇хаарамман̣аа’д̇и важанам̣ нирад̇т̇агам̣ сияаа, на жа нирад̇т̇агам̣, д̇асмаа ад̇т̇зва згад̇о аж̇жхад̇д̇аб̣ахид̣̇д̇хаарамман̣о д̇хаммо. буна ‘аяам̣ со’д̇и нияамзна аж̇жхад̇д̇аб̣ахид̣̇д̇хаарамман̣аа д̇хаммаа вияа нид̣̇д̣̇исид̇аб̣б̣аабхаавад̇о на уд̣̇д̇хадо сияаа. д̇ад̇т̇а ануд̣̇д̇хадад̇д̇аа зва д̇хаммасан̇г̇ахадтагат̇ааяам̣ убхиннамби аж̇жхад̇д̇аб̣ахид̣̇д̇хаад̇хаммаанам̣ згад̇о аарамман̣агаран̣ад̇хаммавасзна ‘аж̇жхад̇д̇аб̣ахид̣̇д̇хаарамман̣аа’д̇и авад̇ваа ‘гаалзна аж̇жхад̇д̇аб̣ахид̣̇д̇хаа бавад̇д̇ияам̣ аж̇жхад̇д̇аб̣ахид̣̇д̇хаарамман̣а’нд̇и вуд̇д̇ам̣, д̇асмаа г̇ан̣тибад̣̇з вуд̇д̇анаяова саарод̇и но д̇агго’’д̇и аажарияо. д̇ад̇т̇а ‘‘гааяаважийгамма’’нд̇и аважанам̣ банасса саахад̇т̇игабаяог̇ад̇д̇аа згабаяог̇асса анзгагаммад̇д̇аава, яад̣̇и бхавзяяа, маногаммамби вад̇д̇аб̣б̣ам̣ бхавзяяа, яат̇аа д̇ад̇т̇а маногаммам̣ виж̇ж̇амаанамби аб̣б̣охааригам̣ ж̇аад̇ам̣, звам̣ д̇асмим̣ саахад̇т̇игаан̣ад̇д̇игз важийгаммам̣ аб̣б̣охаариганд̇и взд̣̇ид̇аб̣б̣ам̣, д̇ам̣ бана гзвалам̣ гааяагаммасса убаниссаяам̣ ж̇аад̇ам̣, жид̇д̇ам̣ вияа д̇ад̇т̇а ан̇г̇амзва ж̇аад̇ам̣, д̇асмаа вуд̇д̇ам̣ ‘‘саахад̇т̇игабаяог̇ад̇д̇аа’’д̇и, ‘‘ан̇г̇абхаавамад̇д̇амзва хи санд̇хааяа ‘саахад̇т̇игаан̣ад̇д̇ига’нд̇и вуд̇д̇анд̇и но д̇агго’’д̇и жа, вижаарзд̇ваа г̇ахзд̇аб̣б̣ам̣.
Tatthapi ye anuttarādayo ekantabahiddhārammaṇā viññāṇañcāyatanādayo ekantaajjhattārammaṇā, itare aniyatārammaṇattā ‘‘ajjhattabahiddhārammaṇā’’ti vuccanti, na ekakkhaṇe ubhayārammaṇattā. Ayaṃ pana āpatti yathāvuttanayena sāhatthikā āṇattikāpi hotiyeva, tasmā anidassanametanti ayuttaṃ. ‘‘Yathā aniyatārammaṇattā ‘ajjhattabahiddhārammaṇā’ti vuttā, tathā aniyatapayogattā ayampi āpatti ‘sāhatthikāṇattikā’ti vuttāti nidassanameveta’’nti ekacce ācariyā āhu. ‘‘Ime panācariyā ubhinnaṃ ekato ārammaṇakaraṇaṃ natthi. Atthi ce, ‘ajjhattabahiddhārammaṇaṃ dhammaṃ paṭicca ajjhattabahiddhārammaṇo dhammo uppajjati hetupaccayā’tiādinā (paṭṭhā. 2.21.1 ajjhattārammaṇatika) paṭṭhānapāṭhena bhavitabbanti saññāya āhaṃsu, tesaṃ matena ‘siyā ajjhattabahiddhārammaṇā’ti vacanaṃ niratthakaṃ siyā, na ca niratthakaṃ, tasmā attheva ekato ajjhattabahiddhārammaṇo dhammo. Puna ‘ayaṃ so’ti niyamena ajjhattabahiddhārammaṇā dhammā viya niddisitabbābhāvato na uddhaṭo siyā. Tattha anuddhaṭattā eva dhammasaṅgahaṭṭhakathāyaṃ ubhinnampi ajjhattabahiddhādhammānaṃ ekato ārammaṇakaraṇadhammavasena ‘ajjhattabahiddhārammaṇā’ti avatvā ‘kālena ajjhattabahiddhā pavattiyaṃ ajjhattabahiddhārammaṇa’nti vuttaṃ, tasmā gaṇṭhipade vuttanayova sāroti no takko’’ti ācariyo. Tattha ‘‘kāyavacīkamma’’nti avacanaṃ panassa sāhatthikapayogattā ekapayogassa anekakammattāva, yadi bhaveyya, manokammampi vattabbaṃ bhaveyya, yathā tattha manokammaṃ vijjamānampi abbohārikaṃ jātaṃ, evaṃ tasmiṃ sāhatthikāṇattike vacīkammaṃ abbohārikanti veditabbaṃ, taṃ pana kevalaṃ kāyakammassa upanissayaṃ jātaṃ, cittaṃ viya tattha aṅgameva jātaṃ, tasmā vuttaṃ ‘‘sāhatthikapayogattā’’ti, ‘‘aṅgabhāvamattameva hi sandhāya ‘sāhatthikāṇattika’nti vuttanti no takko’’ti ca, vicāretvā gahetabbaṃ.
гааяаваажаа самудтаанаа, яассаа аабад̇д̇ияаа сияум̣;
Kāyavācā samuṭṭhānā, yassā āpattiyā siyuṃ;
д̇ад̇т̇а гаммам̣ на д̇ам̣ жид̇д̇ам̣, гаммам̣ нассад̇и кийяад̇и.
Tattha kammaṃ na taṃ cittaṃ, kammaṃ nassati khīyati.
гирияаагирияаад̣̇игам̣ яан̃жа, гаммаагаммаад̣̇игам̣ бхавз;
Kiriyākiriyādikaṃ yañca, kammākammādikaṃ bhave;
на яуд̇д̇ам̣ д̇ам̣ вируд̣̇д̇хад̇д̇аа, гаммамзгам̣ва яуж̇ж̇ад̇и.
Na yuttaṃ taṃ viruddhattā, kammamekaṃva yujjati.
