| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ပကိဏ္ဏကကထာဝဏ္ဏနာ
Pakiṇṇakakathāvaṇṇanā
ဒာရုခဏ္ဍာဒီသု ‘‘ဘာရိယမိဒံ, တ္ဝံ ဧကပသ္သံ ဥက္ခိပာဟိ, အဟံ ဧကပသ္သံ ဥက္ခိပာမီ’’တိ ဥဘယေသံ ပယောဂေန ဧကသ္သ ဝတ္ထုနော ဌာနာစာဝနံ သန္ဓာယ ‘‘သာဟတ္ထိကာဏတ္တိက’’န္တိ ဝုတ္တံ။ ဣဒဉ္စ ကာယဝာစာနံ ဤဒိသေ ဌာနေ အင္ဂဘာဝမတ္တဒသ္သနတ္ထံ ဝုတ္တံ။ ယာယ ပန စေတနာယ သမုဋ္ဌာပိတော ပယောဂော သာဟတ္ထိကော အာဏတ္တိကော ဝာ ပဓာနဘာဝေန ဌာနာစာဝနံ သာဓေတိ, တသ္သာ ဝသေန အာပတ္တိ ကာရေတဗ္ဗာ။ အညထာ သာဟတ္ထိကံ ဝာ အာဏတ္တိကသ္သ အင္ဂံ န ဟောတိ, အာဏတ္တိကံ ဝာ သာဟတ္ထိကသ္သာတိ ဣဒံ ဝိရုဇ္ဈတိ။
Dārukhaṇḍādīsu ‘‘bhāriyamidaṃ, tvaṃ ekapassaṃ ukkhipāhi, ahaṃ ekapassaṃ ukkhipāmī’’ti ubhayesaṃ payogena ekassa vatthuno ṭhānācāvanaṃ sandhāya ‘‘sāhatthikāṇattika’’nti vuttaṃ. Idañca kāyavācānaṃ īdise ṭhāne aṅgabhāvamattadassanatthaṃ vuttaṃ. Yāya pana cetanāya samuṭṭhāpito payogo sāhatthiko āṇattiko vā padhānabhāvena ṭhānācāvanaṃ sādheti, tassā vasena āpatti kāretabbā. Aññathā sāhatthikaṃ vā āṇattikassa aṅgaṃ na hoti, āṇattikaṃ vā sāhatthikassāti idaṃ virujjhati.
ပကိဏ္ဏကကထာဝဏ္ဏနာ နိဋ္ဌိတာ။
Pakiṇṇakakathāvaṇṇanā niṭṭhitā.
