| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā |
ਲੋਕੁਤ੍ਤਰਕੁਸਲਂ
Lokuttarakusalaṃ
ਪਕਿਣ੍ਣਕਕਥਾવਣ੍ਣਨਾ
Pakiṇṇakakathāvaṇṇanā
ਪਞ੍ਚਧਾ ਉਦ੍ਦਿਸਤਿ ਪਞ੍ਚੁਪਾਦਾਨਕ੍ਖਨ੍ਧੇ ਅਜ੍ਝਤ੍ਤਦੁਕવਸੇਨ ਰੂਪਦੁਕવਸੇਨ ਚ ਭਿਨ੍ਦਿਤ੍વਾ ਅਭਿਨ੍ਦਿਤ੍વਾ ਚ ਨਿਮਿਤ੍ਤવਚਨੇਨੇવ ਉਦ੍ਦਿਸਤਿ ਪવਤ੍ਤਸ੍ਸਪਿ ਸਙ੍ਖਾਰਨਿਮਿਤ੍ਤਭਾવਾਨਤਿવਤ੍ਤਨਤੋ વੁਟ੍ਠਾਤਬ੍ਬਤਾਸਾਮਞ੍ਞਤੋ ਚ। ਤੇਨੇવ ਉਪਾਦਿਨ੍ਨਾਨੁਪਾਦਿਨ੍ਨવਸੇਨ ਪવਤ੍ਤਂ ਦ੍વਿਧਾ ਕਤ੍વਾ ਨਿਦ੍ਦਿਸਿਤ੍વਾਪਿ ‘‘ਅਯਂ ਤਾવ ਨਿਮਿਤ੍ਤੇ વਿਨਿਚ੍ਛਯੋ’’ਤਿ ਨਿਮਿਤ੍ਤવਸੇਨੇવ ਨਿਗਮੇਤਿ। ਏਤ੍ਥ ਚ ਨਿਮਿਤ੍ਤਂ ਅਜ੍ਝਤ੍ਤਬਹਿਦ੍ਧਾ, ਪવਤ੍ਤਂ ਪਨ ਅਜ੍ਝਤ੍ਤਮੇવਾਤਿ ਅਯਮੇਤੇਸਂ વਿਸੇਸੋ। ਬੋਜ੍ਝਙ੍ਗਾਦਿવਿਸੇਸਨ੍ਤਿ ਬੋਜ੍ਝਙ੍ਗਝਾਨਙ੍ਗਮਗ੍ਗਙ੍ਗਾਨਂ ਅਸਦਿਸਤਂ। ਅਸਮਾਪਜ੍ਜਿਤੁਕਾਮਤਾਸਙ੍ਖਾਤਾ વਿਤਕ੍ਕਾਦਿવਿਰਾਗਭਾવਨਾ ਅਸਮਾਪਜ੍ਜਿਤੁਕਾਮਤਾવਿਰਾਗਭਾવਨਾ। ਇਤਰਸ੍ਸਾਤਿ ਪਾਦਕਜ੍ਝਾਨਾਦਿਕਸ੍ਸ। ਅਤਬ੍ਭਾવਤੋਤਿ ਯਥਾવੁਤ੍ਤવਿਰਾਗਭਾવਨਾਭਾવਸ੍ਸ ਅਭਾવਤੋ। ਇਦਂ વੁਤ੍ਤਂ ਹੋਤਿ – ਯਥਾ ਮਗ੍ਗਾਸਨ੍ਨਾਯ વਿਪਸ੍ਸਨਾਯ ਸੋਮਨਸ੍ਸਸਹਗਤਤ੍ਤੇ ਮਗ੍ਗਸ੍ਸ ਪਠਮਾਦਿਜ੍ਝਾਨਿਕਤਾ ਚ ਉਪੇਕ੍ਖਾਸਹਗਤਤ੍ਤੇ ਪਞ੍ਚਮਜ੍ਝਾਨਿਕਤਾ ਏવ ਚ ਤਬ੍ਬਸੇਨ ਚ ਬੋਜ੍ਝਙ੍ਗਾਦੀਨਂ વਿਸੇਸੋਤਿ ਤੇਸਂ ਨਿਯਮੇ ਆਸਨ੍ਨਕਾਰਣਂ ਪਧਾਨਕਾਰਣਞ੍ਚ વੁਟ੍ਠਾਨਗਾਮਿਨਿવਿਪਸ੍ਸਨਾ, ਨ ਏવਂ ਪਾਦਕਜ੍ਝਾਨਾਦਯੋਤਿ।
Pañcadhāuddisati pañcupādānakkhandhe ajjhattadukavasena rūpadukavasena ca bhinditvā abhinditvā ca nimittavacaneneva uddisati pavattassapi saṅkhāranimittabhāvānativattanato vuṭṭhātabbatāsāmaññato ca. Teneva upādinnānupādinnavasena pavattaṃ dvidhā katvā niddisitvāpi ‘‘ayaṃ tāva nimitte vinicchayo’’ti nimittavaseneva nigameti. Ettha ca nimittaṃ ajjhattabahiddhā, pavattaṃ pana ajjhattamevāti ayametesaṃ viseso. Bojjhaṅgādivisesanti bojjhaṅgajhānaṅgamaggaṅgānaṃ asadisataṃ. Asamāpajjitukāmatāsaṅkhātā vitakkādivirāgabhāvanā asamāpajjitukāmatāvirāgabhāvanā. Itarassāti pādakajjhānādikassa. Atabbhāvatoti yathāvuttavirāgabhāvanābhāvassa abhāvato. Idaṃ vuttaṃ hoti – yathā maggāsannāya vipassanāya somanassasahagatatte maggassa paṭhamādijjhānikatā ca upekkhāsahagatatte pañcamajjhānikatā eva ca tabbasena ca bojjhaṅgādīnaṃ visesoti tesaṃ niyame āsannakāraṇaṃ padhānakāraṇañca vuṭṭhānagāminivipassanā, na evaṃ pādakajjhānādayoti.
ਇਦਾਨਿ ਅਪਾਦਕਪਠਮਜ੍ਝਾਨਪਾਦਕਾਨਂ ਪਕਿਣ੍ਣਕਸਙ੍ਖਾਰਪਠਮਜ੍ਝਾਨਾਨਿ ਸਮ੍ਮਸਿਤ੍વਾ ਨਿਬ੍ਬਤ੍ਤਿਤਾਨਞ੍ਚ ਮਗ੍ਗਾਨਂ ਏਕਨ੍ਤੇਨ ਪਠਮਜ੍ਝਾਨਿਕਭਾવਤੋ વਿਪਸ੍ਸਨਾਨਿਯਮੋਯੇવੇਤ੍ਥ ਏਕਨ੍ਤਿਕੋ ਪਧਾਨਞ੍ਚਾਤਿ ਇਮਮਤ੍ਥਂ વਿਭਾવੇਨ੍ਤੋ ‘‘વਿਪਸ੍ਸਨਾਨਿਯਮੇਨੇવਾ’’ਤਿਆਦਿਮਾਹ। ਤਤ੍ਥ ਇਤਰੇਤਿ ਦੁਤਿਯਜ੍ਝਾਨਿਕਾਦਿਮਗ੍ਗਾ। ਪਾਦਕਜ੍ਝਾਨਾਤਿਕ੍ਕਨ੍ਤਾਨਂ ਅਙ੍ਗਾਨਂ ਅਸਮਾਪਜ੍ਜਿਤੁਕਾਮਤਾવਿਰਾਗਭਾવਨਾਭੂਤਾ વੁਟ੍ਠਾਨਗਾਮਿਨਿવਿਪਸ੍ਸਨਾ ਅਧਿਟ੍ਠਾਨਭੂਤੇਨ ਪਾਦਕਜ੍ਝਾਨੇਨ ਆਹਿਤવਿਸੇਸਾ ਮਗ੍ਗਸ੍ਸ ਝਾਨਙ੍ਗਾਦਿવਿਸੇਸਨਿਯਾਮਿਕਾ ਹੋਤੀਤਿ ‘‘ਪਾਦਕਜ੍ਝਾਨવਿਪਸ੍ਸਨਾਨਿਯਮੇਹੀ’’ਤਿ વੁਤ੍ਤਂ। ਯਥਾ ਚ ਅਧਿਟ੍ਠਾਨਭੂਤੇਨ ਪਾਦਕਜ੍ਝਾਨੇਨ, ਏવਂ ਆਰਮ੍ਮਣਭੂਤੇਨ ਸਮ੍ਮਸਿਤਜ੍ਝਾਨੇਨ ਉਭਯਸਬ੍ਭਾવੇ ਅਜ੍ਝਾਸਯવਸੇਨ ਆਹਿਤવਿਸੇਸਾ વਿਪਸ੍ਸਨਾ ਨਿਯਮੇਤੀਤਿ ਆਹ ‘‘ਏવਂ ਸੇਸવਾਦੇਸੁਪਿ…ਪੇ॰… ਯੋਜੇਤਬ੍ਬੋ’’ਤਿ।
Idāni apādakapaṭhamajjhānapādakānaṃ pakiṇṇakasaṅkhārapaṭhamajjhānāni sammasitvā nibbattitānañca maggānaṃ ekantena paṭhamajjhānikabhāvato vipassanāniyamoyevettha ekantiko padhānañcāti imamatthaṃ vibhāvento ‘‘vipassanāniyamenevā’’tiādimāha. Tattha itareti dutiyajjhānikādimaggā. Pādakajjhānātikkantānaṃ aṅgānaṃ asamāpajjitukāmatāvirāgabhāvanābhūtā vuṭṭhānagāminivipassanā adhiṭṭhānabhūtena pādakajjhānena āhitavisesā maggassa jhānaṅgādivisesaniyāmikā hotīti ‘‘pādakajjhānavipassanāniyamehī’’ti vuttaṃ. Yathā ca adhiṭṭhānabhūtena pādakajjhānena, evaṃ ārammaṇabhūtena sammasitajjhānena ubhayasabbhāve ajjhāsayavasena āhitavisesā vipassanā niyametīti āha ‘‘evaṃ sesavādesupi…pe… yojetabbo’’ti.
ਪਾਦਕਜ੍ਝਾਨਸਙ੍ਖਾਰੇਸੂਤਿ ਪਠਮਜ੍ਝਾਨਸਙ੍ਖਾਰੇਸੁ। ‘‘ਪਠਮਜ੍ਝਾਨਂ ਪਾਦਕਂ ਕਤ੍વਾ’’ਤਿ (ਧ॰ ਸ॰ ਅਟ੍ਠ॰ ੩੫੦) ਹਿ વੁਤ੍ਤਂ। ਤਂਤਂવਿਰਾਗਾવਿਰਾਗਭਾવਨਾਭਾવੇਨਾਤਿ વਿਤਕ੍ਕਾਦੀਨਂ વਿਰਜ੍ਜਨਾવਿਰਜ੍ਜਨਭਾવਨਾਭਾવੇਨ। ਤੇਨ ਆਰਮ੍ਮਣਜ੍ਝਾਨਸ੍ਸਪਿ વਿਪਸ੍ਸਨਾਯ વਿਸੇਸਾਧਾਨਂ ਉਪਨਿਸ੍ਸਯਤਮਾਹ।
Pādakajjhānasaṅkhāresūti paṭhamajjhānasaṅkhāresu. ‘‘Paṭhamajjhānaṃ pādakaṃ katvā’’ti (dha. sa. aṭṭha. 350) hi vuttaṃ. Taṃtaṃvirāgāvirāgabhāvanābhāvenāti vitakkādīnaṃ virajjanāvirajjanabhāvanābhāvena. Tena ārammaṇajjhānassapi vipassanāya visesādhānaṃ upanissayatamāha.
ਪਾਦਕਜ੍ਝਾਨਸਮ੍ਮਸਿਤਜ੍ਝਾਨਾਨਿਯੇવ ਬੋਜ੍ਝਙ੍ਗਾਦਿવਿਸੇਸਾਨਂ ਉਪਨਿਸ੍ਸਯੋ ਕਾਰਣਨ੍ਤਿ ਪਾਦਕਜ੍ਝਾਨਸਮ੍ਮਸਿਤਜ੍ਝਾਨੁਪਨਿਸ੍ਸਯੋ , ਤਸ੍ਸ ਸਬ੍ਭਾવੇ। ਤਦਭਾવਾਭਾવਤੋਤਿ ਤਸ੍ਸ ਅਜ੍ਝਾਸਯਸ੍ਸ ਅਭਾવਾਭਾવਤੋ।
Pādakajjhānasammasitajjhānāniyeva bojjhaṅgādivisesānaṃ upanissayo kāraṇanti pādakajjhānasammasitajjhānupanissayo, tassa sabbhāve. Tadabhāvābhāvatoti tassa ajjhāsayassa abhāvābhāvato.
ਚਤੁਤ੍ਥਜ੍ਝਾਨਿਕਸ੍ਸ ਮਗ੍ਗਸ੍ਸ ਆਰੁਪ੍ਪੇ ਅਰੂਪਜ੍ਝਾਨਮੇવ ਪਾਦਕਂ ਸਿਯਾਤਿ ਆਹ ‘‘ਚਤੁਤ੍ਥਜ੍ਝਾਨਿਕવਜ੍ਜਾਨ’’ਨ੍ਤਿ। ਅਰਿਯਮਗ੍ਗਸ੍ਸ ਓਲ਼ਾਰਿਕਙ੍ਗਾਤਿਕ੍ਕਮਨੂਪਨਿਸ੍ਸਯਾ વਿਪਸ੍ਸਨਾਯ ਅਧਿਟ੍ਠਾਨਾਰਮ੍ਮਣਭੂਤਾ ਦੁਤਿਯਜ੍ਝਾਨਾਦਯੋ। ਪਞ੍ਚਹਿ ਅਙ੍ਗੇਹੀਤਿ ਪਞ੍ਚਹਿ ਝਾਨਙ੍ਗੇਹਿ। ‘‘ਤਂਤਂવਾਦੇਹਿ ਪਞ੍ਞਾਪਿਯਮਾਨਾਨਿ ਪਾਦਕਜ੍ਝਾਨਾਦੀਨਿ વਾਦਸਹਚਾਰਿਤਾਯ ‘વਾਦਾ’ਤਿ વੁਚ੍ਚਨ੍ਤੀ’’ਤਿ ਅਧਿਪ੍ਪਾਯੇਨ ‘‘ਤਯੋਪੇਤੇ વਾਦੇ’’ਤਿ ਆਹ। વਦਨ੍ਤਿ ਏਤੇਹੀਤਿ વਾ વਾਦਕਰਣਭੂਤਾਨਿ ਪਾਦਕਜ੍ਝਾਨਾਦੀਨਿ વਾਦਾ।
Catutthajjhānikassa maggassa āruppe arūpajjhānameva pādakaṃ siyāti āha ‘‘catutthajjhānikavajjāna’’nti. Ariyamaggassa oḷārikaṅgātikkamanūpanissayā vipassanāya adhiṭṭhānārammaṇabhūtā dutiyajjhānādayo. Pañcahi aṅgehīti pañcahi jhānaṅgehi. ‘‘Taṃtaṃvādehi paññāpiyamānāni pādakajjhānādīni vādasahacāritāya ‘vādā’ti vuccantī’’ti adhippāyena ‘‘tayopete vāde’’ti āha. Vadanti etehīti vā vādakaraṇabhūtāni pādakajjhānādīni vādā.
વਿਪਾਕਸਨ੍ਤਾਨਸ੍ਸ…ਪੇ॰… ਸੁਸਙ੍ਖਤਤ੍ਤਾਤਿ ਏਤੇਨ ਯਸ੍ਮਿਂ ਸਨ੍ਤਾਨੇ ਕਮ੍ਮਂ ਉਪ੍ਪਜ੍ਜਤਿ, ਤਤ੍ਥ ਉਪ੍ਪਜ੍ਜਮਾਨਮੇવ ਕਿਞ੍ਚਿ વਿਸੇਸਾਧਾਨਂ ਕਰੋਤੀਤਿ ਦੀਪੇਤਿ। ਯਤੋ ਤਸ੍ਮਿਂਯੇવ ਸਨ੍ਤਾਨੇ ਤਸ੍ਸ વਿਪਾਕੋ, ਨਾਞ੍ਞਤ੍ਥ।
Vipākasantānassa…pe…susaṅkhatattāti etena yasmiṃ santāne kammaṃ uppajjati, tattha uppajjamānameva kiñci visesādhānaṃ karotīti dīpeti. Yato tasmiṃyeva santāne tassa vipāko, nāññattha.
ਪੁਰਿਮਾਨੁਲੋਮਂ વਿਯ ਤਨ੍ਤਿ ਯਥਾ ਗੋਤ੍ਰਭੁਟ੍ਠਾਨੇ ਉਪ੍ਪਨ੍ਨਾਨੁਲੋਮਤੋ ਪੁਰਿਮਅਨੁਲੋਮਞਾਣਂ ਤਂ ਗੋਤ੍ਰਭੁਟ੍ਠਾਨੇ ਉਪ੍ਪਨ੍ਨਾਨੁਲੋਮਂ ਅਨੁਬਨ੍ਧਤਿ, ਏવਂ। ਤਦਪੀਤਿ ਗੋਤ੍ਰਭੁਟ੍ਠਾਨੇ ਉਪ੍ਪਨ੍ਨਾਨੁਲੋਮਞਾਣਮ੍ਪਿ ਅਞ੍ਞਂ ਅਨੁਲੋਮਞਾਣਮੇવ ਅਨੁਬਨ੍ਧੇਯ੍ਯ, ਤਸ੍ਸ ਅਨਨ੍ਤਰਂ ਉਪ੍ਪਜ੍ਜੇਯ੍ਯ। ਸਾ ਭੂਮੀਤਿ ਸਾ ਪਞ੍ਚੁਪਾਦਾਨਕ੍ਖਨ੍ਧਸਙ੍ਖਾਤਾ ਕਿਲੇਸਾਨਂ ਉਪ੍ਪਤ੍ਤਿਟ੍ਠਾਨਤਾਯ ਭੂਮਿ। ਏਕੋ ਭવੋਤਿ ਗਹੇਤ੍વਾ વੁਤ੍ਤਨ੍ਤਿ ਏਤੇਨ ਸਤ੍ਤ ਭવੇ ਦ੍વੇ ਭવੇਤਿ ਇਦਮ੍ਪਿ ਅਧਿਪ੍ਪਾਯવਸੇਨ ਨੇਤਬ੍ਬਤ੍ਥਂ, ਨ ਯਥਾਰੁਤવਸੇਨਾਤਿ ਦਸ੍ਸੇਤਿ। ਤਤ੍ਥਾਯਂ ਅਧਿਪ੍ਪਾਯੋ – ਏਕવਾਰਂ ਕਾਮਾવਚਰਦੇવੇਸੁ ਏਕવਾਰਂ ਮਨੁਸ੍ਸੇਸੂਤਿ ਏવਮ੍ਪਿ ਮਿਸ੍ਸਿਤੂਪਪਤ੍ਤਿવਸੇਨ ਤੇਸੁ ਏਕਿਸ੍ਸਾ ਏવ ਉਪਪਤ੍ਤਿਯਾ ਅਯਂ ਪਰਿਚ੍ਛੇਦੋ। ਯਂ ਪਨ ‘‘ਨ ਤੇ ਭવਂ ਅਟ੍ਠਮਮਾਦਿਯਨ੍ਤੀ’’ਤਿ (ਖੁ॰ ਪਾ॰ ੬.੯; ਸੁ॰ ਨਿ॰ ੨੩੨) વੁਤ੍ਤਂ, ਤਮ੍ਪਿ ਕਾਮਾવਚਰਭવਂਯੇવ ਸਨ੍ਧਾਯਾਹ। ਮਹਗ੍ਗਤਭવਾਨਂ ਪਰਿਚ੍ਛੇਦੋ ਨਤ੍ਥੀਤਿ વਦਨ੍ਤਿ। ਤਥਾ ‘‘ਠਪੇਤ੍વਾ ਦ੍વੇ ਭવੇ’’ਤਿ ਏਤ੍ਥਾਪਿ ਕਾਮਾવਚਰਦੇવਮਨੁਸ੍ਸਭવਾਨਂ ਮਿਸ੍ਸਕવਸੇਨੇવ, ਤਸ੍ਮਾ ਕਾਮਧਾਤੁਯਂ ਯੇ ਦ੍વੇ ਭવਾਤਿ ਕਾਮਾવਚਰਦੇવਮਨੁਸ੍ਸવਸੇਨ ਯੇ ਦ੍વੇ ਭવਾਤਿ ਅਤ੍ਥੋ। ਪੁਰਿਮવਿਕਪ੍ਪੇਸੁ ਪੁਗ੍ਗਲਭੇਦੇਨ ਪਟਿਪਦਾ ਭਿਨ੍ਦਿਤ੍વਾ ਕਸ੍ਸਚਿ ਚਲਤੀਤਿ, ਕਸ੍ਸਚਿ ਨ ਚਲਤੀਤਿ ਕਤ੍વਾ ‘‘ਚਲਤਿ ਏવਾ’’ਤਿ ਅવਧਾਰਣਮਨ੍ਤਰੇਨ ਅਤ੍ਥੋ વੁਤ੍ਤੋ। ਯਸ੍ਮਾ ਪਨ ਅਟ੍ਠਕਥਾਯਂ (ਧ॰ ਸ॰ ਅਟ੍ਠ॰ ੩੫੦ ਲੋਕੁਤ੍ਤਰਕੁਸਲਪਕਿਣ੍ਣਕਕਥਾ) ‘‘ਯਥਾ ਚ ਪਟਿਪਦਾ, ਏવਂ ਅਧਿਪਤਿਪਿ ਚਲਤਿ ਏવਾ’’ਤਿ વੁਤ੍ਤਂ, ਤਸ੍ਮਾ ਸਬ੍ਬੇਸਮ੍ਪਿ ਪਟਿਪਦਾਸੁ ਅਭੇਦੇਨ ਗਹਿਤਾਸੁ ਏਕਨ੍ਤੇਨ ਚਲਨਂ ਸਮ੍ਭવਤੀਤਿ ‘‘ਚਲਤਿਚ੍ਚੇવ વੁਤ੍ਤਂ, ਨ ਨ ਚਲਤੀ’’ਤਿ ਤਤਿਯવਿਕਪ੍ਪੋ ਚਲਨਾવਧਾਰਣੋ વੁਤ੍ਤੋ।
Purimānulomaṃ viya tanti yathā gotrabhuṭṭhāne uppannānulomato purimaanulomañāṇaṃ taṃ gotrabhuṭṭhāne uppannānulomaṃ anubandhati, evaṃ. Tadapīti gotrabhuṭṭhāne uppannānulomañāṇampi aññaṃ anulomañāṇameva anubandheyya, tassa anantaraṃ uppajjeyya. Sā bhūmīti sā pañcupādānakkhandhasaṅkhātā kilesānaṃ uppattiṭṭhānatāya bhūmi. Eko bhavoti gahetvā vuttanti etena satta bhave dve bhaveti idampi adhippāyavasena netabbatthaṃ, na yathārutavasenāti dasseti. Tatthāyaṃ adhippāyo – ekavāraṃ kāmāvacaradevesu ekavāraṃ manussesūti evampi missitūpapattivasena tesu ekissā eva upapattiyā ayaṃ paricchedo. Yaṃ pana ‘‘na te bhavaṃ aṭṭhamamādiyantī’’ti (khu. pā. 6.9; su. ni. 232) vuttaṃ, tampi kāmāvacarabhavaṃyeva sandhāyāha. Mahaggatabhavānaṃ paricchedo natthīti vadanti. Tathā ‘‘ṭhapetvā dve bhave’’ti etthāpi kāmāvacaradevamanussabhavānaṃ missakavaseneva, tasmā kāmadhātuyaṃ ye dve bhavāti kāmāvacaradevamanussavasena ye dve bhavāti attho. Purimavikappesu puggalabhedena paṭipadā bhinditvā kassaci calatīti, kassaci na calatīti katvā ‘‘calati evā’’ti avadhāraṇamantarena attho vutto. Yasmā pana aṭṭhakathāyaṃ (dha. sa. aṭṭha. 350 lokuttarakusalapakiṇṇakakathā) ‘‘yathā ca paṭipadā, evaṃ adhipatipi calati evā’’ti vuttaṃ, tasmā sabbesampi paṭipadāsu abhedena gahitāsu ekantena calanaṃ sambhavatīti ‘‘calaticceva vuttaṃ, na na calatī’’ti tatiyavikappo calanāvadhāraṇo vutto.
ਲੋਕੁਤ੍ਤਰਕੁਸਲਪਕਿਣ੍ਣਕਕਥਾવਣ੍ਣਨਾ ਨਿਟ੍ਠਿਤਾ।
Lokuttarakusalapakiṇṇakakathāvaṇṇanā niṭṭhitā.
