| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੫. ਪਕਿਣ੍ਣਕਨਿਦ੍ਦੇਸવਣ੍ਣਨਾ
5. Pakiṇṇakaniddesavaṇṇanā
੫੩. ਇਦਾਨਿ ਪਕਿਣ੍ਣਕਂ ਦਸ੍ਸੇਤੁਂ ‘‘ਸਙ੍ਘਿਕ’’ਨ੍ਤ੍ਯਾਦਿ ਆਰਦ੍ਧਂ। ਤਤ੍ਥ ਯੋ ਭਿਕ੍ਖੁ ਇਸ੍ਸਰੋ ਹੁਤ੍વਾ ਸਙ੍ਘਿਕਂ ਗਰੁਭਣ੍ਡਂ ਅਞ੍ਞਸ੍ਸ ਦੇਤਿ, ਤਸ੍ਸ ਥੁਲ੍ਲਚ੍ਚਯਂ ਸਿਯਾ। ਥੇਯ੍ਯਾਯ ਅਞ੍ਞਸ੍ਸ ਦੇਤਿ, ਯਥਾવਤ੍ਥੁ ਪਾਰਾਜਿਕਾਦਿ ਸਿਯਾ, ਦੁਕ੍ਕਟવਤ੍ਥੁ ਦੁਕ੍ਕਟਂ, ਥੁਲ੍ਲਚ੍ਚਯવਤ੍ਥੁ ਥੁਲ੍ਲਚ੍ਚਯਂ, ਪਾਰਾਜਿਕવਤ੍ਥੁ ਪਾਰਾਜਿਕਂ ਸਿਯਾਤਿ વੁਤ੍ਤਂ ਹੋਤਿ।
53. Idāni pakiṇṇakaṃ dassetuṃ ‘‘saṅghika’’ntyādi āraddhaṃ. Tattha yo bhikkhu issaro hutvā saṅghikaṃ garubhaṇḍaṃ aññassa deti, tassa thullaccayaṃ siyā. Theyyāya aññassa deti, yathāvatthu pārājikādi siyā, dukkaṭavatthu dukkaṭaṃ, thullaccayavatthu thullaccayaṃ, pārājikavatthu pārājikaṃ siyāti vuttaṃ hoti.
੫੪. ਕੁਸਾਦਿਮਯਚੀਰਾਨੀਤਿ ਏਤ੍ਥ ਆਦਿ-ਸਦ੍ਦੋ વਾਕਫਲਕਂ ਸਙ੍ਗਣ੍ਹਾਤਿ, ਕੁਸਮਯਚੀਰਂ વਾਕਮਯਚੀਰਂ ਫਲਕਮਯਚੀਰਨ੍ਤਿ। ਤਤ੍ਥ ਕੁਸੇ ਗਨ੍ਥੇਤ੍વਾ ਕਤਚੀਰਂ ਕੁਸਮਯਚੀਰਂ। વਾਕਮਯਚੀਰਂ ਨਾਮ ਤਾਪਸਾਨਂ વਕ੍ਕਲਂ। ਫਲਕਮਯਚੀਰਂ ਨਾਮ ਫਲਕਸਣ੍ਠਾਨਾਨਿ ਫਲਕਾਨਿ ਸਿਬ੍ਬੇਤ੍વਾ ਕਤਚੀਰਂ। ਕਮ੍ਬਲਂ ਕੇਸવਾਲਜਨ੍ਤਿ ਕੇਸਜਂ ਕਮ੍ਬਲਂ વਾਲਜਂ ਕਮ੍ਬਲਂ, ਕੇਸਕਮ੍ਬਲਂ વਾਲਕਮ੍ਬਲਨ੍ਤਿ ਅਤ੍ਥੋ। ਕੇਸੇਹਿ ਤਨ੍ਤੇ વਾਯਿਤ੍વਾ ਕਤਕਮ੍ਬਲਂ ਕੇਸਕਮ੍ਬਲਂ। ਚਮਰਿવਾਲੇਹਿ વਾਯਿਤ੍વਾ ਕਤਕਮ੍ਬਲਂ વਾਲਕਮ੍ਬਲਂ। ਸਮਯਂ વਿਨਾਤਿ ਨਟ੍ਠਚੀવਰਕਾਲਂ ਠਪੇਤ੍વਾ। ਧਾਰਯਤੋ ਧਾਰਯਨ੍ਤਸ੍ਸ। ਲੂਕਪਕ੍ਖਾਜਿਨਕ੍ਖਿਪਨ੍ਤਿ ਉਲੂਕਪਕ੍ਖਿਅਜਿਨਕ੍ਖਿਪਂ। ਤਤ੍ਥ ਉਲੂਕਪਕ੍ਖੀਤਿ ਉਲੂਕਸਕੁਣਪਕ੍ਖੇਹਿ ਕਤਨਿવਾਸਨਂ। ਅਜਿਨਕ੍ਖਿਪਨ੍ਤਿ ਸਲੋਮਂ ਸਖੁਰਂ ਅਜਿਨਮਿਗਚਮ੍ਮਂ। ਨਟ੍ਠਚੀવਰਕਾਲਂ ਠਪੇਤ੍વਾ ਇਮੇਸੁ ਸਤ੍ਤਸੁ વਤ੍ਥੂਸੁ ਯਂ ਕਿਞ੍ਚਿ ਧਾਰਯਤੋ ਥੁਲ੍ਲਚ੍ਚਯਂ ਸਿਯਾਤਿ ਅਤ੍ਥੋ।
54.Kusādimayacīrānīti ettha ādi-saddo vākaphalakaṃ saṅgaṇhāti, kusamayacīraṃ vākamayacīraṃ phalakamayacīranti. Tattha kuse ganthetvā katacīraṃ kusamayacīraṃ. Vākamayacīraṃ nāma tāpasānaṃ vakkalaṃ. Phalakamayacīraṃ nāma phalakasaṇṭhānāni phalakāni sibbetvā katacīraṃ. Kambalaṃ kesavālajanti kesajaṃ kambalaṃ vālajaṃ kambalaṃ, kesakambalaṃ vālakambalanti attho. Kesehi tante vāyitvā katakambalaṃ kesakambalaṃ. Camarivālehi vāyitvā katakambalaṃ vālakambalaṃ. Samayaṃ vināti naṭṭhacīvarakālaṃ ṭhapetvā. Dhārayato dhārayantassa. Lūkapakkhājinakkhipanti ulūkapakkhiajinakkhipaṃ. Tattha ulūkapakkhīti ulūkasakuṇapakkhehi katanivāsanaṃ. Ajinakkhipanti salomaṃ sakhuraṃ ajinamigacammaṃ. Naṭṭhacīvarakālaṃ ṭhapetvā imesu sattasu vatthūsu yaṃ kiñci dhārayato thullaccayaṃ siyāti attho.
੫੫. ਸਤ੍ਥਕੇਨ ਕਤ੍ਤਬ੍ਬਂ ਕਮ੍ਮਂ ਸਤ੍ਥਕਮ੍ਮਂ, ਤਸ੍ਮਿਂ ਸਤ੍ਥਕਮ੍ਮੇ। વਤ੍ਥਿਮ੍ਹਿ ਕਤ੍ਤਬ੍ਬਂ ਕਮ੍ਮਂ વਤ੍ਥਿਕਮ੍ਮਂ, ਤਸ੍ਮਿਂ વਤ੍ਥਿਕਮ੍ਮੇ। ਸਂ ਨਿਮਿਤ੍ਤਨ੍ਤਿ ਅਤ੍ਤਨੋ ਅਙ੍ਗਜਾਤਂ। ਤਂ ਛਿਨ੍ਦਤੋ ਥੁਲ੍ਲਚ੍ਚਯਂ ਸਿਯਾਤਿ ਸਮ੍ਬਨ੍ਧੋ। ਮਂਸਾਦਿਭੋਜਨੇਤਿ ਏਤ੍ਥ ਆਦਿ-ਸਦ੍ਦੋ ਅਟ੍ਠਿਲੋਹਿਤਚਮ੍ਮਲੋਮਾਨਿ ਸਙ੍ਗਣ੍ਹਾਤਿ। ਤਸ੍ਮਾ ਮਨੁਸ੍ਸਾਨਂ ਮਂਸਅਟ੍ਠਿਲੋਹਿਤਚਮ੍ਮਲੋਮਭੋਜਨਪਚ੍ਚਯਾ ਥੁਲ੍ਲਚ੍ਚਯਂ ਸਿਯਾਤਿ ਅਤ੍ਥੋ।
55. Satthakena kattabbaṃ kammaṃ satthakammaṃ, tasmiṃ satthakamme. Vatthimhi kattabbaṃ kammaṃ vatthikammaṃ, tasmiṃ vatthikamme. Saṃ nimittanti attano aṅgajātaṃ. Taṃ chindato thullaccayaṃ siyāti sambandho. Maṃsādibhojaneti ettha ādi-saddo aṭṭhilohitacammalomāni saṅgaṇhāti. Tasmā manussānaṃ maṃsaaṭṭhilohitacammalomabhojanapaccayā thullaccayaṃ siyāti attho.
੫੬. ਕਦਲੇਰਕਕ੍ਕਦੁਸ੍ਸਾਨੀਤਿ ਏਤ੍ਥ ਕਦਲਿਏਰਕਅਕ੍ਕવਾਕੇਹਿ ਕਤਾਨਿ વਤ੍ਥਾਨਿ ਧਾਰਯਨ੍ਤਸ੍ਸ ਦੁਕ੍ਕਟਂ। ਪੋਤ੍ਥਕਨ੍ਤਿ ਮਕਚਿવਾਕੇਹਿ ਕਤਂ ਪੋਤ੍ਥਕਦੁਸ੍ਸਂ। ਸਬ੍ਬਪੀਤਾਦਿਕਨ੍ਤਿ ਏਤ੍ਥ ਆਦਿ-ਸਦ੍ਦੇਨ ਸਬ੍ਬਲੋਹਿਤਕਸਬ੍ਬਕਣ੍ਹਕਸਬ੍ਬਮਞ੍ਜੇਟ੍ਠਿਕਂ ਸਙ੍ਗਣ੍ਹਾਤਿ। ਤਤ੍ਥ ਸਬ੍ਬਮੇવ ਨੀਲਕਂ ਸਬ੍ਬਨੀਲਕਂ। ਏવਂ ਸੇਸੇਸੁਪਿ। ਨੀਲਂ ਉਮ੍ਮਾਰਪੁਪ੍ਫવਣ੍ਣਂ। ਪੀਤਂ ਕਣਿਕਾਰਪੁਪ੍ਫવਣ੍ਣਂ। ਲੋਹਿਤਂ ਜਯਸੁਮਨਪੁਪ੍ਫવਣ੍ਣਂ। ਕਣ੍ਹਕਂ ਅਦ੍ਦਾਰਿਟ੍ਠਕવਣ੍ਣਂ। ਮਞ੍ਜੇਟ੍ਠਿਕਂ ਲਾਖਾਰਸવਣ੍ਣਂ। ਇਮੇਸੁ ਅਟ੍ਠਸੁ વਤ੍ਥੂਸੁ ਯਂ ਕਿਞ੍ਚਿ ਧਾਰਯਨ੍ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ।
56.Kadalerakakkadussānīti ettha kadalierakaakkavākehi katāni vatthāni dhārayantassa dukkaṭaṃ. Potthakanti makacivākehi kataṃ potthakadussaṃ. Sabbapītādikanti ettha ādi-saddena sabbalohitakasabbakaṇhakasabbamañjeṭṭhikaṃ saṅgaṇhāti. Tattha sabbameva nīlakaṃ sabbanīlakaṃ. Evaṃ sesesupi. Nīlaṃ ummārapupphavaṇṇaṃ. Pītaṃ kaṇikārapupphavaṇṇaṃ. Lohitaṃ jayasumanapupphavaṇṇaṃ. Kaṇhakaṃ addāriṭṭhakavaṇṇaṃ. Mañjeṭṭhikaṃ lākhārasavaṇṇaṃ. Imesu aṭṭhasu vatthūsu yaṃ kiñci dhārayantassa dukkaṭaṃ siyāti attho.
੫੭-੮. ਹਤ੍ਥਿਸ੍ਸੁਰਗਸੋਣਾਨਨ੍ਤਿ ਹਤ੍ਥਿਅਸ੍ਸਉਰਗਸੋਣਾਨਂ ਮਂਸਂ ਅਟ੍ਠਿਰੁਧਿਰਚਮ੍ਮਲੋਮਾਨਿ। ਸੀਹਬ੍ਯਗ੍ਘਚ੍ਛਦੀਪਿਨਨ੍ਤਿ ਸੀਹਬ੍ਯਗ੍ਘਅਚ੍ਛਦੀਪੀਨਂ ਮਂਸਾਦੀਨਿ। ਤਰਚ੍ਛਸ੍ਸ ਚ ਮਂਸਾਦਿਂ ਉਦ੍ਦਿਸ੍ਸਕਤਮਂਸਞ੍ਚ ਅਨਾਪੁਚ੍ਛਿਤਮਂਸਞ੍ਚ ਭੁਞ੍ਜਤੋ ਦੁਕ੍ਕਟਂ ਸਿਯਾ। ਦਕਤਿਤ੍ਥਾਦਿਕਨ੍ਤਿ ਏਤ੍ਥ ਆਦਿ-ਸਦ੍ਦੋ વਚ੍ਚਪਸ੍ਸਾવਕੁਟਿਯੋ ਸਙ੍ਗਣ੍ਹਾਤਿ। ਤੇਨ ਯਾਤਾਨੁਪੁਬ੍ਬਂ ਆਗਤਪ੍ਪਟਿਪਾਟਿਂ ਹਿਤ੍વਾਨ વਜ੍ਜੇਤ੍વਾ ਨਹਾਨਤਿਤ੍ਥਞ੍ਚ વਚ੍ਚਕੁਟਿਞ੍ਚ ਪਸ੍ਸਾવਕੁਟਿਞ੍ਚ વਜੇ વਜੇਯ੍ਯ ਗਚ੍ਛੇਯ੍ਯ, ਦੁਕ੍ਕਟਂ ਤਸ੍ਸ ਸਿਯਾਤਿ ਅਤ੍ਥੋ।
57-8.Hatthissuragasoṇānanti hatthiassauragasoṇānaṃ maṃsaṃ aṭṭhirudhiracammalomāni. Sīhabyagghacchadīpinanti sīhabyagghaacchadīpīnaṃ maṃsādīni. Taracchassa ca maṃsādiṃ uddissakatamaṃsañca anāpucchitamaṃsañca bhuñjato dukkaṭaṃ siyā. Dakatitthādikanti ettha ādi-saddo vaccapassāvakuṭiyo saṅgaṇhāti. Tena yātānupubbaṃ āgatappaṭipāṭiṃ hitvāna vajjetvā nahānatitthañca vaccakuṭiñca passāvakuṭiñca vaje vajeyya gaccheyya, dukkaṭaṃ tassa siyāti attho.
੫੯. ਸਹਸਾਤਿ વੇਗਸਾ વੇਗੇਨ। વੁਬ੍ਭਜਿਤ੍વਾਨਾਤਿ ਅਨ੍ਤਰવਾਸਕਂ ਦੂਰਤੋવ ਉਕ੍ਖਿਪਿਤ੍વਾ, વ-ਕਾਰੋ ਸਨ੍ਧਿવਸੇਨਾਗਤੋ। ਪવਿਸੇਤਿ ਪવਿਸੇਯ੍ਯ। વਚ੍ਚਪਸ੍ਸਾવਕੁਟਿਕਨ੍ਤਿ વਚ੍ਚਕੁਟਿਕਂ ਪਸ੍ਸਾવਕੁਟਿਕਂ। વਿਸੇਤਿ ਪવਿਸੇਯ੍ਯ। ਯੋ ਭਿਕ੍ਖੁ વਚ੍ਚਪਸ੍ਸਾવਕੁਟਿਕਂ ਸਹਸਾ ਪવਿਸੇਯ੍ਯ વਾ ਨਿਕ੍ਖਮੇਯ੍ਯ વਾ, ਉਬ੍ਭਜਿਤ੍વਾ વਾ ਪવਿਸੇਯ੍ਯ વਾ ਨਿਕ੍ਖਮੇਯ੍ਯ વਾ, ਉਕ੍ਕਾਸਿਕਂ વਜ੍ਜੇਤ੍વਾ ਤਂ ਪવਿਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਯੋਜਨਾ।
59.Sahasāti vegasā vegena. Vubbhajitvānāti antaravāsakaṃ dūratova ukkhipitvā, va-kāro sandhivasenāgato. Paviseti paviseyya. Vaccapassāvakuṭikanti vaccakuṭikaṃ passāvakuṭikaṃ. Viseti paviseyya. Yo bhikkhu vaccapassāvakuṭikaṃ sahasā paviseyya vā nikkhameyya vā, ubbhajitvā vā paviseyya vā nikkhameyya vā, ukkāsikaṃ vajjetvā taṃ paviseyya, tassa dukkaṭaṃ siyāti yojanā.
੬੦. ਨਿਤ੍ਥੁਨਨ੍ਤੋ વਚ੍ਚਂ ਕਰੇਯ੍ਯ ਦਨ੍ਤਕਟ੍ਠਞ੍ਚ ਖਾਦਨ੍ਤੋ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। વਚ੍ਚਪਸ੍ਸਾવਦੋਣੀਨਂ ਬਹਿ વਚ੍ਚਾਦਿਕਂ વਚ੍ਚਪਸ੍ਸਾવਂ ਕਰੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ।
60. Nitthunanto vaccaṃ kareyya dantakaṭṭhañca khādanto, tassa dukkaṭaṃ siyāti attho. Vaccapassāvadoṇīnaṃ bahi vaccādikaṃ vaccapassāvaṃ kareyya, tassa dukkaṭaṃ siyā.
੬੧. ਖਰੇਨ ਚਾવਲੇਖੇਯ੍ਯਾਤਿ ਫਾਲਿਤਕਟ੍ਠੇਨ વਾ ਫਰੁਸੇਨ વਾ ਗਣ੍ਠਿਕੇਨ વਾ ਪੂਤਿਕਟ੍ਠੇਨ વਾ ਸੁਸਿਰੇਨ વਾ ਅવਲੇਖੇਯ੍ਯਾਤਿ ਅਤ੍ਥੋ। ਕਟ੍ਠਨ੍ਤਿ ਅવਲੇਖਨਕਟ੍ਠਂ। ਕੂਪਕੇਤਿ વਚ੍ਚਕੂਪਕੇ। ਊਹਤਞ੍ਚਾਤਿ ਗੂਥਮਕ੍ਖਿਤਞ੍ਚ। ਨ ਧੋવੇਯ੍ਯਾਤਿ ਅਤ੍ਤਨਾ વਾ ਨ ਧੋવੇਯ੍ਯ ਪਰੇਨ વਾ ਨ ਧੋવਾਪੇਯ੍ਯ। ਉਕ੍ਲਾਪਞ੍ਚਾਤਿ ਕਚવਰਞ੍ਚ। ਨ ਸੋਧਯੇਨ ਸਮ੍ਮਜ੍ਜੇਯ੍ਯ।
61.Kharenacāvalekheyyāti phālitakaṭṭhena vā pharusena vā gaṇṭhikena vā pūtikaṭṭhena vā susirena vā avalekheyyāti attho. Kaṭṭhanti avalekhanakaṭṭhaṃ. Kūpaketi vaccakūpake. Ūhatañcāti gūthamakkhitañca. Na dhoveyyāti attanā vā na dhoveyya parena vā na dhovāpeyya. Uklāpañcāti kacavarañca. Na sodhayena sammajjeyya.
੬੨. ਚਪੁਚਪੂਤਿ ਸਦ੍ਦਂ ਕਤ੍વਾ ਉਦਕਕਿਚ੍ਚਂ ਕਰੋਨ੍ਤਸ੍ਸ ਆਚਮਨ੍ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਅਨਜ੍ਝਿਟ੍ਠੋવਾਤਿ ਅਨਾਣਤ੍ਤੋਯੇવ। ਥੇਰੇਨਾਤਿ ਸਙ੍ਘਤ੍ਥੇਰੇਨ। ਪਾਤਿਮੋਕ੍ਖਨ੍ਤਿ ਪਾਤਿਮੋਕ੍ਖੁਦ੍ਦੇਸਂ। ਉਦ੍ਦਿਸੇ ਉਦ੍ਦਿਸੇਯ੍ਯ, ਦੁਕ੍ਕਟਂ ਸਿਯਾ।
62.Capucapūti saddaṃ katvā udakakiccaṃ karontassa ācamantassa dukkaṭaṃ siyāti attho. Anajjhiṭṭhovāti anāṇattoyeva. Therenāti saṅghattherena. Pātimokkhanti pātimokkhuddesaṃ. Uddise uddiseyya, dukkaṭaṃ siyā.
੬੩. ਅਨਾਪੁਚ੍ਛਾਯ ਪਞ੍ਹਸ੍ਸ ਕਥਨੇ, ਅਨਾਪੁਚ੍ਛਾਯ ਪਞ੍ਹਸ੍ਸ વਿਸ੍ਸਜ੍ਜਨੇ, ਅਨਾਪੁਚ੍ਛਾਯ ਸਜ੍ਝਾਯਕਰਣੇ, ਅਨਾਪੁਚ੍ਛਾਯ ਪਦੀਪਜਾਲਨੇ, ਅਨਾਪੁਚ੍ਛਾਯ ਪਦੀਪવਿਜ੍ਝਾਪਨੇਤਿ ਇਮੇਸੁ ਚਤੂਸੁ ਪਚ੍ਚਯੇਸੁ ਤਸ੍ਸ ਦੁਕ੍ਕਟਂ ਸਿਯਾ।
63. Anāpucchāya pañhassa kathane, anāpucchāya pañhassa vissajjane, anāpucchāya sajjhāyakaraṇe, anāpucchāya padīpajālane, anāpucchāya padīpavijjhāpaneti imesu catūsu paccayesu tassa dukkaṭaṃ siyā.
੬੪. ਅਨਾਪੁਚ੍ਛਾ વਾਤਪਾਨਕવਾਟਾਨਿ વਿવਰੇਯ੍ਯ વਾ ਥਕੇਯ੍ਯ વਾ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। વਨ੍ਦਨਾਦਿਨ੍ਤਿ ਏਤ੍ਥ ਆਦਿ-ਸਦ੍ਦੋ વਨ੍ਦਾਪਨਂ ਸਙ੍ਗਣ੍ਹਾਤਿ। ਯੋ ਭਿਕ੍ਖੁ ਨਗ੍ਗੋ વਨ੍ਦਨਂ ਕਰੇਯ੍ਯ, વਨ੍ਦਾਪਨਂ ਕਰੇਯ੍ਯ, ਗਮਨਂ ਕਰੇਯ੍ਯ, ਭੋਜਨਂ ਕਰੇਯ੍ਯ, ਪਿવਨਂ ਕਰੇਯ੍ਯ, ਖਾਦਨਂ ਕਰੇਯ੍ਯ, ਗਹਣਂ ਕਰੇਯ੍ਯ, ਦਾਨਂ ਕਰੇਯ੍ਯ, ਤਸ੍ਸ ਸਬ੍ਬਤ੍ਥ ਦੁਕ੍ਕਟਨ੍ਤਿ ਸਮ੍ਬਨ੍ਧੋ।
64. Anāpucchā vātapānakavāṭāni vivareyya vā thakeyya vā, tassa dukkaṭaṃ siyāti sambandho. Vandanādinti ettha ādi-saddo vandāpanaṃ saṅgaṇhāti. Yo bhikkhu naggo vandanaṃ kareyya, vandāpanaṃ kareyya, gamanaṃ kareyya, bhojanaṃ kareyya, pivanaṃ kareyya, khādanaṃ kareyya, gahaṇaṃ kareyya, dānaṃ kareyya, tassa sabbattha dukkaṭanti sambandho.
੬੫. ਤਿਪਟਿਚ੍ਛਨ੍ਨਕਂ વਿਨਾਤਿ ‘‘ਅਨੁਜਾਨਾਮਿ, ਭਿਕ੍ਖવੇ, ਤਿਸ੍ਸੋ ਪਟਿਚ੍ਛਾਦਿਯੋ ਜਨ੍ਤਾਘਰਪ੍ਪਟਿਚ੍ਛਾਦਿਂ ਉਦਕਪ੍ਪਟਿਚ੍ਛਾਦਿਂ વਤ੍ਥਪ੍ਪਟਿਚ੍ਛਾਦਿ’’ਨ੍ਤਿ (ਚੂਲ਼વ॰ ੨੬੧) ਏવਂ વੁਤ੍ਤਾ ਤਿਸ੍ਸੋ ਪਟਿਚ੍ਛਾਦਿਯੋ ਸਮਾਹਟਾਤਿ ‘‘ਤਿਪਟਿਚ੍ਛਾਦੀ’’ਤਿ વੁਤ੍ਤਂ। ਤਿਪਟਿਚ੍ਛਨ੍ਨਕਂ ਠਪੇਤ੍વਾ ਪਰਿਕਮ੍ਮਂ ਸਯਂ ਕਰੇਯ੍ਯ, ਪਰਂ ਕਾਰਾਪੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ । ਯੋ ਭਿਕ੍ਖੁ ਨਹਾਯਂ ਨਹਾਯਨ੍ਤੋ ਕੁਟ੍ਟੇ વਾ ਥਮ੍ਭੇ વਾ ਤਰੁਮ੍ਹਿ વਾ ਕਾਯਂ ਉਪਘਂਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ।
65.Tipaṭicchannakaṃ vināti ‘‘anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti (cūḷava. 261) evaṃ vuttā tisso paṭicchādiyo samāhaṭāti ‘‘tipaṭicchādī’’ti vuttaṃ. Tipaṭicchannakaṃ ṭhapetvā parikammaṃ sayaṃ kareyya, paraṃ kārāpeyya, tassa dukkaṭaṃ siyāti attho . Yo bhikkhu nahāyaṃ nahāyanto kuṭṭe vā thambhe vā tarumhi vā kāyaṃ upaghaṃseyya, tassa dukkaṭaṃ siyā.
੬੬. ਯੋ ਭਿਕ੍ਖੁ ਨਹਾਯਨ੍ਤੋ ਕੁਰੁવਿਨ੍ਦਕਸੁਤ੍ਤੇਨ ਕਾਯਂ ਘਂਸੇਯ੍ਯ, ਕਾਯਤੋ ਕਾਯੇਨ ਅਞ੍ਞਮਞ੍ਞਂ ਘਂਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਯੋ ਅਗਿਲਾਨੋ ਸਉਪਾਹਨੋ ਬਹਾਰਾਮੇ ਬਹਿਆਰਾਮੇ ਚਰੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ।
66. Yo bhikkhu nahāyanto kuruvindakasuttena kāyaṃ ghaṃseyya, kāyato kāyena aññamaññaṃ ghaṃseyya, tassa dukkaṭaṃ siyāti sambandho. Yo agilāno saupāhano bahārāme bahiārāme careyya, tassa dukkaṭaṃ siyāti sambandho.
੬੭. ਸਬ੍ਬਨੀਲਾਦਿਕਮ੍ਪਿ ਚਾਤਿ ਏਤ੍ਥ ਆਦਿ-ਸਦ੍ਦੋ ਲੋਹਿਤੋਦਾਤਪੀਤਕਣ੍ਹਮਞ੍ਜੇਟ੍ਠਮਹਾਰਙ੍ਗਮਹਾਨਾਮਰਙ੍ਗਰਤ੍ਤਾਦਯੋ ਉਪਾਹਨਾਯੋ ਸਙ੍ਗਣ੍ਹਾਤਿ। ਯੋ ਭਿਕ੍ਖੁ ਸਬ੍ਬਨੀਲਸਬ੍ਬਲੋਹਿਤਾਦਿਕਂ ਉਪਾਹਨਂ ਧਾਰੇਤਿ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਯੋ ਭਿਕ੍ਖੁ ਰਤ੍ਤੋ ਰਤ੍ਤਚਿਤ੍ਤੋ ਤਦਹੁਜਾਤਾਯਪਿ ਇਤ੍ਥਿਯਾ ਨਿਮਿਤ੍ਤਂ ਪਸ੍ਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਯੋ ਭਿਕ੍ਖੁ ਭਿਕ੍ਖਦਾਯਿਯਾ ਭਿਕ੍ਖਦਾਯਿਕਾਯ ਇਤ੍ਥਿਯਾ ਮੁਖਂ ਪਸ੍ਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ।
67.Sabbanīlādikampi cāti ettha ādi-saddo lohitodātapītakaṇhamañjeṭṭhamahāraṅgamahānāmaraṅgarattādayo upāhanāyo saṅgaṇhāti. Yo bhikkhu sabbanīlasabbalohitādikaṃ upāhanaṃ dhāreti, tassa dukkaṭaṃ siyāti sambandho. Yo bhikkhu ratto rattacitto tadahujātāyapi itthiyā nimittaṃ passeyya, tassa dukkaṭaṃ siyā. Yo bhikkhu bhikkhadāyiyā bhikkhadāyikāya itthiyā mukhaṃ passeyya, tassa dukkaṭaṃ siyā.
੬੮-੯. ਯੋ ਭਿਕ੍ਖੁ ਉਜ੍ਝਾਨਸਞ੍ਞੀ ਹੁਤ੍વਾ ਅਞ੍ਞਸ੍ਸ ਭਿਕ੍ਖੁਨੋ ਪਤ੍ਤਂ વਾ ਪਸ੍ਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਆਦਾਸਾਦਿਮ੍ਹਿ ਉਦਕਪਤ੍ਤੇ ਅਤ੍ਤਨੋ ਮੁਖਂ ਪਸ੍ਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਉਚ੍ਚਾਸਨਮਹਾਸਨੇ ਨਿਸਜ੍ਜਾਦਿਂ ਨਿਸੀਦਨਸਯਨਾਦਿਂ ਕਰੋਨ੍ਤਸ੍ਸ ਭਿਕ੍ਖੁਨੋ ਦੁਕ੍ਕਟਂ ਸਿਯਾ। ਉਕ੍ਖਿਤ੍ਤਾਨੁਪਸਮ੍ਪਨ੍ਨਨਾਨਾਸਂવਾਸਕਾਦੀਨਂ વਨ੍ਦਨੇਪਿ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਤਤ੍ਥ ਉਕ੍ਖਿਤ੍ਤੋਤਿ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕੋ, ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋਤਿ ਤਿવਿਧੋਪਿ ਇਧਾਧਿਪ੍ਪੇਤੋ। ਅਨੁਪਸਮ੍ਪਨ੍ਨੋਤਿ ਇਮਿਨਾ ਭਿਕ੍ਖੁਨਿਸਾਮਣੇਰਸਾਮਣੇਰਿਸਿਕ੍ਖਮਾਨਪਣ੍ਡਕਇਤ੍ਥਿਸਿਕ੍ਖਾਪਚ੍ਚਕ੍ਖਾਤਕਾ ਗਹਿਤਾ। ਨਾਨਾਸਂવਾਸਕਾਤਿ ਲਦ੍ਧਿਨਾਨਾਸਂવਾਸਕਾ ਗਹਿਤਾ। ਆਦਿ-ਸਦ੍ਦੇਨ ਛਿਨ੍ਨਮੂਲਕਾ ਗਹਿਤਾ।
68-9. Yo bhikkhu ujjhānasaññī hutvā aññassa bhikkhuno pattaṃ vā passeyya, tassa dukkaṭaṃ siyā. Ādāsādimhi udakapatte attano mukhaṃ passeyya, tassa dukkaṭaṃ siyā. Uccāsanamahāsane nisajjādiṃ nisīdanasayanādiṃ karontassa bhikkhuno dukkaṭaṃ siyā. Ukkhittānupasampannanānāsaṃvāsakādīnaṃ vandanepi dukkaṭaṃ siyāti sambandho. Tattha ukkhittoti āpattiyā adassane ukkhittako, āpattiyā appaṭikamme ukkhittako, pāpikāya diṭṭhiyā appaṭinissagge ukkhittakoti tividhopi idhādhippeto. Anupasampannoti iminā bhikkhunisāmaṇerasāmaṇerisikkhamānapaṇḍakaitthisikkhāpaccakkhātakā gahitā. Nānāsaṃvāsakāti laddhinānāsaṃvāsakā gahitā. Ādi-saddena chinnamūlakā gahitā.
੭੦-੭੧. ਯੋ ਦੀਘਾਸਨੇ ਪਣ੍ਡਕਿਤ੍ਥੀਹਿ ਪਣ੍ਡਕੇਨ વਾ ਇਤ੍ਥਿਯਾ વਾ ਉਭਤੋਬ੍ਯਞ੍ਜਨੇਨ વਾ ਏਕਤੋ ਨਿਸੀਦੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਅਦੀਘੇ ਆਸਨੇਤਿ ਰਸ੍ਸੇ ਆਸਨੇ। ਯੋ ਭਿਕ੍ਖੁ ਰਸ੍ਸਾਸਨੇ ਮਞ੍ਚੇ વਾ ਪੀਠੇ વਾ ਅਸਮਾਨਾਸਨਿਕੇਨ ਏਕਤੋ ਸਯੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਫਲਪੁਪ੍ਫਾਦਿਕਨ੍ਤਿ ਏਤ੍ਥ ਆਦਿ-ਸਦ੍ਦੇਨ વੇਲ਼ੁਚੁਣ੍ਣਦਨ੍ਤਕਟ੍ਠਮਤ੍ਤਿਕਾਦਯੋ ਸਙ੍ਗਹਿਤਾ। ਕੁਲਸਙ੍ਗਹਤ੍ਥਾਯ ਫਲਪੁਪ੍ਫਾਦਿਕਂ ਦਦਤੋ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ।
70-71. Yo dīghāsane paṇḍakitthīhi paṇḍakena vā itthiyā vā ubhatobyañjanena vā ekato nisīdeyya, tassa dukkaṭaṃ siyā. Adīghe āsaneti rasse āsane. Yo bhikkhu rassāsane mañce vā pīṭhe vā asamānāsanikena ekato sayeyya, tassa dukkaṭaṃ siyāti attho. Phalapupphādikanti ettha ādi-saddena veḷucuṇṇadantakaṭṭhamattikādayo saṅgahitā. Kulasaṅgahatthāya phalapupphādikaṃ dadato dukkaṭaṃ siyāti sambandho.
੭੨-੩. ਯੋ ਭਿਕ੍ਖੁ ਗਨ੍ਥਿਮਾਦਿਂ ਸਯਂ ਕਰੇਯ੍ਯ, ਪਰਂ ਕਾਰਾਪੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਯੋ ਭਿਕ੍ਖੁ ਜਿਨੇਨ વਾਰਿਤਪਚ੍ਚਯੇ ਪਰਿਭੁਞ੍ਜੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਅਬ੍ਯਤ੍ਤੋ ਬਾਲੋ ਯੋ ਭਿਕ੍ਖੁ ਆਚਰਿਯੁਪਜ੍ਝਾਯੇ ਅਨਿਸ੍ਸਾਯ ਨਿਸ੍ਸਯਂ ਅਗ੍ਗਹੇਤ੍વਾ વਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਯੋ ਭਿਕ੍ਖੁ ਅਨੁਞ੍ਞਾਤੇਹਿ ਮਾਤਾਪਿਤੁਆਦੀਹਿ ਪੁਗ੍ਗਲੇਹਿ ਅਞ੍ਞਸ੍ਸ ਪੁਗ੍ਗਲਸ੍ਸ ਭੇਸਜ੍ਜਂ ਕਰੇਯ੍ਯ વਾ વਦੇਯ੍ਯ વਾ, ਤਸ੍ਸ ਦੁਕ੍ਕਟਂ ਸਿਯਾ। ਸਾਪਤ੍ਤਿਕੋ ਯੋ ਭਿਕ੍ਖੁ ਉਪੋਸਥਪ੍ਪવਾਰਣਂ ਕਰੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਤਤ੍ਥ ਜਿਨੇਨ ਭਗવਤਾ વਾਰਿਤਾ ਜਿਨવਾਰਿਤਾ, ਜਿਨવਾਰਿਤਾ ਚ ਤੇ ਪਚ੍ਚਯਾ ਚੇਤਿ ਜਿਨવਾਰਿਤਪਚ੍ਚਯਾ, ਤੇ ਜਿਨવਾਰਿਤਪਚ੍ਚਯੇ। ਦ੍વੇਮਾਤਿਕਾਅਪ੍ਪਗੁਣਤਾਯ ਅਬ੍ਯਤ੍ਤੋ।
72-3. Yo bhikkhu ganthimādiṃ sayaṃ kareyya, paraṃ kārāpeyya, tassa dukkaṭaṃ siyā. Yo bhikkhu jinena vāritapaccaye paribhuñjeyya, tassa dukkaṭaṃ siyā. Abyatto bālo yo bhikkhu ācariyupajjhāye anissāya nissayaṃ aggahetvā vaseyya, tassa dukkaṭaṃ siyā. Yo bhikkhu anuññātehi mātāpituādīhi puggalehi aññassa puggalassa bhesajjaṃ kareyya vā vadeyya vā, tassa dukkaṭaṃ siyā. Sāpattiko yo bhikkhu uposathappavāraṇaṃ kareyya, tassa dukkaṭaṃ siyāti sambandho. Tattha jinena bhagavatā vāritā jinavāritā, jinavāritā ca te paccayā ceti jinavāritapaccayā, te jinavāritapaccaye. Dvemātikāappaguṇatāya abyatto.
੭੪. ਯੋ ਭਿਕ੍ਖੁ ਆਭੋਗਂ વਾ ਨਿਯੋਗਂ વਾ વਜ੍ਜੇਤ੍વਾ ਦ੍વਾਰਬਨ੍ਧਾਦਿਕੇ ਠਾਨੇ ਪਰਿવਤ੍ਤਕવਾਟਕਂ ਅਪਿਧਾਯ ਦਿવਾ ਸਯੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਦ੍વਾਰਬਨ੍ਧਾਦਿਕੇਤਿ ਯੇਨ ਕੇਨਚਿ ਪਰਿਕ੍ਖਿਤ੍ਤੇ ਅਬ੍ਭੋਕਾਸੇਪਿ ਰੁਕ੍ਖਮੂਲੇਪਿ ਅਨ੍ਤਮਸੋ ਇਮਿਨਾ ਲਕ੍ਖਣੇਨ ਯੁਤ੍ਤਆਕਾਸਙ੍ਗਣੇਪਿ। ਅਪਿਧਾਯਾਤਿ ਅਪਿਦਹਿਤ੍વਾ। વਿਨਾਭੋਗਨ੍ਤਿ ‘‘ਏਸ ਦ੍વਾਰਂ ਜਗ੍ਗਿਸ੍ਸਤੀ’’ਤਿ ਆਭੋਗਂ ਠਪੇਤ੍વਾਤਿ ਅਤ੍ਥੋ। ਨਿਯੋਗਨ੍ਤਿ ਅવਸਟ੍ਠਾਨਂ, ਅਤ੍ਤਨੋ ਅવਸਂ ਬਹੁਸਾਧਾਰਣਟ੍ਠਾਨਂ ਠਪੇਤ੍વਾ। ‘‘ਸવਸੋ’’ਤਿ વਾ ਪਾਠੋ, ਸવਸੋ ਹੁਤ੍વਾਤਿ ਅਤ੍ਥੋ। ਦਿવਾਤਿ ਦਿવਾਕਾਲੇ।
74. Yo bhikkhu ābhogaṃ vā niyogaṃ vā vajjetvā dvārabandhādike ṭhāne parivattakavāṭakaṃ apidhāya divā sayeyya, tassa dukkaṭaṃ siyāti sambandho. Dvārabandhādiketi yena kenaci parikkhitte abbhokāsepi rukkhamūlepi antamaso iminā lakkhaṇena yuttaākāsaṅgaṇepi. Apidhāyāti apidahitvā. Vinābhoganti ‘‘esa dvāraṃ jaggissatī’’ti ābhogaṃ ṭhapetvāti attho. Niyoganti avasaṭṭhānaṃ, attano avasaṃ bahusādhāraṇaṭṭhānaṃ ṭhapetvā. ‘‘Savaso’’ti vā pāṭho, savaso hutvāti attho. Divāti divākāle.
੭੫. ਧਞ੍ਞਨ੍ਤਿ ਸਾਲਿ વੀਹਿ ਯવੋ ਗੋਧੁਮੋ ਕਙ੍ਗੁ વਰਕੋ ਕੁਦ੍ਰੂਸਕੋਤਿ ਸਤ੍ਤવਿਧਂ ਧਞ੍ਞਂ। ਇਤ੍ਥਿਰੂਪਨ੍ਤਿ ਦਾਰੁਲੋਹਮਯਾਦਿਇਤ੍ਥਿਰੂਪਂ। ਰਤਨਨ੍ਤਿ ਮੁਤ੍ਤਾਦਿਦਸવਿਧਂ ਰਤਨਂ। ਆવੁਧਨ੍ਤਿ ਸਤ੍ਤਿਤੋਮਰਾਦਿਸਬ੍ਬਾવੁਧਭਣ੍ਡਂ। ਇਤ੍ਥਿਪਸਾਧਨਨ੍ਤਿ ਇਤ੍ਥਿਯਾ ਸੀਸਾਦਿਅਲਙ੍ਕਾਰਂ। ਤੂਰਿਯਭਣ੍ਡਨ੍ਤਿ ਧਮਨਸਙ੍ਖਾਦਿਸਬ੍ਬਂ ਤੂਰਿਯਭਣ੍ਡਂ। ਫਲਰੁਕ੍ਖੇਤਿ ਫਲਿਤਰੁਕ੍ਖੇ। ਪੁਬ੍ਬਣ੍ਣਾਦਿਕਨ੍ਤਿ ਮੁਗ੍ਗਮਾਸਾਦਿਕਂ। ਆਦਿ-ਸਦ੍ਦੇਨ વਾਕੁਰਕੁਮਿਨਾਦਯੋ ਗਹਿਤਾ। ਏਤੇਸੁ ਯਂ ਕਿਞ੍ਚਿ ਆਮਸੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ।
75.Dhaññanti sāli vīhi yavo godhumo kaṅgu varako kudrūsakoti sattavidhaṃ dhaññaṃ. Itthirūpanti dārulohamayādiitthirūpaṃ. Ratananti muttādidasavidhaṃ ratanaṃ. Āvudhanti sattitomarādisabbāvudhabhaṇḍaṃ. Itthipasādhananti itthiyā sīsādialaṅkāraṃ. Tūriyabhaṇḍanti dhamanasaṅkhādisabbaṃ tūriyabhaṇḍaṃ. Phalarukkheti phalitarukkhe. Pubbaṇṇādikanti muggamāsādikaṃ. Ādi-saddena vākurakuminādayo gahitā. Etesu yaṃ kiñci āmaseyya, tassa dukkaṭaṃ siyāti attho.
੭੬. ਸਸਿਤ੍ਥੋਦਕਤੇਲੇਹੀਤਿ ਯੋ ਪਨ ਮਧੁਸਿਤ੍ਥਕਤੇਲੇਨ વਾ ਉਦਕਮਿਸ੍ਸਕਤੇਲੇਨ વਾ ਯੇਨ ਕੇਨਚਿ ਚਿਕ੍ਖਲ੍ਲੇਨ વਾ। ਫਣਹਤ੍ਥਫਣੇਹਿ વਾਤਿ ਦਨ੍ਤਮਯਾਦਿਫਣੇਨ વਾ ਫਣਕਿਚ੍ਚਸਾਧਕੇਹਿ ਹਤ੍ਥਙ੍ਗੁਲੀਹਿ વਾ ਕੋਚ੍ਛੇਨ વਾ ਕੇਸਮੋਸਣ੍ਠਨੇ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਏਕਸ੍ਮਿਂ ਭਾਜਨੇ ਭੋਜਨਨਿਮਿਤ੍ਤੇ ਦੁਕ੍ਕਟਂ ਸਿਯਾਤਿ ਅਤ੍ਥੋ।
76.Sasitthodakatelehīti yo pana madhusitthakatelena vā udakamissakatelena vā yena kenaci cikkhallena vā. Phaṇahatthaphaṇehi vāti dantamayādiphaṇena vā phaṇakiccasādhakehi hatthaṅgulīhi vā kocchena vā kesamosaṇṭhane dukkaṭaṃ siyāti attho. Ekasmiṃ bhājane bhojananimitte dukkaṭaṃ siyāti attho.
੭੭. ਦ੍વੇ ਭਿਕ੍ਖੂ ਏਕਤ੍ਥਰਣਾ ਸਯੇਯ੍ਯੂਂ, ਦ੍વੇ ਭਿਕ੍ਖੂ ਏਕਪਾવੁਰਣਾ ਸਯੇਯ੍ਯੁਂ, ਦ੍વੇ ਭਿਕ੍ਖੂ ਏਕਮਞ੍ਚਕੇ ਸਯੇਯ੍ਯੁਂ, ਤੇਸਂ ਦੁਕ੍ਕਟਾਨਿ ਹੋਨ੍ਤੀਤਿ ਸਮ੍ਬਨ੍ਧੋ। ਪਮਾਣਤੋ ਅਧਿਕਂ વਾ ਊਨਂ વਾ ਦਨ੍ਤਕਟ੍ਠਂ ਖਾਦੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਯੋਜਨਾ। ਤਤ੍ਥ ਅਧਿਕਨ੍ਤਿ ਅਟ੍ਠਙ੍ਗੁਲਤੋ ਅਧਿਕਂ। ਊਨਨ੍ਤਿ ਚਤੁਰਙ੍ਗੁਲਤੋ ਊਨਂ।
77. Dve bhikkhū ekattharaṇā sayeyyūṃ, dve bhikkhū ekapāvuraṇā sayeyyuṃ, dve bhikkhū ekamañcake sayeyyuṃ, tesaṃ dukkaṭāni hontīti sambandho. Pamāṇato adhikaṃ vā ūnaṃ vā dantakaṭṭhaṃ khādeyya, tassa dukkaṭaṃ siyāti yojanā. Tattha adhikanti aṭṭhaṅgulato adhikaṃ. Ūnanti caturaṅgulato ūnaṃ.
੭੮. ਯੋ ਭਿਕ੍ਖੁ ਨਚ੍ਚਞ੍ਚ ਗੀਤਞ੍ਚ વਾਦਿਤਞ੍ਚ ਯੋਜੇਤਿ વਾ ਯੋਜਾਪੇਤਿ વਾ, ਤਸ੍ਸ ਦੁਕ੍ਕਟਂ ਸਿਯਾ। ਤੇਸਂ ਨਚ੍ਚਾਨਂ ਦਸ੍ਸਨਂ, ਤੇਸਂ ਗੀਤਾਨਂ ਸવਨਂ, ਤੇਸਂ વਾਦਿਤਾਨਂ ਸવਨਞ੍ਚ ਕਰੋਨ੍ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ।
78. Yo bhikkhu naccañca gītañca vāditañca yojeti vā yojāpeti vā, tassa dukkaṭaṃ siyā. Tesaṃ naccānaṃ dassanaṃ, tesaṃ gītānaṃ savanaṃ, tesaṃ vāditānaṃ savanañca karontassa dukkaṭaṃ siyāti attho.
੭੯. વੀਹਾਦਿਰੋਪਿਮੇਤਿ વੀਹਿਆਦੀਨਂ ਰੁਹਨਟ੍ਠਾਨੇ। ਬਹਿਪਾਕਾਰਕੁਟ੍ਟਕੇਤਿ ਪਾਕਾਰਕੁਟ੍ਟਾਨਂ ਬਹਿ। વਚ੍ਚਾਦਿਛਡ੍ਡਨਾਦਿਮ੍ਹੀਤਿ વਚ੍ਚਪਸ੍ਸਾવਸਙ੍ਕਾਰਚਲਕਾਦੀਨਂ ਛਡ੍ਡਨવਿਸ੍ਸਜ੍ਜਨਪਚ੍ਚਯਾ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਦੀਘਕੇਸਾਦਿਧਾਰਣੇਤਿ ਦੀਘਕੇਸਧਾਰਣੇ ਦੀਘਨਖਧਾਰਣੇ ਦੁਕ੍ਕਟਂ ਸਿਯਾਤਿ ਅਤ੍ਥੋ।
79.Vīhādiropimeti vīhiādīnaṃ ruhanaṭṭhāne. Bahipākārakuṭṭaketi pākārakuṭṭānaṃ bahi. Vaccādichaḍḍanādimhīti vaccapassāvasaṅkāracalakādīnaṃ chaḍḍanavissajjanapaccayā dukkaṭaṃ siyāti attho. Dīghakesādidhāraṇeti dīghakesadhāraṇe dīghanakhadhāraṇe dukkaṭaṃ siyāti attho.
੮੦. ਨਖਮਟ੍ਠਕਰਣਾਦਿਮ੍ਹੀਤਿ ਏਤ੍ਥ ਆਦਿ-ਸਦ੍ਦੇਨ ਰਜਨਕਰਣਂ ਗਹਿਤਂ। ਸਮ੍ਬਾਧੇ ਲੋਮਹਾਰਣੇਤਿ ਸਮ੍ਬਾਧੇ ਉਪਕਚ੍ਛਕਮੁਤ੍ਤਕਰਣਟ੍ਠਾਨੇ ਲੋਮੁਦ੍ਧਰਣੇ। ਸਉਪਾਹਨੋ ਭਿਕ੍ਖੁ ਪਰਿਕਮ੍ਮਕਤਂ ਭੂਮਿਂ ਅਕ੍ਕਮੇਯ੍ਯਾਤਿ ਸਮ੍ਬਨ੍ਧੋ।
80.Nakhamaṭṭhakaraṇādimhīti ettha ādi-saddena rajanakaraṇaṃ gahitaṃ. Sambādhe lomahāraṇeti sambādhe upakacchakamuttakaraṇaṭṭhāne lomuddharaṇe. Saupāhano bhikkhu parikammakataṃ bhūmiṃ akkameyyāti sambandho.
੮੧. ਅਧੋਤਅਲ੍ਲਪਾਦੇਹੀਤਿ ਯੋ ਭਿਕ੍ਖੁ ਅਧੋਤਪਾਦੇਹਿ વਾ ਅਲ੍ਲਪਾਦੇਹਿ વਾ ਸਙ੍ਘਿਕਂ ਮਞ੍ਚਂ વਾ ਪੀਠਂ વਾ ਅਕ੍ਕਮੇਯ੍ਯ, ਪਰਿਕਮ੍ਮਕਤਂ ਭਿਤ੍ਤਿਂ વਾ ਕਾਯਤੋ ਆਮਸਨ੍ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ।
81.Adhotaallapādehīti yo bhikkhu adhotapādehi vā allapādehi vā saṅghikaṃ mañcaṃ vā pīṭhaṃ vā akkameyya, parikammakataṃ bhittiṃ vā kāyato āmasantassa dukkaṭaṃ siyāti attho.
੮੨-੩. ਸਙ੍ਘਾਟਿਯਾਪਿ ਪਲ੍ਲਤ੍ਥੇਤਿ ਅਧਿਟ੍ਠਿਤਚੀવਰੇਨ વਿਹਾਰੇ વਾ ਅਨ੍ਤਰਘਰੇ વਾ ਪਲ੍ਲਤ੍ਥਿਕਂ ਕਰੇਯ੍ਯ, ਤਸ੍ਸ ਦੁਕ੍ਕਟਂ। ਦੁਪ੍ਪਰਿਭੁਞ੍ਜੇਯ੍ਯ ਚੀવਰਨ੍ਤਿ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਦੁਪ੍ਪਰਿਭੋਗੇਨ ਪਰਿਭੁਞ੍ਜੇਯ੍ਯ। ਅਕਾਯਬਨ੍ਧਨੋਤਿ ਕਾਯਬਨ੍ਧਨવਿਰਹਿਤੋ ਭਿਕ੍ਖੁ ਗਾਮਂ વਜੇਯ੍ਯ ਗਚ੍ਛੇਯ੍ਯ। ਯੋ ਭਿਕ੍ਖੁ વਚ੍ਚਕਂ ਉਚ੍ਚਾਰਂ ਕਤ੍વਾਨ ਉਦਕੇ ਸਨ੍ਤੇ ਨਾਚਮੇਯ੍ਯ ਉਦਕਸੁਦ੍ਧਿਂ ਨ ਕਰੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਸਮਾਦੇਯ੍ਯ ਅਕਪ੍ਪਿਯੇਤਿ ਭਿਕ੍ਖੁਂ વਾ ਸਾਮਣੇਰਾਦਿਕੇ ਸੇਸਸਹਧਮ੍ਮਿਕੇ વਾ ਅਕਪ੍ਪਿਯੇ ਨਿਯੋਜੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਸਭਾਗਾਪਤ੍ਤਿਯਾ ਦੇਸਨਾਰੋਚਨਪਚ੍ਚਯਾ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਸਭਾਗਾਤਿ ਏਤ੍ਥ વਤ੍ਥੁਸਭਾਗਤਾવ ਇਧਾਧਿਪ੍ਪੇਤਾ, ਨ ਆਪਤ੍ਤਿਸਭਾਗਤਾ।
82-3.Saṅghāṭiyāpipallattheti adhiṭṭhitacīvarena vihāre vā antaraghare vā pallatthikaṃ kareyya, tassa dukkaṭaṃ. Dupparibhuñjeyya cīvaranti tiṇṇaṃ cīvarānaṃ aññataraṃ cīvaraṃ dupparibhogena paribhuñjeyya. Akāyabandhanoti kāyabandhanavirahito bhikkhu gāmaṃ vajeyya gaccheyya. Yo bhikkhu vaccakaṃ uccāraṃ katvāna udake sante nācameyya udakasuddhiṃ na kareyya, tassa dukkaṭaṃ siyāti attho. Samādeyya akappiyeti bhikkhuṃ vā sāmaṇerādike sesasahadhammike vā akappiye niyojeyya, tassa dukkaṭaṃ siyāti attho. Sabhāgāpattiyā desanārocanapaccayā dukkaṭaṃ siyāti attho. Sabhāgāti ettha vatthusabhāgatāva idhādhippetā, na āpattisabhāgatā.
੮੪. ਨ વਸੇ વਸ੍ਸਨ੍ਤਿ ਯੋ ਭਿਕ੍ਖੁ વਸ੍ਸਂ ਨ વਸੇਯ੍ਯ ਨ ਉਪਗਚ੍ਛੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। વਿਸਂવਾਦੇ ਸੁਦ੍ਧਚਿਤ੍ਤੇਤਿ ਏਤ੍ਥ ਸਮ੍ਪਦਾਨਤ੍ਥੇ ਭੁਮ੍ਮવਚਨਂ, ਪਟਿਸ੍ਸવਂ વਿਸਂવਾਦੇਨ੍ਤਸ੍ਸ ਸੁਦ੍ਧਚਿਤ੍ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। વਸ੍ਸਂ વਸਿਤ੍વਾ ਅਨਨੁਞ੍ਞਾਤਕਿਚ੍ਚਤੋ ਅਨਨੁਞ੍ਞਾਤਕਿਚ੍ਚੇਨ ਭਿਕ੍ਖੁਨੋ ਗਮਨੇ ਦੁਕ੍ਕਟਂ ਸਿਯਾਤਿ ਯੋਜਨਾ।
84.Na vase vassanti yo bhikkhu vassaṃ na vaseyya na upagaccheyya, tassa dukkaṭaṃ siyā. Visaṃvāde suddhacitteti ettha sampadānatthe bhummavacanaṃ, paṭissavaṃ visaṃvādentassa suddhacittassa dukkaṭaṃ siyāti attho. Vassaṃ vasitvā ananuññātakiccato ananuññātakiccena bhikkhuno gamane dukkaṭaṃ siyāti yojanā.
੮੫. ਆਪਦਂ વਜ੍ਜੇਤ੍વਾ ਤਰੁਸ੍ਸ ਉਦ੍ਧਂ ਪੋਰਿਸਮ੍ਹਾ ਅਭਿਰੁਹਣੇ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਆਪਦਨ੍ਤਿ ਅਨ੍ਤਰਾਯਂ। ਤਰੁਸ੍ਸਾਤਿ ਰੁਕ੍ਖਸ੍ਸ। ਪੋਰਿਸਮ੍ਹਾਤਿ ਏਕਪੋਰਿਸਪ੍ਪਮਾਣਾ ਮਜ੍ਝਿਮਸ੍ਸ ਪੁਰਿਸਸ੍ਸ ਪਞ੍ਚਹਤ੍ਥਾ। ਅਪਰਿਸ੍ਸਾવਨੋ ਯੋ ਭਿਕ੍ਖੁ ਅਦ੍ਧਾਨਂ ਗਚ੍ਛੇਯ੍ਯ, ਯੋ ਚ ਭਿਕ੍ਖੁ ਤਂ ਪਰਿਸ੍ਸਾવਨਂ ਯਾਚਤੋ ਨ ਦਦੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਯੋਜਨਾ। ਅਦ੍ਧਾਨਨ੍ਤਿ ਅਦ੍ਧਯੋਜਨਮੇવ ਅਨ੍ਤਿਮਮਦ੍ਧਾਨਂ।
85. Āpadaṃ vajjetvā tarussa uddhaṃ porisamhā abhiruhaṇe dukkaṭaṃ siyāti sambandho. Āpadanti antarāyaṃ. Tarussāti rukkhassa. Porisamhāti ekaporisappamāṇā majjhimassa purisassa pañcahatthā. Aparissāvano yo bhikkhu addhānaṃ gaccheyya, yo ca bhikkhu taṃ parissāvanaṃ yācato na dadeyya, tassa dukkaṭaṃ siyāti yojanā. Addhānanti addhayojanameva antimamaddhānaṃ.
੮੬. ਅਤ੍ਤਨੋ ਘਾਤਨੇ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਯੋ ਭਿਕ੍ਖੁ ਇਤ੍ਥਿਰੂਪਾਦਿਰੂਪਂ ਕਰੇਯ੍ਯ વਾ ਕਾਰਾਪੇਯ੍ਯ વਾ, ਤਸ੍ਸ ਦੁਕ੍ਕਟਂ ਸਿਯਾ। ਮਾਲਾਦਿਕਂ વਿਚਿਤ੍ਤਂ ਠਪੇਤ੍વਾ ਜਾਤਕਾਦਿવਤ੍ਥੁਂ ਸਯਂ ਕਰੇਯ੍ਯ, ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ।
86. Attano ghātane dukkaṭaṃ siyāti sambandho. Yo bhikkhu itthirūpādirūpaṃ kareyya vā kārāpeyya vā, tassa dukkaṭaṃ siyā. Mālādikaṃ vicittaṃ ṭhapetvā jātakādivatthuṃ sayaṃ kareyya, dukkaṭaṃ siyāti sambandho.
੮੭. ਭੁਞ੍ਜਨ੍ਤਮੁਟ੍ਠਪੇਤਿ ਯੋ ਭਿਕ੍ਖੁ ਭੁਞ੍ਜਨ੍ਤਂ ਉਟ੍ਠਾਪੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾ। ਭਤ੍ਤਸਾਲਾਦੀਸੁ વੁਡ੍ਢਾਨਂ ਓਕਾਸਂ ਅਦਤ੍વਾ ਨਿਸੀਦਤੋ ਦੁਕ੍ਕਟਂ ਸਿਯਾਤਿ ਯੋਜਨਾ।
87.Bhuñjantamuṭṭhapeti yo bhikkhu bhuñjantaṃ uṭṭhāpeyya, tassa dukkaṭaṃ siyā. Bhattasālādīsu vuḍḍhānaṃ okāsaṃ adatvā nisīdato dukkaṭaṃ siyāti yojanā.
੮੮. ਯਾਨਾਨੀਤਿ વਯ੍ਹਂ ਰਥੋ ਸਕਟਂ ਸਨ੍ਦਮਾਨਿਕਾਦੀਨਿ। ਕਲ੍ਲਕੋਤਿ ਅਗਿਲਾਨੋ। ਅਗਿਲਾਨੋ ਯੋ ਭਿਕ੍ਖੁ ਯਾਨਾਨਿ ਅਭਿਰੁਹੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। વਦੇ ਦવਨ੍ਤਿ ਕੇਲ਼ਿਂ વਦੇਯ੍ਯ, ਰਤਨਤ੍ਤਯਂ ਆਰਬ੍ਭ ਕੇਲ਼ਿਂ વਦੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਅਞ੍ਞਪਰਿਸਾਯ ਉਪਲਾਲਨੇ ਦੁਕ੍ਕਟਂ ਹੋਤਿ।
88.Yānānīti vayhaṃ ratho sakaṭaṃ sandamānikādīni. Kallakoti agilāno. Agilāno yo bhikkhu yānāni abhiruheyya, tassa dukkaṭaṃ siyāti attho. Vade davanti keḷiṃ vadeyya, ratanattayaṃ ārabbha keḷiṃ vadeyya, tassa dukkaṭaṃ siyāti attho. Aññaparisāya upalālane dukkaṭaṃ hoti.
੮੯. ਕਾਯਾਦਿਨ੍ਤਿ ਏਤ੍ਥ ਆਦਿ-ਸਦ੍ਦੋ ਊਰੁਨਿਮਿਤ੍ਤਂ ਸਙ੍ਗਣ੍ਹਾਤਿ। ਕਾਯਂ વਾ ਊਰੁਂ વਾ ਨਿਮਿਤ੍ਤਂ વਾ વਿવਰਿਤ੍વਾ ਭਿਕ੍ਖੁਨੀਨਂ ਨ ਦਸ੍ਸਯੇ ਨ ਦਸ੍ਸੇਯ੍ਯਾਤਿ ਅਤ੍ਥੋ। ਲੋਕਾਯਤਂ ਤਿਰਚ੍ਛਾਨਾਦਿવਿਜ੍ਜਂ ਨ ਚ ਸਯਂ વਾਚੇਯ੍ਯ, ਪਰਞ੍ਚ ਨ વਾਚਾਪੇਯ੍ਯ। ਪਲਿਤਂ ਗਣ੍ਹੇਯ੍ਯ વਾ ਗਣ੍ਹਾਪੇਯ੍ਯ વਾ, ਤਸ੍ਸ ਦੁਕ੍ਕਟਂ ਸਿਯਾਤਿ ਯੋਜਨਾ।
89.Kāyādinti ettha ādi-saddo ūrunimittaṃ saṅgaṇhāti. Kāyaṃ vā ūruṃ vā nimittaṃ vā vivaritvā bhikkhunīnaṃ na dassaye na dasseyyāti attho. Lokāyataṃ tiracchānādivijjaṃ na ca sayaṃ vāceyya, parañca na vācāpeyya. Palitaṃ gaṇheyya vā gaṇhāpeyya vā, tassa dukkaṭaṃ siyāti yojanā.
੯੦-੯੨. ਯਤ੍ਥ ਕਤ੍ਥਚਿ ਪੇਲ਼ਾਯਂ ਪਕ੍ਖਿਪਿਤ੍વਾ ਭਤ੍ਤਂ ਭੁਞ੍ਜਨ੍ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਪਤ੍ਤਹਤ੍ਥਕੋ ਯੋ ਭਿਕ੍ਖੁ વਾਤਪਾਨਂ વਾ ਕવਾਟਂ વਾ ਪਣਾਮੇ ਪਣਾਮੇਯ੍ਯ, ਸੋਦਕਂ ਪਤ੍ਤਂ ਉਣ੍ਹੇਯ੍ਯ ਉਣ੍ਹੇ ਓਤਾਪੇਯ੍ਯ વਾ ਪਟਿਸਾਮੇਯ੍ਯ વਾ, વੋਦਕਂ ਪਤ੍ਤਂ ਅਤਿਉਣ੍ਹੇਯ੍ਯ ਅਤਿਠਪੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਯੋ ਭਿਕ੍ਖੁ ਪਤ੍ਤਂ ਭੂਮਿਯਂ વਾ ਅਙ੍ਕੇ વਾ ਮਞ੍ਚੇ વਾ ਪੀਠੇ વਾ ਮਿਡ੍ਢਨ੍ਤੇ વਾ ਪਰਿਭਣ੍ਡਨ੍ਤੇ વਾ ਪਾਦੇ વਾ ਛਤ੍ਤੇ વਾ ਠਪੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ। ਭੂਮਿਯਨ੍ਤਿ ਯੇਨ ਕੇਨਚਿ ਅਨਤ੍ਥਤਾਯ ਪਂਸੁਸਕ੍ਖਰਮਿਸ੍ਸਾਯ। ਅਙ੍ਕੇਤਿ ਦ੍વਿਨ੍ਨਂ ਊਰੂਨਂ ਮਜ੍ਝੇ। ਮਿਡ੍ਢਨ੍ਤੇਤਿ ਮਿਡ੍ਢਪਰਿਯਨ੍ਤੇ। ਪਰਿਭਣ੍ਡਨ੍ਤੇਤਿ ਬਾਹਿਰਪਸ੍ਸੇ ਕਤਾਯ ਤਨੁਕਮਿਡ੍ਢਿਯਾ ਅਨ੍ਤੇ। ਯੋ ਭਿਕ੍ਖੁ ਚਲਕਾਦਿਂ વਾ ਪਤ੍ਤੇ ਠਪੇਯ੍ਯ, ਪਤ੍ਤੇ વਾ ਹਤ੍ਥਧੋવਨੇ ਹਤ੍ਥਸ੍ਸ ਧੋવਨਪ੍ਪਚ੍ਚਯਾ ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ।
90-92. Yattha katthaci peḷāyaṃ pakkhipitvā bhattaṃ bhuñjantassa dukkaṭaṃ siyāti sambandho. Pattahatthako yo bhikkhu vātapānaṃ vā kavāṭaṃ vā paṇāme paṇāmeyya, sodakaṃ pattaṃ uṇheyya uṇhe otāpeyya vā paṭisāmeyya vā, vodakaṃ pattaṃ atiuṇheyya atiṭhapeyya, tassa dukkaṭaṃ siyāti attho. Yo bhikkhu pattaṃ bhūmiyaṃ vā aṅke vā mañce vā pīṭhe vā miḍḍhante vā paribhaṇḍante vā pāde vā chatte vā ṭhapeyya, tassa dukkaṭaṃ siyāti sambandho. Bhūmiyanti yena kenaci anatthatāya paṃsusakkharamissāya. Aṅketi dvinnaṃ ūrūnaṃ majjhe. Miḍḍhanteti miḍḍhapariyante. Paribhaṇḍanteti bāhirapasse katāya tanukamiḍḍhiyā ante. Yo bhikkhu calakādiṃ vā patte ṭhapeyya, patte vā hatthadhovane hatthassa dhovanappaccayā tassa dukkaṭaṃ siyāti sambandho.
੯੩. ਉਚ੍ਛਿਟ੍ਠਂ ਮੁਖਧੋવਨਂ ਉਦਕਮ੍ਪਿ ਪਤ੍ਤੇਨ ਨੀਹਰਨ੍ਤਸ੍ਸ ਭਿਕ੍ਖੁਨੋ ਦੁਕ੍ਕਟਂ ਸਿਯਾ। ਯੋ ਭਿਕ੍ਖੁ ਅਕਪ੍ਪਿਯਂ ਪਤ੍ਤਂ ਪਰਿਭੁਞ੍ਜੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਤਤ੍ਥ ਅਕਪ੍ਪਿਯਂ ਪਤ੍ਤਨ੍ਤਿ ਦਾਰੁਮਯਪਤ੍ਤਾਦਿਂ।
93. Ucchiṭṭhaṃ mukhadhovanaṃ udakampi pattena nīharantassa bhikkhuno dukkaṭaṃ siyā. Yo bhikkhu akappiyaṃ pattaṃ paribhuñjeyya, tassa dukkaṭaṃ siyāti attho. Tattha akappiyaṃ pattanti dārumayapattādiṃ.
੯੪. ਯੋ ਭਿਕ੍ਖੁ ਖਿਪਿਤੇ ‘‘ਜੀવਾ’’ਤਿ વਦੇ વਦੇਯ੍ਯ, ਤਸ੍ਸ ਦੁਕ੍ਕਟਂ ਸਿਯਾਤਿ ਅਤ੍ਥੋ। ਯੋ ਭਿਕ੍ਖੁ ਪਰਿਮਣ੍ਡਲਕਾਦਿਮ੍ਹਿ ਪਞ੍ਚਸਤ੍ਤਤਿ ਸੇਖਿਯੇ ਅਨਾਦਰੋ ਹੁਤ੍વਾ ਨ ਸਿਕ੍ਖਤਿ, ਤਸ੍ਸ ਦੁਕ੍ਕਟਂ ਸਿਯਾਤਿ ਸਮ੍ਬਨ੍ਧੋ।
94. Yo bhikkhu khipite ‘‘jīvā’’ti vade vadeyya, tassa dukkaṭaṃ siyāti attho. Yo bhikkhu parimaṇḍalakādimhi pañcasattati sekhiye anādaro hutvā na sikkhati, tassa dukkaṭaṃ siyāti sambandho.
੯੫. ਯੋ ਭਿਕ੍ਖੁ ਭਣ੍ਡਾਗਾਰੇ ਪਯੁਤੋ ਮਾਤੁਯਾ ਪਿਤੁਨੋ ਚ ਭਣ੍ਡਕਂ ਗੋਪੇਯ੍ਯ, ਅਸ੍ਸ ਭਿਕ੍ਖੁਨੋ ਪਾਚਿਤ੍ਤਿਯਂ ਸਿਯਾਤਿ ਸਮ੍ਬਨ੍ਧੋ। ਤਤ੍ਥ ਪਯੁਤੋਤਿ ਭਣ੍ਡਾਗਾਰੇ ਬ੍ਯਾਪਾਰવਸੇਨ ਯੁਤ੍ਤਪ੍ਪਯੁਤ੍ਤੋ। ਗੋਪਯੇਤਿ ਗੋਪੇਯ੍ਯ। ਯੋ ਭਿਕ੍ਖੁ ਦવਾਯ ਹੀਨੇਨ ਜਾਤਿਆਦਿਨਾ ਉਤ੍ਤਮਮ੍ਪਿ વਦੇਯ੍ਯ, ਦੁਬ੍ਭਾਸਿਤਂ ਸਿਯਾਤਿ ਸਮ੍ਬਨ੍ਧੋ। ਤਤ੍ਥ ਹੀਨੇਹਿ વਾ ਉਕ੍ਕਟ੍ਠੇਹਿ વਾ ਜਾਤਿਆਦੀਹਿ ਏવਂ ਉਕ੍ਕਟ੍ਠਂ વਾ ਹੀਨਂ વਾ ‘‘ਚਣ੍ਡਾਲੋਸੀ’’ਤਿਆਦਿਨਾ ਨਯੇਨ ਉਜੁਂ વਾ ‘‘ਸਨ੍ਤਿ ਇਧੇਕਚ੍ਚੇ ਚਣ੍ਡਾਲવੇਨਨੇਸਾਦਾ’’ਤਿਆਦਿਨਾ ਨਯੇਨ ਅਞ੍ਞਾਪਦੇਸੇਨ વਾ ਉਪਸਮ੍ਪਨ੍ਨਂ વਾ ਅਨੁਪਸਮ੍ਪਨ੍ਨਂ વਾ ਅਕ੍ਕੋਸਾਧਿਪ੍ਪਾਯਂ વਿਨਾ ਕੇવਲਂ ਕੀਲ਼ਾਧਿਪ੍ਪਾਯੇਨ વਦੇਯ੍ਯ, ਦੁਬ੍ਭਾਸਿਤਂ ਸਿਯਾਤਿ।
95. Yo bhikkhu bhaṇḍāgāre payuto mātuyā pituno ca bhaṇḍakaṃ gopeyya, assa bhikkhuno pācittiyaṃ siyāti sambandho. Tattha payutoti bhaṇḍāgāre byāpāravasena yuttappayutto. Gopayeti gopeyya. Yo bhikkhu davāya hīnena jātiādinā uttamampi vadeyya, dubbhāsitaṃ siyāti sambandho. Tattha hīnehi vā ukkaṭṭhehi vā jātiādīhi evaṃ ukkaṭṭhaṃ vā hīnaṃ vā ‘‘caṇḍālosī’’tiādinā nayena ujuṃ vā ‘‘santi idhekacce caṇḍālavenanesādā’’tiādinā nayena aññāpadesena vā upasampannaṃ vā anupasampannaṃ vā akkosādhippāyaṃ vinā kevalaṃ kīḷādhippāyena vadeyya, dubbhāsitaṃ siyāti.
ਪਕਿਣ੍ਣਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Pakiṇṇakaniddesavaṇṇanā niṭṭhitā.
