Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

21. багин̣н̣агаваг̇г̇о

21. Pakiṇṇakavaggo

1. ад̇д̇анобуб̣б̣агаммавад̇т̇у

1. Attanopubbakammavatthu

мад̇д̇аасукабарижжааг̇аад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ад̇д̇ано буб̣б̣агаммам̣ аараб̣бха гат̇зси.

Mattāsukhapariccāgāti imaṃ dhammadesanaṃ satthā veḷuvane viharanto attano pubbakammaṃ ārabbha kathesi.

згасмин̃хи самаяз взсаалий ид̣̇д̇хаа ахоси пийд̇аа б̣ахуж̇анаа аагин̣н̣амануссаа. д̇ад̇т̇а хи ваарзна ваарзна раж̇ж̇ам̣ гаарзнд̇аанам̣ кад̇д̇ияаанам̣язва сад̇д̇асад̇аад̇хигаани сад̇д̇асахассаани сад̇д̇а жа кад̇д̇ияаа ахзсум̣. д̇зсам̣ васанад̇т̇ааяа д̇ад̇д̇агааязва баасаад̣̇аа д̇ад̇д̇агаанзва гуудааг̇аараани уяяаанз вихаарад̇т̇ааяа д̇ад̇д̇агааязва аараамаа жа богкаран̣ияо жа ахзсум̣. саа абарзна самаязна д̣̇уб̣бхигкаа ахоси д̣̇уссассаа. д̇ад̇т̇а чаад̇агабхаязна батамам̣ д̣̇уг̇г̇ад̇амануссаа гааламагам̣су. д̇зсам̣ д̇зсам̣ д̇ад̇т̇а д̇ад̇т̇а чад̣д̣ид̇аанам̣ гун̣абаанам̣ г̇анд̇хзна амануссаа наг̇арам̣ бависим̣су. амануссуубад̣̇д̣̇авзна б̣ахуд̇араа гааламагам̣су. д̇зсам̣ гун̣абаг̇анд̇хабадиггуулад̇ааяа сад̇д̇аанам̣ ахиваад̇арог̇о уббаж̇ж̇и. звам̣ д̣̇уб̣бхигкабхаяам̣ амануссабхаяам̣ рог̇абхаяанд̇и д̇ийн̣и бхаяаани уббаж̇ж̇им̣су.

Ekasmiñhi samaye vesālī iddhā ahosi phītā bahujanā ākiṇṇamanussā. Tattha hi vārena vārena rajjaṃ kārentānaṃ khattiyānaṃyeva sattasatādhikāni sattasahassāni satta ca khattiyā ahesuṃ. Tesaṃ vasanatthāya tattakāyeva pāsādā tattakāneva kūṭāgārāni uyyāne vihāratthāya tattakāyeva ārāmā ca pokkharaṇiyo ca ahesuṃ. Sā aparena samayena dubbhikkhā ahosi dussassā. Tattha chātakabhayena paṭhamaṃ duggatamanussā kālamakaṃsu. Tesaṃ tesaṃ tattha tattha chaḍḍitānaṃ kuṇapānaṃ gandhena amanussā nagaraṃ pavisiṃsu. Amanussūpaddavena bahutarā kālamakaṃsu. Tesaṃ kuṇapagandhapaṭikkūlatāya sattānaṃ ahivātarogo uppajji. Evaṃ dubbhikkhabhayaṃ amanussabhayaṃ rogabhayanti tīṇi bhayāni uppajjiṃsu.

наг̇араваасино саннибад̇ид̇ваа рааж̇аанам̣ аахам̣су – ‘‘махаарааж̇а, имасмим̣ наг̇арз д̇ийн̣и бхаяаани уббаннаани, ид̇о буб̣б̣з яаава сад̇д̇амаа рааж̇абариваддаа зваруубам̣ бхаяам̣ наама на уббаннабуб̣б̣ам̣. ад̇хаммигарааж̇уунан̃хи гаалз зваруубам̣ бхаяам̣ уббаж̇ж̇ад̇ий’’д̇и. рааж̇аа сант̇ааг̇аарз саб̣б̣зсам̣ саннибаад̇ам̣ гаарзд̇ваа ‘‘сажз мз ад̇хаммигабхааво ад̇т̇и, д̇ам̣ вижинат̇аа’’д̇и ааха. взсааливаасино саб̣б̣ам̣ бавзн̣и вижинанд̇аа ран̃н̃о ган̃жи д̣̇осам̣ ад̣̇исваа, ‘‘махаарааж̇а, над̇т̇и д̇з д̣̇осо’’д̇и вад̇ваа ‘‘гат̇ам̣ ну ко ид̣̇ам̣ амхаагам̣ бхаяам̣ вуубасамам̣ г̇ажчзяяаа’’д̇и манд̇аяим̣су. д̇ад̇т̇а згажжзхи ‘‘б̣алигаммзна ааяаажанааяа ман̇г̇алагирияааяаа’’д̇и вуд̇д̇з саб̣б̣амби д̇ам̣ вид̇хим̣ гад̇ваа бадиб̣аахид̇ум̣ наасагким̣су. ат̇ан̃н̃з звамаахам̣су – ‘‘ча сад̇т̇ааро махаанубхааваа, д̇зсу ид̇хааг̇ад̇амад̇д̇зсу бхаяам̣ вуубасамзяяаа’’д̇и. абарз ‘‘саммаасамб̣уд̣̇д̇хо логз уббанно. со хи бхаг̇аваа саб̣б̣асад̇д̇ахид̇ааяа д̇хаммам̣ д̣̇зсзд̇и, махид̣̇д̇хиго махаанубхааво. д̇асмим̣ ид̇ха ааг̇ад̇з имаани бхаяаани вуубасамзяяу’’нд̇и аахам̣су. д̇зсам̣ важанам̣ саб̣б̣зби абхинанд̣̇ид̇ваа ‘‘гахам̣ ну ко со бхаг̇аваа зд̇арахи вихарад̇ий’’д̇и аахам̣су . д̇ад̣̇аа бана сад̇т̇аа убагадтааяа вассуубанааяигааяа ран̃н̃о б̣имб̣исаарасса бадин̃н̃ам̣ д̣̇ад̇ваа взл̣уванз вихарад̇и. д̇зна жа самаязна б̣имб̣исаарасамааг̇амз б̣имб̣исаарзна сад̣̇д̇хим̣ сод̇аабад̇д̇ипалам̣ бад̇д̇о махаали наама лижчавий д̇ассам̣ барисааяам̣ нисинно ход̇и.

Nagaravāsino sannipatitvā rājānaṃ āhaṃsu – ‘‘mahārāja, imasmiṃ nagare tīṇi bhayāni uppannāni, ito pubbe yāva sattamā rājaparivaṭṭā evarūpaṃ bhayaṃ nāma na uppannapubbaṃ. Adhammikarājūnañhi kāle evarūpaṃ bhayaṃ uppajjatī’’ti. Rājā santhāgāre sabbesaṃ sannipātaṃ kāretvā ‘‘sace me adhammikabhāvo atthi, taṃ vicinathā’’ti āha. Vesālivāsino sabbaṃ paveṇi vicinantā rañño kañci dosaṃ adisvā, ‘‘mahārāja, natthi te doso’’ti vatvā ‘‘kathaṃ nu kho idaṃ amhākaṃ bhayaṃ vūpasamaṃ gaccheyyā’’ti mantayiṃsu. Tattha ekaccehi ‘‘balikammena āyācanāya maṅgalakiriyāyā’’ti vutte sabbampi taṃ vidhiṃ katvā paṭibāhituṃ nāsakkhiṃsu. Athaññe evamāhaṃsu – ‘‘cha satthāro mahānubhāvā, tesu idhāgatamattesu bhayaṃ vūpasameyyā’’ti. Apare ‘‘sammāsambuddho loke uppanno. So hi bhagavā sabbasattahitāya dhammaṃ deseti, mahiddhiko mahānubhāvo. Tasmiṃ idha āgate imāni bhayāni vūpasameyyu’’nti āhaṃsu. Tesaṃ vacanaṃ sabbepi abhinanditvā ‘‘kahaṃ nu kho so bhagavā etarahi viharatī’’ti āhaṃsu . Tadā pana satthā upakaṭṭhāya vassūpanāyikāya rañño bimbisārassa paṭiññaṃ datvā veḷuvane viharati. Tena ca samayena bimbisārasamāgame bimbisārena saddhiṃ sotāpattiphalaṃ patto mahāli nāma licchavī tassaṃ parisāyaṃ nisinno hoti.

взсааливаасино маханд̇ам̣ бан̣н̣аагаарам̣ саж̇ж̇зд̇ваа рааж̇аанам̣ б̣имб̣исаарам̣ сан̃н̃аабзд̇ваа ‘‘сад̇т̇аарам̣ ид̇хаанзт̇аа’’д̇и махаалин̃жзва лижчавим̣ бурохид̇абуд̇д̇ан̃жа бахин̣им̣су. д̇з г̇анд̇ваа ран̃н̃о бан̣н̣аагаарам̣ д̣̇ад̇ваа д̇ам̣ бавад̇д̇им̣ нивзд̣̇зд̇ваа, ‘‘махаарааж̇а, сад̇т̇аарам̣ амхаагам̣ наг̇арам̣ бзсзт̇аа’’д̇и яаажим̣су. рааж̇аа ‘‘д̇умхзва ж̇аанаат̇аа’’д̇и на самбадижчи. д̇з бхаг̇аванд̇ам̣ убасан̇гамид̇ваа ванд̣̇ид̇ваа яаажим̣су – ‘‘бханд̇з, взсаалияам̣ д̇ийн̣и бхаяаани уббаннаани, д̇аани д̇умхзсу ааг̇ад̇зсу вуубасамиссанд̇и, зт̇а, бханд̇з, г̇ажчаамаа’’д̇и. сад̇т̇аа д̇зсам̣ важанам̣ суд̇ваа ааваж̇ж̇знд̇о ‘‘взсаалияам̣ рад̇анасуд̇д̇з (ку. баа. 6.1 аад̣̇аяо; су. ни. 224 аад̣̇аяо) вуд̇д̇з саа рагкаа жаггаваал̣аанам̣ годисад̇асахассам̣ париссад̇и, суд̇д̇абарияосаанз жад̇ураасийд̇ияаа баан̣асахассаанам̣ д̇хаммаабхисамаяо бхависсад̇и, д̇аани жа бхаяаани вуубасамиссанд̇ий’’д̇и н̃ад̇ваа д̇зсам̣ важанам̣ самбадижчи.

Vesālivāsino mahantaṃ paṇṇākāraṃ sajjetvā rājānaṃ bimbisāraṃ saññāpetvā ‘‘satthāraṃ idhānethā’’ti mahāliñceva licchaviṃ purohitaputtañca pahiṇiṃsu. Te gantvā rañño paṇṇākāraṃ datvā taṃ pavattiṃ nivedetvā, ‘‘mahārāja, satthāraṃ amhākaṃ nagaraṃ pesethā’’ti yāciṃsu. Rājā ‘‘tumheva jānāthā’’ti na sampaṭicchi. Te bhagavantaṃ upasaṅkamitvā vanditvā yāciṃsu – ‘‘bhante, vesāliyaṃ tīṇi bhayāni uppannāni, tāni tumhesu āgatesu vūpasamissanti, etha, bhante, gacchāmā’’ti. Satthā tesaṃ vacanaṃ sutvā āvajjento ‘‘vesāliyaṃ ratanasutte (khu. pā. 6.1 ādayo; su. ni. 224 ādayo) vutte sā rakkhā cakkavāḷānaṃ koṭisatasahassaṃ pharissati, suttapariyosāne caturāsītiyā pāṇasahassānaṃ dhammābhisamayo bhavissati, tāni ca bhayāni vūpasamissantī’’ti ñatvā tesaṃ vacanaṃ sampaṭicchi.

рааж̇аа б̣имб̣исааро ‘‘сад̇т̇аараа гира взсаалиг̇аманам̣ самбадижчид̇а’’нд̇и суд̇ваа наг̇арз гхосанам̣ гаарзд̇ваа сад̇т̇аарам̣ убасан̇гамид̇ваа ‘‘гим̣, бханд̇з, взсаалиг̇аманам̣ самбадижчид̇а’’нд̇и бужчид̇ваа ‘‘аама, махаарааж̇аа’’д̇и вуд̇д̇з ‘‘д̇зна хи, бханд̇з, ааг̇амзт̇а, д̇аава маг̇г̇ам̣ бадияаад̣̇зссаамий’’д̇и вад̇ваа рааж̇аг̇ахасса жа г̇ан̇г̇ааяа жа анд̇арз бан̃жаяож̇анабхуумим̣ самам̣ гаарзд̇ваа яож̇анз яож̇анз вихаарам̣ бад̇идтаабзд̇ваа сад̇т̇у г̇аманагаалам̣ аарожзси. сад̇т̇аа бан̃жахи бхигкусад̇зхи сад̣̇д̇хим̣ маг̇г̇ам̣ бадибаж̇ж̇и. рааж̇аа яож̇ананд̇арз ж̇ан̣н̣умад̇д̇зна од̇хинаа бан̃жаван̣н̣аани бубпаани огираабзд̇ваа д̇хаж̇абадаагагад̣̇алийаад̣̇ийни уссаабзд̇ваа бхаг̇авад̇о чад̇д̇аад̇ичад̇д̇ам̣ гад̇ваа д̣̇вз сзд̇ажчад̇д̇аани згамзгасса бхигкуно згамзгам̣ сзд̇ажчад̇д̇ам̣ убари д̇хаарзд̇ваа сабаривааро бубпаг̇анд̇хаад̣̇ийхи бууж̇ам̣ гаронд̇о сад̇т̇аарам̣ згзгасмим̣ вихаарз васаабзд̇ваа махаад̣̇аанаад̣̇ийни д̣̇ад̇ваа бан̃жахи д̣̇ивасзхи г̇ан̇г̇аад̇ийрам̣ баабзд̇ваа д̇ад̇т̇а наавам̣ алан̇гаронд̇о взсаалигаанам̣ саасанам̣ бзсзси – ‘‘маг̇г̇ам̣ бадияаад̣̇зд̇ваа сад̇т̇у бажжуг̇г̇аманам̣ гаронд̇уу’’д̇и. д̇з ‘‘д̣̇иг̇ун̣ам̣ бууж̇ам̣ гариссаамаа’’д̇и взсаалияаа жа г̇ан̇г̇ааяа жа анд̇арз д̇ияож̇анабхуумим̣ самам̣ гаарзд̇ваа бхаг̇авад̇о жад̇уухи сзд̇ажчад̇д̇зхи згамзгасса бхигкуно д̣̇вийхи д̣̇вийхи сзд̇ажчад̇д̇зхи чад̇д̇аад̇ичад̇д̇аани саж̇ж̇зд̇ваа бууж̇ам̣ гурумаанаа ааг̇анд̇ваа г̇ан̇г̇аад̇ийрз адтам̣су. б̣имб̣исааро д̣̇вз нааваа сан̇гхаадзд̇ваа ман̣д̣абам̣ гаарзд̇ваа бубпад̣̇аамаад̣̇ийхи алан̇гаараабзд̇ваа саб̣б̣арад̇анамаяам̣ б̣уд̣̇д̇хаасанам̣ бан̃н̃аабзси. бхаг̇аваа д̇асмим̣ нисийд̣̇и. бхигкууби наавам̣ абхирухид̇ваа бхаг̇аванд̇ам̣ бариваарзд̇ваа нисийд̣̇им̣су. рааж̇аа ануг̇ажчанд̇о г̇алаббамаан̣ам̣ уд̣̇агам̣ од̇арид̇ваа ‘‘яаава, бханд̇з, бхаг̇аваа ааг̇ажчад̇и, д̇ааваахам̣ ид̇хзва г̇ан̇г̇аад̇ийрз васиссаамий’’д̇и вад̇ваа наавам̣ уяяож̇зд̇ваа нивад̇д̇и. сад̇т̇аа яож̇анамад̇д̇ам̣ ад̣̇д̇хаанам̣ г̇ан̇г̇ааяа г̇анд̇ваа взсаалигаанам̣ сиймам̣ баабун̣и.

Rājā bimbisāro ‘‘satthārā kira vesāligamanaṃ sampaṭicchita’’nti sutvā nagare ghosanaṃ kāretvā satthāraṃ upasaṅkamitvā ‘‘kiṃ, bhante, vesāligamanaṃ sampaṭicchita’’nti pucchitvā ‘‘āma, mahārājā’’ti vutte ‘‘tena hi, bhante, āgametha, tāva maggaṃ paṭiyādessāmī’’ti vatvā rājagahassa ca gaṅgāya ca antare pañcayojanabhūmiṃ samaṃ kāretvā yojane yojane vihāraṃ patiṭṭhāpetvā satthu gamanakālaṃ ārocesi. Satthā pañcahi bhikkhusatehi saddhiṃ maggaṃ paṭipajji. Rājā yojanantare jaṇṇumattena odhinā pañcavaṇṇāni pupphāni okirāpetvā dhajapaṭākakadalīādīni ussāpetvā bhagavato chattātichattaṃ katvā dve setacchattāni ekamekassa bhikkhuno ekamekaṃ setacchattaṃ upari dhāretvā saparivāro pupphagandhādīhi pūjaṃ karonto satthāraṃ ekekasmiṃ vihāre vasāpetvā mahādānādīni datvā pañcahi divasehi gaṅgātīraṃ pāpetvā tattha nāvaṃ alaṅkaronto vesālikānaṃ sāsanaṃ pesesi – ‘‘maggaṃ paṭiyādetvā satthu paccuggamanaṃ karontū’’ti. Te ‘‘diguṇaṃ pūjaṃ karissāmā’’ti vesāliyā ca gaṅgāya ca antare tiyojanabhūmiṃ samaṃ kāretvā bhagavato catūhi setacchattehi ekamekassa bhikkhuno dvīhi dvīhi setacchattehi chattātichattāni sajjetvā pūjaṃ kurumānā āgantvā gaṅgātīre aṭṭhaṃsu. Bimbisāro dve nāvā saṅghāṭetvā maṇḍapaṃ kāretvā pupphadāmādīhi alaṅkārāpetvā sabbaratanamayaṃ buddhāsanaṃ paññāpesi. Bhagavā tasmiṃ nisīdi. Bhikkhūpi nāvaṃ abhiruhitvā bhagavantaṃ parivāretvā nisīdiṃsu. Rājā anugacchanto galappamāṇaṃ udakaṃ otaritvā ‘‘yāva, bhante, bhagavā āgacchati, tāvāhaṃ idheva gaṅgātīre vasissāmī’’ti vatvā nāvaṃ uyyojetvā nivatti. Satthā yojanamattaṃ addhānaṃ gaṅgāya gantvā vesālikānaṃ sīmaṃ pāpuṇi.

лижчавийрааж̇аано сад̇т̇аарам̣ бажжуг̇г̇анд̇ваа г̇алаббамаан̣ам̣ уд̣̇агам̣ од̇арид̇ваа наавам̣ д̇ийрам̣ убанзд̇ваа сад̇т̇аарам̣ нааваад̇о од̇аараяим̣су. сад̇т̇аараа од̇арид̇ваа д̇ийрз агганд̇амад̇д̇зязва махаамзгхо удтахид̇ваа богкаравассам̣ васси. саб̣б̣ад̇т̇а ж̇ан̣н̣уббамаан̣аууруббамаан̣агадиббамаан̣аад̣̇ийни уд̣̇агаани санд̣̇анд̇аани саб̣б̣агун̣абаани г̇ан̇г̇ам̣ бавзсаяим̣су, барисуд̣̇д̇хо бхуумибхааг̇о ахоси. лижчавийрааж̇аано сад̇т̇аарам̣ яож̇анз яож̇анз васаабзд̇ваа махаад̣̇аанам̣ д̣̇ад̇ваа д̣̇иг̇ун̣ам̣ бууж̇ам̣ гаронд̇аа д̇ийхи д̣̇ивасзхи взсаалим̣ наяим̣су. сагго д̣̇зварааж̇аа д̣̇зваг̇ан̣абаривуд̇о ааг̇амааси, махзсагкаанам̣ д̣̇зваанам̣ саннибаад̇зна амануссаа язбхуяязна балааяим̣су. сад̇т̇аа сааяам̣ наг̇арад̣̇ваарз тад̇ваа аананд̣̇ад̇т̇зрам̣ ааманд̇зси – ‘‘имам̣, аананд̣̇а, рад̇анасуд̇д̇ам̣ уг̇г̇ан̣хид̇ваа лижчавийгумаарзхи сад̣̇д̇хим̣ вижаранд̇о взсаалияаа д̇ин̣н̣ам̣ баагаараанам̣ анд̇арз барид̇д̇ам̣ гарохий’’д̇и.

Licchavīrājāno satthāraṃ paccuggantvā galappamāṇaṃ udakaṃ otaritvā nāvaṃ tīraṃ upanetvā satthāraṃ nāvāto otārayiṃsu. Satthārā otaritvā tīre akkantamatteyeva mahāmegho uṭṭhahitvā pokkharavassaṃ vassi. Sabbattha jaṇṇuppamāṇaūruppamāṇakaṭippamāṇādīni udakāni sandantāni sabbakuṇapāni gaṅgaṃ pavesayiṃsu, parisuddho bhūmibhāgo ahosi. Licchavīrājāno satthāraṃ yojane yojane vasāpetvā mahādānaṃ datvā diguṇaṃ pūjaṃ karontā tīhi divasehi vesāliṃ nayiṃsu. Sakko devarājā devagaṇaparivuto āgamāsi, mahesakkhānaṃ devānaṃ sannipātena amanussā yebhuyyena palāyiṃsu. Satthā sāyaṃ nagaradvāre ṭhatvā ānandattheraṃ āmantesi – ‘‘imaṃ, ānanda, ratanasuttaṃ uggaṇhitvā licchavīkumārehi saddhiṃ vicaranto vesāliyā tiṇṇaṃ pākārānaṃ antare parittaṃ karohī’’ti.

т̇зро сад̇т̇аараа д̣̇иннам̣ рад̇анасуд̇д̇ам̣ уг̇г̇ан̣хид̇ваа сад̇т̇у сзламаяабад̇д̇зна уд̣̇агам̣ аад̣̇ааяа наг̇арад̣̇ваарз тид̇о бан̣ид̇хаанад̇о бадтааяа д̇ат̇ааг̇ад̇асса д̣̇аса баарамияо д̣̇аса убабаарамияо д̣̇аса барамад̇т̇абаарамияод̇и самад̇им̣са баарамияо бан̃жа махаабарижжааг̇з логад̇т̇ажарияаа н̃аад̇ад̇т̇ажарияаа б̣уд̣̇д̇хад̇т̇ажарияаад̇и д̇иссо жарияааяо бажчимабхавз г̇аб̣бхавогганд̇им̣ ж̇аад̇им̣ абхинигкаманам̣ бад̇хаанажарияам̣ б̣од̇хибаллан̇гз мааравиж̇аяам̣ саб̣б̣ан̃н̃уд̇ан̃н̃аан̣абадивзд̇хам̣ д̇хаммажаггабавад̇д̇анам̣ навалогуд̇д̇арад̇хаммзд̇и саб̣б̣збимз б̣уд̣̇д̇хаг̇ун̣з ааваж̇ж̇зд̇ваа наг̇арам̣ бависид̇ваа д̇ияаамарад̇д̇им̣ д̇ийсу баагааранд̇арзсу барид̇д̇ам̣ гаронд̇о вижари. д̇зна ‘‘яам̣гин̃жий’’д̇и вуд̇д̇амад̇д̇зязва уд̣̇д̇хам̣ кид̇д̇ауд̣̇агам̣ амануссаанам̣ убари бад̇и. ‘‘яаанийд̇ха бхууд̇ааний’’д̇и г̇аат̇аагат̇анад̇о бадтааяа раж̇ад̇авадам̣сагаа вияа уд̣̇агаб̣инд̣̇ууни аагаасзна г̇анд̇ваа г̇илаанамануссаанам̣ убари бад̇им̣су. д̇аавад̣̇зва вуубасанд̇арог̇аа мануссаа удтааяудтааяа т̇зрам̣ бариваарзсум̣ . ‘‘яам̣гин̃жий’’д̇и вуд̇д̇абад̣̇ад̇о бадтааяа бана уд̣̇агапусид̇зхи пудтапудтаа саб̣б̣з абалааяанд̇аа сан̇гаарагуудабхид̇д̇ибад̣̇зсаад̣̇иниссид̇аа амануссаа д̇зна д̇зна д̣̇ваарзна балааяим̣су. д̣̇ваараани аногаасаани ахзсум̣. д̇з огаасам̣ алабханд̇аа баагаарам̣ бхинд̣̇ид̇вааби балааяим̣су.

Thero satthārā dinnaṃ ratanasuttaṃ uggaṇhitvā satthu selamayapattena udakaṃ ādāya nagaradvāre ṭhito paṇidhānato paṭṭhāya tathāgatassa dasa pāramiyo dasa upapāramiyo dasa paramatthapāramiyoti samatiṃsa pāramiyo pañca mahāpariccāge lokatthacariyā ñātatthacariyā buddhatthacariyāti tisso cariyāyo pacchimabhave gabbhavokkantiṃ jātiṃ abhinikkhamanaṃ padhānacariyaṃ bodhipallaṅke māravijayaṃ sabbaññutaññāṇapaṭivedhaṃ dhammacakkapavattanaṃ navalokuttaradhammeti sabbepime buddhaguṇe āvajjetvā nagaraṃ pavisitvā tiyāmarattiṃ tīsu pākārantaresu parittaṃ karonto vicari. Tena ‘‘yaṃkiñcī’’ti vuttamatteyeva uddhaṃ khittaudakaṃ amanussānaṃ upari pati. ‘‘Yānīdha bhūtānī’’ti gāthākathanato paṭṭhāya rajatavaṭaṃsakā viya udakabindūni ākāsena gantvā gilānamanussānaṃ upari patiṃsu. Tāvadeva vūpasantarogā manussā uṭṭhāyuṭṭhāya theraṃ parivāresuṃ . ‘‘Yaṃkiñcī’’ti vuttapadato paṭṭhāya pana udakaphusitehi phuṭṭhaphuṭṭhā sabbe apalāyantā saṅkārakūṭabhittipadesādinissitā amanussā tena tena dvārena palāyiṃsu. Dvārāni anokāsāni ahesuṃ. Te okāsaṃ alabhantā pākāraṃ bhinditvāpi palāyiṃsu.

махааж̇ано наг̇арамаж̇жхз сант̇ааг̇аарам̣ саб̣б̣аг̇анд̇хзхи убалимбзд̇ваа убари суван̣н̣ад̇аарагаад̣̇ивижид̇д̇ам̣ вид̇аанам̣ б̣анд̇хид̇ваа б̣уд̣̇д̇хаасанам̣ бан̃н̃аабзд̇ваа сад̇т̇аарам̣ аанзси. сад̇т̇аа бан̃н̃ад̇д̇з аасанз нисийд̣̇и. бхигкусан̇гхоби лижчавийг̇ан̣оби сад̇т̇аарам̣ бариваарзд̇ваа нисийд̣̇и. сагго д̣̇зварааж̇аа д̣̇зваг̇ан̣абаривуд̇о бад̇ируубз огаасз адтааси. т̇зроби сагаланаг̇арам̣ анувижарид̇ваа вуубасанд̇арог̇зна махааж̇анзна сад̣̇д̇хим̣ ааг̇анд̇ваа сад̇т̇аарам̣ ванд̣̇ид̇ваа нисийд̣̇и. сад̇т̇аа барисам̣ ологзд̇ваа д̇ад̣̇зва рад̇анасуд̇д̇ам̣ абхааси. д̣̇зсанаавасаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. звам̣ бунад̣̇ивасзбийд̇и сад̇д̇аахам̣ д̇ад̣̇зва рад̇анасуд̇д̇ам̣ д̣̇зсзд̇ваа саб̣б̣абхаяаанам̣ вуубасанд̇абхаавам̣ н̃ад̇ваа лижчавийг̇ан̣ам̣ ааманд̇зд̇ваа взсаалид̇о нигками. лижчавийрааж̇аано д̣̇иг̇ун̣ам̣ саггаарам̣ гаронд̇аа буна д̇ийхи д̣̇ивасзхи сад̇т̇аарам̣ г̇ан̇г̇аад̇ийрам̣ наяим̣су.

Mahājano nagaramajjhe santhāgāraṃ sabbagandhehi upalimpetvā upari suvaṇṇatārakādivicittaṃ vitānaṃ bandhitvā buddhāsanaṃ paññāpetvā satthāraṃ ānesi. Satthā paññatte āsane nisīdi. Bhikkhusaṅghopi licchavīgaṇopi satthāraṃ parivāretvā nisīdi. Sakko devarājā devagaṇaparivuto patirūpe okāse aṭṭhāsi. Theropi sakalanagaraṃ anuvicaritvā vūpasantarogena mahājanena saddhiṃ āgantvā satthāraṃ vanditvā nisīdi. Satthā parisaṃ oloketvā tadeva ratanasuttaṃ abhāsi. Desanāvasāne caturāsītiyā pāṇasahassānaṃ dhammābhisamayo ahosi. Evaṃ punadivasepīti sattāhaṃ tadeva ratanasuttaṃ desetvā sabbabhayānaṃ vūpasantabhāvaṃ ñatvā licchavīgaṇaṃ āmantetvā vesālito nikkhami. Licchavīrājāno diguṇaṃ sakkāraṃ karontā puna tīhi divasehi satthāraṃ gaṅgātīraṃ nayiṃsu.

г̇ан̇г̇ааяа ниб̣б̣ад̇д̇анааг̇арааж̇аано жинд̇зсум̣ – ‘‘мануссаа д̇ат̇ааг̇ад̇асса саггаарам̣ гаронд̇и, маяам̣ гим̣ на гаромаа’’д̇и. д̇з суван̣н̣араж̇ад̇аман̣имаяаа наавааяо маабзд̇ваа суван̣н̣араж̇ад̇аман̣имаяз баллан̇гз бан̃н̃аабзд̇ваа бан̃жаван̣н̣абад̣̇умасан̃чаннам̣ уд̣̇агам̣ гарид̇ваа, ‘‘бханд̇з, амхаагамби ануг̇г̇ахам̣ гарот̇аа’’д̇и ад̇д̇ано ад̇д̇ано наавам̣ абхирухан̣ад̇т̇ааяа сад̇т̇аарам̣ яаажим̣су. ‘‘мануссаа жа нааг̇аа жа д̇ат̇ааг̇ад̇асса бууж̇ам̣ гаронд̇и, маяам̣ бана гим̣ на гаромаа’’д̇и бхуумадтагад̣̇звзби аад̣̇им̣ гад̇ваа яаава аганидтаб̣рахмалогаа саб̣б̣з д̣̇зваа саггаарам̣ гарим̣су. д̇ад̇т̇а нааг̇аа яож̇анигаани чад̇д̇аад̇ичад̇д̇аани угкибим̣су. звам̣ хздтаа нааг̇аа бхуумид̇алз ругкаг̇ажчабаб̣б̣ад̇аад̣̇ийсу бхуумадтагаа д̣̇звад̇аа, анд̇алигкз аагаасадтад̣̇зваад̇и нааг̇абхаванам̣ аад̣̇им̣ гад̇ваа жаггаваал̣абарияанд̇зна яаава б̣рахмалогаа чад̇д̇аад̇ичад̇д̇аани уссаабид̇аани ахзсум̣. чад̇д̇анд̇арзсу д̇хаж̇аа, д̇хаж̇анд̇арзсу бадаагаа, д̇зсам̣ анд̇аранд̇араа бубпад̣̇аамаваасажун̣н̣ад̇хумаад̣̇ийхи саггааро ахоси. саб̣б̣алан̇гаарабадиман̣д̣ид̇аа д̣̇звабуд̇д̇аа чан̣авзсам̣ г̇ахзд̇ваа уг̇гхосаяамаанаа аагаасз вижарим̣су. д̇аяо зва гира самааг̇амаа маханд̇аа ахзсум̣ – яамагабаадихаарияасамааг̇амо д̣̇зворохан̣асамааг̇амо аяам̣ г̇ан̇г̇орохан̣асамааг̇амод̇и.

Gaṅgāya nibbattanāgarājāno cintesuṃ – ‘‘manussā tathāgatassa sakkāraṃ karonti, mayaṃ kiṃ na karomā’’ti. Te suvaṇṇarajatamaṇimayā nāvāyo māpetvā suvaṇṇarajatamaṇimaye pallaṅke paññāpetvā pañcavaṇṇapadumasañchannaṃ udakaṃ karitvā, ‘‘bhante, amhākampi anuggahaṃ karothā’’ti attano attano nāvaṃ abhiruhaṇatthāya satthāraṃ yāciṃsu. ‘‘Manussā ca nāgā ca tathāgatassa pūjaṃ karonti, mayaṃ pana kiṃ na karomā’’ti bhūmaṭṭhakadevepi ādiṃ katvā yāva akaniṭṭhabrahmalokā sabbe devā sakkāraṃ kariṃsu. Tattha nāgā yojanikāni chattātichattāni ukkhipiṃsu. Evaṃ heṭṭhā nāgā bhūmitale rukkhagacchapabbatādīsu bhūmaṭṭhakā devatā, antalikkhe ākāsaṭṭhadevāti nāgabhavanaṃ ādiṃ katvā cakkavāḷapariyantena yāva brahmalokā chattātichattāni ussāpitāni ahesuṃ. Chattantaresu dhajā, dhajantaresu paṭākā, tesaṃ antarantarā pupphadāmavāsacuṇṇadhumādīhi sakkāro ahosi. Sabbalaṅkārapaṭimaṇḍitā devaputtā chaṇavesaṃ gahetvā ugghosayamānā ākāse vicariṃsu. Tayo eva kira samāgamā mahantā ahesuṃ – yamakapāṭihāriyasamāgamo devorohaṇasamāgamo ayaṃ gaṅgorohaṇasamāgamoti.

барад̇ийрз б̣имб̣исаароби лижчавийхи гад̇асаггаарад̇о д̣̇иг̇ун̣ам̣ саггаарам̣ саж̇ж̇зд̇ваа бхаг̇авад̇о ааг̇аманам̣ уд̣̇игкамаано адтааси. сад̇т̇аа г̇ан̇г̇ааяа убхосу бассзсу рааж̇уунам̣ маханд̇ам̣ барижжааг̇ам̣ ологзд̇ваа нааг̇аад̣̇ийнан̃жа аж̇жхаасаяам̣ вид̣̇ид̇ваа згзгааяа наавааяа бан̃жабан̃жабхигкусад̇абариваарам̣ згзгам̣ ниммид̇аб̣уд̣̇д̇хам̣ маабзси. со згзгасса сзд̇ажчад̇д̇асса жзва габбаругкасса жа бубпад̣̇аамасса жа хздтаа нааг̇аг̇ан̣абаривуд̇о нисинно ход̇и. бхуумадтагад̣̇звад̇аад̣̇ийсуби згзгасмим̣ огаасз сабариваарам̣ згзгам̣ ниммид̇аб̣уд̣̇д̇хам̣ маабзси. звам̣ сагалажаггаваал̣аг̇аб̣бхз згаалан̇гаарз згуссавз згачан̣зязва жа ж̇аад̇з сад̇т̇аа нааг̇аанамануг̇г̇ахам̣ гаронд̇о згам̣ рад̇ананаавам̣ абхирухи. бхигкуусуби згзго згзгамзва абхирухи. нааг̇арааж̇аано б̣уд̣̇д̇хаббамукам̣ бхигкусан̇гхам̣ нааг̇абхаванам̣ бавзсзд̇ваа саб̣б̣арад̇д̇им̣ сад̇т̇у санд̇игз д̇хаммагат̇ам̣ суд̇ваа д̣̇уд̇ияад̣̇ивасз д̣̇иб̣б̣зна каад̣̇анийязна бхож̇анийязна б̣уд̣̇д̇хаббамукам̣ бхигкусан̇гхам̣ баривисим̣су. сад̇т̇аа анумод̣̇анам̣ гад̇ваа нааг̇абхаванаа нигкамид̇ваа сагалажаггаваал̣ад̣̇звад̇аахи бууж̇ияамаано бан̃жахи нааваасад̇зхи г̇ан̇г̇аанад̣̇им̣ ад̇иггами.

Paratīre bimbisāropi licchavīhi katasakkārato diguṇaṃ sakkāraṃ sajjetvā bhagavato āgamanaṃ udikkhamāno aṭṭhāsi. Satthā gaṅgāya ubhosu passesu rājūnaṃ mahantaṃ pariccāgaṃ oloketvā nāgādīnañca ajjhāsayaṃ viditvā ekekāya nāvāya pañcapañcabhikkhusataparivāraṃ ekekaṃ nimmitabuddhaṃ māpesi. So ekekassa setacchattassa ceva kapparukkhassa ca pupphadāmassa ca heṭṭhā nāgagaṇaparivuto nisinno hoti. Bhūmaṭṭhakadevatādīsupi ekekasmiṃ okāse saparivāraṃ ekekaṃ nimmitabuddhaṃ māpesi. Evaṃ sakalacakkavāḷagabbhe ekālaṅkāre ekussave ekachaṇeyeva ca jāte satthā nāgānamanuggahaṃ karonto ekaṃ ratananāvaṃ abhiruhi. Bhikkhūsupi ekeko ekekameva abhiruhi. Nāgarājāno buddhappamukhaṃ bhikkhusaṅghaṃ nāgabhavanaṃ pavesetvā sabbarattiṃ satthu santike dhammakathaṃ sutvā dutiyadivase dibbena khādanīyena bhojanīyena buddhappamukhaṃ bhikkhusaṅghaṃ parivisiṃsu. Satthā anumodanaṃ katvā nāgabhavanā nikkhamitvā sakalacakkavāḷadevatāhi pūjiyamāno pañcahi nāvāsatehi gaṅgānadiṃ atikkami.

рааж̇аа бажжуг̇г̇анд̇ваа сад̇т̇аарам̣ нааваад̇о од̇аарзд̇ваа ааг̇аманагаалз лижчавийд̇и гад̇асаггаарад̇о д̣̇иг̇ун̣ам̣ саггаарам̣ гад̇ваа буриманаязнзва бан̃жахи д̣̇ивасзхи рааж̇аг̇ахам̣ абхинзси. д̣̇уд̇ияад̣̇ивасз бхигкуу бин̣д̣абаад̇абадигганд̇аа сааяанхасамаяз д̇хаммасабхааяам̣ саннисиннаа гат̇ам̣ самудтаабзсум̣ – ‘‘ахо б̣уд̣̇д̇хаанам̣ махаанубхааво, ахо сад̇т̇ари д̣̇звамануссаанам̣ басаад̣̇о, г̇ан̇г̇ааяа наама орад̇о жа баарад̇о жа адтаяож̇анз маг̇г̇з б̣уд̣̇д̇хаг̇ад̇зна басаад̣̇зна рааж̇уухи самад̇алам̣ бхуумим̣ гад̇ваа ваалугаа огин̣н̣аа, ж̇ан̣н̣умад̇д̇зна од̇хинаа наанааван̣н̣аани бубпаани сант̇ад̇аани, г̇ан̇г̇ааяа уд̣̇агам̣ нааг̇аанубхаавзна бан̃жаван̣н̣зхи бад̣̇умзхи сан̃чаннам̣, яаава аганидтабхаванаа чад̇д̇аад̇ичад̇д̇аани уссаабид̇аани, сагалажаггаваал̣аг̇аб̣бхам̣ згаалан̇гаарам̣ згуссавам̣ вияа ж̇аад̇а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, зса бууж̇аасаггааро маяхам̣ б̣уд̣̇д̇хаанубхаавзна ниб̣б̣ад̇д̇о, на нааг̇ад̣̇зваб̣рахмаанубхаавзна. ад̇ийд̇з бана аббамад̇д̇агабарижжааг̇аанубхаавзна ниб̣б̣ад̇д̇о’’д̇и вад̇ваа бхигкуухи яаажид̇о ад̇ийд̇ам̣ аахари.

Rājā paccuggantvā satthāraṃ nāvāto otāretvā āgamanakāle licchavīti katasakkārato diguṇaṃ sakkāraṃ katvā purimanayeneva pañcahi divasehi rājagahaṃ abhinesi. Dutiyadivase bhikkhū piṇḍapātapaṭikkantā sāyanhasamaye dhammasabhāyaṃ sannisinnā kathaṃ samuṭṭhāpesuṃ – ‘‘aho buddhānaṃ mahānubhāvo, aho satthari devamanussānaṃ pasādo, gaṅgāya nāma orato ca pārato ca aṭṭhayojane magge buddhagatena pasādena rājūhi samatalaṃ bhūmiṃ katvā vālukā okiṇṇā, jaṇṇumattena odhinā nānāvaṇṇāni pupphāni santhatāni, gaṅgāya udakaṃ nāgānubhāvena pañcavaṇṇehi padumehi sañchannaṃ, yāva akaniṭṭhabhavanā chattātichattāni ussāpitāni, sakalacakkavāḷagabbhaṃ ekālaṅkāraṃ ekussavaṃ viya jāta’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, esa pūjāsakkāro mayhaṃ buddhānubhāvena nibbatto, na nāgadevabrahmānubhāvena. Atīte pana appamattakapariccāgānubhāvena nibbatto’’ti vatvā bhikkhūhi yācito atītaṃ āhari.

ад̇ийд̇з д̇аггасилааяам̣ сан̇ко наама б̣раахман̣о ахоси. д̇асса буд̇д̇о сусиймо наама маан̣аво сол̣асавассуд̣̇д̣̇зсиго згад̣̇ивасам̣ бид̇арам̣ убасан̇гамид̇ваа ааха – ‘‘ижчаамахам̣, д̇аад̇а, б̣аараан̣асим̣ г̇анд̇ваа манд̇з аж̇жхааяид̇у’’нд̇и. ат̇а нам̣ бид̇аа ааха – ‘‘д̇зна хи, д̇аад̇а, асуго наама б̣раахман̣о мама сахааяаго, д̇асса санд̇игам̣ г̇анд̇ваа ад̇хийяассуу’’д̇и. со ‘‘саад̇хуу’’д̇и бадиссун̣ид̇ваа анубуб̣б̣зна б̣аараан̣асим̣ г̇анд̇ваа д̇ам̣ б̣раахман̣ам̣ убасан̇гамид̇ваа бид̇араа бахид̇абхаавамаажигки. ат̇а нам̣ со ‘‘сахааяагасса мз буд̇д̇о’’д̇и самбадижчид̇ваа бадибассад̣̇д̇хад̣̇арат̇ам̣ бхад̣̇д̣̇агзна д̣̇ивасзна манд̇з ваажзд̇умаарабхи. со лахун̃жа г̇ан̣ханд̇о б̣ахун̃жа г̇ан̣ханд̇о ад̇д̇ано уг̇г̇ахид̇уг̇г̇ахид̇ам̣ суван̣н̣абхааж̇анз багкид̇д̇асийхад̇зламива авинассамаанам̣ д̇хаарзнд̇о на жирассзва аажарияасса саммукад̇о уг̇г̇ан̣хид̇аб̣б̣ам̣ саб̣б̣ам̣ уг̇г̇ан̣хид̇ваа саж̇жхааяам̣ гаронд̇о ад̇д̇ано уг̇г̇ахид̇асиббасса аад̣̇имаж̇жхамзва бассад̇и, но барияосаанам̣.

Atīte takkasilāyaṃ saṅkho nāma brāhmaṇo ahosi. Tassa putto susīmo nāma māṇavo soḷasavassuddesiko ekadivasaṃ pitaraṃ upasaṅkamitvā āha – ‘‘icchāmahaṃ, tāta, bārāṇasiṃ gantvā mante ajjhāyitu’’nti. Atha naṃ pitā āha – ‘‘tena hi, tāta, asuko nāma brāhmaṇo mama sahāyako, tassa santikaṃ gantvā adhīyassū’’ti. So ‘‘sādhū’’ti paṭissuṇitvā anupubbena bārāṇasiṃ gantvā taṃ brāhmaṇaṃ upasaṅkamitvā pitarā pahitabhāvamācikkhi. Atha naṃ so ‘‘sahāyakassa me putto’’ti sampaṭicchitvā paṭipassaddhadarathaṃ bhaddakena divasena mante vācetumārabhi. So lahuñca gaṇhanto bahuñca gaṇhanto attano uggahituggahitaṃ suvaṇṇabhājane pakkhittasīhatelamiva avinassamānaṃ dhārento na cirasseva ācariyassa sammukhato uggaṇhitabbaṃ sabbaṃ uggaṇhitvā sajjhāyaṃ karonto attano uggahitasippassa ādimajjhameva passati, no pariyosānaṃ.

со аажарияам̣ убасан̇гамид̇ваа ‘‘ахам̣ имасса сиббасса аад̣̇имаж̇жхамзва бассаами, но барияосаана’’нд̇и вад̇ваа аажариязна ‘‘ахамби, д̇аад̇а, на бассаамий’’д̇и вуд̇д̇з ‘‘ат̇а го, аажарияа, барияосаанам̣ ж̇аанаад̇ий’’д̇и бужчид̇ваа ‘‘имз, д̇аад̇а, исаяо исибад̇анз вихаранд̇и, д̇з ж̇аанзяяум̣, д̇зсам̣ санд̇игам̣ убасан̇гамид̇ваа бужчассуу’’д̇и аажариязна вуд̇д̇з бажжзгаб̣уд̣̇д̇хз убасан̇гамид̇ваа бужчи – ‘‘д̇умхз гира барияосаанам̣ ж̇аанаат̇аа’’д̇и? ‘‘аама, ж̇аанаамаа’’д̇и. ‘‘д̇зна хи мз аажигкат̇аа’’д̇и? ‘‘на маяам̣ абаб̣б̣аж̇ид̇асса аажигкаама. сажз д̇з барияосаанзнад̇т̇о , баб̣б̣аж̇ассуу’’д̇и . со ‘‘саад̇хуу’’д̇и самбадижчид̇ваа д̇зсам̣ санд̇игз баб̣б̣аж̇и. ат̇асса д̇з ‘‘ид̣̇ам̣ д̇аава сигкассуу’’д̇и вад̇ваа ‘‘звам̣ д̇з ниваасзд̇аб̣б̣ам̣, звам̣ баарубид̇аб̣б̣а’’нд̇иаад̣̇инаа наязна аабхисамаажааригам̣ аажигким̣су. со д̇ад̇т̇а сигканд̇о убаниссаяасамбаннад̇д̇аа нажирассзва бажжзгасамб̣од̇хим̣ абхисамб̣уж̇жхид̇ваа сагалаб̣аараан̣асинаг̇арз г̇аг̇анад̇алз бун̣н̣ажанд̣̇о вияа баагадо лаабхаг̇г̇аяасаг̇г̇аббад̇д̇о ахоси, со аббааяугасам̣вад̇д̇анигасса гаммасса гад̇ад̇д̇аа на жирассзва бариниб̣б̣ааяи. ат̇асса бажжзгаб̣уд̣̇д̇хаа жа махааж̇ано жа сарийрагижжам̣ гад̇ваа д̇хаад̇уяо жа г̇ахзд̇ваа наг̇арад̣̇ваарз т̇уубам̣ гаарзсум̣.

So ācariyaṃ upasaṅkamitvā ‘‘ahaṃ imassa sippassa ādimajjhameva passāmi, no pariyosāna’’nti vatvā ācariyena ‘‘ahampi, tāta, na passāmī’’ti vutte ‘‘atha ko, ācariya, pariyosānaṃ jānātī’’ti pucchitvā ‘‘ime, tāta, isayo isipatane viharanti, te jāneyyuṃ, tesaṃ santikaṃ upasaṅkamitvā pucchassū’’ti ācariyena vutte paccekabuddhe upasaṅkamitvā pucchi – ‘‘tumhe kira pariyosānaṃ jānāthā’’ti? ‘‘Āma, jānāmā’’ti. ‘‘Tena hi me ācikkhathā’’ti? ‘‘Na mayaṃ apabbajitassa ācikkhāma. Sace te pariyosānenattho , pabbajassū’’ti . So ‘‘sādhū’’ti sampaṭicchitvā tesaṃ santike pabbaji. Athassa te ‘‘idaṃ tāva sikkhassū’’ti vatvā ‘‘evaṃ te nivāsetabbaṃ, evaṃ pārupitabba’’ntiādinā nayena ābhisamācārikaṃ ācikkhiṃsu. So tattha sikkhanto upanissayasampannattā nacirasseva paccekasambodhiṃ abhisambujjhitvā sakalabārāṇasinagare gaganatale puṇṇacando viya pākaṭo lābhaggayasaggappatto ahosi, so appāyukasaṃvattanikassa kammassa katattā na cirasseva parinibbāyi. Athassa paccekabuddhā ca mahājano ca sarīrakiccaṃ katvā dhātuyo ca gahetvā nagaradvāre thūpaṃ kāresuṃ.

сан̇коби б̣раахман̣о ‘‘буд̇д̇о мз жирам̣ г̇ад̇о, бавад̇д̇имасса ж̇ааниссаамий’’д̇и д̇ам̣ д̣̇адтугаамо д̇аггасилаад̇о нигкамид̇ваа анубуб̣б̣зна б̣аараан̣асим̣ бад̇ваа махааж̇анагааяам̣ саннибад̇ид̇ам̣ д̣̇исваа ‘‘ад̣̇д̇хаа имзсу згоби мз буд̇д̇асса бавад̇д̇им̣ ж̇ааниссад̇ий’’д̇и убасан̇гамид̇ваа бужчи – ‘‘сусиймо наама маан̣аво ид̇хааг̇ами, аби ну ко д̇асса бавад̇д̇им̣ ж̇аанаат̇аа’’д̇и? ‘‘аама, б̣раахман̣а, ж̇аанаама, асугасса б̣раахман̣асса санд̇игз д̇аяо взд̣̇з саж̇жхааяид̇ваа баб̣б̣аж̇ид̇ваа бажжзгасамб̣од̇хим̣ сажчигад̇ваа бариниб̣б̣уд̇о, аяамасса т̇уубо бад̇идтаабид̇о’’д̇и. со бхуумим̣ хад̇т̇зна бахарид̇ваа род̣̇ид̇ваа ганд̣̇ид̇ваа д̇ам̣ жзд̇ияан̇г̇ан̣ам̣ г̇анд̇ваа д̇ин̣аани уд̣̇д̇харид̇ваа уд̇д̇арасаадагзна ваалугам̣ аахарид̇ваа жзд̇ияан̇г̇ан̣з аагирид̇ваа гаман̣д̣алуд̇о уд̣̇агзна барибпосид̇ваа ванабубпзхи бууж̇ам̣ гад̇ваа саадагзна бадаагам̣ ааробзд̇ваа т̇уубасса убари ад̇д̇ано чад̇д̇агам̣ б̣анд̇хид̇ваа баггаами.

Saṅkhopi brāhmaṇo ‘‘putto me ciraṃ gato, pavattimassa jānissāmī’’ti taṃ daṭṭhukāmo takkasilāto nikkhamitvā anupubbena bārāṇasiṃ patvā mahājanakāyaṃ sannipatitaṃ disvā ‘‘addhā imesu ekopi me puttassa pavattiṃ jānissatī’’ti upasaṅkamitvā pucchi – ‘‘susīmo nāma māṇavo idhāgami, api nu kho tassa pavattiṃ jānāthā’’ti? ‘‘Āma, brāhmaṇa, jānāma, asukassa brāhmaṇassa santike tayo vede sajjhāyitvā pabbajitvā paccekasambodhiṃ sacchikatvā parinibbuto, ayamassa thūpo patiṭṭhāpito’’ti. So bhūmiṃ hatthena paharitvā roditvā kanditvā taṃ cetiyaṅgaṇaṃ gantvā tiṇāni uddharitvā uttarasāṭakena vālukaṃ āharitvā cetiyaṅgaṇe ākiritvā kamaṇḍaluto udakena paripphositvā vanapupphehi pūjaṃ katvā sāṭakena paṭākaṃ āropetvā thūpassa upari attano chattakaṃ bandhitvā pakkāmi.

сад̇т̇аа ид̣̇ам̣ ад̇ийд̇ам̣ аахарид̇ваа ‘‘д̇ад̣̇аа, бхигкавз, ахам̣ сан̇ко б̣раахман̣о ахосим̣. маяаа сусиймасса бажжзгаб̣уд̣̇д̇хасса жзд̇ияан̇г̇ан̣з д̇ин̣аани уд̣̇д̇хадаани, д̇асса мз гаммасса ниссанд̣̇зна адтаяож̇анамаг̇г̇ам̣ вихад̇акаан̣угаган̣дагам̣ гад̇ваа суд̣̇д̇хам̣ самад̇алам̣ гарим̣су. маяаа д̇ад̇т̇а ваалугаа огин̣н̣аа, д̇асса мз ниссанд̣̇зна адтаяож̇анамаг̇г̇з ваалугам̣ огирим̣су. маяаа д̇ад̇т̇а ванагусумзхи бууж̇аа гад̇аа, д̇асса мз ниссанд̣̇зна адтаяож̇анамаг̇г̇з наанааван̣н̣аани бубпаани огин̣н̣аани, згаяож̇анадтаанз г̇ан̇г̇ааяа уд̣̇агам̣ бан̃жаван̣н̣зхи бад̣̇умзхи сан̃чаннам̣. маяаа д̇ад̇т̇а гаман̣д̣алууд̣̇агзна бхууми барибпосид̇аа, д̇асса мз ниссанд̣̇зна взсаалияам̣ богкаравассам̣ васси. маяаа д̇ад̇т̇а бадаагаа, ааробид̇аа, чад̇д̇аган̃жа б̣ад̣̇д̇хам̣, д̇асса мз ниссанд̣̇зна яаава аганидтабхаванаа д̇хаж̇абадаагачад̇д̇аад̇ичад̇д̇аад̣̇ийхи сагалажаггаваал̣аг̇аб̣бхам̣ згуссавам̣ вияа ж̇аад̇ам̣. ид̇и ко, бхигкавз, зса бууж̇аасаггааро маяхам̣ нзва б̣уд̣̇д̇хаанубхаавзна ниб̣б̣ад̇д̇о, на нааг̇ад̣̇зваб̣рахмаанубхаавзна, ад̇ийд̇з бана аббамад̇д̇агабарижжааг̇аанубхаавзнаа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Satthā idaṃ atītaṃ āharitvā ‘‘tadā, bhikkhave, ahaṃ saṅkho brāhmaṇo ahosiṃ. Mayā susīmassa paccekabuddhassa cetiyaṅgaṇe tiṇāni uddhaṭāni, tassa me kammassa nissandena aṭṭhayojanamaggaṃ vihatakhāṇukakaṇṭakaṃ katvā suddhaṃ samatalaṃ kariṃsu. Mayā tattha vālukā okiṇṇā, tassa me nissandena aṭṭhayojanamagge vālukaṃ okiriṃsu. Mayā tattha vanakusumehi pūjā katā, tassa me nissandena aṭṭhayojanamagge nānāvaṇṇāni pupphāni okiṇṇāni, ekayojanaṭṭhāne gaṅgāya udakaṃ pañcavaṇṇehi padumehi sañchannaṃ. Mayā tattha kamaṇḍaluudakena bhūmi paripphositā, tassa me nissandena vesāliyaṃ pokkharavassaṃ vassi. Mayā tattha paṭākā, āropitā, chattakañca baddhaṃ, tassa me nissandena yāva akaniṭṭhabhavanā dhajapaṭākachattātichattādīhi sakalacakkavāḷagabbhaṃ ekussavaṃ viya jātaṃ. Iti kho, bhikkhave, esa pūjāsakkāro mayhaṃ neva buddhānubhāvena nibbatto, na nāgadevabrahmānubhāvena, atīte pana appamattakapariccāgānubhāvenā’’ti vatvā dhammaṃ desento imaṃ gāthamāha –

290.

‘‘мад̇д̇аасукабарижжааг̇аа , бассз жз вибулам̣ сукам̣;

‘‘Mattāsukhapariccāgā , passe ce vipulaṃ sukhaṃ;

жаж̇з мад̇д̇аасукам̣ д̇хийро, самбассам̣ вибулам̣ сука’’нд̇и.

Caje mattāsukhaṃ dhīro, sampassaṃ vipulaṃ sukha’’nti.

д̇ад̇т̇а мад̇д̇аасукабарижжааг̇аад̇и мад̇д̇аасуканд̇и бамаан̣аяуд̇д̇агам̣ барид̇д̇асукам̣ вужжад̇и, д̇асса барижжааг̇зна. вибулам̣ суканд̇и ул̣аарам̣ сукам̣ ниб̣б̣аанасукам̣ вужжад̇и, д̇ам̣ жз бассзяяаад̇и ад̇т̇о. ид̣̇ам̣ вуд̇д̇ам̣ ход̇и – зган̃хи бхож̇анабаад̇им̣ саж̇ж̇аабзд̇ваа бхун̃ж̇анд̇асса мад̇д̇аасукам̣ наама уббаж̇ж̇ад̇и, д̇ам̣ бана барижжаж̇ид̇ваа убосат̇ам̣ ваа гаронд̇асса д̣̇аанам̣ ваа д̣̇ад̣̇анд̇асса вибулам̣ ул̣аарам̣ ниб̣б̣аанасукам̣ наама ниб̣б̣ад̇д̇ад̇и. д̇асмаа сажз звам̣ д̇асса мад̇д̇аасукасса барижжааг̇аа вибулам̣ сукам̣ бассад̇и, ат̇зд̇ам̣ вибулам̣ сукам̣ саммаа бассанд̇о бан̣д̣ид̇о д̇ам̣ мад̇д̇аасукам̣ жаж̇зяяаад̇и.

Tattha mattāsukhapariccāgāti mattāsukhanti pamāṇayuttakaṃ parittasukhaṃ vuccati, tassa pariccāgena. Vipulaṃ sukhanti uḷāraṃ sukhaṃ nibbānasukhaṃ vuccati, taṃ ce passeyyāti attho. Idaṃ vuttaṃ hoti – ekañhi bhojanapātiṃ sajjāpetvā bhuñjantassa mattāsukhaṃ nāma uppajjati, taṃ pana pariccajitvā uposathaṃ vā karontassa dānaṃ vā dadantassa vipulaṃ uḷāraṃ nibbānasukhaṃ nāma nibbattati. Tasmā sace evaṃ tassa mattāsukhassa pariccāgā vipulaṃ sukhaṃ passati, athetaṃ vipulaṃ sukhaṃ sammā passanto paṇḍito taṃ mattāsukhaṃ cajeyyāti.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ад̇д̇анобуб̣б̣агаммавад̇т̇у батамам̣.

Attanopubbakammavatthu paṭhamaṃ.

2. гуггудаан̣д̣акаад̣̇игаавад̇т̇у

2. Kukkuṭaaṇḍakhādikāvatthu

барад̣̇угкуубад̇хаанзнаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ гуггудаан̣д̣акаад̣̇игам̣ аараб̣бха гат̇зси.

Paradukkhūpadhānenāti imaṃ dhammadesanaṃ satthā jetavane viharanto ekaṃ kukkuṭaaṇḍakhādikaṃ ārabbha kathesi.

саавад̇т̇ияаа гира авид̣̇уурз бан̣д̣урам̣ наама зго г̇аамо, д̇ад̇т̇зго гзваддо васад̇и. со саавад̇т̇им̣ г̇ажчанд̇о ажиравад̇ияам̣ гажчабаан̣д̣аани д̣̇исваа д̇аани аад̣̇ааяа саавад̇т̇им̣ г̇анд̇ваа згасмим̣ г̇зхз бажаабзд̇ваа каад̣̇анд̇о д̇асмим̣ г̇зхз гумааригааяаби згам̣ ан̣д̣ам̣ ад̣̇ааси. саа д̇ам̣ каад̣̇ид̇ваа д̇ад̇о бадтааяа ан̃н̃ам̣ каад̣̇анийяам̣ наама на ижчи. ат̇ассаа маад̇аа гуггудияаа виж̇аад̇адтаанад̇о згам̣ ан̣д̣ам̣ г̇ахзд̇ваа ад̣̇ааси. саа д̇ам̣ каад̣̇ид̇ваа расад̇ан̣хааяа б̣ад̣̇д̇хаа д̇ад̇о бадтааяа саяамзва гуггудияаа ан̣д̣аани г̇ахзд̇ваа каад̣̇ад̇и. гуггудий виж̇аад̇авиж̇аад̇агаалз д̇ам̣ ад̇д̇ано ан̣д̣аани г̇ахзд̇ваа каад̣̇анд̇им̣ д̣̇исваа д̇ааяа убад̣̇д̣̇уд̇аа аагхаад̇ам̣ б̣анд̇хид̇ваа ‘‘ид̇о д̣̇аани жуд̇аа яагкиний худ̇ваа д̇ава ж̇аад̇ад̣̇аарагз каад̣̇ид̇ум̣ самад̇т̇аа худ̇ваа ниб̣б̣ад̇д̇зяяа’’нд̇и бад̇т̇анам̣ бадтабзд̇ваа гаалам̣ гад̇ваа д̇асмим̣язва г̇зхз маж̇ж̇аарий худ̇ваа ниб̣б̣ад̇д̇и. ид̇арааби гаалам̣ гад̇ваа д̇ад̇т̇зва гуггудий худ̇ваа ниб̣б̣ад̇д̇и. гуггудий ан̣д̣аани виж̇ааяи, маж̇ж̇аарий ааг̇анд̇ваа д̇аани каад̣̇ид̇ваа д̣̇уд̇ияамби д̇ад̇ияамби каад̣̇иязва. гуггудий ‘‘д̇аяо ваарз мама ан̣д̣аани каад̣̇ид̇ваа ид̣̇аани мамби каад̣̇ид̇угаамааси , ид̇о жуд̇аа сабуд̇д̇агам̣ д̇ам̣ каад̣̇ид̇ум̣ лабхзяяа’’нд̇и бад̇т̇анам̣ гад̇ваа д̇ад̇о жуд̇аа д̣̇ийбиний худ̇ваа ниб̣б̣ад̇д̇и. ид̇арааби гаалам̣ гад̇ваа миг̇ий худ̇ваа ниб̣б̣ад̇д̇и. д̇ассаа виж̇аад̇агаалз д̣̇ийбиний ааг̇анд̇ваа д̇ам̣ сад̣̇д̇хим̣ буд̇д̇зхи каад̣̇и. звам̣ каад̣̇анд̇аа бан̃жасу ад̇д̇абхаавасад̇зсу ан̃н̃аман̃н̃асса д̣̇угкам̣ уббаад̣̇зд̇ваа авасаанз згаа яагкиний худ̇ваа ниб̣б̣ад̇д̇и, згаа саавад̇т̇ияам̣ гулад̇хийд̇аа худ̇ваа ниб̣б̣ад̇д̇и. ид̇о барам̣ ‘‘на хи взрзна взрааний’’д̇и (д̇ха. ба. 5) г̇аат̇ааяа вуд̇д̇анаязнзва взд̣̇ид̇аб̣б̣ам̣. ид̇ха бана сад̇т̇аа ‘‘взран̃хи авзрзна убасаммад̇и, но взрзнаа’’д̇и вад̇ваа убхиннамби д̇хаммам̣ д̣̇зсзнд̇о имам̣ г̇аат̇амааха –

Sāvatthiyā kira avidūre paṇḍuraṃ nāma eko gāmo, tattheko kevaṭṭo vasati. So sāvatthiṃ gacchanto aciravatiyaṃ kacchapaaṇḍāni disvā tāni ādāya sāvatthiṃ gantvā ekasmiṃ gehe pacāpetvā khādanto tasmiṃ gehe kumārikāyapi ekaṃ aṇḍaṃ adāsi. Sā taṃ khāditvā tato paṭṭhāya aññaṃ khādanīyaṃ nāma na icchi. Athassā mātā kukkuṭiyā vijātaṭṭhānato ekaṃ aṇḍaṃ gahetvā adāsi. Sā taṃ khāditvā rasataṇhāya baddhā tato paṭṭhāya sayameva kukkuṭiyā aṇḍāni gahetvā khādati. Kukkuṭī vijātavijātakāle taṃ attano aṇḍāni gahetvā khādantiṃ disvā tāya upaddutā āghātaṃ bandhitvā ‘‘ito dāni cutā yakkhinī hutvā tava jātadārake khādituṃ samatthā hutvā nibbatteyya’’nti patthanaṃ paṭṭhapetvā kālaṃ katvā tasmiṃyeva gehe majjārī hutvā nibbatti. Itarāpi kālaṃ katvā tattheva kukkuṭī hutvā nibbatti. Kukkuṭī aṇḍāni vijāyi, majjārī āgantvā tāni khāditvā dutiyampi tatiyampi khādiyeva. Kukkuṭī ‘‘tayo vāre mama aṇḍāni khāditvā idāni mampi khāditukāmāsi , ito cutā saputtakaṃ taṃ khādituṃ labheyya’’nti patthanaṃ katvā tato cutā dīpinī hutvā nibbatti. Itarāpi kālaṃ katvā migī hutvā nibbatti. Tassā vijātakāle dīpinī āgantvā taṃ saddhiṃ puttehi khādi. Evaṃ khādantā pañcasu attabhāvasatesu aññamaññassa dukkhaṃ uppādetvā avasāne ekā yakkhinī hutvā nibbatti, ekā sāvatthiyaṃ kuladhītā hutvā nibbatti. Ito paraṃ ‘‘na hi verena verānī’’ti (dha. pa. 5) gāthāya vuttanayeneva veditabbaṃ. Idha pana satthā ‘‘verañhi averena upasammati, no verenā’’ti vatvā ubhinnampi dhammaṃ desento imaṃ gāthamāha –

291.

‘‘барад̣̇угкуубад̇хаанзна, ад̇д̇ано сукамижчад̇и;

‘‘Paradukkhūpadhānena, attano sukhamicchati;

взрасам̣саг̇г̇асам̣садто, взраа со на баримужжад̇ий’’д̇и.

Verasaṃsaggasaṃsaṭṭho, verā so na parimuccatī’’ti.

д̇ад̇т̇а барад̣̇угкуубад̇хаанзнаад̇и барасмим̣ д̣̇угкуубад̇хаанзна, барасса д̣̇угкуббаад̣̇анзнаад̇и ад̇т̇о. взрасам̣саг̇г̇асам̣садтод̇и яо буг̇г̇ало аггосанабажжаггосанабахаран̣абадихаран̣аад̣̇ийнам̣ васзна ан̃н̃аман̃н̃ам̣ гад̇зна взрасам̣саг̇г̇зна сам̣садто. взраа со на баримужжад̇ийд̇и нижжагаалам̣ взравасзна д̣̇угкамзва баабун̣аад̇ийд̇и ад̇т̇о.

Tattha paradukkhūpadhānenāti parasmiṃ dukkhūpadhānena, parassa dukkhuppādanenāti attho. Verasaṃsaggasaṃsaṭṭhoti yo puggalo akkosanapaccakkosanapaharaṇapaṭiharaṇādīnaṃ vasena aññamaññaṃ katena verasaṃsaggena saṃsaṭṭho. Verā so na parimuccatīti niccakālaṃ veravasena dukkhameva pāpuṇātīti attho.

д̣̇зсанаавасаанз яагкиний саран̣зсу бад̇идтааяа бан̃жа сийлаани самаад̣̇ияид̇ваа взрад̇о мужжи, ид̇арааби сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne yakkhinī saraṇesu patiṭṭhāya pañca sīlāni samādiyitvā verato mucci, itarāpi sotāpattiphale patiṭṭhahi, sampattānampi sātthikā dhammadesanā ahosīti.

гуггудаан̣д̣акаад̣̇игаавад̇т̇у д̣̇уд̇ияам̣.

Kukkuṭaaṇḍakhādikāvatthu dutiyaṃ.

3. бхад̣̇д̣̇ияабхигкувад̇т̇у

3. Bhaddiyabhikkhuvatthu

яан̃хи гижжанд̇и имам̣ д̇хаммад̣̇зсанам̣ сад̇т̇аа бхад̣̇д̣̇ияам̣ ниссааяа ж̇аад̇ияааванз вихаранд̇о бхад̣̇д̣̇ияз бхигкуу аараб̣бха гат̇зси.

Yañhikiccanti imaṃ dhammadesanaṃ satthā bhaddiyaṃ nissāya jātiyāvane viharanto bhaddiye bhikkhū ārabbha kathesi.

д̇з гира баад̣̇угаман̣д̣анз уяяуд̇д̇аа ахзсум̣. яат̇ааха – ‘‘д̇зна ко бана самаязна бхад̣̇д̣̇ияаа бхигкуу анзгавихид̇ам̣ баад̣̇угаман̣д̣анаануяог̇амануяуд̇д̇аа вихаранд̇и, д̇ин̣абаад̣̇угам̣ гаронд̇иби гаараабзнд̇иби, мун̃ж̇абаад̣̇угам̣ гаронд̇иби гаараабзнд̇иби, баб̣б̣аж̇абаад̣̇угам̣ хинд̇аалабаад̣̇угам̣ гамалабаад̣̇угам̣ гамб̣алабаад̣̇угам̣ гаронд̇иби гаараабзнд̇иби, рин̃жанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃а’’нд̇и (махаава. 251). бхигкуу д̇зсам̣ д̇ат̇аагаран̣абхаавам̣ ж̇аанид̇ваа уж̇жхааяид̇ваа сад̇т̇у аарожзсум̣. сад̇т̇аа д̇з бхигкуу г̇арахид̇ваа, ‘‘бхигкавз, д̇умхз ан̃н̃зна гижжзна ааг̇ад̇аа ан̃н̃асмим̣язва гижжз уяяуд̇д̇аа’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

Te kira pādukamaṇḍane uyyuttā ahesuṃ. Yathāha – ‘‘tena kho pana samayena bhaddiyā bhikkhū anekavihitaṃ pādukamaṇḍanānuyogamanuyuttā viharanti, tiṇapādukaṃ karontipi kārāpentipi, muñjapādukaṃ karontipi kārāpentipi, pabbajapādukaṃ hintālapādukaṃ kamalapādukaṃ kambalapādukaṃ karontipi kārāpentipi, riñcanti uddesaṃ paripucchaṃ adhisīlaṃ adhicittaṃ adhipañña’’nti (mahāva. 251). Bhikkhū tesaṃ tathākaraṇabhāvaṃ jānitvā ujjhāyitvā satthu ārocesuṃ. Satthā te bhikkhū garahitvā, ‘‘bhikkhave, tumhe aññena kiccena āgatā aññasmiṃyeva kicce uyyuttā’’ti vatvā dhammaṃ desento imā gāthā abhāsi –

292.

‘‘яан̃хи гижжам̣ абавид̣̇д̇хам̣, агижжам̣ бана гарийяад̇и;

‘‘Yañhi kiccaṃ apaviddhaṃ, akiccaṃ pana karīyati;

уннал̣аанам̣ бамад̇д̇аанам̣, д̇зсам̣ вад̣дханд̇и аасаваа.

Unnaḷānaṃ pamattānaṃ, tesaṃ vaḍḍhanti āsavā.

293.

‘‘язсан̃жа сусамаарад̣̇д̇хаа, нижжам̣ гааяаг̇ад̇аа сад̇и;

‘‘Yesañca susamāraddhā, niccaṃ kāyagatā sati;

агижжам̣ д̇з на сзванд̇и, гижжз саад̇ажжагаарино;

Akiccaṃ te na sevanti, kicce sātaccakārino;

сад̇аанам̣ самбаж̇аанаанам̣, ад̇т̇ам̣ г̇ажчанд̇и аасаваа’’д̇и.

Satānaṃ sampajānānaṃ, atthaṃ gacchanti āsavā’’ti.

д̇ад̇т̇а яан̃хи гижжанд̇и бхигкуно хи баб̣б̣аж̇ид̇агаалад̇о бадтааяа абаримаан̣асийлагканд̇хаг̇обанам̣ аран̃н̃ааваасо д̇худ̇ан̇г̇абарихаран̣ам̣ бхааванаараамад̇аад̇и звамаад̣̇ийни гижжам̣ наама. имзхи бана яам̣ ад̇д̇ано гижжам̣, д̇ам̣ абавид̣̇д̇хам̣ чад̣д̣ид̇ам̣. агижжанд̇и бхигкуно чад̇д̇аман̣д̣анам̣ убааханаман̣д̣анам̣ баад̣̇угабад̇д̇ат̇аалагад̇хаммагаран̣агааяаб̣анд̇ханаам̣саб̣ад̣̇д̇хагаман̣д̣анам̣ агижжам̣ наама. язхи д̇ам̣ гаяирад̇и, д̇зсам̣ маананал̣ам̣ угкибид̇ваа жаран̣зна уннал̣аанам̣ сад̇ивоссаг̇г̇зна бамад̇д̇аанам̣ жад̇д̇ааро аасаваа вад̣дханд̇ийд̇и ад̇т̇о. сусамаарад̣̇д̇хаад̇и субаг̇г̇ахид̇аа. гааяаг̇ад̇аа сад̇ийд̇и гааяаанубассанаабхааванаа. агижжанд̇и д̇з зд̇ам̣ чад̇д̇аман̣д̣анаад̣̇игам̣ агижжам̣ на сзванд̇и на гаронд̇ийд̇и ад̇т̇о. гижжзд̇и баб̣б̣аж̇ид̇агаалад̇о бадтааяа гад̇д̇аб̣б̣з абаримаан̣асийлагканд̇хаг̇обанаад̣̇игз гаран̣ийяз. саад̇ажжагааринод̇и сад̇ад̇агаарино адтид̇агаарино. д̇зсам̣ сад̇ияаа авиббаваасзна сад̇аанам̣ саад̇т̇агасамбаж̇ан̃н̃ам̣ саббааяасамбаж̇ан̃н̃ам̣ г̇ожарасамбаж̇ан̃н̃ам̣ асаммохасамбаж̇ан̃н̃анд̇и жад̇уухи самбаж̇ан̃н̃зхи самбаж̇аанаанам̣ жад̇д̇аароби аасаваа ад̇т̇ам̣ г̇ажчанд̇и, баригкаяам̣ абхаавам̣ г̇ажчанд̇ийд̇и ад̇т̇о.

Tattha yañhi kiccanti bhikkhuno hi pabbajitakālato paṭṭhāya aparimāṇasīlakkhandhagopanaṃ araññāvāso dhutaṅgapariharaṇaṃ bhāvanārāmatāti evamādīni kiccaṃ nāma. Imehi pana yaṃ attano kiccaṃ, taṃ apaviddhaṃ chaḍḍitaṃ. Akiccanti bhikkhuno chattamaṇḍanaṃ upāhanamaṇḍanaṃ pādukapattathālakadhammakaraṇakāyabandhanaaṃsabaddhakamaṇḍanaṃ akiccaṃ nāma. Yehi taṃ kayirati, tesaṃ mānanaḷaṃ ukkhipitvā caraṇena unnaḷānaṃ sativossaggena pamattānaṃ cattāro āsavā vaḍḍhantīti attho. Susamāraddhāti supaggahitā. Kāyagatā satīti kāyānupassanābhāvanā. Akiccanti te etaṃ chattamaṇḍanādikaṃ akiccaṃ na sevanti na karontīti attho. Kicceti pabbajitakālato paṭṭhāya kattabbe aparimāṇasīlakkhandhagopanādike karaṇīye. Sātaccakārinoti satatakārino aṭṭhitakārino. Tesaṃ satiyā avippavāsena satānaṃ sātthakasampajaññaṃ sappāyasampajaññaṃ gocarasampajaññaṃ asammohasampajaññanti catūhi sampajaññehi sampajānānaṃ cattāropi āsavā atthaṃ gacchanti, parikkhayaṃ abhāvaṃ gacchantīti attho.

д̣̇зсанаавасаанз д̇з бхигкуу арахад̇д̇з бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne te bhikkhū arahatte patiṭṭhahiṃsu, sampattānampi sātthikā dhammadesanā ahosīti.

бхад̣̇д̣̇ияавад̇т̇у д̇ад̇ияам̣.

Bhaddiyavatthu tatiyaṃ.

4. лагун̣д̣агабхад̣̇д̣̇ияад̇т̇зравад̇т̇у

4. Lakuṇḍakabhaddiyattheravatthu

маад̇аранд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о лагун̣д̣агабхад̣̇д̣̇ияад̇т̇зрам̣ аараб̣бха гат̇зси.

Mātaranti imaṃ dhammadesanaṃ satthā jetavane viharanto lakuṇḍakabhaddiyattheraṃ ārabbha kathesi.

згад̣̇ивасан̃хи самб̣ахулаа ааг̇анд̇угаа бхигкуу сад̇т̇аарам̣ д̣̇иваадтаанз нисиннам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇им̣су. д̇асмим̣ кан̣з лагун̣д̣агабхад̣̇д̣̇ияад̇т̇зро бхаг̇авад̇о авид̣̇уурз ад̇иггамад̇и. сад̇т̇аа д̇зсам̣ бхигкуунам̣ жид̇д̇аажаарам̣ н̃ад̇ваа ологзд̇ваа ‘‘бассат̇а, бхигкавз, аяам̣ бхигку маад̇аабид̇аро ханд̇ваа нид̣̇д̣̇угко худ̇ваа яаад̇ий’’д̇и вад̇ваа д̇зхи бхигкуухи ‘‘гим̣ ну ко сад̇т̇аа вад̣̇ад̇ий’’д̇и ан̃н̃аман̃н̃ам̣ мукаани ологзд̇ваа сам̣саяабагканд̣̇зхи, ‘‘бханд̇з, гим̣ наамзд̇ам̣ вад̣̇зт̇аа’’д̇и вуд̇д̇з д̇зсам̣ д̇хаммам̣ д̣̇зсзнд̇о имам̣ г̇аат̇амааха –

Ekadivasañhi sambahulā āgantukā bhikkhū satthāraṃ divāṭṭhāne nisinnaṃ upasaṅkamitvā vanditvā ekamantaṃ nisīdiṃsu. Tasmiṃ khaṇe lakuṇḍakabhaddiyatthero bhagavato avidūre atikkamati. Satthā tesaṃ bhikkhūnaṃ cittācāraṃ ñatvā oloketvā ‘‘passatha, bhikkhave, ayaṃ bhikkhu mātāpitaro hantvā niddukkho hutvā yātī’’ti vatvā tehi bhikkhūhi ‘‘kiṃ nu kho satthā vadatī’’ti aññamaññaṃ mukhāni oloketvā saṃsayapakkhandehi, ‘‘bhante, kiṃ nāmetaṃ vadethā’’ti vutte tesaṃ dhammaṃ desento imaṃ gāthamāha –

294.

‘‘маад̇арам̣ бид̇арам̣ ханд̇ваа, рааж̇аано д̣̇вз жа кад̇д̇ияз;

‘‘Mātaraṃ pitaraṃ hantvā, rājāno dve ca khattiye;

радтам̣ саанужарам̣ ханд̇ваа, анийгхо яаад̇и б̣раахман̣о’’д̇и.

Raṭṭhaṃ sānucaraṃ hantvā, anīgho yāti brāhmaṇo’’ti.

д̇ад̇т̇а саанужаранд̇и ааяасаад̇хагзна ааяуд̇д̇агзна сахид̇ам̣. зд̇т̇а хи ‘‘д̇ан̣хаа ж̇анзд̇и буриса’’нд̇и (сам̣. ни. 1.55-57) важанад̇о д̇ийсу бхавзсу сад̇д̇аанам̣ ж̇ананад̇о д̇ан̣хаа маад̇аа наама. ‘‘ахам̣ асугасса наама ран̃н̃о ваа рааж̇амахаамад̇д̇асса ваа буд̇д̇о’’д̇и бид̇арам̣ ниссааяа асмимаанасса уббаж̇ж̇анад̇о асмимаано бид̇аа наама. лого вияа рааж̇аанам̣ яасмаа саб̣б̣ад̣̇идтиг̇ад̇аани д̣̇вз сассад̇ужчзд̣̇ад̣̇идтияо бхаж̇анд̇и, д̇асмаа д̣̇вз сассад̇ужчзд̣̇ад̣̇идтияо д̣̇вз кад̇д̇ияарааж̇аано наама. д̣̇ваад̣̇асааяад̇анаани вид̇т̇ад̇адтзна радтад̣̇исад̇д̇аа радтам̣ наама. ааяасаад̇хаго ааяуд̇д̇агабурисо вияа д̇анниссид̇о нанд̣̇ирааг̇о анужаро наама. анийгход̇и нид̣̇д̣̇угко. б̣раахман̣од̇и кийн̣аасаво. зд̇зсам̣ д̇ан̣хаад̣̇ийнам̣ арахад̇д̇амаг̇г̇ан̃аан̣аасинаа хад̇ад̇д̇аа кийн̣аасаво нид̣̇д̣̇угко худ̇ваа яаад̇ийд̇и аяамзд̇т̇ад̇т̇о.

Tattha sānucaranti āyasādhakena āyuttakena sahitaṃ. Ettha hi ‘‘taṇhā janeti purisa’’nti (saṃ. ni. 1.55-57) vacanato tīsu bhavesu sattānaṃ jananato taṇhā mātā nāma. ‘‘Ahaṃ asukassa nāma rañño vā rājamahāmattassa vā putto’’ti pitaraṃ nissāya asmimānassa uppajjanato asmimāno pitā nāma. Loko viya rājānaṃ yasmā sabbadiṭṭhigatāni dve sassatucchedadiṭṭhiyo bhajanti, tasmā dve sassatucchedadiṭṭhiyo dve khattiyarājāno nāma. Dvādasāyatanāni vitthataṭṭhena raṭṭhadisattā raṭṭhaṃ nāma. Āyasādhako āyuttakapuriso viya tannissito nandirāgo anucaro nāma. Anīghoti niddukkho. Brāhmaṇoti khīṇāsavo. Etesaṃ taṇhādīnaṃ arahattamaggañāṇāsinā hatattā khīṇāsavo niddukkho hutvā yātīti ayametthattho.

д̣̇зсанаавасаанз д̇з бхигкуу арахад̇д̇з бад̇идтахим̣су.

Desanāvasāne te bhikkhū arahatte patiṭṭhahiṃsu.

д̣̇уд̇ияаг̇аат̇ааяаби вад̇т̇у буримасад̣̇исамзва. д̇ад̣̇аа хи сад̇т̇аа лагун̣д̣агабхад̣̇д̣̇ияад̇т̇зрамзва аараб̣бха гат̇зси. д̇зсам̣ д̇хаммам̣ д̣̇зсзнд̇о имам̣ г̇аат̇амааха –

Dutiyagāthāyapi vatthu purimasadisameva. Tadā hi satthā lakuṇḍakabhaddiyattherameva ārabbha kathesi. Tesaṃ dhammaṃ desento imaṃ gāthamāha –

295.

‘‘маад̇арам̣ бид̇арам̣ ханд̇ваа, рааж̇аано д̣̇вз жа сод̇т̇ияз;

‘‘Mātaraṃ pitaraṃ hantvā, rājāno dve ca sotthiye;

взяаг̇гхабан̃жамам̣ ханд̇ваа, анийгхо яаад̇и б̣раахман̣о’’д̇и.

Veyagghapañcamaṃ hantvā, anīgho yāti brāhmaṇo’’ti.

д̇ад̇т̇а д̣̇вз жа сод̇т̇иязд̇и д̣̇вз жа б̣раахман̣з. имиссаа г̇аат̇ааяа сад̇т̇аа ад̇д̇ано д̇хаммиссарад̇ааяа жа д̣̇зсанаавид̇хигусалад̇ааяа жа сассад̇ужчзд̣̇ад̣̇идтияо д̣̇вз б̣раахман̣арааж̇аано жа гад̇ваа гат̇зси. взяаг̇гхабан̃жаманд̇и зд̇т̇а б̣яаг̇гхаанужарид̇о саббадибхаяо д̣̇уббадибанно маг̇г̇о взяаг̇гхо наама, вижигижчаанийваран̣амби д̇зна сад̣̇исад̇ааяа взяаг̇гхам̣ наама, д̇ам̣ бан̃жамам̣ ассаад̇и нийваран̣абан̃жагам̣ взяаг̇гхабан̃жамам̣ наама. ид̣̇ан̃жа взяаг̇гхабан̃жамам̣ арахад̇д̇амаг̇г̇ан̃аан̣аасинаа ниссзсам̣ ханд̇ваа анийгхова яаад̇и б̣раахман̣од̇и аяамзд̇т̇ад̇т̇о. сзсам̣ буримасад̣̇исамзваад̇и.

Tattha dve ca sotthiyeti dve ca brāhmaṇe. Imissā gāthāya satthā attano dhammissaratāya ca desanāvidhikusalatāya ca sassatucchedadiṭṭhiyo dve brāhmaṇarājāno ca katvā kathesi. Veyagghapañcamanti ettha byagghānucarito sappaṭibhayo duppaṭipanno maggo veyaggho nāma, vicikicchānīvaraṇampi tena sadisatāya veyagghaṃ nāma, taṃ pañcamaṃ assāti nīvaraṇapañcakaṃ veyagghapañcamaṃ nāma. Idañca veyagghapañcamaṃ arahattamaggañāṇāsinā nissesaṃ hantvā anīghova yāti brāhmaṇoti ayametthattho. Sesaṃ purimasadisamevāti.

лагун̣д̣агабхад̣̇д̣̇ияад̇т̇зравад̇т̇у жад̇уд̇т̇ам̣.

Lakuṇḍakabhaddiyattheravatthu catutthaṃ.

5. д̣̇аарусаагадигабуд̇д̇авад̇т̇у

5. Dārusākaṭikaputtavatthu

суббаб̣уд̣̇д̇ханд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о д̣̇аарусаагадигасса буд̇д̇ам̣ аараб̣бха гат̇зси.

Suppabuddhanti imaṃ dhammadesanaṃ satthā veḷuvane viharanto dārusākaṭikassa puttaṃ ārabbha kathesi.

рааж̇аг̇ахасмин̃хи саммаад̣̇идтигабуд̇д̇о мижчаад̣̇идтигабуд̇д̇од̇и д̣̇вз д̣̇аарагаа абхигкан̣ам̣ г̇ул̣агийл̣ам̣ гийл̣анд̇и. д̇зсу саммаад̣̇идтигабуд̇д̇о г̇ул̣ам̣ кибамаано б̣уд̣̇д̇хаануссад̇им̣ ааваж̇ж̇зд̇ваа ‘‘намо б̣уд̣̇д̇хассаа’’д̇и вад̇ваа вад̇ваа г̇ул̣ам̣ кибад̇и. ид̇аро д̇ид̇т̇ияаг̇ун̣з уд̣̇д̣̇исид̇ваа ‘‘намо араханд̇аана’’нд̇и вад̇ваа вад̇ваа кибад̇и. д̇зсу саммаад̣̇идтигасса буд̇д̇о ж̇инаад̇и, ид̇аро бана барааж̇аяад̇и. со д̇асса гирияам̣ д̣̇исваа ‘‘аяам̣ звам̣ ануссарид̇ваа звам̣ вад̇ваа г̇ул̣ам̣ кибанд̇о мамам̣ ж̇инаад̇и, ахамби зваруубам̣ гариссаамий’’д̇и б̣уд̣̇д̇хаануссад̇ияам̣ барижаяамагааси. ат̇згад̣̇ивасам̣ д̇асса бид̇аа сагадам̣ яож̇зд̇ваа д̣̇ааруунам̣ ад̇т̇ааяа г̇ажчанд̇о д̇амби д̣̇аарагам̣ аад̣̇ааяа г̇анд̇ваа адавияам̣ д̣̇ааруунам̣ сагадам̣ буурзд̇ваа ааг̇ажчанд̇о б̣ахинаг̇арз сусаанасааманд̇з уд̣̇агапаасугадтаанз г̇он̣з можзд̇ваа бхад̇д̇ависсаг̇г̇амагааси. ат̇асса д̇з г̇он̣аа сааяанхасамаяз наг̇арам̣ бависанд̇зна г̇ог̇ан̣зна сад̣̇д̇хим̣ наг̇арамзва бависим̣су. саагадигоби г̇он̣з ануб̣анд̇ханд̇о наг̇арам̣ бависид̇ваа сааяам̣ г̇он̣з д̣̇исваа аад̣̇ааяа нигкаманд̇о д̣̇ваарам̣ на самбаабун̣и. д̇асмин̃хи асамбад̇д̇зязва д̣̇ваарам̣ бихид̇ам̣.

Rājagahasmiñhi sammādiṭṭhikaputto micchādiṭṭhikaputtoti dve dārakā abhikkhaṇaṃ guḷakīḷaṃ kīḷanti. Tesu sammādiṭṭhikaputto guḷaṃ khipamāno buddhānussatiṃ āvajjetvā ‘‘namo buddhassā’’ti vatvā vatvā guḷaṃ khipati. Itaro titthiyaguṇe uddisitvā ‘‘namo arahantāna’’nti vatvā vatvā khipati. Tesu sammādiṭṭhikassa putto jināti, itaro pana parājayati. So tassa kiriyaṃ disvā ‘‘ayaṃ evaṃ anussaritvā evaṃ vatvā guḷaṃ khipanto mamaṃ jināti, ahampi evarūpaṃ karissāmī’’ti buddhānussatiyaṃ paricayamakāsi. Athekadivasaṃ tassa pitā sakaṭaṃ yojetvā dārūnaṃ atthāya gacchanto tampi dārakaṃ ādāya gantvā aṭaviyaṃ dārūnaṃ sakaṭaṃ pūretvā āgacchanto bahinagare susānasāmante udakaphāsukaṭṭhāne goṇe mocetvā bhattavissaggamakāsi. Athassa te goṇā sāyanhasamaye nagaraṃ pavisantena gogaṇena saddhiṃ nagarameva pavisiṃsu. Sākaṭikopi goṇe anubandhanto nagaraṃ pavisitvā sāyaṃ goṇe disvā ādāya nikkhamanto dvāraṃ na sampāpuṇi. Tasmiñhi asampatteyeva dvāraṃ pihitaṃ.

ат̇асса буд̇д̇о згагова рад̇д̇ибхааг̇з сагадасса хздтаа нибаж̇ж̇ид̇ваа нид̣̇д̣̇ам̣ оггами. рааж̇аг̇ахам̣ бана багад̇ияааби амануссаб̣ахулам̣. аяан̃жа сусаанасанд̇игз нибанно. д̇ад̇т̇а нам̣ д̣̇вз амануссаа бассим̣су. зго саасанасса бадиган̣д̣аго мижчаад̣̇идтиго, зго саммаад̣̇идтиго. д̇зсу мижчаад̣̇идтиго ааха – ‘‘аяам̣ но бхагко, имам̣ каад̣̇иссаамаа’’д̇и. ид̇аро ‘‘алам̣ маа д̇з ружжий’’д̇и ниваарзд̇и. со д̇зна ниваарияамааноби д̇асса важанам̣ анаад̣̇ияид̇ваа д̣̇аарагам̣ баад̣̇зсу г̇ахзд̇ваа аагад̣дхи. со б̣уд̣̇д̇хаануссад̇ияаа барижид̇ад̇д̇аа д̇асмим̣ кан̣з ‘‘намо б̣уд̣̇д̇хассаа’’д̇и ааха. амануссо махаабхаяабхийд̇о бадиггамид̇ваа адтааси. ат̇а нам̣ ид̇аро ‘‘амхзхи агижжам̣ гад̇ам̣, д̣̇ан̣д̣агаммам̣ д̇асса гаромаа’’д̇и вад̇ваа д̇ам̣ рагкамаано адтааси. мижчаад̣̇идтиго наг̇арам̣ бависид̇ваа ран̃н̃о бхож̇анабаад̇им̣ буурзд̇ваа бхож̇анам̣ аахари. ат̇а нам̣ убхоби д̇асса маад̇аабид̇аро вияа худ̇ваа убадтаабзд̇ваа бхож̇зд̇ваа ‘‘имаани агкараани рааж̇аава бассад̇у, маа ан̃н̃о’’д̇и д̇ам̣ бавад̇д̇им̣ багаасзнд̇аа яагкаанубхаавзна бхож̇анабаад̇ияам̣ агкараани чинд̣̇ид̇ваа баад̇им̣ д̣̇аарусагадз багкибид̇ваа саб̣б̣арад̇д̇им̣ аарагкам̣ гад̇ваа баггамим̣су.

Athassa putto ekakova rattibhāge sakaṭassa heṭṭhā nipajjitvā niddaṃ okkami. Rājagahaṃ pana pakatiyāpi amanussabahulaṃ. Ayañca susānasantike nipanno. Tattha naṃ dve amanussā passiṃsu. Eko sāsanassa paṭikaṇḍako micchādiṭṭhiko, eko sammādiṭṭhiko. Tesu micchādiṭṭhiko āha – ‘‘ayaṃ no bhakkho, imaṃ khādissāmā’’ti. Itaro ‘‘alaṃ mā te ruccī’’ti nivāreti. So tena nivāriyamānopi tassa vacanaṃ anādiyitvā dārakaṃ pādesu gahetvā ākaḍḍhi. So buddhānussatiyā paricitattā tasmiṃ khaṇe ‘‘namo buddhassā’’ti āha. Amanusso mahābhayabhīto paṭikkamitvā aṭṭhāsi. Atha naṃ itaro ‘‘amhehi akiccaṃ kataṃ, daṇḍakammaṃ tassa karomā’’ti vatvā taṃ rakkhamāno aṭṭhāsi. Micchādiṭṭhiko nagaraṃ pavisitvā rañño bhojanapātiṃ pūretvā bhojanaṃ āhari. Atha naṃ ubhopi tassa mātāpitaro viya hutvā upaṭṭhāpetvā bhojetvā ‘‘imāni akkharāni rājāva passatu, mā añño’’ti taṃ pavattiṃ pakāsentā yakkhānubhāvena bhojanapātiyaṃ akkharāni chinditvā pātiṃ dārusakaṭe pakkhipitvā sabbarattiṃ ārakkhaṃ katvā pakkamiṃsu.

бунад̣̇ивасз ‘‘рааж̇агулад̇о жорзхи бхож̇анабхан̣д̣ам̣ авахада’’нд̇и голаахалам̣ гаронд̇аа д̣̇ваараани бид̣̇ахид̇ваа ологзнд̇аа д̇ад̇т̇а абассанд̇аа наг̇араа нигкамид̇ваа ид̇о жид̇о жа ологзнд̇аа д̣̇аарусагадз суван̣н̣абаад̇им̣ д̣̇исваа ‘‘аяам̣ жоро’’д̇и д̇ам̣ д̣̇аарагам̣ г̇ахзд̇ваа ран̃н̃о д̣̇ассзсум̣. рааж̇аа агкараани д̣̇исваа ‘‘гим̣ зд̇ам̣, д̇аад̇аа’’д̇и бужчид̇ваа ‘‘наахам̣ , д̣̇зва, ж̇аанаами, маад̇аабид̇аро мз ааг̇анд̇ваа рад̇д̇им̣ бхож̇зд̇ваа рагкамаанаа адтам̣су, ахамби маад̇аабид̇аро мам̣ рагканд̇ийд̇и ниб̣бхаяова нид̣̇д̣̇ам̣ убаг̇ад̇о. зд̇д̇агам̣ ахам̣ ж̇аанаамий’’д̇и. ат̇асса маад̇аабид̇ароби д̇ам̣ таанам̣ ааг̇амам̣су. рааж̇аа д̇ам̣ бавад̇д̇им̣ н̃ад̇ваа д̇з д̇аяоби ж̇анз аад̣̇ааяа сад̇т̇у санд̇игам̣ г̇анд̇ваа саб̣б̣ам̣ аарожзд̇ваа ‘‘гим̣ ну ко, бханд̇з, б̣уд̣̇д̇хаануссад̇и зва рагкаа ход̇и, уд̣̇ааху д̇хаммаануссад̇иаад̣̇аяобий’’д̇и бужчи. ат̇асса сад̇т̇аа, ‘‘махаарааж̇а, на гзвалам̣ б̣уд̣̇д̇хаануссад̇иязва рагкаа, язсам̣ бана чаб̣б̣ид̇хзна жид̇д̇ам̣ субхаавид̇ам̣, д̇зсам̣ ан̃н̃зна рагкааваран̣зна ваа манд̇осад̇хзхи ваа гижжам̣ над̇т̇ий’’д̇и вад̇ваа ча таанаани д̣̇ассзнд̇о имаа г̇аат̇аа абхааси.

Punadivase ‘‘rājakulato corehi bhojanabhaṇḍaṃ avahaṭa’’nti kolāhalaṃ karontā dvārāni pidahitvā olokentā tattha apassantā nagarā nikkhamitvā ito cito ca olokentā dārusakaṭe suvaṇṇapātiṃ disvā ‘‘ayaṃ coro’’ti taṃ dārakaṃ gahetvā rañño dassesuṃ. Rājā akkharāni disvā ‘‘kiṃ etaṃ, tātā’’ti pucchitvā ‘‘nāhaṃ , deva, jānāmi, mātāpitaro me āgantvā rattiṃ bhojetvā rakkhamānā aṭṭhaṃsu, ahampi mātāpitaro maṃ rakkhantīti nibbhayova niddaṃ upagato. Ettakaṃ ahaṃ jānāmī’’ti. Athassa mātāpitaropi taṃ ṭhānaṃ āgamaṃsu. Rājā taṃ pavattiṃ ñatvā te tayopi jane ādāya satthu santikaṃ gantvā sabbaṃ ārocetvā ‘‘kiṃ nu kho, bhante, buddhānussati eva rakkhā hoti, udāhu dhammānussatiādayopī’’ti pucchi. Athassa satthā, ‘‘mahārāja, na kevalaṃ buddhānussatiyeva rakkhā, yesaṃ pana chabbidhena cittaṃ subhāvitaṃ, tesaṃ aññena rakkhāvaraṇena vā mantosadhehi vā kiccaṃ natthī’’ti vatvā cha ṭhānāni dassento imā gāthā abhāsi.

296.