| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
багин̣н̣агаван̣н̣анаа
Pakiṇṇakavaṇṇanā
абижзд̇т̇а ид̣̇ам̣ багин̣н̣агам̣, сзяяат̇ид̣̇ам̣ – ид̣̇ам̣ анияад̇аган̣д̣ам̣ ниббаяож̇анам̣ абуб̣б̣аабхаавад̇од̇и жз? на, г̇аругалахугабхзд̣̇абхиннаабад̇д̇иробанааробанаггамалагкан̣ад̣̇ийбанаббаяож̇анад̇о. зд̇т̇а хи ‘‘саа жз звам̣ вад̣̇зяяа ‘аяяо маяаа д̣̇идто нисинно маад̇уг̇аамасса мзт̇унам̣ д̇хаммам̣ бадисзванд̇о’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о…бз… нисаж̇ж̇ааяа гаарзд̇аб̣б̣о’’д̇иаад̣̇инаа (баараа. 446) аабад̇д̇ияаа г̇аругааяа лахугааяа жа робанаггамалагкан̣ам̣, гаарзд̇аб̣б̣од̇и иминаа анааробанаггамалагкан̣ан̃жа д̣̇ассид̇ам̣. лагкан̣ад̣̇ийбанад̇о аад̣̇имхи, анд̇з ваа уд̣̇д̣̇исид̇аб̣б̣анд̇и жз? на, асамбхавад̇о. гат̇ам̣? на д̇аава аад̣̇имхи самбхавад̇и, язсамид̣̇ам̣ лагкан̣ам̣, д̇зсам̣ сигкаабад̣̇аанам̣ ад̣̇ассид̇ад̇д̇аа. на анд̇з, г̇аругамиссагад̇д̇аа, д̇асмаа г̇аругалахугаанам̣ маж̇жхз зва уд̣̇д̣̇исид̇аб̣б̣анд̇и арахад̇и убхаяаамиссагад̇д̇аа. яаа д̇ад̇т̇а лахугаабад̇д̇и д̣̇ассид̇аа , сааби г̇аругаад̣̇игаа. д̇знзвааха ‘‘мзт̇унад̇хаммасанниссид̇агилзсасан̇каад̇зна рахассаад̣̇знаа’’д̇иаад̣̇и, д̇асмаа г̇аругаанам̣ зва ананд̇арам̣ уд̣̇д̣̇идтаад̇иби згз. звам̣ санд̇з батамамзваалам̣ д̇аавад̇аа лагкан̣ад̣̇ийбанасид̣̇д̇хид̇о, гим̣ д̣̇уд̇иязнаад̇и жз? на, огаасанияамабажжаяамижчааг̇ааханивааран̣аббаяож̇анад̇о. ‘‘бадижчаннз аасанз алам̣гамманияз’’д̇и огаасанияамад̇о хи д̇аб̣б̣ибарийд̇з огаасз ид̣̇ам̣ лагкан̣ам̣ на вигаббид̇анд̇и мижчааг̇аахо ход̇и, д̇аннивааран̣ад̇о д̣̇уд̇ияамби саад̇т̇агамзваад̇и ад̇хиббааяо. гасмаа? огаасабхзд̣̇ад̇о, рахобхзд̣̇ад̣̇ийбанад̇о, рахонисаж̇ж̇ассаад̣̇абхзд̣̇ад̣̇ийбанад̇о . огаасанияамабхаавз жа рахонисаж̇ж̇ассаад̣̇абхзд̣̇о ж̇аад̇о. д̣̇виннам̣ рахонисаж̇ж̇асигкаабад̣̇аанам̣ наанад̇ааж̇аананан̃жа сияаа, д̇ат̇аа гааяасам̣саг̇г̇абхзд̣̇ад̣̇ийбанад̇о. наалам̣гамманиязби хи огаасз аббадижчаннз, бадижчаннзби ваа нисиннааяа ваад̇абаанагаваадачид̣̇д̣̇аад̣̇ийхи нигканд̇агзсаад̣̇иг̇г̇ахан̣зна гааяасам̣саг̇г̇о лаб̣бхад̇ийд̇и звамаад̣̇аяоби наяаа вид̇т̇аарад̇о взд̣̇ид̇аб̣б̣аа. ‘‘бхигкубаад̇имогкз ааг̇ад̇анаяад̇д̇аа бхигкунийбаад̇имогкз ид̣̇ам̣ ган̣д̣ам̣ барихийнанд̇и взд̣̇ид̇аб̣б̣а’’нд̇и вад̣̇анд̇и. ад̇т̇уббад̇д̇ияаа д̇ад̇т̇а анубаннад̇д̇аад̇и згз. д̇ам̣ анзгад̇т̇абхаавад̣̇ийбанад̇о аяуд̇д̇ам̣. саб̣б̣аб̣уд̣̇д̇хагаалз хи бхигкуунам̣ бан̃жаннам̣, бхигкунийнам̣ жад̇д̇ааро жа уд̣̇д̣̇зсаа санд̇и. баад̇имогкуд̣̇д̣̇зсабан̃н̃ад̇д̇ияаа асаад̇хааран̣ад̇д̇аа д̇ад̇т̇а нид̣̇д̣̇идтасан̇гхаад̣̇исзсабаажид̇д̇ияаананд̇и згз. д̇аасам̣ бхигкунийнам̣ уб̣бхаж̇аан̣уман̣д̣алигаадтавад̇т̇угавасзна гааяасам̣саг̇г̇ависзсо баарааж̇игавад̇т̇у, ‘‘хад̇т̇аг̇г̇ахан̣ам̣ ваа саад̣̇иязяяа, гааяам̣ ваа д̇ад̣̇ад̇т̇ааяа убасам̣харзяяаа’’д̇и (баажи. 674-675) важанад̇о саад̣̇ияанамби, ‘‘санд̇идтзяяа ваа’’д̇и (баажи. 675) важанад̇о таанамби, ‘‘сан̇гзд̇ам̣ ваа г̇ажчзяяаа’’д̇и (баажи. 675) важанад̇о г̇аманамби, ‘‘чаннам̣ ваа анубависзяяаа’’д̇и (баажи. 675) важанад̇о бадижчаннадтаанабавзсоби, д̇ат̇аа ‘‘рад̇д̇анд̇хагаарз аббад̣̇ийбз бадижчаннз огаасз згзнзгаа санд̇идтзяяа ваа саллабзяяа ваа’’д̇и (баажи. 838) важанад̇о д̣̇удтуллаваажааби баажид̇д̇ияавад̇т̇уганд̇и гад̇ваа д̇аасам̣ ан̃н̃ат̇аа анияад̇аган̣д̣асса авад̇д̇аб̣б̣ад̇аабад̇д̇ид̇оби на вуд̇д̇анд̇и д̇зсам̣ ад̇хиббааяо.
Apicettha idaṃ pakiṇṇakaṃ, seyyathidaṃ – idaṃ aniyatakaṇḍaṃ nippayojanaṃ apubbābhāvatoti ce? Na, garukalahukabhedabhinnāpattiropanāropanakkamalakkhaṇadīpanappayojanato. Ettha hi ‘‘sā ce evaṃ vadeyya ‘ayyo mayā diṭṭho nisinno mātugāmassa methunaṃ dhammaṃ paṭisevanto’ti, so ca taṃ paṭijānāti, āpattiyā kāretabbo…pe… nisajjāya kāretabbo’’tiādinā (pārā. 446) āpattiyā garukāya lahukāya ca ropanakkamalakkhaṇaṃ, kāretabboti iminā anāropanakkamalakkhaṇañca dassitaṃ. Lakkhaṇadīpanato ādimhi, ante vā uddisitabbanti ce? Na, asambhavato. Kathaṃ? Na tāva ādimhi sambhavati, yesamidaṃ lakkhaṇaṃ, tesaṃ sikkhāpadānaṃ adassitattā. Na ante, garukamissakattā, tasmā garukalahukānaṃ majjhe eva uddisitabbanti arahati ubhayāmissakattā. Yā tattha lahukāpatti dassitā , sāpi garukādikā. Tenevāha ‘‘methunadhammasannissitakilesasaṅkhātena rahassādenā’’tiādi, tasmā garukānaṃ eva anantaraṃ uddiṭṭhātipi eke. Evaṃ sante paṭhamamevālaṃ tāvatā lakkhaṇadīpanasiddhito, kiṃ dutiyenāti ce? Na, okāsaniyamapaccayamicchāgāhanivāraṇappayojanato. ‘‘Paṭicchanne āsane alaṃkammaniye’’ti okāsaniyamato hi tabbiparīte okāse idaṃ lakkhaṇaṃ na vikappitanti micchāgāho hoti, tannivāraṇato dutiyampi sātthakamevāti adhippāyo. Kasmā? Okāsabhedato, rahobhedadīpanato, rahonisajjassādabhedadīpanato . Okāsaniyamabhāve ca rahonisajjassādabhedo jāto. Dvinnaṃ rahonisajjasikkhāpadānaṃ nānatājānanañca siyā, tathā kāyasaṃsaggabhedadīpanato. Nālaṃkammaniyepi hi okāse appaṭicchanne, paṭicchannepi vā nisinnāya vātapānakavāṭachiddādīhi nikkhantakesādiggahaṇena kāyasaṃsaggo labbhatīti evamādayopi nayā vitthārato veditabbā. ‘‘Bhikkhupātimokkhe āgatanayattā bhikkhunīpātimokkhe idaṃ kaṇḍaṃ parihīnanti veditabba’’nti vadanti. Atthuppattiyā tattha anupannattāti eke. Taṃ anekatthabhāvadīpanato ayuttaṃ. Sabbabuddhakāle hi bhikkhūnaṃ pañcannaṃ, bhikkhunīnaṃ cattāro ca uddesā santi. Pātimokkhuddesapaññattiyā asādhāraṇattā tattha niddiṭṭhasaṅghādisesapācittiyānanti eke. Tāsaṃ bhikkhunīnaṃ ubbhajāṇumaṇḍalikaaṭṭhavatthukavasena kāyasaṃsaggaviseso pārājikavatthu, ‘‘hatthaggahaṇaṃ vā sādiyeyya, kāyaṃ vā tadatthāya upasaṃhareyyā’’ti (pāci. 674-675) vacanato sādiyanampi, ‘‘santiṭṭheyya vā’’ti (pāci. 675) vacanato ṭhānampi, ‘‘saṅketaṃ vā gaccheyyā’’ti (pāci. 675) vacanato gamanampi, ‘‘channaṃ vā anupaviseyyā’’ti (pāci. 675) vacanato paṭicchannaṭṭhānapavesopi, tathā ‘‘rattandhakāre appadīpe paṭicchanne okāse ekenekā santiṭṭheyya vā sallapeyya vā’’ti (pāci. 838) vacanato duṭṭhullavācāpi pācittiyavatthukanti katvā tāsaṃ aññathā aniyatakaṇḍassa avattabbatāpattitopi na vuttanti tesaṃ adhippāyo.
багин̣н̣агаван̣н̣анаа нидтид̇аа.
Pakiṇṇakavaṇṇanā niṭṭhitā.
анияад̇аган̣д̣ам̣ нидтид̇ам̣.
Aniyatakaṇḍaṃ niṭṭhitaṃ.
