| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
багин̣н̣агавинижчаяагат̇ааван̣н̣анаа
Pakiṇṇakavinicchayakathāvaṇṇanā
3029. чад̇д̇ам̣ бан̣н̣амаяам̣ гин̃жийд̇и д̇аалабан̣н̣аад̣̇ибан̣н̣ажчад̣̇анам̣ яам̣ гин̃жи чад̇д̇ам̣. б̣ахийд̇и убари. анд̇од̇и хздтаа. сиб̣б̣ид̇унд̇и руубам̣ д̣̇ассзд̇ваа суужигаммам̣ гаад̇ум̣.
3029.Chattaṃpaṇṇamayaṃ kiñcīti tālapaṇṇādipaṇṇacchadanaṃ yaṃ kiñci chattaṃ. Bahīti upari. Antoti heṭṭhā. Sibbitunti rūpaṃ dassetvā sūcikammaṃ kātuṃ.
3030. бан̣н̣зд̇и чад̣̇анабан̣н̣з. ад̣дхажанд̣̇анд̇и ад̣дхажанд̣̇аагаарам̣. магарад̣̇анд̇аганд̇и магарад̣̇анд̇аагаарам̣, яам̣ ‘‘г̇иригууда’’нд̇и вужжад̇и. чинд̣̇ид̇ум̣ на ваддад̇ийд̇и самб̣анд̇хо. мукаваддияаа наамзд̇ваа б̣ад̣̇д̇хабан̣н̣агодияаа ваа мад̇т̇агиман̣д̣алагодияаа ваа г̇иригуудаад̣̇им̣ гаронд̇и, иминаа д̇ам̣ бадигкид̇д̇ам̣. д̣̇ан̣д̣зд̇и чад̇д̇ад̣̇ан̣д̣з. гхадаганд̇и гхадаагааро. ваал̣аруубам̣ ваад̇и б̣яаг̇гхаад̣̇иваал̣аанам̣ руубагам̣ ваа. лзкаад̇и уггирид̇ваа ваа чинд̣̇ид̇ваа ваа жид̇д̇агаммавасзна ваа гад̇арааж̇и.
3030.Paṇṇeti chadanapaṇṇe. Aḍḍhacandanti aḍḍhacandākāraṃ. Makaradantakanti makaradantākāraṃ, yaṃ ‘‘girikūṭa’’nti vuccati. Chindituṃ na vaṭṭatīti sambandho. Mukhavaṭṭiyā nāmetvā baddhapaṇṇakoṭiyā vā matthakimaṇḍalakoṭiyā vā girikūṭādiṃ karonti, iminā taṃ paṭikkhittaṃ. Daṇḍeti chattadaṇḍe. Ghaṭakanti ghaṭākāro. Vāḷarūpaṃ vāti byagghādivāḷānaṃ rūpakaṃ vā. Lekhāti ukkiritvā vā chinditvā vā cittakammavasena vā katarāji.
3031. бан̃жаван̣н̣аанам̣ суд̇д̇аанам̣ анд̇арз нийлаад̣̇изгаван̣н̣зна суд̇д̇зна т̇ирад̇т̇ам̣ чад̇д̇ам̣ анд̇о жа б̣ахи жа сиб̣б̣ид̇ум̣ ваа чад̇д̇ад̣̇ан̣д̣аг̇г̇аахагасалаагабан̃ж̇арам̣ т̇ирад̇т̇ам̣ винанд̇хид̇ум̣ ваа ваддад̇ийд̇и яож̇анаа. ‘‘бан̃жаван̣н̣аанам̣ згаван̣н̣зна т̇ирад̇т̇а’’нд̇и иминаа анзгаван̣н̣зхи суд̇д̇зхи ван̣н̣амадтад̇т̇ааяа сиб̣б̣ид̇ун̃жа винанд̇хид̇ун̃жа на ваддад̇ийд̇и д̣̇ийбзд̇и.
3031.Pañcavaṇṇānaṃ suttānaṃ antare nīlādiekavaṇṇena suttena thiratthaṃ chattaṃ anto ca bahi ca sibbituṃ vā chattadaṇḍaggāhakasalākapañjaraṃ thiratthaṃ vinandhituṃ vā vaṭṭatīti yojanā. ‘‘Pañcavaṇṇānaṃ ekavaṇṇena thirattha’’nti iminā anekavaṇṇehi suttehi vaṇṇamaṭṭhatthāya sibbituñca vinandhituñca na vaṭṭatīti dīpeti.
бод̇т̇агзсу бана ‘‘бан̃жаван̣н̣знаа’’д̇и баато д̣̇иссад̇и, д̇асса згаван̣н̣зна, бан̃жаван̣н̣зна ваа суд̇д̇зна т̇ирад̇т̇ам̣ сиб̣б̣ид̇ум̣, винанд̇хид̇ум̣ ваа ваддад̇ийд̇и яож̇анаа гаад̇аб̣б̣аа ход̇и, со зд̇т̇зва хздтаа вуд̇д̇зна –
Potthakesu pana ‘‘pañcavaṇṇenā’’ti pāṭho dissati, tassa ekavaṇṇena, pañcavaṇṇena vā suttena thiratthaṃ sibbituṃ, vinandhituṃ vā vaṭṭatīti yojanā kātabbā hoti, so ettheva heṭṭhā vuttena –
‘‘бан̃жаван̣н̣зна суд̇д̇зна, сиб̣б̣ид̇ум̣ на жа ваддад̇ий’’д̇и –
‘‘Pañcavaṇṇena suttena, sibbituṃ na ca vaṭṭatī’’ti –
баатзна жа ‘‘гзжи д̇аалабан̣н̣ажчад̇д̇ам̣ анд̇о ваа б̣ахи ваа бан̃жаван̣н̣зна суд̇д̇зна сиб̣б̣анд̇аа ван̣н̣амадтам̣ гаронд̇и, д̇ам̣ на ваддад̇и. згаван̣н̣зна бана нийлзна ваа бийд̇агзна ваа язна гзнажи суд̇д̇зна анд̇о ваа б̣ахи ваа сиб̣б̣ид̇ум̣ чад̇д̇ад̣̇ан̣д̣аг̇г̇аахагам̣ салаагабан̃ж̇арам̣ ваа винанд̇хид̇ум̣ ваддад̇и, д̇ан̃жа ко т̇ирагаран̣ад̇т̇ам̣, на ван̣н̣амадтад̇т̇ааяаа’’д̇и (баараа. адта. 1.85 баал̣имуд̇д̇агавинижчаяа) адтагат̇аабаатзна жа вируж̇жхад̇и, д̇асмаа со на г̇ахзд̇аб̣б̣о.
Pāṭhena ca ‘‘keci tālapaṇṇacchattaṃ anto vā bahi vā pañcavaṇṇena suttena sibbantā vaṇṇamaṭṭhaṃ karonti, taṃ na vaṭṭati. Ekavaṇṇena pana nīlena vā pītakena vā yena kenaci suttena anto vā bahi vā sibbituṃ chattadaṇḍaggāhakaṃ salākapañjaraṃ vā vinandhituṃ vaṭṭati, tañca kho thirakaraṇatthaṃ, na vaṇṇamaṭṭhatthāyā’’ti (pārā. aṭṭha. 1.85 pāḷimuttakavinicchaya) aṭṭhakathāpāṭhena ca virujjhati, tasmā so na gahetabbo.
3032. лзкаа ваа бана гзвалаад̇и яат̇аавуд̇д̇аббагаараа салаагалзкаа ваа. чинд̣̇ид̇ваад̇и уггирид̇ваа гад̇ам̣ чинд̣̇ид̇ваа. гхам̣сид̇ваад̇и жид̇д̇агаммаад̣̇ивасзна гад̇ам̣ гхам̣сид̇ваа.
3032.Lekhāvā pana kevalāti yathāvuttappakārā salākalekhā vā. Chinditvāti ukkiritvā kataṃ chinditvā. Ghaṃsitvāti cittakammādivasena kataṃ ghaṃsitvā.
3033. д̣̇ан̣д̣аб̣унд̣̇амхийд̇и чад̇д̇ад̣̇ан̣д̣асса бан̃ж̇арз г̇аахан̣ад̇т̇ааяа паалид̇аб̣унд̣̇амхи, муулзд̇и ад̇т̇о. аяамзд̇т̇а ниссанд̣̇зхз вуд̇д̇анаяо. куд̣̇д̣̇асигкааг̇ан̣тибад̣̇з бана ‘‘чад̇д̇абин̣д̣ияаа муулз’’д̇и вуд̇д̇ам̣. ахичад̇д̇агасан̣таананд̇и пуллаахичад̇д̇аагаарам̣. раж̇ж̇угзхи г̇аахаабзд̇ваа д̣̇ан̣д̣з б̣анд̇ханд̇и, д̇асмим̣ б̣анд̇хадтаанз валаяамива уггирид̇ваа удтаабзд̇ваа. б̣анд̇ханад̇т̇ааяаад̇и ваад̇зна яат̇аа на жалад̇и, звам̣ раж̇ж̇уухи д̣̇ан̣д̣з бан̃ж̇арасса б̣анд̇ханад̇т̇ааяа. уггирид̇ваа гад̇аа лзкаа ваддад̇ийд̇и яож̇анаа. яат̇ааха – ‘‘ваад̇аббахаарзна ажаланад̇т̇ам̣ чад̇д̇аман̣д̣алигам̣ раж̇ж̇угзхи г̇аахаабзд̇ваа д̣̇ан̣д̣з б̣анд̇ханд̇и, д̇асмим̣ б̣анд̇ханадтаанз валаяамива уггирид̇ваа лзкам̣ табзнд̇и, саа ваддад̇ий’’д̇и. ‘‘сажзби на б̣анд̇ханд̇и, б̣анд̇ханаарахадтаанад̇д̇аа валаяам̣ уггирид̇ум̣ ваддад̇ий’’д̇и г̇ан̣тибад̣̇з вуд̇д̇ам̣.
3033.Daṇḍabundamhīti chattadaṇḍassa pañjare gāhaṇatthāya phālitabundamhi, mūleti attho. Ayamettha nissandehe vuttanayo. Khuddasikkhāgaṇṭhipade pana ‘‘chattapiṇḍiyā mūle’’ti vuttaṃ. Ahichattakasaṇṭhānanti phullaahichattākāraṃ. Rajjukehi gāhāpetvā daṇḍe bandhanti, tasmiṃ bandhaṭṭhāne valayamiva ukkiritvā uṭṭhāpetvā. Bandhanatthāyāti vātena yathā na calati, evaṃ rajjūhi daṇḍe pañjarassa bandhanatthāya. Ukkiritvā katā lekhā vaṭṭatīti yojanā. Yathāha – ‘‘vātappahārena acalanatthaṃ chattamaṇḍalikaṃ rajjukehi gāhāpetvā daṇḍe bandhanti, tasmiṃ bandhanaṭṭhāne valayamiva ukkiritvā lekhaṃ ṭhapenti, sā vaṭṭatī’’ti. ‘‘Sacepi na bandhanti, bandhanārahaṭṭhānattā valayaṃ ukkirituṃ vaṭṭatī’’ti gaṇṭhipade vuttaṃ.
3034. самам̣ сад̇абад̣̇аад̣̇ийнанд̇и сад̇абад̣̇аад̣̇ийхи сад̣̇исам̣, д̇уляад̇т̇з гаран̣аважанаббасан̇г̇з саамиважанам̣.
3034.Samaṃ satapadādīnanti satapadādīhi sadisaṃ, tulyatthe karaṇavacanappasaṅge sāmivacanaṃ.
3035. бад̇д̇асса барияанд̇з ваад̇и ануваад̇асса убхаяабарияанд̇з ваа. бад̇д̇амукзби ваад̇и д̣̇виннам̣ аараамавид̇т̇аарабад̇д̇аанам̣ сан̇гхадид̇адтаанз ган̣н̣зби ваа, згассзва ваа бад̇д̇асса уунабууран̣ад̇т̇ам̣ сан̇гхадид̇адтаанзби ваа. взн̣инд̇и гуд̣̇руусасийсаагаарзна сиб̣б̣анам̣. гзжи ‘‘варагасийсаагаарзнаа’’д̇и вад̣̇анд̇и. сан̇калиганд̇и б̣ил̣аалад̣̇аамасад̣̇исам̣ сиб̣б̣анам̣. гзжи ‘‘сад̇абад̣̇исама’’нд̇и вад̣̇анд̇и.
3035.Pattassa pariyante vāti anuvātassa ubhayapariyante vā. Pattamukhepi vāti dvinnaṃ ārāmavitthārapattānaṃ saṅghaṭitaṭṭhāne kaṇṇepi vā, ekasseva vā pattassa ūnapūraṇatthaṃ saṅghaṭitaṭṭhānepi vā. Veṇinti kudrūsasīsākārena sibbanaṃ. Keci ‘‘varakasīsākārenā’’ti vadanti. Saṅkhalikanti biḷāladāmasadisaṃ sibbanaṃ. Keci ‘‘satapadisama’’nti vadanti.
3036. бадданд̇и баддамби. адтагон̣аад̣̇иго вид̇хи багааро зд̇ассаад̇и адтагон̣аад̣̇игавид̇хи, д̇ам̣. ‘‘адтагон̣аад̣̇ига’’нд̇и г̇аат̇ааб̣анд̇хавасзна ниг̇г̇ахид̇ааг̇амо. ‘‘адтагон̣аад̣̇игам̣ вид̇хи’’нд̇и зд̇ам̣ ‘‘бадда’’нд̇и зд̇асса самаанаад̇хигаран̣ависзсанам̣, гирияаависзсанам̣ ваа, ‘‘гаронд̇ий’’д̇и иминаа самб̣анд̇хо. ат̇а ваа бадданд̇и зд̇т̇а бхуммад̇т̇з убаяог̇аважанам̣, баддзд̇и ад̇т̇о. имасмим̣ багкз ‘‘адтагон̣аад̣̇ига’’нд̇и убаяог̇аважанам̣. ‘‘вид̇хи’’нд̇и зд̇асса висзсанам̣. ид̇ха вагкамаанажад̇угон̣асан̣таанад̇о ан̃н̃ам̣ адтагон̣аад̣̇игам̣ наамам̣. д̇ад̇т̇аад̇и д̇асмим̣ баддад̣̇ваяз. аг̇гхияаг̇ад̣̇ааруубанд̇и аг̇гхияасан̣таанан̃жзва г̇ад̣̇аасан̣таанан̃жа сиб̣б̣анам̣. муг̇г̇аранд̇и лаг̇ул̣асан̣таанасиб̣б̣анам̣. аад̣̇и-сад̣̇д̣̇зна жзд̇ияаад̣̇исан̣таанаанам̣ г̇ахан̣ам̣.
3036.Paṭṭanti paṭṭampi. Aṭṭhakoṇādiko vidhi pakāro etassāti aṭṭhakoṇādikavidhi, taṃ. ‘‘Aṭṭhakoṇādika’’nti gāthābandhavasena niggahitāgamo. ‘‘Aṭṭhakoṇādikaṃ vidhi’’nti etaṃ ‘‘paṭṭa’’nti etassa samānādhikaraṇavisesanaṃ, kiriyāvisesanaṃ vā, ‘‘karontī’’ti iminā sambandho. Atha vā paṭṭanti ettha bhummatthe upayogavacanaṃ, paṭṭeti attho. Imasmiṃ pakkhe ‘‘aṭṭhakoṇādika’’nti upayogavacanaṃ. ‘‘Vidhi’’nti etassa visesanaṃ. Idha vakkhamānacatukoṇasaṇṭhānato aññaṃ aṭṭhakoṇādikaṃ nāmaṃ. Tatthāti tasmiṃ paṭṭadvaye. Agghiyagadārūpanti agghiyasaṇṭhānañceva gadāsaṇṭhānañca sibbanaṃ. Muggaranti laguḷasaṇṭhānasibbanaṃ. Ādi-saddena cetiyādisaṇṭhānānaṃ gahaṇaṃ.
3037. д̇ад̇т̇аад̇и баддад̣̇ваяз д̇асмим̣ таанз. гаггадагагкийнийд̇и гул̣ийраажчисад̣̇исаани сиб̣б̣анавигаараани. удтаабзнд̇ийд̇и гаронд̇и. д̇ад̇т̇аад̇и д̇асмим̣ г̇ан̣тигабаасагабаддагз. суд̇д̇аад̇и гон̣ад̇о гон̣ам̣ сиб̣б̣ид̇асуд̇д̇аа жзва жад̇урассз сиб̣б̣ид̇асуд̇д̇аа жа. бил̣агаад̇и д̇зсамзва суд̇д̇аанам̣ нивад̇д̇зд̇ваа сиб̣б̣ид̇агодияо жа. д̣̇увин̃н̃зяяааваад̇и раж̇анагаалз д̣̇увин̃н̃зяяаруубаа анол̣ааригаа д̣̇ийбид̇аа вадданд̇ийд̇и. яат̇ааха – ‘‘гон̣асуд̇д̇абил̣агаа жа жийварз рад̇д̇з д̣̇увин̃н̃зяяаруубаа вадданд̇ий’’д̇и.
3037.Tatthāti paṭṭadvaye tasmiṃ ṭhāne. Kakkaṭakakkhīnīti kuḷīraacchisadisāni sibbanavikārāni. Uṭṭhāpentīti karonti. Tatthāti tasmiṃ gaṇṭhikapāsakapaṭṭake. Suttāti koṇato koṇaṃ sibbitasuttā ceva caturasse sibbitasuttā ca. Piḷakāti tesameva suttānaṃ nivattetvā sibbitakoṭiyo ca. Duviññeyyāvāti rajanakāle duviññeyyarūpā anoḷārikā dīpitā vaṭṭantīti. Yathāha – ‘‘koṇasuttapiḷakā ca cīvare ratte duviññeyyarūpā vaṭṭantī’’ti.
3038. г̇ан̣тибаасагабаддагаад̇и г̇ан̣тигабаддагабаасагабаддагаад̇и яож̇анаа. ган̣н̣агон̣зсу суд̇д̇аанийд̇и жийвараган̣н̣зсу суд̇д̇аани жзва г̇ан̣тигабаасагабаддаанам̣ гон̣зсу суд̇д̇аани жа чинд̣̇зяяа. зд̇т̇а жа жийварз ааяаамад̇о, вид̇т̇аарад̇о жа сиб̣б̣ид̇ваа ануваад̇ад̇о б̣ахи нигканд̇асуд̇д̇ам̣ жийварам̣ раж̇ид̇ваа сугкаабанагаалз раж̇ж̇уяаа ваа жийваравам̣сз ваа б̣анд̇хид̇ваа оламб̣ид̇ум̣ ануваад̇з б̣ад̣̇д̇хасуд̇д̇аани жа ган̣н̣асуд̇д̇аани наама. яат̇ааха – ‘‘жийварасса ган̣н̣асуд̇д̇агам̣ на ваддад̇и, раж̇ид̇агаалз чинд̣̇ид̇аб̣б̣ам̣. яам̣ бана ‘ануж̇аанаами, бхигкавз, ган̣н̣асуд̇д̇ага’нд̇и (махаава. 344) звам̣ анун̃н̃аад̇ам̣, д̇ам̣ ануваад̇з баасагам̣ гад̇ваа б̣анд̇хид̇аб̣б̣ам̣, раж̇анагаалз лаг̇г̇анад̇т̇ааяаа’’д̇и (баараа. адта. 1.85 баал̣имуд̇д̇агавинижчаяа).
3038.Gaṇṭhipāsakapaṭṭakāti gaṇṭhikapaṭṭakapāsakapaṭṭakāti yojanā. Kaṇṇakoṇesu suttānīti cīvarakaṇṇesu suttāni ceva gaṇṭhikapāsakapaṭṭānaṃ koṇesu suttāni ca chindeyya. Ettha ca cīvare āyāmato, vitthārato ca sibbitvā anuvātato bahi nikkhantasuttaṃ cīvaraṃ rajitvā sukkhāpanakāle rajjuyā vā cīvaravaṃse vā bandhitvā olambituṃ anuvāte baddhasuttāni ca kaṇṇasuttāni nāma. Yathāha – ‘‘cīvarassa kaṇṇasuttakaṃ na vaṭṭati, rajitakāle chinditabbaṃ. Yaṃ pana ‘anujānāmi, bhikkhave, kaṇṇasuttaka’nti (mahāva. 344) evaṃ anuññātaṃ, taṃ anuvāte pāsakaṃ katvā bandhitabbaṃ, rajanakāle lagganatthāyā’’ti (pārā. aṭṭha. 1.85 pāḷimuttakavinicchaya).
3039. суужигаммавигаарам̣ ваад̇и жийвараман̣д̣анад̇т̇ааяа наанаасуд̇д̇агзхи сад̇абад̣̇исад̣̇исам̣ сиб̣б̣анд̇аа ааг̇анд̇угабаддам̣ табзнд̇и, зваруубам̣ суужигаммавигаарам̣ ваа. ан̃н̃ам̣ ваа бана гин̃жибийд̇и ан̃н̃амби яам̣ гин̃жи маалаагаммамиг̇абагкибаад̣̇аад̣̇игам̣ сиб̣б̣анавигаарам̣. гаад̇унд̇и саяам̣ гаад̇ум̣. гаараабзд̇унд̇и ан̃н̃зна ваа гаараабзд̇ум̣.
3039.Sūcikammavikāraṃ vāti cīvaramaṇḍanatthāya nānāsuttakehi satapadisadisaṃ sibbantā āgantukapaṭṭaṃ ṭhapenti, evarūpaṃ sūcikammavikāraṃ vā. Aññaṃ vā pana kiñcipīti aññampi yaṃ kiñci mālākammamigapakkhipādādikaṃ sibbanavikāraṃ. Kātunti sayaṃ kātuṃ. Kārāpetunti aññena vā kārāpetuṃ.
3040. яо бхигку барам̣ уд̇д̇амам̣ ван̣н̣амадтам̣ абхибад̇т̇аяам̣ бад̇т̇аяанд̇о ган̃ж̇ибидтакалиаллигаад̣̇ийсу жийварам̣ багкибад̇и, д̇асса бана бхигкуно д̣̇уггадаа могко на виж̇ж̇ад̇ийд̇и яож̇анаа. ган̃ж̇ийд̇и вааяанад̇анд̇амагканаган̃ж̇исад̣̇исаа т̇уулааган̃ж̇и. бидтанд̇и д̇ан̣д̣улабидтам̣. д̇ан̣д̣улабидтзхи баггаа кали. аллигаад̇и нияяаасо. аад̣̇и-сад̣̇д̣̇зна лаакаад̣̇ийнам̣ г̇ахан̣ам̣.
3040. Yo bhikkhu paraṃ uttamaṃ vaṇṇamaṭṭhaṃ abhipatthayaṃ patthayanto kañjipiṭṭhakhaliallikādīsu cīvaraṃ pakkhipati, tassa pana bhikkhuno dukkaṭā mokkho na vijjatīti yojanā. Kañjīti vāyanatantamakkhanakañjisadisā thūlākañji. Piṭṭhanti taṇḍulapiṭṭhaṃ. Taṇḍulapiṭṭhehi pakkā khali. Allikāti niyyāso. Ādi-saddena lākhādīnaṃ gahaṇaṃ.
3041. жийварасса гаран̣з гаран̣агаалз самудтид̇аанам̣ суужихад̇т̇амалаад̣̇ийнам̣ д̇хованад̇т̇ам̣, гилидтагаалз жа д̇хованад̇т̇ам̣ ган̃ж̇ибидтикалиаллигаад̣̇ийсу багкибад̇и, ваддад̇ийд̇и яож̇анаа.
3041. Cīvarassa karaṇe karaṇakāle samuṭṭhitānaṃ sūcihatthamalādīnaṃ dhovanatthaṃ, kiliṭṭhakāle ca dhovanatthaṃ kañjipiṭṭhikhaliallikādīsu pakkhipati, vaṭṭatīti yojanā.
3042. д̇ад̇т̇аад̇и язна гасаавзна жийварам̣ раж̇ад̇и, д̇асмим̣ раж̇анз жийварасса суг̇анд̇хабхаавад̇т̇ааяа г̇анд̇хам̣ ваа уж̇ж̇алабхаавад̇т̇ааяа д̇злам̣ ваа ван̣н̣ад̇т̇ааяа лаакам̣ ваа. гин̃жийд̇и зваруубам̣ яам̣ гин̃жи.
3042.Tatthāti yena kasāvena cīvaraṃ rajati, tasmiṃ rajane cīvarassa sugandhabhāvatthāya gandhaṃ vā ujjalabhāvatthāya telaṃ vā vaṇṇatthāya lākhaṃ vā. Kiñcīti evarūpaṃ yaṃ kiñci.
3043. ман̣инаад̇и баасаан̣зна. ан̃н̃знаби жа гзнажийд̇и язна уж̇ж̇алам̣ ход̇и, зваруубзна муг̇г̇араад̣̇инаа ан̃н̃знааби гзнажи вад̇т̇унаа. д̣̇он̣ияаад̇и раж̇анамб̣ан̣з. на гхам̣сид̇аб̣б̣ам̣ хад̇т̇зна г̇аахзд̇ваа на гхаддзд̇аб̣б̣ам̣.
3043.Maṇināti pāsāṇena. Aññenapi ca kenacīti yena ujjalaṃ hoti, evarūpena muggarādinā aññenāpi kenaci vatthunā. Doṇiyāti rajanambaṇe. Na ghaṃsitabbaṃ hatthena gāhetvā na ghaṭṭetabbaṃ.
3044. рад̇д̇ам̣ жийварам̣ хад̇т̇зхи гин̃жи т̇огам̣ бахарид̇ум̣ ваддад̇ийд̇и яож̇анаа. ‘‘яад̇т̇а баггараж̇анам̣ багкибанд̇и, саа раж̇анад̣̇он̣и, д̇ад̇т̇а ам̣саб̣ад̣̇д̇хагагааяаб̣анд̇ханаад̣̇им̣ гхаддзд̇ум̣ ваддад̇ий’’д̇и г̇ан̣тибад̣̇з вуд̇д̇ам̣.
3044. Rattaṃ cīvaraṃ hatthehi kiñci thokaṃ paharituṃ vaṭṭatīti yojanā. ‘‘Yattha pakkarajanaṃ pakkhipanti, sā rajanadoṇi, tattha aṃsabaddhakakāyabandhanādiṃ ghaṭṭetuṃ vaṭṭatī’’ti gaṇṭhipade vuttaṃ.
3045. г̇ан̣тигзд̇и взл̣уд̣̇анд̇ависаан̣аад̣̇имаяаг̇ан̣тигз. лзкаа ваад̇и ваддаад̣̇ибхзд̣̇аа лзкаа ваа. бил̣агаа ваад̇и саасабаб̣ийж̇асад̣̇исаа куд̣̇д̣̇агабуб̣б̣ул̣аа ваа. баал̣иган̣н̣игабхзд̣̇агод̇и ман̣игаавал̣ируубабубпаган̣н̣игаруубабхзд̣̇аго. габбаб̣инд̣̇увигааро ваа на ваддад̇ийд̇и яож̇анаа.
3045.Gaṇṭhiketi veḷudantavisāṇādimayagaṇṭhike. Lekhā vāti vaṭṭādibhedā lekhā vā. Piḷakā vāti sāsapabījasadisā khuddakapubbuḷā vā. Pāḷikaṇṇikabhedakoti maṇikāvaḷirūpapupphakaṇṇikarūpabhedako. Kappabinduvikāro vā na vaṭṭatīti yojanā.
3046. аараг̇г̇знаад̇и аараган̣дагаг̇г̇зна, суужимукзна ваа. гаажиби лзкаад̇и ваддагаг̇омуд̇д̇аад̣̇исан̣таанаа яаа гаажиби рааж̇и.
3046.Āraggenāti ārakaṇṭakaggena, sūcimukhena vā. Kācipi lekhāti vaṭṭakagomuttādisaṇṭhānā yā kācipi rāji.
3047. бхамам̣ ааробзд̇ваад̇и бхамз аллияаабзд̇ваа.
3047.Bhamaṃ āropetvāti bhame alliyāpetvā.
3048. бад̇д̇аман̣д̣алагзд̇и бад̇д̇з чавирагканад̇т̇ааяа д̇ибусийсаад̣̇ийхи гад̇з бад̇д̇асса хздтаа аад̇хаараад̣̇ийнам̣ убари гаад̇аб̣б̣з бад̇д̇аман̣д̣алагз. бхид̇д̇игамманд̇и вибхад̇д̇ам̣ гад̇ваа наанаагаараруубагагаммажид̇д̇ам̣. яат̇ааха ‘‘на бхигкавз жид̇раани бад̇д̇аман̣д̣алаани д̇хаарзд̇аб̣б̣аани руубагаагин̣н̣аани бхид̇д̇игаммагад̇ааний’’д̇и (жуул̣ава. 253). д̇ад̇т̇аад̇и д̇асмим̣ бад̇д̇аман̣д̣алз. ассаад̇и бхигкусса. магарад̣̇анд̇аганд̇и г̇иригуудаагаарам̣.
3048.Pattamaṇḍalaketi patte chavirakkhanatthāya tipusīsādīhi kate pattassa heṭṭhā ādhārādīnaṃ upari kātabbe pattamaṇḍalake. Bhittikammanti vibhattaṃ katvā nānākārarūpakakammacittaṃ. Yathāha ‘‘na bhikkhave citrāni pattamaṇḍalāni dhāretabbāni rūpakākiṇṇāni bhittikammakatānī’’ti (cūḷava. 253). Tatthāti tasmiṃ pattamaṇḍale. Assāti bhikkhussa. Makaradantakanti girikūṭākāraṃ.
3049. мукаваддияам̣ яаа лзкаа бариссааванаб̣анд̇ханад̇т̇ааяа анун̃н̃аад̇аа, д̇ам̣ лзкам̣ табзд̇ваа д̇хаммагаран̣ажчад̇д̇з ваа гужчияам̣ ваа гаажиби лзкаа на ваддад̇ийд̇и яож̇анаа.
3049. Mukhavaṭṭiyaṃ yā lekhā parissāvanabandhanatthāya anuññātā, taṃ lekhaṃ ṭhapetvā dhammakaraṇacchatte vā kucchiyaṃ vā kācipi lekhā na vaṭṭatīti yojanā.
3050. д̇ахим̣ д̇ахинд̇и мад̇д̇игааяа д̇ад̇т̇а д̇ад̇т̇а. д̇анд̇и д̇ат̇аагоддид̇ад̣̇иг̇ун̣асуд̇д̇агааяаб̣анд̇ханам̣.
3050.Tahiṃ tahinti mattikāya tattha tattha. Tanti tathākoṭṭitadiguṇasuttakāyabandhanaṃ.
3051. анд̇зсу д̣̇ал̣хад̇т̇ааяа д̣̇асаамукз д̣̇иг̇ун̣ам̣ гад̇ваа годдзнд̇и, ваддад̇ийд̇и яож̇анаа. жид̇д̇игамбийд̇и маалаагаммалад̇аагаммажид̇д̇аяуд̇д̇амби гааяаб̣анд̇ханам̣.
3051. Antesu daḷhatthāya dasāmukhe diguṇaṃ katvā koṭṭenti, vaṭṭatīti yojanā. Cittikampīti mālākammalatākammacittayuttampi kāyabandhanaṃ.
3052. агкийнийд̇и гун̃ж̇арагкийни. д̇ад̇т̇аад̇и гааяаб̣анд̇ханз ваддад̇ийд̇и гаа гат̇аа. удтаабзд̇унд̇и уггирид̇ум̣.
3052.Akkhīnīti kuñjarakkhīni. Tatthāti kāyabandhane vaṭṭatīti kā kathā. Uṭṭhāpetunti ukkirituṃ.
3053. гхаданд̇и гхадасан̣таанам̣. д̣̇зд̣д̣убхасийсам̣ ваад̇и уд̣̇агасаббасийсамукасан̣таанам̣ ваа. яам̣ гин̃жи вигаараруубам̣ д̣̇асаамукз на ваддад̇ийд̇и яож̇анаа.
3053.Ghaṭanti ghaṭasaṇṭhānaṃ. Deḍḍubhasīsaṃ vāti udakasappasīsamukhasaṇṭhānaṃ vā. Yaṃ kiñci vikārarūpaṃ dasāmukhe na vaṭṭatīti yojanā.
3054. мажчаган̣данд̇и мажчаган̣дагаагаарам̣. каж̇ж̇уурибад̇д̇агаагааранд̇и каж̇ж̇уурибад̇д̇асан̣таанам̣. мажчаган̣дам̣ ваа мадтам̣ баддигам̣ ваа каж̇ж̇уурибад̇д̇агаагаарам̣ ваа уж̇угам̣ гад̇ваа годдид̇ам̣ ваддад̇ийд̇и яож̇анаа. зд̇т̇а жа убхаяабассзсу мажчаган̣дагаяуд̇д̇ам̣ мажчасса бидтиган̣дагам̣ вияа яасса баддигааяа вааяанам̣ ход̇и, ид̣̇ам̣ гааяаб̣анд̇ханам̣ мажчаган̣дагам̣ наама. яасса каж̇ж̇уурибад̇д̇асан̣таанамива вааяанам̣ ход̇и, д̇ам̣ каж̇ж̇уурибад̇д̇агаагаарам̣ наама.
3054.Macchakaṇṭanti macchakaṇṭakākāraṃ. Khajjūripattakākāranti khajjūripattasaṇṭhānaṃ. Macchakaṇṭaṃ vā maṭṭhaṃ paṭṭikaṃ vā khajjūripattakākāraṃ vā ujukaṃ katvā koṭṭitaṃ vaṭṭatīti yojanā. Ettha ca ubhayapassesu macchakaṇṭakayuttaṃ macchassa piṭṭhikaṇṭakaṃ viya yassa paṭṭikāya vāyanaṃ hoti, idaṃ kāyabandhanaṃ macchakaṇṭakaṃ nāma. Yassa khajjūripattasaṇṭhānamiva vāyanaṃ hoti, taṃ khajjūripattakākāraṃ nāma.
3055. багад̇ивийд̇аа баддигаа. суугаранд̇ам̣наама гун̃жигаагосагасан̣таанам̣. д̇асса д̣̇увид̇хасса гааяаб̣анд̇ханасса. д̇ад̇т̇а раж̇ж̇угаа суугаранд̇аануломигаа, д̣̇уссабаддам̣ баддигаануломигам̣. аад̣̇и-сад̣̇д̣̇зна муд̣̇д̣̇игагааяаб̣анд̇ханам̣ г̇ахид̇ам̣, д̇ан̃жа суугаранд̇аануломигам̣. яат̇ааха – ‘‘згараж̇ж̇угам̣, бана муд̣̇д̣̇игагааяаб̣анд̇ханан̃жа суугаранд̇агам̣ ануломзд̇ий’’д̇и (жуул̣ава. адта. 278). д̇ад̇т̇а згараж̇ж̇угаа наама згаваддаа. б̣ахураж̇ж̇угасса агаббияабхаавам̣ вагкад̇и. ‘‘муд̣̇д̣̇игагааяаб̣анд̇ханам̣ наама жад̇урассам̣ агад̇ваа саж̇ж̇ид̇а’’нд̇и г̇ан̣тибад̣̇з вуд̇д̇ам̣.
3055. Pakativītā paṭṭikā. Sūkarantaṃnāma kuñcikākosakasaṇṭhānaṃ. Tassa duvidhassa kāyabandhanassa. Tattha rajjukā sūkarantānulomikā, dussapaṭṭaṃ paṭṭikānulomikaṃ. Ādi-saddena muddikakāyabandhanaṃ gahitaṃ, tañca sūkarantānulomikaṃ. Yathāha – ‘‘ekarajjukaṃ, pana muddikakāyabandhanañca sūkarantakaṃ anulometī’’ti (cūḷava. aṭṭha. 278). Tattha ekarajjukā nāma ekavaṭṭā. Bahurajjukassa akappiyabhāvaṃ vakkhati. ‘‘Muddikakāyabandhanaṃ nāma caturassaṃ akatvā sajjita’’nti gaṇṭhipade vuttaṃ.
3056. мураж̇ам̣ наама мураж̇аваддисан̣таанам̣ взтзд̇ваа гад̇ам̣. взтзд̇ваад̇и наанаасуд̇д̇зхи взтзд̇ваа. сигкаабхааж̇анавинижчаяз бана ‘‘б̣ахугаа раж̇ж̇уяо згад̇о гад̇ваа згааяа раж̇ж̇уяаа взтид̇ам̣ мураж̇ам̣ наамаа’’д̇и вуд̇д̇ам̣. мад̣̇д̣̇авийн̣ам̣ наама бааман̇г̇асан̣таанам̣. д̣̇зд̣д̣убхагам̣ наама уд̣̇агасаббасийсасад̣̇исам̣. галааб̣угам̣ наама б̣ахураж̇ж̇угам̣. раж̇ж̇уяод̇и убхаяагодияам̣ згад̇о аб̣ад̣̇д̇хаа б̣ахуу раж̇ж̇уяо, д̇ат̇аа б̣ад̣̇д̇хаа галааб̣угам̣ наама ход̇ийд̇и. на вадданд̇ийд̇и мураж̇аад̣̇ийни имаани саб̣б̣аани гааяаб̣анд̇ханаани на вадданд̇и. буримаа д̣̇взд̇и мураж̇ам̣, мад̣̇д̣̇авийн̣ан̃жаад̇и д̣̇вз. ‘‘д̣̇асаасу сияу’’нд̇и вад̇д̇аб̣б̣з г̇аат̇ааб̣анд̇хавасзна ван̣н̣алобзна ‘‘д̣̇асаа сияу’’нд̇и вуд̇д̇ам̣. яат̇ааха – ‘‘мураж̇ам̣ мад̣̇д̣̇авийн̣а’нд̇и ид̣̇ам̣ д̣̇асаасуязва анун̃н̃аад̇а’’нд̇и (жуул̣ава. адта. 278).
3056.Murajaṃ nāma murajavaṭṭisaṇṭhānaṃ veṭhetvā kataṃ. Veṭhetvāti nānāsuttehi veṭhetvā. Sikkhābhājanavinicchaye pana ‘‘bahukā rajjuyo ekato katvā ekāya rajjuyā veṭhitaṃ murajaṃ nāmā’’ti vuttaṃ. Maddavīṇaṃ nāma pāmaṅgasaṇṭhānaṃ. Deḍḍubhakaṃ nāma udakasappasīsasadisaṃ. Kalābukaṃ nāma bahurajjukaṃ. Rajjuyoti ubhayakoṭiyaṃ ekato abaddhā bahū rajjuyo, tathā baddhā kalābukaṃ nāma hotīti. Na vaṭṭantīti murajādīni imāni sabbāni kāyabandhanāni na vaṭṭanti. Purimā dveti murajaṃ, maddavīṇañcāti dve. ‘‘Dasāsu siyu’’nti vattabbe gāthābandhavasena vaṇṇalopena ‘‘dasā siyu’’nti vuttaṃ. Yathāha – ‘‘murajaṃ maddavīṇa’nti idaṃ dasāsuyeva anuññāta’’nti (cūḷava. aṭṭha. 278).
3057. бааман̇г̇асан̣таанаад̇и бааман̇г̇ад̣̇аамам̣ вияа жад̇урассасан̣таанаа.
3057.Pāmaṅgasaṇṭhānāti pāmaṅgadāmaṃ viya caturassasaṇṭhānā.
3058. згараж̇ж̇умаяанд̇и наанааваддз згад̇о ваддзд̇ваа гад̇араж̇ж̇умаяам̣ гааяаб̣анд̇ханам̣. ваддам̣ ваддад̇ийд̇и ‘‘раж̇ж̇угаа д̣̇уссабаддаад̣̇ий’’д̇и зд̇т̇а згаваддараж̇ж̇угаа г̇ахид̇аа, ид̇ха бана наанааваддз згад̇о ваддзд̇ваа гад̇аава згараж̇ж̇угаа г̇ахид̇аа. д̇ан̃жаад̇и д̇амби згараж̇ж̇угагааяаб̣анд̇ханам̣. бааман̇г̇асан̣таанам̣ згамби на жа ваддад̇ийд̇и гзваламби на ваддад̇и.
3058.Ekarajjumayanti nānāvaṭṭe ekato vaṭṭetvā katarajjumayaṃ kāyabandhanaṃ. Vaṭṭaṃ vaṭṭatīti ‘‘rajjukā dussapaṭṭādī’’ti ettha ekavaṭṭarajjukā gahitā, idha pana nānāvaṭṭe ekato vaṭṭetvā katāva ekarajjukā gahitā. Tañcāti tampi ekarajjukakāyabandhanaṃ. Pāmaṅgasaṇṭhānaṃ ekampi na ca vaṭṭatīti kevalampi na vaṭṭati.
3059. б̣ахуу раж̇ж̇угз згад̇о гад̇ваад̇и яож̇анаа. ваддад̇и б̣анд̇хид̇унд̇и мураж̇ам̣, галааб̣угам̣ ваа на ход̇и, раж̇ж̇угагааяаб̣анд̇ханамзва ход̇ийд̇и ад̇хиббааяо. аяам̣ бана винижчаяо ‘‘б̣ахуу раж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ ‘б̣ахураж̇ж̇уга’нд̇и на вад̇д̇аб̣б̣ам̣, д̇ам̣ ваддад̇ий’’д̇и (баараа. адта. 1.85 баал̣имуд̇д̇агавинижчаяа) адтагат̇ааг̇ад̇ова ид̇ха вуд̇д̇о. сигкаабхааж̇анавинижчаяз ‘‘б̣ахугаа раж̇ж̇уяо згад̇о гад̇ваа згааяа раж̇ж̇уяаа взтид̇ам̣ мураж̇ам̣ наамаа’’д̇и яам̣ вуд̇д̇ам̣, д̇ам̣ иминаа вируж̇жханад̇о на г̇ахзд̇аб̣б̣ам̣.
3059. Bahū rajjuke ekato katvāti yojanā. Vaṭṭati bandhitunti murajaṃ, kalābukaṃ vā na hoti, rajjukakāyabandhanameva hotīti adhippāyo. Ayaṃ pana vinicchayo ‘‘bahū rajjuke ekato katvā ekena nirantaraṃ veṭhetvā kataṃ ‘bahurajjuka’nti na vattabbaṃ, taṃ vaṭṭatī’’ti (pārā. aṭṭha. 1.85 pāḷimuttakavinicchaya) aṭṭhakathāgatova idha vutto. Sikkhābhājanavinicchaye ‘‘bahukā rajjuyo ekato katvā ekāya rajjuyā veṭhitaṃ murajaṃ nāmā’’ti yaṃ vuttaṃ, taṃ iminā virujjhanato na gahetabbaṃ.
3060. д̣̇анд̇а-сад̣̇д̣̇зна хад̇т̇ид̣̇анд̇аа вуд̇д̇аа. ж̇ад̇ууд̇и лаакаа. сан̇камаяанд̇и сан̇канаабхимаяам̣. вид̇хагаа мад̇аад̇и зд̇т̇а ‘‘взтагаа’’д̇иби баато вид̇хабарияааяо.
3060.Danta-saddena hatthidantā vuttā. Jatūti lākhā. Saṅkhamayanti saṅkhanābhimayaṃ. Vidhakā matāti ettha ‘‘veṭhakā’’tipi pāṭho vidhapariyāyo.
3061. гааяаб̣анд̇ханавид̇хзд̇и гааяаб̣анд̇ханасса д̣̇асааяа т̇ирабхаавад̇т̇ам̣ гадтад̣̇анд̇аад̣̇ийхи гад̇з вид̇хз. вигааро адтаман̇г̇алаад̣̇иго. д̇ад̇т̇а д̇ад̇т̇аад̇и д̇асмим̣ д̇асмим̣ таанз, убхаяагодияанд̇и ад̇т̇о. д̇у-сад̣̇д̣̇зна гхадаагаароби ваддад̇ийд̇и д̣̇ийбзд̇и.
3061.Kāyabandhanavidheti kāyabandhanassa dasāya thirabhāvatthaṃ kaṭṭhadantādīhi kate vidhe. Vikāro aṭṭhamaṅgalādiko. Tattha tatthāti tasmiṃ tasmiṃ ṭhāne, ubhayakoṭiyanti attho. Tu-saddena ghaṭākāropi vaṭṭatīti dīpeti.
3062. маалаа …бз… вижид̇д̇ид̇аад̇и маалаагаммалад̇аагаммзхи жа миг̇абагкируубаад̣̇инаанааруубзхи жа вижид̇д̇ид̇аа. ж̇анаран̃ж̇анийд̇и б̣аалаж̇анабалобхиний.
3062.Mālā…pe… vicittitāti mālākammalatākammehi ca migapakkhirūpādinānārūpehi ca vicittitā. Janarañjanīti bālajanapalobhinī.
3064. адтам̣саа ваабийд̇и зд̇т̇а аби-сад̣̇д̣̇зна сол̣асам̣саад̣̇ийнам̣ г̇ахан̣ам̣. ван̣н̣амадтаад̇и маалаагаммаад̣̇иван̣н̣амадтаа.
3064.Aṭṭhaṃsā vāpīti ettha api-saddena soḷasaṃsādīnaṃ gahaṇaṃ. Vaṇṇamaṭṭhāti mālākammādivaṇṇamaṭṭhā.
3065. ан̃ж̇анисалаагааби д̇ат̇аа ван̣н̣амадтаа на ваддад̇ийд̇и яож̇анаа. ‘‘ан̃ж̇анид̇т̇авигааяа жа, наанааван̣н̣зхи суд̇д̇зхи, жид̇д̇агаммам̣ на ваддад̇ий’’д̇и баато яуж̇ж̇ад̇и. ‘‘т̇авигааби жаа’’д̇и баато д̣̇иссад̇и, со на г̇ахзд̇аб̣б̣о.
3065. Añjanisalākāpi tathā vaṇṇamaṭṭhā na vaṭṭatīti yojanā. ‘‘Añjanitthavikāya ca, nānāvaṇṇehi suttehi, cittakammaṃ na vaṭṭatī’’ti pāṭho yujjati. ‘‘Thavikāpi cā’’ti pāṭho dissati, so na gahetabbo.
3066. рад̇д̇аад̣̇инаа язна гзнажи згаван̣н̣зна суд̇д̇зна билод̇игаад̣̇имаяам̣ яам̣ гин̃жи сибаадигам̣ сиб̣б̣зд̇ваа вал̣ан̃ж̇анд̇асса ваддад̇ийд̇и яож̇анаа.
3066. Rattādinā yena kenaci ekavaṇṇena suttena pilotikādimayaṃ yaṃ kiñci sipāṭikaṃ sibbetvā vaḷañjantassa vaṭṭatīti yojanā.
3067. ман̣иганд̇и т̇уулабуб̣б̣ул̣ам̣. бил̣аганд̇и сукумабуб̣б̣ул̣ам̣. бибпалзд̇и вад̇т̇ажчзд̣̇анасад̇т̇з. аараган̣дагзд̇и бад̇д̇аад̇хааравалаяаанам̣ виж̇жханаган̣дагз. табзд̇унд̇и удтаабзд̇ум̣. яам̣ гин̃жийд̇и сзсам̣ ван̣н̣амадтамби жа.
3067.Maṇikanti thūlapubbuḷaṃ. Piḷakanti sukhumapubbuḷaṃ. Pipphaleti vatthacchedanasatthe. Ārakaṇṭaketi pattādhāravalayānaṃ vijjhanakaṇṭake. Ṭhapetunti uṭṭhāpetuṃ. Yaṃ kiñcīti sesaṃ vaṇṇamaṭṭhampi ca.
3068. д̣̇ан̣д̣агзд̇и бибпалад̣̇ан̣д̣агз. яат̇ааха – ‘‘бибпалагзби ман̣игам̣ ваа бил̣агам̣ ваа яам̣ гин̃жи удтаабзд̇ум̣ на ваддад̇и, д̣̇ан̣д̣агз бана барижчзд̣̇алзкаа ваддад̇ий’’д̇и. барижчзд̣̇алзкаамад̇д̇анд̇и аан̣иб̣анд̇ханадтаанам̣ бад̇ваа барижчинд̣̇анад̇т̇ам̣ згаава лзкаа ваддад̇и. валид̇ваад̇и убхаяагодияаа мукам̣ гад̇ваа маж̇жхз валияо г̇аахзд̇ваа. накажчзд̣̇анам̣ яасмаа гаронд̇и, д̇асмаа ваддад̇ийд̇и яож̇анаа.
3068.Daṇḍaketi pipphaladaṇḍake. Yathāha – ‘‘pipphalakepi maṇikaṃ vā piḷakaṃ vā yaṃ kiñci uṭṭhāpetuṃ na vaṭṭati, daṇḍake pana paricchedalekhā vaṭṭatī’’ti. Paricchedalekhāmattanti āṇibandhanaṭṭhānaṃ patvā paricchindanatthaṃ ekāva lekhā vaṭṭati. Valitvāti ubhayakoṭiyā mukhaṃ katvā majjhe valiyo gāhetvā. Nakhacchedanaṃ yasmā karonti, tasmā vaṭṭatīti yojanā.
3069. аран̣исахид̇з ганд̇агижжагаро д̣̇ан̣д̣о уд̇д̇арааран̣ий наама. ваабийд̇и би-сад̣̇д̣̇зна ад̇харааран̣им̣ сан̇г̇ан̣хаад̇и, уд̣̇угкалад̣̇ан̣д̣ассзд̇ам̣ ад̇хиважанам̣. ан̃чанагаяанд̇ад̇хану д̇ханугам̣ наама. мусаламад̇т̇агабийл̣анад̣̇ан̣д̣аго бзллад̣̇ан̣д̣аго наама.
3069. Araṇisahite kantakiccakaro daṇḍo uttarāraṇī nāma. Vāpīti pi-saddena adharāraṇiṃ saṅgaṇhāti, udukkhaladaṇḍassetaṃ adhivacanaṃ. Añchanakayantadhanu dhanukaṃ nāma. Musalamatthakapīḷanadaṇḍako pelladaṇḍako nāma.
3070. сан̣д̣аасзд̇и аг̇г̇исан̣д̣аасам̣ вад̣̇анд̇и. гадтажчзд̣̇анаваасияаа д̇ат̇аа яам̣ гин̃жи ван̣н̣амадтам̣ на ваддад̇ийд̇и самб̣анд̇хо. д̣̇вийсу бассзсууд̇и ваасияаа убхосу бассзсу. лохзнаад̇и габбияалохзна . б̣анд̇хид̇ум̣ ваддад̇ийд̇и уж̇угамзва жад̇урассам̣ ваа адтам̣сам̣ ваа б̣анд̇хид̇ум̣ ваддад̇и. ‘‘сан̣д̣аасзд̇и аг̇г̇исан̣д̣аасз’’д̇и ниссанд̣̇зхз вуд̇д̇ам̣. адтагат̇ааяам̣ банзд̇т̇а суужисан̣д̣аасо д̣̇ассид̇о.
3070.Saṇḍāseti aggisaṇḍāsaṃ vadanti. Kaṭṭhacchedanavāsiyā tathā yaṃ kiñci vaṇṇamaṭṭhaṃ na vaṭṭatīti sambandho. Dvīsu passesūti vāsiyā ubhosu passesu. Lohenāti kappiyalohena . Bandhituṃ vaṭṭatīti ujukameva caturassaṃ vā aṭṭhaṃsaṃ vā bandhituṃ vaṭṭati. ‘‘Saṇḍāseti aggisaṇḍāse’’ti nissandehe vuttaṃ. Aṭṭhakathāyaṃ panettha sūcisaṇḍāso dassito.
3071. хздтад̇од̇и хздтаа аяобаддавалаяасса. ‘‘убари ахижчад̇д̇амагуламад̇д̇а’’нд̇и адтагат̇ааяам̣ вуд̇д̇ам̣.
3071.Heṭṭhatoti heṭṭhā ayopaṭṭavalayassa. ‘‘Upari ahicchattamakulamatta’’nti aṭṭhakathāyaṃ vuttaṃ.
3072. висаан̣зд̇и д̇злаасин̃жанагаг̇аваяамахим̣саад̣̇исин̇г̇з. наал̣ияам̣ ваабийд̇и взл̣унаал̣игаад̣̇инаал̣ияам̣. аби-сад̣̇д̣̇зна алааб̣ум̣ сан̇г̇ан̣хаад̇и. ааман̣д̣асаарагзд̇и аамалагажун̣н̣амаяад̇злагхадз. д̇злабхааж̇анагзд̇и вуд̇д̇аббагаарзязва д̇злабхааж̇анз. саб̣б̣ам̣ ван̣н̣амадтам̣ ваддад̇ийд̇и бумид̇т̇ируубарахид̇ам̣ маалаагаммаад̣̇и саб̣б̣ам̣ ван̣н̣амадтам̣ ваддад̇и.
3072.Visāṇeti telāsiñcanakagavayamahiṃsādisiṅge. Nāḷiyaṃ vāpīti veḷunāḷikādināḷiyaṃ. Api-saddena alābuṃ saṅgaṇhāti. Āmaṇḍasāraketi āmalakacuṇṇamayatelaghaṭe. Telabhājanaketi vuttappakāreyeva telabhājane. Sabbaṃ vaṇṇamaṭṭhaṃ vaṭṭatīti pumitthirūparahitaṃ mālākammādi sabbaṃ vaṇṇamaṭṭhaṃ vaṭṭati.
3073-5. баанийяасса ул̣ун̇гзд̇и баанийяаул̣ун̇гз. д̣̇он̣ияам̣ раж̇анассабийд̇и раж̇анад̣̇он̣ияамби. палагабийтзд̇и палагамаяз бийтз. валаяаад̇хаарагаад̣̇игзд̇и д̣̇анд̇авалаяаад̣̇иаад̇хаарагз. аад̣̇и-сад̣̇д̣̇зна д̣̇ан̣д̣аад̇хаараго сан̇г̇ахид̇о. баад̣̇абун̃чанияанд̇и жол̣аад̣̇имаяабаад̣̇абун̃чанияам̣. бийтзд̇и баад̣̇абийтз. сахажариязна баад̣̇агат̇алигааяан̃жа. жид̇д̇ам̣ саб̣б̣амзва жа ваддад̇ийд̇и яат̇аавуд̇д̇з бхигкубаригкаарз маад̇уг̇аамаруубарахид̇ам̣, бхигкунибаригкаарз бурисаруубарахид̇ам̣ авасзсам̣ саб̣б̣ам̣ жид̇д̇агаммам̣.
3073-5.Pānīyassa uḷuṅketi pānīyauḷuṅke. Doṇiyaṃ rajanassapīti rajanadoṇiyampi. Phalakapīṭheti phalakamaye pīṭhe. Valayādhārakādiketi dantavalayādiādhārake. Ādi-saddena daṇḍādhārako saṅgahito. Pādapuñchaniyanti coḷādimayapādapuñchaniyaṃ. Pīṭheti pādapīṭhe. Sahacariyena pādakathalikāyañca. Cittaṃ sabbameva ca vaṭṭatīti yathāvutte bhikkhuparikkhāre mātugāmarūparahitaṃ, bhikkhuniparikkhāre purisarūparahitaṃ avasesaṃ sabbaṃ cittakammaṃ.
3076. наанаа жа д̇з ман̣аяо жаад̇и наанааман̣ий, инд̣̇анийлаад̣̇аяо, наанааман̣ийхи гад̇аа наанааман̣имаяаа, т̇амбхаа жа гаваадаа жа д̣̇ваараа жа бхид̇д̇ияо жа т̇амбхагаваадад̣̇ваарабхид̇д̇ияо, наанааман̣имаяаа т̇амбхагаваадад̣̇ваарабхид̇д̇ияо яасмим̣ д̇ам̣ д̇ат̇аа вуд̇д̇ам̣. гаа гат̇аа ван̣н̣амадтагзд̇и маалаагаммалад̇аагаммажид̇д̇агаммаад̣̇иван̣н̣амадтагз вад̇д̇аб̣б̣амзва над̇т̇ийд̇и ад̇т̇о.
3076. Nānā ca te maṇayo cāti nānāmaṇī, indanīlādayo, nānāmaṇīhi katā nānāmaṇimayā, thambhā ca kavāṭā ca dvārā ca bhittiyo ca thambhakavāṭadvārabhittiyo, nānāmaṇimayā thambhakavāṭadvārabhittiyo yasmiṃ taṃ tathā vuttaṃ. Kā kathā vaṇṇamaṭṭhaketi mālākammalatākammacittakammādivaṇṇamaṭṭhake vattabbameva natthīti attho.
3077. т̇ааварасса рад̇анамаяабаасаад̣̇асса габбияабхаавам̣ д̣̇ассзд̇ваа суван̣н̣аад̣̇имаяассааби саб̣б̣абаасаад̣̇абарибхог̇асса габбияабхаавам̣ д̣̇ассзд̇умааха ‘‘сован̣н̣аяа’’нд̇иаад̣̇и. сован̣н̣аяанд̇и суван̣н̣амаяам̣. д̣̇ваарагаваадаанам̣ ананд̇араг̇аат̇ааяа д̣̇ассид̇ад̇д̇аа ‘‘д̣̇ваарагаваадаб̣анд̇ха’’нд̇и иминаа д̣̇ваарагаваадаб̣аахаасан̇каад̇ам̣ бидтасан̇гхаадам̣ г̇ахид̇ам̣. д̣̇вааран̃жа гаваадан̃жа д̣̇ваарагаваадаани, д̣̇ваарагаваадаанам̣ б̣анд̇хам̣ д̣̇ваарагаваадаб̣анд̇хам̣, уд̇д̇арабаасагуммаарасан̇каад̇ам̣ бидтасан̇гхааданд̇и ад̇т̇о. наанаа жа д̇з ман̣аяо жаад̇и наанааман̣ий , суван̣н̣ан̃жа наанааман̣ий жа суван̣н̣анаанааман̣ий, бхид̇д̇и жа бхууми жа бхид̇д̇ибхууми суван̣н̣анаанааман̣ийхи гад̇аа бхид̇д̇ибхууми суван̣н̣анаанааман̣ибхид̇д̇ибхууми. ид̇и имзсу сзнаасанааваяавзсу. на гин̃жи згамби нисзд̇ханийяанд̇и згамби сзнаасанабаригкаарам̣ гин̃жи на нисзд̇ханийяам̣, сзнаасанамби на бадигкибид̇аб̣б̣анд̇и ад̇т̇о. сзнаасанам̣ ваддад̇и саб̣б̣амзваад̇и саб̣б̣амзва сзнаасанабарибхог̇ам̣ ваддад̇и. яат̇ааха –
3077. Thāvarassa ratanamayapāsādassa kappiyabhāvaṃ dassetvā suvaṇṇādimayassāpi sabbapāsādaparibhogassa kappiyabhāvaṃ dassetumāha ‘‘sovaṇṇaya’’ntiādi. Sovaṇṇayanti suvaṇṇamayaṃ. Dvārakavāṭānaṃ anantaragāthāya dassitattā ‘‘dvārakavāṭabandha’’nti iminā dvārakavāṭabāhāsaṅkhātaṃ piṭṭhasaṅghāṭaṃ gahitaṃ. Dvārañca kavāṭañca dvārakavāṭāni, dvārakavāṭānaṃ bandhaṃ dvārakavāṭabandhaṃ, uttarapāsakummārasaṅkhātaṃ piṭṭhasaṅghāṭanti attho. Nānā ca te maṇayo cāti nānāmaṇī, suvaṇṇañca nānāmaṇī ca suvaṇṇanānāmaṇī, bhitti ca bhūmi ca bhittibhūmi suvaṇṇanānāmaṇīhi katā bhittibhūmi suvaṇṇanānāmaṇibhittibhūmi. Iti imesu senāsanāvayavesu. Na kiñci ekampi nisedhanīyanti ekampi senāsanaparikkhāraṃ kiñci na nisedhanīyaṃ, senāsanampi na paṭikkhipitabbanti attho. Senāsanaṃ vaṭṭati sabbamevāti sabbameva senāsanaparibhogaṃ vaṭṭati. Yathāha –
‘‘саб̣б̣ам̣ баасаад̣̇абарибхог̇анд̇и суван̣н̣араж̇ад̇аад̣̇ивижид̇раани гаваадаани ман̃жабийтаани д̇аалаван̣даани суван̣н̣араж̇ад̇амаяаани баанийяагхадабаанийяасарааваани яам̣ гин̃жи жид̇д̇агаммагад̇ам̣, саб̣б̣ам̣ ваддад̇и. ‘баасаад̣̇асса д̣̇аасид̣̇аасам̣ кзд̇д̇авад̇т̇ум̣ г̇омахим̣сам̣ д̣̇змаа’д̇и вад̣̇анд̇и, баадзггам̣ г̇ахан̣агижжам̣ над̇т̇и, баасаад̣̇з бадиг̇г̇ахид̇з бадиг̇г̇ахид̇амзва ход̇и. г̇онагаад̣̇ийни сан̇гхигавихаарз ваа буг̇г̇алигавихаарз ваа ман̃жабийтагзсу ад̇т̇арид̇ваа барибхун̃ж̇ид̇ум̣ на вадданд̇и. д̇хаммаасанз бана г̇ихивигад̇анийхаарзна лаб̣бханд̇и, д̇ад̇рааби нибаж̇ж̇ид̇ум̣ на ваддад̇ий’’д̇и (жуул̣ава. адта. 320).
‘‘Sabbaṃ pāsādaparibhoganti suvaṇṇarajatādivicitrāni kavāṭāni mañcapīṭhāni tālavaṇṭāni suvaṇṇarajatamayāni pānīyaghaṭapānīyasarāvāni yaṃ kiñci cittakammakataṃ, sabbaṃ vaṭṭati. ‘Pāsādassa dāsidāsaṃ khettavatthuṃ gomahiṃsaṃ demā’ti vadanti, pāṭekkaṃ gahaṇakiccaṃ natthi, pāsāde paṭiggahite paṭiggahitameva hoti. Gonakādīni saṅghikavihāre vā puggalikavihāre vā mañcapīṭhakesu attharitvā paribhuñjituṃ na vaṭṭanti. Dhammāsane pana gihivikatanīhārena labbhanti, tatrāpi nipajjituṃ na vaṭṭatī’’ti (cūḷava. aṭṭha. 320).
‘‘сован̣н̣ад̣̇ваарагаваадаб̣анд̇ха’’нд̇и ваа баато, б̣ахуб̣б̣ийхисамаасо. иминаа жа д̣̇уд̇ияабад̣̇зна жа сзнаасанам̣ висзсийяад̇и.
‘‘Sovaṇṇadvārakavāṭabandha’’nti vā pāṭho, bahubbīhisamāso. Iminā ca dutiyapadena ca senāsanaṃ visesīyati.
3078. на д̣̇авам̣ гарзд̇и ‘‘гим̣ б̣уд̣̇д̇хо силагаб̣уд̣̇д̇хо? гим̣ д̇хаммо г̇од̇хаммо аж̇ад̇хаммо? гим̣ сан̇гхо г̇осан̇гхо аж̇асан̇гхо миг̇асан̇гхо’’д̇и барихаасам̣ на гарзяяа. д̇ид̇т̇ияаб̣б̣ад̇ам̣ мууг̇аб̣б̣ад̇аад̣̇игам̣ нзва г̇ан̣хзяяаад̇и яож̇анаа.
3078.Na davaṃ kareti ‘‘kiṃ buddho silakabuddho? Kiṃ dhammo godhammo ajadhammo? Kiṃ saṅgho gosaṅgho ajasaṅgho migasaṅgho’’ti parihāsaṃ na kareyya. Titthiyabbataṃ mūgabbatādikaṃ neva gaṇheyyāti yojanā.
3079. д̇аа бхигкунияо уд̣̇агаад̣̇инаа вааби на син̃жзяяаад̇и яож̇анаа.
3079.Tā bhikkhuniyo udakādinā vāpi na siñceyyāti yojanā.
3080. ан̃н̃ад̇т̇а ан̃н̃асмим̣ вихаарз вассам̣вуд̇т̇о ан̃н̃ад̇т̇а ан̃н̃асмим̣ вихаарз бхааг̇ам̣ вассааваасигабхааг̇ам̣ г̇ан̣хаад̇и жз, д̣̇уггадам̣. д̇асмим̣ жийварз надтз ваа ж̇аж̇ж̇арз ж̇ин̣н̣з ваа г̇ийваа буна д̣̇аад̇аб̣б̣анд̇и яож̇анаа.
3080.Aññattha aññasmiṃ vihāre vassaṃvuttho aññattha aññasmiṃ vihāre bhāgaṃ vassāvāsikabhāgaṃ gaṇhāti ce, dukkaṭaṃ. Tasmiṃ cīvare naṭṭhe vā jajjare jiṇṇe vā gīvā puna dātabbanti yojanā.
3081. сод̇и ан̃н̃ад̇т̇а бхааг̇ам̣ г̇ан̣ханаго бхигку. д̇зхийд̇и жийварасаамигзхи. д̇анд̇и д̇ат̇аа г̇ахид̇ам̣ вассааваасигабхааг̇ам̣. д̇зсанд̇и жийварасаамигаанам̣.
3081.Soti aññattha bhāgaṃ gaṇhanako bhikkhu. Tehīti cīvarasāmikehi. Tanti tathā gahitaṃ vassāvāsikabhāgaṃ. Tesanti cīvarasāmikānaṃ.
3082. гарод̇од̇и гаараабаяад̇о. д̣̇аваа силам̣ бавиж̇жханд̇од̇и банд̇игийл̣ааяа гийл̣ад̇т̇игаанам̣ сиббад̣̇ассанавасзна сагкарам̣ ваа ниннадтаанам̣ бавадданавасзна баасаан̣ам̣ ваа бавиж̇жханд̇о. на гзвалан̃жа баасаан̣ам̣, ан̃н̃амби яам̣ гин̃жи д̣̇аарукан̣д̣ам̣ ваа идтагакан̣д̣ам̣ ваа хад̇т̇зна ваа яанд̇зна ваа бавиж̇жхид̇ум̣ на ваддад̇и. жзд̇ияаад̣̇ийнам̣ ад̇т̇ааяа баасаан̣аад̣̇аяо хасанд̇аа хасанд̇аа баваддзнд̇иби кибанд̇иби угкибанд̇иби, гаммасамаяод̇и ваддад̇и.
3082.Karototi kārāpayato. Davā silaṃ pavijjhantoti pantikīḷāya kīḷatthikānaṃ sippadassanavasena sakkharaṃ vā ninnaṭṭhānaṃ pavaṭṭanavasena pāsāṇaṃ vā pavijjhanto. Na kevalañca pāsāṇaṃ, aññampi yaṃ kiñci dārukhaṇḍaṃ vā iṭṭhakakhaṇḍaṃ vā hatthena vā yantena vā pavijjhituṃ na vaṭṭati. Cetiyādīnaṃ atthāya pāsāṇādayo hasantā hasantā pavaṭṭentipi khipantipi ukkhipantipi, kammasamayoti vaṭṭati.
3083. г̇ихиг̇обагад̣̇аанасминд̇и г̇ихийнам̣ уяяаанаг̇обагаад̣̇ийхи ад̇д̇анаа г̇обид̇ауяяаанаад̣̇ид̇о палаад̣̇ийнам̣ д̣̇аанз яаавад̣̇ад̇т̇ам̣ д̣̇ияяамаанзби. на д̣̇осо гожи г̇ан̣хад̇од̇и бадиг̇г̇ан̣хад̇о бхигкуно гожи д̣̇осо над̇т̇и. сан̇гхажзд̇ияасанд̇агз д̇аалапалаад̣̇имхи уяяаанаг̇обагаад̣̇ийхи д̣̇ияяамаанз барижчзд̣̇анаяо д̇зсам̣ взд̇анавасзна барижчиннаанам̣язва г̇ахан̣з анаабад̇д̇инаяо вуд̇д̇од̇и яож̇анаа.
3083.Gihigopakadānasminti gihīnaṃ uyyānagopakādīhi attanā gopitauyyānādito phalādīnaṃ dāne yāvadatthaṃ diyyamānepi. Na doso koci gaṇhatoti paṭiggaṇhato bhikkhuno koci doso natthi. Saṅghacetiyasantake tālaphalādimhi uyyānagopakādīhi diyyamāne paricchedanayo tesaṃ vetanavasena paricchinnānaṃyeva gahaṇe anāpattinayo vuttoti yojanā.
3084. бурисасам̣яуд̇д̇анд̇и баривисагзхи бурисзхи вуяхамаанам̣. хад̇т̇аваддаганд̇и хад̇т̇знзва баваддзд̇аб̣б̣асагадам̣.
3084.Purisasaṃyuttanti parivisakehi purisehi vuyhamānaṃ. Hatthavaṭṭakanti hattheneva pavaṭṭetabbasakaṭaṃ.
3085. бхигкунияаа сад̣̇д̇хим̣ гин̃жиби анаажаарам̣ на самбаяож̇зяяа на гаарзяяаад̇и яож̇анаа. ‘‘гин̃жий’’д̇иби баато, г̇ахадтам̣ ваа баб̣б̣аж̇ид̇ам̣ ваа гин̃жи бхигкунияаа сад̣̇д̇хим̣ анаажааравасзна на самбаяож̇зяяаад̇и ад̇т̇о. обхаасзнд̇ассаад̇и гаамаад̇хиббааяам̣ багаасзнд̇асса.
3085. Bhikkhuniyā saddhiṃ kiñcipi anācāraṃ na sampayojeyya na kāreyyāti yojanā. ‘‘Kiñcī’’tipi pāṭho, gahaṭṭhaṃ vā pabbajitaṃ vā kiñci bhikkhuniyā saddhiṃ anācāravasena na sampayojeyyāti attho. Obhāsentassāti kāmādhippāyaṃ pakāsentassa.
3086. хавзд̇и згам̣сад̇т̇з нибаад̇о.
3086.Haveti ekaṃsatthe nipāto.
3087. ад̇д̇ано барибхог̇ад̇т̇ам̣ д̣̇иннанд̇и ‘‘д̇умхзязва барибхун̃ж̇ат̇аа’’д̇и вад̇ваа д̣̇иннам̣ д̇ижийвараад̣̇им̣.
3087.Attano paribhogatthaṃ dinnanti ‘‘tumheyeva paribhuñjathā’’ti vatvā dinnaṃ ticīvarādiṃ.
3088. асаббааяанд̇и бид̇д̇аад̣̇ид̣̇осаанам̣ гобанавасзна апаасугааран̣ам̣. абанзд̇умби ж̇ахид̇умби, баг̇зва д̣̇аад̇унд̇и ад̇хиббааяо. аг̇г̇ам̣ г̇ахзд̇ваа д̣̇аад̇ум̣ ваад̇и д̇ат̇аа г̇ахан̣аарахам̣ аннаад̣̇им̣ санд̇хааяа вуд̇д̇ам̣. ‘‘гад̇ибаахам̣ бхуд̇ваа’’д̇и сзсо. бин̣д̣абаад̇аад̣̇ид̇о аг̇г̇ам̣ г̇ахзд̇ваа бад̇д̇аад̣̇им̣ гад̇ибаахам̣ бхуд̇ваа д̣̇аад̇ум̣ ваддад̇ийд̇и ад̇т̇о.
3088.Asappāyanti pittādidosānaṃ kopanavasena aphāsukāraṇaṃ. Apanetumpi jahitumpi, pageva dātunti adhippāyo. Aggaṃ gahetvā dātuṃ vāti tathā gahaṇārahaṃ annādiṃ sandhāya vuttaṃ. ‘‘Katipāhaṃ bhutvā’’ti seso. Piṇḍapātādito aggaṃ gahetvā pattādiṃ katipāhaṃ bhutvā dātuṃ vaṭṭatīti attho.
3089. бан̃жаваг̇г̇уубасамбад̣̇аад̇и винаяад̇харабан̃жамзна сан̇гхзна гаад̇аб̣б̣аубасамбад̣̇аа. наваад̇и ан̃н̃зхи згаваарамби абарибхуд̇д̇аа. г̇ун̣ан̇г̇ун̣аубааханаа жад̇убадалад̇о бадтааяа б̣ахубадалаубааханаа. жаммад̇т̇аарод̇и габбияажаммад̇т̇аран̣ан̃жа. д̇хуванхаананд̇и багад̇инахаанам̣.
3089.Pañcavaggūpasampadāti vinayadharapañcamena saṅghena kātabbaupasampadā. Navāti aññehi ekavārampi aparibhuttā. Guṇaṅguṇaupāhanā catupaṭalato paṭṭhāya bahupaṭalaupāhanā. Cammatthāroti kappiyacammattharaṇañca. Dhuvanhānanti pakatinahānaṃ.
3090. самб̣аад̇хассаад̇и важжамаг̇г̇абассаавамаг̇г̇ад̣̇ваяасса сааманд̇аа д̣̇ван̇г̇улаа анд̇о сад̇т̇авад̇т̇игаммам̣ ваарид̇анд̇и яож̇анаа. сад̇т̇зна анд̇амасо накзнааби чзд̣̇анапааланаад̣̇ивасзна сад̇т̇агамман̃жа вад̇т̇ийхи бхзсаж̇ж̇ад̇зласса анд̇о бависанавасзна гаад̇аб̣б̣ам̣ вад̇т̇игамман̃жа т̇уллажжаяаабад̇д̇ивид̇хаанзна ваарид̇анд̇и ад̇т̇о. бассаавамаг̇г̇асса сааманд̇аа д̣̇ван̇г̇улам̣ ан̇г̇аж̇аад̇асса аг̇г̇ад̇о бадтааяа г̇ахзд̇аб̣б̣ам̣.
3090.Sambādhassāti vaccamaggapassāvamaggadvayassa sāmantā dvaṅgulā anto satthavatthikammaṃ vāritanti yojanā. Satthena antamaso nakhenāpi chedanaphālanādivasena satthakammañca vatthīhi bhesajjatelassa anto pavisanavasena kātabbaṃ vatthikammañca thullaccayāpattividhānena vāritanti attho. Passāvamaggassa sāmantā dvaṅgulaṃ aṅgajātassa aggato paṭṭhāya gahetabbaṃ.
3091. ‘‘баагад̇т̇а’’нд̇и иминаа ниб̣б̣аабзд̇ум̣ жаланз нид̣̇д̣̇осабхаавам̣ д̣̇ийбзд̇и.
3091.‘‘Pākattha’’nti iminā nibbāpetuṃ calane niddosabhāvaṃ dīpeti.
3092. убал̣аалзд̇ийд̇и ‘‘бад̇д̇ажийвараад̣̇ибаригкаарам̣ д̇з д̣̇аммий’’д̇и вад̇ваа балобхзд̇ваа г̇ан̣хаад̇и. д̇ад̇т̇аад̇и д̇асмим̣ буг̇г̇алз. аад̣̇ийнаванд̇и алаж̇ж̇ид̇аад̣̇ибхаавам̣ д̣̇ассзд̇ваа д̇зна саха самбхог̇аад̣̇игаран̣з алаж̇ж̇ибхааваабаж̇ж̇анаад̣̇иаад̣̇ийнавам̣. д̇ассаад̇и д̇ад̇о вияож̇зд̇аб̣б̣асса д̇асса.
3092.Upaḷāletīti ‘‘pattacīvarādiparikkhāraṃ te dammī’’ti vatvā palobhetvā gaṇhāti. Tatthāti tasmiṃ puggale. Ādīnavanti alajjitādibhāvaṃ dassetvā tena saha sambhogādikaraṇe alajjibhāvāpajjanādiādīnavaṃ. Tassāti tato viyojetabbassa tassa.
3093. аад̣̇ийнавад̣̇ассанаббагаарам̣ д̣̇ассзд̇умааха ‘‘магкана’’нд̇иаад̣̇и. ‘‘нахааяид̇ум̣ г̇ад̇зна г̇уут̇амуд̇д̇зхи магканам̣ вияа д̣̇уссийлам̣ ниссааяа вихарад̇аа д̇аяаа гад̇а’’нд̇и звам̣ д̇ад̇т̇а аад̣̇ийнавам̣ вад̇д̇ум̣ ваддад̇ийд̇и яож̇анаа.
3093. Ādīnavadassanappakāraṃ dassetumāha ‘‘makkhana’’ntiādi. ‘‘Nahāyituṃ gatena gūthamuttehi makkhanaṃ viya dussīlaṃ nissāya viharatā tayā kata’’nti evaṃ tattha ādīnavaṃ vattuṃ vaṭṭatīti yojanā.
3094-5. бхад̇д̇аг̇г̇з бхож̇анасаалааяа бхун̃ж̇амаано. яааг̇убаанзд̇и яааг̇ум̣ биванагаалз. анд̇ог̇аамзд̇и анд̇арагхарз. вийт̇ияанд̇и ниг̇аманаг̇араг̇аамаад̣̇ийнам̣ рат̇игааяа. анд̇хагаарзд̇и анд̇хагаарз вад̇д̇амаанз, анд̇хагаараг̇ад̇од̇и ад̇т̇о. д̇ан̃хи ванд̣̇анд̇асса ман̃жабаад̣̇аад̣̇ийсуби налаадам̣ бадихан̃н̃зяяа. анааваж̇ж̇од̇и гижжабасуд̇ад̇д̇аа ванд̣̇анам̣ асаманнаахаранд̇о. згаавад̇д̇од̇и згад̇о аавад̇д̇о сабад̇д̇абагкз тид̇о взрий висабхааг̇абуг̇г̇ало. аяан̃хи ванд̣̇ияамаано баад̣̇знаби бахарзяяа. ваавадод̇и сиб̣б̣анагаммаад̣̇игижжанд̇арабасуд̇о.
3094-5.Bhattagge bhojanasālāya bhuñjamāno. Yāgupāneti yāguṃ pivanakāle. Antogāmeti antaraghare. Vīthiyanti nigamanagaragāmādīnaṃ rathikāya. Andhakāreti andhakāre vattamāne, andhakāragatoti attho. Tañhi vandantassa mañcapādādīsupi nalāṭaṃ paṭihaññeyya. Anāvajjoti kiccapasutattā vandanaṃ asamannāharanto. Ekāvattoti ekato āvatto sapattapakkhe ṭhito verī visabhāgapuggalo. Ayañhi vandiyamāno pādenapi pahareyya. Vāvaṭoti sibbanakammādikiccantarapasuto.
суд̇д̇од̇и нид̣̇д̣̇ам̣ огганд̇о. каад̣̇анд̇и бидтагакаж̇ж̇агаад̣̇ийни каад̣̇анд̇о. бхун̃ж̇анд̇од̇и од̣̇анаад̣̇ийни бхун̃ж̇анд̇о. важжам̣ муд̇д̇амби ваа гаранд̇и ужжаарам̣ ваа бассаавам̣ ваа гаронд̇о ид̇и имзсам̣ д̇зрасаннам̣ ванд̣̇анаа аяуд̇д̇ад̇т̇зна ваарид̇аад̇и самб̣анд̇хо.
Suttoti niddaṃ okkanto. Khādanti piṭṭhakakhajjakādīni khādanto. Bhuñjantoti odanādīni bhuñjanto. Vaccaṃ muttampi vā karanti uccāraṃ vā passāvaṃ vā karonto iti imesaṃ terasannaṃ vandanā ayuttatthena vāritāti sambandho.
3096-7. гаммалад̣̇д̇хисиймаавасзна д̇ийсу наанаасам̣ваасагзсу гамманаанаасам̣ваасагасса угкид̇д̇аг̇г̇ахан̣зна г̇ахид̇ад̇д̇аа, сиймаанаанаасам̣ваасагавуд̣дхад̇арабагад̇ад̇д̇асса ванд̣̇ияад̇д̇аа, баарисзсан̃ааязна ‘‘наанаасам̣ваасаго вуд̣дхад̇аро ад̇хаммаваад̣̇ий аванд̣̇ияо’’д̇и (бари. 467) важанад̇о жа лад̣̇д̇хинаанаасам̣ваасаго ид̇ха ‘‘наанаасам̣ваасаго’’д̇и г̇ахид̇од̇и взд̣̇ид̇аб̣б̣о. угкид̇д̇од̇и д̇ивид̇хзнааби угкзбанийяагаммзна угкид̇д̇аго. г̇аругадтаа жа бан̃жаад̇и баариваасигамуулааяабадигассанаарахамаанад̇д̇аарахамаанад̇д̇ажааригааб̣бхаанаарахасан̇каад̇аа бан̃жа г̇аругадтаа жа. имз бана ан̃н̃аман̃н̃асса яат̇аавуд̣дхам̣ ванд̣̇анаад̣̇ийни лабханд̇и, багад̇ад̇д̇зна аванд̣̇ияад̇д̇аава аванд̣̇иязсу г̇ахид̇аа. имз б̣аавийсад̇и буг̇г̇алзд̇и наг̇г̇аад̣̇аяо яат̇аавуд̇д̇з.
3096-7. Kammaladdhisīmāvasena tīsu nānāsaṃvāsakesu kammanānāsaṃvāsakassa ukkhittaggahaṇena gahitattā, sīmānānāsaṃvāsakavuḍḍhatarapakatattassa vandiyattā, pārisesañāyena ‘‘nānāsaṃvāsako vuḍḍhataro adhammavādī avandiyo’’ti (pari. 467) vacanato ca laddhinānāsaṃvāsako idha ‘‘nānāsaṃvāsako’’ti gahitoti veditabbo. Ukkhittoti tividhenāpi ukkhepanīyakammena ukkhittako. Garukaṭṭhā ca pañcāti pārivāsikamūlāyapaṭikassanārahamānattārahamānattacārikaabbhānārahasaṅkhātā pañca garukaṭṭhā ca. Ime pana aññamaññassa yathāvuḍḍhaṃ vandanādīni labhanti, pakatattena avandiyattāva avandiyesu gahitā. Ime bāvīsati puggaleti naggādayo yathāvutte.
3098. ‘‘д̇хаммаваад̣̇ий’’д̇и ид̣̇ам̣ ‘‘наанаасам̣ваасавуд̣дхаго’’д̇и зд̇асса висзсанам̣. яат̇ааха ‘‘д̇аяомз, бхигкавз, ванд̣̇ияаа. бажчаа убасамбаннзна бурзубасамбанно ванд̣̇ияо, наанаасам̣ваасаго вуд̣дхад̇аро д̇хаммаваад̣̇ий ванд̣̇ияо, сад̣̇звагз логз, бхигкавз, самаарагз…бз… д̇ат̇ааг̇ад̇о арахам̣ саммаасамб̣уд̣̇д̇хо ванд̣̇ияо’’д̇и (жуул̣ава. 312).
3098.‘‘Dhammavādī’’ti idaṃ ‘‘nānāsaṃvāsavuḍḍhako’’ti etassa visesanaṃ. Yathāha ‘‘tayome, bhikkhave, vandiyā. Pacchā upasampannena pureupasampanno vandiyo, nānāsaṃvāsako vuḍḍhataro dhammavādī vandiyo, sadevake loke, bhikkhave, samārake…pe… tathāgato arahaṃ sammāsambuddho vandiyo’’ti (cūḷava. 312).
3099. ‘‘зд̇зязва ванд̣̇ияаа, на ан̃н̃з’’д̇и нияаамасса агад̇ад̇д̇аа ан̃н̃зсамби ванд̣̇ияаанам̣ саб̣бхаавам̣ д̣̇ассзд̇умааха ‘‘д̇аж̇ж̇анаад̣̇ий’’д̇иаад̣̇и. зд̇т̇а аад̣̇и-сад̣̇д̣̇зна нияассабаб̣б̣ааж̇анийяабаасааран̣ийяагаммз сан̇г̇ан̣хаад̇и. зд̇т̇аад̇и зд̇асмим̣ ванд̣̇анийяаад̇хигаарз. гамманд̇и абалоганаад̣̇и жад̇уб̣б̣ид̇хам̣ гаммам̣.
3099. ‘‘Eteyeva vandiyā, na aññe’’ti niyāmassa akatattā aññesampi vandiyānaṃ sabbhāvaṃ dassetumāha ‘‘tajjanādī’’tiādi. Ettha ādi-saddena niyassapabbājanīyapaasāraṇīyakamme saṅgaṇhāti. Etthāti etasmiṃ vandanīyādhikāre. Kammanti apalokanādi catubbidhaṃ kammaṃ.
3100. сан̇гхзна ад̇хаммагаммз гарияамаанз д̇ам̣ ваарзд̇ум̣ асаггонд̇зна, асаггонд̇зхи жа бадибаж̇ж̇ид̇аб̣б̣авид̇хим̣ д̣̇ассзд̇умааха ‘‘ад̇хидтаана’’нд̇иаад̣̇и. ад̇хидтаанам̣ банзгасса уд̣̇д̣̇идтанд̇и яож̇анаа, ад̇хаммагаммам̣ гаронд̇аанам̣ бхигкуунаманд̇арз нисийд̣̇ид̇ваа д̇ам̣ ‘‘ад̇хамма’’нд̇и ж̇аанид̇вааби д̇ам̣ ваарзд̇ум̣ асаггонд̇асса згасса ‘‘на мзд̇ам̣ камад̇ий’’д̇и жид̇д̇зна ад̇хидтаанамуд̣̇д̣̇идтанд̇и вуд̇д̇ам̣ ход̇и. д̣̇виннам̣ ваа д̇ин̣н̣амзва жаад̇и д̇амзва ваарзд̇ум̣ асаггонд̇аанам̣ д̣̇виннам̣ ваа д̇ин̣н̣ам̣ ваа бхигкуунам̣ ан̃н̃аман̃н̃ам̣ ‘‘на мзд̇ам̣ камад̇ий’’д̇и д̣̇идтаавигаммам̣ сагасагад̣̇идтияаа багаасанам̣ уд̣̇д̣̇идтанд̇и ад̇т̇о. д̇ад̇о уд̣̇д̇хам̣ д̇ийхи уд̣̇д̇хам̣ жад̇уннам̣ гаммасса бадиггосанам̣ ‘‘ид̣̇ам̣ ад̇хаммагаммам̣ маа гарот̇аа’’д̇и бадигкибанам̣ уд̣̇д̣̇идтанд̇и ад̇т̇о.
3100. Saṅghena adhammakamme kariyamāne taṃ vāretuṃ asakkontena, asakkontehi ca paṭipajjitabbavidhiṃ dassetumāha ‘‘adhiṭṭhāna’’ntiādi. Adhiṭṭhānaṃ panekassa uddiṭṭhanti yojanā, adhammakammaṃ karontānaṃ bhikkhūnamantare nisīditvā taṃ ‘‘adhamma’’nti jānitvāpi taṃ vāretuṃ asakkontassa ekassa ‘‘na metaṃ khamatī’’ti cittena adhiṭṭhānamuddiṭṭhanti vuttaṃ hoti. Dvinnaṃ vā tiṇṇameva cāti tameva vāretuṃ asakkontānaṃ dvinnaṃ vā tiṇṇaṃ vā bhikkhūnaṃ aññamaññaṃ ‘‘na metaṃ khamatī’’ti diṭṭhāvikammaṃ sakasakadiṭṭhiyā pakāsanaṃ uddiṭṭhanti attho. Tato uddhaṃ tīhi uddhaṃ catunnaṃ kammassa paṭikkosanaṃ ‘‘idaṃ adhammakammaṃ mā karothā’’ti paṭikkhipanaṃ uddiṭṭhanti attho.
3101. виссаасаг̇г̇аахалагкан̣ам̣ аг̇г̇ахид̇аг̇г̇ахан̣зна бан̃жавид̇ханд̇и д̣̇ассзд̇умааха ‘‘санд̣̇идто’’д̇иаад̣̇и. яож̇анаа банзд̇т̇а звам̣ взд̣̇ид̇аб̣б̣аа – санд̣̇идто жа ход̇и, ж̇ийвад̇и жа, г̇ахид̇з жа ад̇д̇амано ход̇и, самбхад̇д̇о жа ход̇и, ж̇ийвад̇и жа, г̇ахид̇з жа ад̇д̇амано ход̇и, аалабид̇о жа ход̇и, ж̇ийвад̇и жа, г̇ахид̇з жа ад̇д̇амано ход̇ийд̇и звам̣ санд̣̇идтасамбхад̇д̇ааалабид̇аанам̣ д̇ин̣н̣амзгзгасса д̇ийн̣и д̇ийн̣и виссаасаг̇г̇аахалагкан̣аани гад̇ваа нававид̇хам̣ ход̇ийд̇и взд̣̇ид̇аб̣б̣ам̣. важанад̇т̇о, банзд̇т̇а винижчаяо жа хздтаа вуд̇д̇ова.
3101. Vissāsaggāhalakkhaṇaṃ aggahitaggahaṇena pañcavidhanti dassetumāha ‘‘sandiṭṭho’’tiādi. Yojanā panettha evaṃ veditabbā – sandiṭṭho ca hoti, jīvati ca, gahite ca attamano hoti, sambhatto ca hoti, jīvati ca, gahite ca attamano hoti, ālapito ca hoti, jīvati ca, gahite ca attamano hotīti evaṃ sandiṭṭhasambhattaālapitānaṃ tiṇṇamekekassa tīṇi tīṇi vissāsaggāhalakkhaṇāni katvā navavidhaṃ hotīti veditabbaṃ. Vacanattho, panettha vinicchayo ca heṭṭhā vuttova.
3102. сийлавибад̇д̇и, д̣̇идтивибад̇д̇и жа аажаарааж̇ийвасамбхаваа д̣̇вз вибад̇д̇ияо жаад̇и яож̇анаа, аажааравибад̇д̇и, ааж̇ийвавибад̇д̇и жаад̇и вуд̇д̇ам̣ ход̇и.
3102. Sīlavipatti, diṭṭhivipatti ca ācārājīvasambhavā dve vipattiyo cāti yojanā, ācāravipatti, ājīvavipatti cāti vuttaṃ hoti.
3103. д̇ад̇т̇аад̇и д̇зсу жад̇уусу вибад̇д̇ийсу. аббадигаммаа баарааж̇игаа вудтаанаг̇ааминий сан̇гхаад̣̇исзсаабад̇д̇игаа д̣̇увз аабад̇д̇ияо сийлавибад̇д̇ийд̇и багаасид̇аад̇и яож̇анаа.
3103.Tatthāti tesu catūsu vipattīsu. Appaṭikammā pārājikā vuṭṭhānagāminī saṅghādisesāpattikā duve āpattiyo sīlavipattīti pakāsitāti yojanā.
3104. яаа жа анд̇аг̇г̇аахигаа д̣̇идти, яаа д̣̇асавад̇т̇угаа д̣̇идти, аяам̣ д̣̇увид̇хаа д̣̇идти д̣̇идтивибад̇д̇ийд̇и д̣̇ийбид̇аад̇и яож̇анаа. д̇ад̇т̇а анд̇аг̇г̇аахигад̣̇идти наама ужчзд̣̇анд̇асассад̇анд̇аг̇аахавасзна бавад̇д̇аа д̣̇идти. ‘‘над̇т̇и д̣̇инна’’нд̇иаад̣̇инаяаббавад̇д̇аа д̣̇асавад̇т̇угаа д̣̇идти.
3104. Yā ca antaggāhikā diṭṭhi, yā dasavatthukā diṭṭhi, ayaṃ duvidhā diṭṭhi diṭṭhivipattīti dīpitāti yojanā. Tattha antaggāhikadiṭṭhi nāma ucchedantasassatantagāhavasena pavattā diṭṭhi. ‘‘Natthi dinna’’ntiādinayappavattā dasavatthukā diṭṭhi.
3105. т̇уллажжаяаад̣̇игаа д̣̇зсанааг̇ааминигаа яаа бан̃жа аабад̇д̇ияо, аажаарагусалзна бхаг̇авад̇аа саа аажааравибад̇д̇ийд̇и вуд̇д̇аад̇и яож̇анаа. аад̣̇и-сад̣̇д̣̇зна баажид̇д̇ияабаадид̣̇зсанийяад̣̇уггадад̣̇уб̣бхаасид̇аанам̣ г̇ахан̣ам̣. яаад̇и бан̃жаабад̇д̇ияо абзгкид̇ваа б̣ахуд̇д̇ам̣. саад̇и аажааравибад̇д̇и сааман̃н̃амабзгкид̇ваа згад̇д̇ам̣.
3105. Thullaccayādikā desanāgāminikā yā pañca āpattiyo, ācārakusalena bhagavatā sā ācāravipattīti vuttāti yojanā. Ādi-saddena pācittiyapāṭidesanīyadukkaṭadubbhāsitānaṃ gahaṇaṃ. Yāti pañcāpattiyo apekkhitvā bahuttaṃ. Sāti ācāravipatti sāmaññamapekkhitvā ekattaṃ.
3106. гуханаад̣̇ийд̇и аад̣̇и-сад̣̇д̣̇зна лабанаа нзмид̇д̇игад̇аа ниббзсигад̇аа лаабхзна лаабхам̣ ниж̇иг̇ийсанад̇аа г̇ахид̇аа, гуханаад̣̇ийнам̣ вид̇т̇ааро висуд̣̇д̇химаг̇г̇з (висуд̣̇д̇хи. 1.16) вуд̇д̇анаязна взд̣̇ид̇аб̣б̣о. ааж̇ийво бажжаяо хзд̇у яассаа аабад̇д̇ияаад̇и виг̇г̇ахо. чаб̣б̣ид̇хаад̇и жад̇уд̇т̇абаарааж̇игасан̃жарид̇д̇ат̇уллажжаяабаажид̇д̇ияабаадид̣̇зсанийяад̣̇уггадаабад̇д̇ийнам̣ васзна чаб̣б̣ид̇хаа. багаасид̇аа –
3106.Kuhanādīti ādi-saddena lapanā nemittikatā nippesikatā lābhena lābhaṃ nijigīsanatā gahitā, kuhanādīnaṃ vitthāro visuddhimagge (visuddhi. 1.16) vuttanayena veditabbo. Ājīvo paccayo hetu yassā āpattiyāti viggaho. Chabbidhāti catutthapārājikasañcarittathullaccayapācittiyapāṭidesanīyadukkaṭāpattīnaṃ vasena chabbidhā. Pakāsitā –
‘‘ааж̇ийвахзд̇у ааж̇ийвагааран̣аа баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабад̇и, аабад̇д̇и баарааж̇игасса. ааж̇ийвахзд̇у…бз… сан̃жарид̇д̇ам̣ самаабаж̇ж̇ад̇и, аабад̇д̇и сан̇гхаад̣̇исзсасса. ааж̇ийвахзд̇у…бз… ‘яо д̇з вихаарз васад̇и, со бхигку арахаа’д̇и бхан̣ад̇и, бадиж̇аананд̇асса аабад̇д̇и т̇уллажжаяасса. ааж̇ийвахзд̇у…бз… бхигку бан̣ийд̇абхож̇анаани аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса. ааж̇ийвахзд̇у…бз… бхигкуний бан̣ийд̇абхож̇анаани аг̇илаанаа ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса. ааж̇ийвахзд̇у ааж̇ийвагааран̣аа суубам̣ ваа од̣̇анам̣ ваа аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и д̣̇уггадассаа’’д̇и (бари. 287) –
‘‘Ājīvahetu ājīvakāraṇā pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa. Ājīvahetu…pe… sañcarittaṃ samāpajjati, āpatti saṅghādisesassa. Ājīvahetu…pe… ‘yo te vihāre vasati, so bhikkhu arahā’ti bhaṇati, paṭijānantassa āpatti thullaccayassa. Ājīvahetu…pe… bhikkhu paṇītabhojanāni agilāno attano atthāya viññāpetvā bhuñjati, āpatti pācittiyassa. Ājīvahetu…pe… bhikkhunī paṇītabhojanāni agilānā attano atthāya viññāpetvā bhuñjati, āpatti pāṭidesanīyassa. Ājīvahetu ājīvakāraṇā sūpaṃ vā odanaṃ vā agilāno attano atthāya viññāpetvā bhuñjati, āpatti dukkaṭassā’’ti (pari. 287) –
д̣̇зсид̇аа. иминаа ааж̇ийвавибад̇д̇и д̣̇ийбид̇аа.
Desitā. Iminā ājīvavipatti dīpitā.
3107. ‘‘угкид̇д̇о’’д̇иаад̣̇и яат̇ааггамзна д̇зсам̣ д̇ин̣н̣ам̣ наанаасам̣ваасагаанам̣ саруубад̣̇ассанам̣. д̇ад̇т̇а д̇аяо угкид̇д̇агаа вуд̇д̇ааязва.
3107.‘‘Ukkhitto’’tiādi yathākkamena tesaṃ tiṇṇaṃ nānāsaṃvāsakānaṃ sarūpadassanaṃ. Tattha tayo ukkhittakā vuttāyeva.
3108-9. ‘‘яо сан̇гхзна угкзбанийяагаммагад̇аанам̣ ад̇хаммаваад̣̇ийнам̣ багкз нисинно ‘д̇умхз гим̣ бхан̣ат̇аа’д̇и д̇зсан̃жа ид̇арзсан̃жа лад̣̇д̇хим̣ суд̇ваа ‘имз ад̇хаммаваад̣̇ино, ид̇арз д̇хаммаваад̣̇ино’д̇и жид̇д̇ам̣ уббаад̣̇зд̇и, аяам̣ д̇зсам̣ маж̇жхз нисиннова д̇зсам̣ наанаасам̣ваасаго ход̇и, гаммам̣ гобзд̇и. ид̇арзсамби хад̇т̇абаасам̣ анааг̇ад̇ад̇д̇аа гобзд̇ий’’д̇и (махаава. адта. 455) ааг̇ад̇а адтагат̇аавинижчаяам̣ д̣̇ассзд̇умааха ‘‘ад̇хаммаваад̣̇ибагкасми’’нд̇иаад̣̇и.
3108-9. ‘‘Yo saṅghena ukkhepanīyakammakatānaṃ adhammavādīnaṃ pakkhe nisinno ‘tumhe kiṃ bhaṇathā’ti tesañca itaresañca laddhiṃ sutvā ‘ime adhammavādino, itare dhammavādino’ti cittaṃ uppādeti, ayaṃ tesaṃ majjhe nisinnova tesaṃ nānāsaṃvāsako hoti, kammaṃ kopeti. Itaresampi hatthapāsaṃ anāgatattā kopetī’’ti (mahāva. aṭṭha. 455) āgata aṭṭhakathāvinicchayaṃ dassetumāha ‘‘adhammavādipakkhasmi’’ntiādi.
ад̇хаммаваад̣̇ибагкасминд̇и угкзбанийяагаммзна ниссаарид̇аанам̣ ад̇хаммаваад̣̇ийнам̣ багкасмим̣. нисинноваад̇и хад̇т̇абаасам̣ авиж̇ахид̇ваа г̇ан̣абуураго худ̇ваа нисиннова. вижинд̇аяанд̇и ‘‘имз ну ко д̇хаммаваад̣̇ино, уд̣̇ааху зд̇з’’д̇и вивид̇хзнаагаарзна жинд̇аяанд̇о. ‘‘зд̇з бана д̇хаммаваад̣̇ий’’д̇и маанасам̣ уббаад̣̇зд̇и, звам̣ уббаннз бана маанасз. ад̇хаммаваад̣̇ибагкасмим̣ нисиннова звам̣ маанасам̣ уббаад̣̇знд̇о аяам̣ бхигку. лад̣̇д̇хияаад̇и звам̣ уббаад̣̇ид̇амаанасасан̇каад̇ааяа лад̣̇д̇хияаа. д̇зсам̣ ад̇хаммаваад̣̇ийнам̣ наанаасам̣ваасаго наама ход̇ийд̇и багаасид̇о.
Adhammavādipakkhasminti ukkhepanīyakammena nissāritānaṃ adhammavādīnaṃ pakkhasmiṃ. Nisinnovāti hatthapāsaṃ avijahitvā gaṇapūrako hutvā nisinnova. Vicintayanti ‘‘ime nu kho dhammavādino, udāhu ete’’ti vividhenākārena cintayanto. ‘‘Ete pana dhammavādī’’ti mānasaṃ uppādeti, evaṃ uppanne pana mānase. Adhammavādipakkhasmiṃ nisinnova evaṃ mānasaṃ uppādento ayaṃ bhikkhu. Laddhiyāti evaṃ uppāditamānasasaṅkhātāya laddhiyā. Tesaṃ adhammavādīnaṃ nānāsaṃvāsako nāma hotīti pakāsito.
д̇ад̇радто бана сод̇и д̇асмим̣ ад̇хаммаваад̣̇ибагкасмим̣ нисиннова со. сад̣̇а-д̇хаад̇уяаа г̇ад̇инивааран̣ад̇т̇ад̇д̇аа д̇ад̇ра нисинно ‘‘д̇ад̇радто’’д̇и вужжад̇и. д̣̇виннанд̇и д̇хаммаваад̣̇иад̇хаммаваад̣̇ибагкаанам̣ д̣̇виннам̣ сан̇гхаанам̣. гамманд̇и жад̇уваг̇г̇аад̣̇исан̇гхзна гаран̣ийяагаммам̣. гобзд̇ийд̇и ад̇хаммаваад̣̇ийнам̣ асам̣ваасабхаавам̣ г̇анд̇ваа д̇зсам̣ г̇ан̣абууран̣ад̇д̇аа, ид̇арзсам̣ згасиймааяам̣ тад̇ваа хад̇т̇абаасам̣ анубаг̇ад̇ад̇д̇аа, чанд̣̇асса жа ад̣̇иннад̇д̇аа гаммам̣ гобзд̇и. яо бана ад̇хаммаваад̣̇ийнам̣ багкз нисинно ‘‘ад̇хаммаваад̣̇ино имз, ид̇арз д̇хаммаваад̣̇ино’’д̇и д̇зсам̣ маж̇жхз бависад̇и, яад̇т̇а ваа д̇ад̇т̇а ваа багкз нисинно ‘‘имз д̇хаммаваад̣̇ино’’д̇и г̇ан̣хаад̇и, аяам̣ ад̇д̇анаава ад̇д̇аанам̣ самаанасам̣ваасагам̣ гарод̇ийд̇и взд̣̇ид̇аб̣б̣о.
Tatraṭṭho pana soti tasmiṃ adhammavādipakkhasmiṃ nisinnova so. Sada-dhātuyā gatinivāraṇatthattā tatra nisinno ‘‘tatraṭṭho’’ti vuccati. Dvinnanti dhammavādiadhammavādipakkhānaṃ dvinnaṃ saṅghānaṃ. Kammanti catuvaggādisaṅghena karaṇīyakammaṃ. Kopetīti adhammavādīnaṃ asaṃvāsabhāvaṃ gantvā tesaṃ gaṇapūraṇattā, itaresaṃ ekasīmāyaṃ ṭhatvā hatthapāsaṃ anupagatattā, chandassa ca adinnattā kammaṃ kopeti. Yo pana adhammavādīnaṃ pakkhe nisinno ‘‘adhammavādino ime, itare dhammavādino’’ti tesaṃ majjhe pavisati, yattha vā tattha vā pakkhe nisinno ‘‘ime dhammavādino’’ti gaṇhāti, ayaṃ attanāva attānaṃ samānasaṃvāsakaṃ karotīti veditabbo.
3110. б̣ахисиймааг̇ад̇о багад̇ад̇д̇о бхигку сажз хад̇т̇абаасз тид̇о ход̇и, со сиймааяа наанаасам̣ваасаго мад̇од̇и яож̇анаа. д̇ам̣ г̇ан̣абууран̣ам̣ гад̇ваа гад̇агаммамби губбад̇и. звам̣ яат̇аавуд̇д̇анияаамзна д̇аяо наанаасам̣ваасагаа махзсинаа вуд̇д̇аад̇и яож̇анаа.
3110.Bahisīmāgato pakatatto bhikkhu sace hatthapāse ṭhito hoti, so sīmāya nānāsaṃvāsako matoti yojanā. Taṃ gaṇapūraṇaṃ katvā katakammampi kuppati. Evaṃ yathāvuttaniyāmena tayo nānāsaṃvāsakā mahesinā vuttāti yojanā.
3111. жуд̇од̇и баарааж̇игаабанно саасанад̇о жуд̇ад̇д̇аа ‘‘жуд̇о’’д̇и г̇ахид̇о. ‘‘бхигкуний згаад̣̇аса абхаб̣б̣аа’’д̇и бад̣̇ажчзд̣̇о. имзд̇и бхзд̣̇аманабзгкид̇ваа сааман̃н̃зна сад̇д̇араса ж̇анаа. асам̣ваасаад̇и на сам̣васид̇аб̣б̣аа, над̇т̇и ваа зд̇зхи багад̇ад̇д̇аанам̣ згагаммаад̣̇иго сам̣ваасод̇и асам̣ваасаа наама сияум̣.
3111.Cutoti pārājikāpanno sāsanato cutattā ‘‘cuto’’ti gahito. ‘‘Bhikkhunī ekādasa abhabbā’’ti padacchedo. Imeti bhedamanapekkhitvā sāmaññena sattarasa janā. Asaṃvāsāti na saṃvasitabbā, natthi vā etehi pakatattānaṃ ekakammādiko saṃvāsoti asaṃvāsā nāma siyuṃ.
3112. асам̣ваасасса саб̣б̣ассаад̇и яат̇аавуд̇д̇асса сад̇д̇арасавид̇хасса саб̣б̣асса асам̣ваасасса. д̇ат̇аа гаммаарахасса жаад̇и ‘‘яасса сан̇гхо гаммам̣ гарод̇и, со нзва гаммабад̇д̇о, нааби чанд̣̇аарахо, абижа гаммаарахо’’д̇и (бари. 488) звам̣ бариваарз вуд̇д̇агаммаарахасса жа. уммад̇д̇агаад̣̇ийнанд̇и аад̣̇и-сад̣̇д̣̇зна кид̇д̇ажид̇д̇аад̣̇ийнам̣ г̇ахан̣ам̣. сан̇гхз д̇аж̇ж̇анийяаад̣̇ийни гаронд̇з. бадигкзбод̇и бадиггосанаа. на руухад̇ийд̇и бадиггосадтаанз на д̇идтад̇и, гаммам̣ на гобзд̇ийд̇и ад̇хиббааяо.
3112.Asaṃvāsassa sabbassāti yathāvuttassa sattarasavidhassa sabbassa asaṃvāsassa. Tathā kammārahassa cāti ‘‘yassa saṅgho kammaṃ karoti, so neva kammapatto, nāpi chandāraho, apica kammāraho’’ti (pari. 488) evaṃ parivāre vuttakammārahassa ca. Ummattakādīnanti ādi-saddena khittacittādīnaṃ gahaṇaṃ. Saṅghe tajjanīyādīni karonte. Paṭikkhepoti paṭikkosanā. Na rūhatīti paṭikkosaṭṭhāne na tiṭṭhati, kammaṃ na kopetīti adhippāyo.
3113. сасам̣ваасзга…бз… бхигкунод̇и вуд̇д̇анаязна гаммзна ваа лад̣̇д̇хияаа ваа асам̣ваасигабхаавам̣ анубаг̇ад̇ад̇д̇аа самаанасам̣ваасагасса сиймааяа асам̣ваасигабхаавам̣ анубаг̇анд̇ваа згасиймааяа тид̇асса анд̇имавад̇т̇ум̣ анаж̇жхаабаннад̇д̇аа багад̇ад̇д̇асса бхигкуно. ананд̇арассаби хад̇т̇абаасз важанзна важийбхзд̣̇агаран̣зна бадигкзбо бадиггосо рухад̇и бадиггосанадтаанзязва д̇идтад̇и, гаммам̣ гобзд̇ийд̇и ад̇хиббааяо.
3113.Sasaṃvāseka…pe… bhikkhunoti vuttanayena kammena vā laddhiyā vā asaṃvāsikabhāvaṃ anupagatattā samānasaṃvāsakassa sīmāya asaṃvāsikabhāvaṃ anupagantvā ekasīmāya ṭhitassa antimavatthuṃ anajjhāpannattā pakatattassa bhikkhuno. Anantarassapi hatthapāse vacanena vacībhedakaraṇena paṭikkhepo paṭikkoso ruhati paṭikkosanaṭṭhāneyeva tiṭṭhati, kammaṃ kopetīti adhippāyo.
3114. чахи аагаарзхийд̇и (баажи. адта. 438; ган̇каа. адта. нид̣̇аанаван̣н̣анаа) лаж̇ж̇ид̇ааяа, ан̃н̃аан̣ад̇ааяа, гуггужжабагад̇ад̇ааяа, сад̇исаммосааяа, агаббиязгаббияасан̃н̃ид̇ааяа, габбиязагаббияасан̃н̃ид̇ааяаад̇и имзхи чахи аагаарзхи. бан̃жа саман̣агаббаа жа вуд̇д̇аа, бан̃жа висуд̣̇д̇хияо жа вуд̇д̇аад̇и яож̇анаа.
3114.Chahi ākārehīti (pāci. aṭṭha. 438; kaṅkhā. aṭṭha. nidānavaṇṇanā) lajjitāya, aññāṇatāya, kukkuccapakatatāya, satisammosāya, akappiyekappiyasaññitāya, kappiyeakappiyasaññitāyāti imehi chahi ākārehi. Pañca samaṇakappā ca vuttā, pañca visuddhiyo ca vuttāti yojanā.
‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇ум̣, аг̇г̇ибариж̇ид̇ам̣ сад̇т̇абариж̇ид̇ам̣ накабариж̇ид̇ам̣ аб̣ийж̇ам̣ ниб̣б̣аддаб̣ийж̇ан̃н̃зва бан̃жама’’нд̇и (жуул̣ава. 250) куд̣̇д̣̇агавад̇т̇угз анун̃н̃аад̇аа бан̃жа саман̣агаббаа наама. бан̃жа висуд̣̇д̇хияод̇и бариваарз згуд̇д̇арз ‘‘бан̃жа висуд̣̇д̇хияо’’д̇и имасса нид̣̇д̣̇зсз ‘‘нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ батамаа висуд̣̇д̇хий’’д̇иаад̣̇инаа (бари. 325) наязна д̣̇ассид̇аа бан̃жа баад̇имогкуд̣̇д̣̇зсасан̇каад̇аа бан̃жа висуд̣̇д̇хияо жа ‘‘суд̇д̇уд̣̇д̣̇зсо баарисуд̣̇д̇хиубосат̇о ад̇хидтаанубосат̇о бавааран̣аа саамаг̇г̇иубосат̇оязва бан̃жамо’’д̇и (бари. 325) звам̣ вуд̇д̇аа бан̃жа висуд̣̇д̇хияо жаад̇и д̣̇взбан̃жависуд̣̇д̇хияо ‘‘д̣̇вибан̃жавин̃н̃аан̣ааний’’д̇иаад̣̇ийсу вияа сааман̃н̃аважанзна сан̇г̇ахид̇аа.
‘‘Anujānāmi, bhikkhave, pañcahi samaṇakappehi phalaṃ paribhuñjituṃ, aggiparijitaṃ satthaparijitaṃ nakhaparijitaṃ abījaṃ nibbaṭṭabījaññeva pañcama’’nti (cūḷava. 250) khuddakavatthuke anuññātā pañca samaṇakappā nāma. Pañca visuddhiyoti parivāre ekuttare ‘‘pañca visuddhiyo’’ti imassa niddese ‘‘nidānaṃ uddisitvā avasesaṃ sutena sāvetabbaṃ, ayaṃ paṭhamā visuddhī’’tiādinā (pari. 325) nayena dassitā pañca pātimokkhuddesasaṅkhātā pañca visuddhiyo ca ‘‘suttuddeso pārisuddhiuposatho adhiṭṭhānuposatho pavāraṇā sāmaggiuposathoyeva pañcamo’’ti (pari. 325) evaṃ vuttā pañca visuddhiyo cāti dvepañcavisuddhiyo ‘‘dvipañcaviññāṇānī’’tiādīsu viya sāmaññavacanena saṅgahitā.
3115-7. ниссзсзна д̣̇ийяад̇и бан̃н̃абийяад̇и зд̇т̇а сигкаабад̣̇анд̇и нид̣̇аанам̣, д̇зсам̣ д̇зсам̣ сигкаабад̣̇аанам̣ бан̃н̃ад̇д̇ияаа таанабхууд̇ам̣ взсаалийаад̣̇и. бум̣ вужжад̇и нираяо, д̇ам̣ г̇алад̇и мад̣̇д̣̇ад̇и нзраяигад̣̇угкам̣ анубхавад̇ийд̇и буг̇г̇ало, сад̇д̇о. арияабуг̇г̇алаа д̇ам̣сад̣̇исад̇д̇аа, бхууд̇абуб̣б̣аг̇ад̇ияаа ваа ‘‘буг̇г̇алаа’’д̇и взд̣̇ид̇аб̣б̣аа. ид̇ха банзд̇з сигкаабад̣̇авийд̇иггамасса аад̣̇игаммигаа ад̇хиббзд̇аа. ид̣̇аани буг̇г̇аланид̣̇д̣̇зсам̣ вагкад̇и. васад̇и зд̇т̇а бхаг̇авад̇о аан̣аасан̇каад̇аа сигкаабад̣̇абан̃н̃ад̇д̇и д̇ам̣ бадижжа бавад̇д̇ад̇ийд̇и вад̇т̇у, д̇асса д̇асса буг̇г̇аласса сигкаабад̣̇абан̃н̃ад̇д̇ихзд̇убхууд̇о аж̇жхаажааро.
3115-7. Nissesena dīyati paññapīyati ettha sikkhāpadanti nidānaṃ, tesaṃ tesaṃ sikkhāpadānaṃ paññattiyā ṭhānabhūtaṃ vesālīādi. Puṃ vuccati nirayo, taṃ galati maddati nerayikadukkhaṃ anubhavatīti puggalo, satto. Ariyapuggalā taṃsadisattā, bhūtapubbagatiyā vā ‘‘puggalā’’ti veditabbā. Idha panete sikkhāpadavītikkamassa ādikammikā adhippetā. Idāni puggalaniddesaṃ vakkhati. Vasati ettha bhagavato āṇāsaṅkhātā sikkhāpadapaññatti taṃ paṭicca pavattatīti vatthu, tassa tassa puggalassa sikkhāpadapaññattihetubhūto ajjhācāro.
вид̇хаанам̣ вибхаж̇анам̣ вид̇хи, бабхзд̣̇о. бан̃н̃аабийяад̇и бхаг̇авад̇о аан̣аа багаарзна н̃аабийяад̇и зд̇ааяаад̇и бан̃н̃ад̇д̇и, бан̃н̃ад̇д̇ияаа вид̇хи бабхзд̣̇о ‘‘бан̃н̃ад̇д̇ивид̇хи’’нд̇и вад̇д̇аб̣б̣з ‘‘вид̇хим̣ бан̃н̃ад̇д̇ияаа’’д̇и г̇аат̇ааб̣анд̇хавасзна асамад̇т̇анид̣̇д̣̇зсо. саа бана бан̃н̃ад̇д̇ивид̇хи бан̃н̃ад̇д̇ианубан̃н̃ад̇д̇и ануббаннабан̃н̃ад̇д̇и саб̣б̣ад̇т̇абан̃н̃ад̇д̇и бад̣̇зсабан̃н̃ад̇д̇и саад̇хааран̣абан̃н̃ад̇д̇и асаад̇хааран̣абан̃н̃ад̇д̇и згад̇обан̃н̃ад̇д̇и убхад̇обан̃н̃ад̇д̇ивасзна нававид̇хаа ход̇и.
Vidhānaṃ vibhajanaṃ vidhi, pabhedo. Paññāpīyati bhagavato āṇā pakārena ñāpīyati etāyāti paññatti, paññattiyā vidhi pabhedo ‘‘paññattividhi’’nti vattabbe ‘‘vidhiṃ paññattiyā’’ti gāthābandhavasena asamatthaniddeso. Sā pana paññattividhi paññattianupaññatti anuppannapaññatti sabbatthapaññatti padesapaññatti sādhāraṇapaññatti asādhāraṇapaññatti ekatopaññatti ubhatopaññattivasena navavidhā hoti.
‘‘вибад̇д̇и аабад̇д̇и анаабад̇д̇ий’’д̇и бад̣̇ажчзд̣̇о, вибаж̇ж̇анд̇и зд̇ааяа сийлаад̣̇аяод̇и вибад̇д̇и. саа бана сийлааажаарад̣̇идтиааж̇ийваанам̣ васзна жад̇уб̣б̣ид̇хаа. саа бана уд̣̇д̣̇зсавасзна хздтаа д̣̇ассид̇аава. аабаж̇ж̇анд̇и зд̇ааяа агусалааб̣яаагад̇абхууд̇ааяа бхаг̇авад̇о аан̣аавийд̇иггаманд̇и аабад̇д̇и. саа буб̣б̣абаяог̇аад̣̇ивасзна анзгаббабхзд̣̇аа аабад̇д̇и. анаабад̇д̇и аж̇аананаад̣̇ивасзна аан̣ааяа анад̇иггаманам̣. самудтаад̇и зд̇зхи аабад̇д̇ийд̇и самудтаанаани, гааяаад̣̇ивасзна чаб̣б̣ид̇хаани аабад̇д̇игааран̣аани. самудтаанаанам̣ наяо самудтаананаяо, д̇ам̣.
‘‘Vipatti āpatti anāpattī’’ti padacchedo, vipajjanti etāya sīlādayoti vipatti. Sā pana sīlaācāradiṭṭhiājīvānaṃ vasena catubbidhā. Sā pana uddesavasena heṭṭhā dassitāva. Āpajjanti etāya akusalābyākatabhūtāya bhagavato āṇāvītikkamanti āpatti. Sā pubbapayogādivasena anekappabhedā āpatti. Anāpatti ajānanādivasena āṇāya anatikkamanaṃ. Samuṭṭhāti etehi āpattīti samuṭṭhānāni, kāyādivasena chabbidhāni āpattikāraṇāni. Samuṭṭhānānaṃ nayo samuṭṭhānanayo, taṃ.
важ̇ж̇ан̃жа гамман̃жа гирияаа жа сан̃н̃аа жа жид̇д̇ан̃жа аан̣ад̇д̇и жа важ̇ж̇агаммагрияаасан̃н̃аажид̇д̇аан̣ад̇д̇ияо, д̇аасам̣ вид̇хи д̇ат̇аа вужжад̇и, д̇ам̣. важ̇ж̇авид̇хинд̇и ‘‘яассаа сажид̇д̇агабагкз жид̇д̇ам̣ агусаламзва ход̇и, аяам̣ логаваж̇ж̇аа, сзсаа бан̣н̣ад̇д̇иваж̇ж̇аа’’д̇и (ган̇каа. адта. батамабаарааж̇игаван̣н̣анаа) вуд̇д̇ам̣ важ̇ж̇авид̇хим̣. гаммавид̇хинд̇и ‘‘саб̣б̣аа жа гааяагаммаважийгаммад̇ад̣̇убхаяавасзна д̇ивид̇хаа хонд̇ий’’д̇и (ган̇каа. адта. батамабаарааж̇игаван̣н̣анаа) д̣̇ассид̇ам̣ гаммавид̇хим̣ . грияаавид̇хинд̇и ‘‘ад̇т̇аабад̇д̇и гирияад̇о самудтаад̇и, ад̇т̇и агирияад̇о, ад̇т̇и гирияаагирияад̇о, ад̇т̇и сияаа гирияад̇о сияаа агирияад̇о’’д̇иаад̣̇инаа (ган̇каа. адта. батамабаарааж̇игаван̣н̣анаа) наязна д̣̇ассид̇ам̣ гирияаавид̇хим̣. сан̃н̃аавид̇хинд̇и ‘‘сан̃н̃аавимогкаа’’д̇иаад̣̇инаа (ган̇каа. адта. батамабаарааж̇игаван̣н̣анаа) наязна д̣̇ассид̇ам̣ сан̃н̃аавид̇хим̣.
Vajjañca kammañca kiriyā ca saññā ca cittañca āṇatti ca vajjakammakriyāsaññācittāṇattiyo, tāsaṃ vidhi tathā vuccati, taṃ. Vajjavidhinti ‘‘yassā sacittakapakkhe cittaṃ akusalameva hoti, ayaṃ lokavajjā, sesā paṇṇattivajjā’’ti (kaṅkhā. aṭṭha. paṭhamapārājikavaṇṇanā) vuttaṃ vajjavidhiṃ. Kammavidhinti ‘‘sabbā ca kāyakammavacīkammatadubhayavasena tividhā hontī’’ti (kaṅkhā. aṭṭha. paṭhamapārājikavaṇṇanā) dassitaṃ kammavidhiṃ . Kriyāvidhinti ‘‘atthāpatti kiriyato samuṭṭhāti, atthi akiriyato, atthi kiriyākiriyato, atthi siyā kiriyato siyā akiriyato’’tiādinā (kaṅkhā. aṭṭha. paṭhamapārājikavaṇṇanā) nayena dassitaṃ kiriyāvidhiṃ. Saññāvidhinti ‘‘saññāvimokkhā’’tiādinā (kaṅkhā. aṭṭha. paṭhamapārājikavaṇṇanā) nayena dassitaṃ saññāvidhiṃ.
жид̇д̇авид̇хинд̇и ‘‘саб̣б̣ааби жид̇д̇авасзна д̣̇увид̇хаа хонд̇и сажид̇д̇агаа, ажид̇д̇агаа жаа’’д̇и (ган̇каа. адта. батамабаарааж̇игаван̣н̣анаа) вуд̇д̇ам̣ жид̇д̇авид̇хим̣. аан̣ад̇д̇ивид̇хинд̇и ‘‘саан̣ад̇д̇игам̣ анаан̣ад̇д̇ига’’нд̇и вуд̇д̇ам̣ аан̣ад̇д̇ивид̇хим̣. ан̇г̇авид̇хаананд̇и саб̣б̣асигкаабад̣̇зсу аабад̇д̇ийнам̣ вуд̇д̇ам̣ ан̇г̇авид̇хаанан̃жа. взд̣̇анаад̇д̇игам̣, гусалад̇д̇иган̃жаад̇и яож̇анаа. д̇ам̣ бана ‘‘агусалажид̇д̇ам̣, д̣̇вижид̇д̇ам̣, д̇ижид̇д̇ам̣, д̣̇угкавзд̣̇анам̣, д̣̇вивзд̣̇анам̣, д̇ивзд̣̇ана’’нд̇и д̇ад̇т̇а д̇ад̇т̇а д̣̇ассид̇амзва.
Cittavidhinti ‘‘sabbāpi cittavasena duvidhā honti sacittakā, acittakā cā’’ti (kaṅkhā. aṭṭha. paṭhamapārājikavaṇṇanā) vuttaṃ cittavidhiṃ. Āṇattividhinti ‘‘sāṇattikaṃ anāṇattika’’nti vuttaṃ āṇattividhiṃ. Aṅgavidhānanti sabbasikkhāpadesu āpattīnaṃ vuttaṃ aṅgavidhānañca. Vedanāttikaṃ, kusalattikañcāti yojanā. Taṃ pana ‘‘akusalacittaṃ, dvicittaṃ, ticittaṃ, dukkhavedanaṃ, dvivedanaṃ, tivedana’’nti tattha tattha dassitameva.
сад̇д̇арасавид̇хам̣ зд̇ам̣ лагкан̣анд̇и яат̇аавуд̇д̇анид̣̇аанаад̣̇исад̇д̇арасаббабхзд̣̇ам̣ саб̣б̣асигкаабад̣̇аанам̣ саад̇хааран̣алагкан̣ам̣. д̣̇ассзд̇ваад̇и багаасзд̇ваа. б̣уд̇хо винаяагусало. д̇ад̇т̇а д̇ад̇т̇а сигкаабад̣̇зсу яат̇аарахам̣ яож̇зяяаад̇и самб̣анд̇хо.
Sattarasavidhaṃetaṃ lakkhaṇanti yathāvuttanidānādisattarasappabhedaṃ sabbasikkhāpadānaṃ sādhāraṇalakkhaṇaṃ. Dassetvāti pakāsetvā. Budho vinayakusalo. Tattha tattha sikkhāpadesu yathārahaṃ yojeyyāti sambandho.
3118. имзсу сад̇д̇арасасу лагкан̣зсу нид̣̇аанабуг̇г̇алз д̇аава нид̣̇д̣̇исид̇умааха ‘‘нид̣̇аана’’нд̇иаад̣̇и. д̇ад̇т̇аад̇и д̇зсу сад̇д̇арасасу саад̇хааран̣алагкан̣зсу, нид̣̇д̇хааран̣з жзд̇ам̣ бхуммам̣. нид̣̇аананд̇и нид̣̇д̇хаарид̇аб̣б̣ад̣̇ассанам̣. ‘‘бура’’нд̇и ид̣̇ам̣ ‘‘взсаалий’’д̇иаад̣̇ибад̣̇зхи бажжзгам̣ яож̇зд̇аб̣б̣ам̣. саггабхаг̇г̇аад̇и зд̇зхи ж̇анабад̣̇аваажийхи сад̣̇д̣̇зхи таананиссид̇аа нааг̇араава г̇ахзд̇аб̣б̣аа. д̇аани жа ‘‘саггзсу вихарад̇и габилавад̇т̇усмим̣, бхаг̇г̇зсу вихарад̇и сусумаараг̇ирз’’д̇и д̇ад̇т̇а д̇ад̇т̇а сигкаабад̣̇анид̣̇аанз нид̣̇ассид̇аанзва.
3118. Imesu sattarasasu lakkhaṇesu nidānapuggale tāva niddisitumāha ‘‘nidāna’’ntiādi. Tatthāti tesu sattarasasu sādhāraṇalakkhaṇesu, niddhāraṇe cetaṃ bhummaṃ. Nidānanti niddhāritabbadassanaṃ. ‘‘Pura’’nti idaṃ ‘‘vesālī’’tiādipadehi paccekaṃ yojetabbaṃ. Sakkabhaggāti etehi janapadavācīhi saddehi ṭhānanissitā nāgarāva gahetabbā. Tāni ca ‘‘sakkesu viharati kapilavatthusmiṃ, bhaggesu viharati susumāragire’’ti tattha tattha sikkhāpadanidāne nidassitāneva.
3119. ‘‘д̣̇аса взсаалияаа’’д̇иаад̣̇ийнам̣ ад̇т̇авинижчаяо уд̇д̇арз аави бхависсад̇и. г̇ириб̣б̣аж̇зд̇и рааж̇аг̇аханаг̇арз. д̇ан̃хи саманд̇аа тид̇зхи исиг̇илиаад̣̇ийхи бан̃жахи баб̣б̣ад̇зхи важ̇асад̣̇исанд̇и ‘‘г̇ириб̣б̣аж̇а’’нд̇и вужжад̇и.
3119.‘‘Dasa vesāliyā’’tiādīnaṃ atthavinicchayo uttare āvi bhavissati. Giribbajeti rājagahanagare. Tañhi samantā ṭhitehi isigiliādīhi pañcahi pabbatehi vajasadisanti ‘‘giribbaja’’nti vuccati.
3121. бхигкуунам̣ баад̇имогкасмим̣ суд̣̇иннад̇ханияаад̣̇аяо д̇звийсад̇ивид̇хаа аад̣̇игаммигабуг̇г̇алаа вуд̇д̇аад̇и яож̇анаа.
3121. Bhikkhūnaṃ pātimokkhasmiṃ sudinnadhaniyādayo tevīsatividhā ādikammikapuggalā vuttāti yojanā.
3122. убхаяабаад̇имогкз ааг̇ад̇аа д̇з саб̣б̣з аад̣̇игаммигабуг̇г̇алаа барибин̣д̣ид̇аа д̇им̣са бхаванд̇ийд̇и яож̇анаа. вад̇т̇уаад̣̇ийнам̣ винижчаяо уд̇д̇арз вагкамаанад̇д̇аа ид̇ха на вуд̇д̇о. нану жа нид̣̇аанабуг̇г̇алавинижчаяамби д̇ад̇т̇а вагкад̇ийд̇и со ид̇ха гасмаа вуд̇д̇од̇и? нааяам̣ д̣̇осо, имасса багаран̣ад̇д̇аа ид̇хааби вад̇д̇аб̣б̣од̇и. яад̣̇и звам̣ вад̇т̇уаад̣̇ивинижчаяоби ид̇ха вад̇д̇аб̣б̣о сияаа, со гасмаа на вуд̇д̇од̇и? згаяог̇анид̣̇д̣̇идтасса имасса важанзна соби вуд̇д̇оязва ход̇ийд̇и згад̣̇зсад̣̇ассанавасзна сам̣кид̇д̇од̇и д̣̇адтаб̣б̣о.
3122. Ubhayapātimokkhe āgatā te sabbe ādikammikapuggalā paripiṇḍitā tiṃsa bhavantīti yojanā. Vatthuādīnaṃ vinicchayo uttare vakkhamānattā idha na vutto. Nanu ca nidānapuggalavinicchayampi tattha vakkhatīti so idha kasmā vuttoti? Nāyaṃ doso, imassa pakaraṇattā idhāpi vattabboti. Yadi evaṃ vatthuādivinicchayopi idha vattabbo siyā, so kasmā na vuttoti? Ekayoganiddiṭṭhassa imassa vacanena sopi vuttoyeva hotīti ekadesadassanavasena saṃkhittoti daṭṭhabbo.
3123. яо знам̣ д̇арум̣ ж̇аанаад̇и, со бан̃н̃ад̇д̇им̣ асзсад̇о ж̇аанаад̇ийд̇и самб̣анд̇хо. зд̇т̇а ‘‘знам̣ д̇ару’’нд̇и иминаа нид̣̇аанаад̣̇исад̇д̇арасаббагаарам̣ саб̣б̣асигкаабад̣̇асаад̇хааран̣алагкан̣асамуд̣̇ааяам̣ руубагзна д̣̇ассзд̇и. гим̣ висидтам̣ д̇арунд̇и ааха ‘‘д̇имуула’’нд̇иаад̣̇и.
3123. Yo enaṃ taruṃ jānāti, so paññattiṃ asesato jānātīti sambandho. Ettha ‘‘enaṃ taru’’nti iminā nidānādisattarasappakāraṃ sabbasikkhāpadasādhāraṇalakkhaṇasamudāyaṃ rūpakena dasseti. Kiṃ visiṭṭhaṃ tarunti āha ‘‘timūla’’ntiādi.
д̇ад̇т̇а д̇имууланд̇и нид̣̇аанабуг̇г̇алавад̇т̇усан̇каад̇аани д̇ийн̣и муулаани зд̇ассаад̇и д̇имуулам̣. навабад̇д̇анд̇и нававид̇хабан̣н̣ад̇д̇исан̇каад̇аани бад̇д̇аани зд̇ассаад̇и навабад̇д̇ам̣. д̣̇ваяан̇гуранд̇и логаваж̇ж̇абан̣н̣ад̇д̇иваж̇ж̇асан̇каад̇аа д̣̇вз ан̇гураа зд̇ассаад̇и д̣̇ваяан̇гурам̣. ‘‘д̣̇виан̇гура’’нд̇и вад̇д̇аб̣б̣з и-гаарасса аяаад̣̇зсам̣ гад̇ваа ‘‘д̣̇ваяан̇гура’’нд̇и вуд̇д̇ам̣. сад̇д̇апаланд̇и аан̣ад̇д̇иаабад̇д̇ианаабад̇д̇ивибад̇д̇исан̃н̃аавзд̣̇анаагусалад̇д̇игасан̇каад̇аани сад̇д̇а палаани зд̇ассаад̇и сад̇д̇апалам̣. чабубпанд̇и часамудтаанасан̇каад̇аани бубпаани зд̇ассаад̇и чабубпам̣. д̣̇виббабхаванд̇и жид̇д̇агаммасан̇каад̇аа д̣̇вз бабхаваа зд̇ассаад̇и д̣̇виббабхавам̣. д̣̇висааканд̇и гирияаан̇г̇асан̇каад̇аа д̣̇вз саакаа зд̇ассаад̇и д̣̇висаакам̣. знам̣ д̇арум̣ яо ж̇аанаад̇ийд̇и яо вуд̇д̇о бхигку вуд̇д̇асаруубасаад̇хааран̣асад̇д̇арасалагкан̣араасивинижчаяасан̇каад̇ад̇арум̣ ж̇аанаад̇и. сод̇и со бхигку. бан̃н̃ад̇д̇инд̇и винаяабидагам̣. асзсад̇од̇и саб̣б̣асо.
Tattha timūlanti nidānapuggalavatthusaṅkhātāni tīṇi mūlāni etassāti timūlaṃ. Navapattanti navavidhapaṇṇattisaṅkhātāni pattāni etassāti navapattaṃ. Dvayaṅkuranti lokavajjapaṇṇattivajjasaṅkhātā dve aṅkurā etassāti dvayaṅkuraṃ. ‘‘Dviaṅkura’’nti vattabbe i-kārassa ayādesaṃ katvā ‘‘dvayaṅkura’’nti vuttaṃ. Sattaphalanti āṇattiāpattianāpattivipattisaññāvedanākusalattikasaṅkhātāni satta phalāni etassāti sattaphalaṃ. Chapupphanti chasamuṭṭhānasaṅkhātāni pupphāni etassāti chapupphaṃ. Dvippabhavanti cittakammasaṅkhātā dve pabhavā etassāti dvippabhavaṃ. Dvisākhanti kiriyaaṅgasaṅkhātā dve sākhā etassāti dvisākhaṃ. Enaṃ taruṃ yo jānātīti yo vutto bhikkhu vuttasarūpasādhāraṇasattarasalakkhaṇarāsivinicchayasaṅkhātataruṃ jānāti. Soti so bhikkhu. Paññattinti vinayapiṭakaṃ. Asesatoti sabbaso.
3124. ид̇и звам̣ мад̇хурабад̣̇ад̇т̇ам̣ анаагулам̣ барамам̣ уд̇д̇амам̣ имам̣ винижчаяам̣ яо батад̇и ваажуг̇г̇ад̇ам̣ гаронд̇о барияаабун̣аад̇и, г̇арусанд̇игз саад̇хугам̣ сун̣аад̇и, барибужчад̇з жа ад̇т̇ам̣ барибужчад̇и жа, со бхигку винаяа винижчаяз убаалисамо бхавад̇и винаяад̇хараанам̣ зд̇ад̣̇аг̇г̇адтаанз нигкид̇д̇зна убаалимахаат̇зрзна сад̣̇исо бхавад̇ийд̇и яож̇анаа.
3124.Iti evaṃ madhurapadatthaṃ anākulaṃ paramaṃ uttamaṃ imaṃ vinicchayaṃ yo paṭhati vācuggataṃ karonto pariyāpuṇāti, garusantike sādhukaṃ suṇāti, paripucchate ca atthaṃ paripucchati ca, so bhikkhu vinaya vinicchaye upālisamo bhavati vinayadharānaṃ etadaggaṭṭhāne nikkhittena upālimahātherena sadiso bhavatīti yojanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
багин̣н̣агавинижчаяагат̇ааван̣н̣анаа нидтид̇аа.
Pakiṇṇakavinicchayakathāvaṇṇanā niṭṭhitā.
