| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
84. багкаг̇ан̣анаад̣̇иуг̇г̇ахан̣аануж̇аананаа
84. Pakkhagaṇanādiuggahaṇānujānanā
156. ат̇а ко бхаг̇аваа жод̣̇анаавад̇т̇усмим̣ яат̇аабхиранд̇ам̣ вихарид̇ваа бунад̣̇зва рааж̇аг̇ахам̣ бажжааг̇ан̃чи.
156. Atha kho bhagavā codanāvatthusmiṃ yathābhirantaṃ viharitvā punadeva rājagahaṃ paccāgañchi.
д̇зна ко бана самаязна мануссаа бхигкуу бин̣д̣ааяа жаранд̇з бужчанд̇и – ‘‘гад̇имий, бханд̇з, багкассаа’’д̇и? бхигкуу звамаахам̣су – ‘‘на ко маяам̣, аавусо, ж̇аанаамаа’’д̇и. мануссаа уж̇жхааяанд̇и кияяанд̇и вибаажзнд̇и – ‘‘багкаг̇ан̣анамад̇д̇амамбимз саман̣аа сагяабуд̇д̇ияаа на ж̇аананд̇и, гим̣ банимз ан̃н̃ам̣ гин̃жи галяаан̣ам̣ ж̇ааниссанд̇ий’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, багкаг̇ан̣анам̣ уг̇г̇ахзд̇унд̇и. ат̇а ко бхигкуунам̣ зд̇ад̣̇ахоси – ‘‘гзна ну ко багкаг̇ан̣анаа уг̇г̇ахзд̇аб̣б̣аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, саб̣б̣зхзва багкаг̇ан̣анам̣ уг̇г̇ахзд̇унд̇и.
Tena kho pana samayena manussā bhikkhū piṇḍāya carante pucchanti – ‘‘katimī, bhante, pakkhassā’’ti? Bhikkhū evamāhaṃsu – ‘‘na kho mayaṃ, āvuso, jānāmā’’ti. Manussā ujjhāyanti khiyyanti vipācenti – ‘‘pakkhagaṇanamattamampime samaṇā sakyaputtiyā na jānanti, kiṃ panime aññaṃ kiñci kalyāṇaṃ jānissantī’’ti? Bhagavato etamatthaṃ ārocesuṃ. Anujānāmi, bhikkhave, pakkhagaṇanaṃ uggahetunti. Atha kho bhikkhūnaṃ etadahosi – ‘‘kena nu kho pakkhagaṇanā uggahetabbā’’ti? Bhagavato etamatthaṃ ārocesuṃ. Anujānāmi, bhikkhave, sabbeheva pakkhagaṇanaṃ uggahetunti.
157. д̇зна ко бана самаязна мануссаа бхигкуу бин̣д̣ааяа жаранд̇з бужчанд̇и – ‘‘гийвад̇игаа, бханд̇з, бхигкуу’’д̇и? бхигкуу звамаахам̣су – ‘‘на ко маяам̣, аавусо, ж̇аанаамаа’’д̇и. мануссаа уж̇жхааяанд̇и кияяанд̇и вибаажзнд̇и – ‘‘ан̃н̃аман̃н̃амбимз саман̣аа сагяабуд̇д̇ияаа на ж̇аананд̇и, гим̣ банимз ан̃н̃ам̣ гин̃жи галяаан̣ам̣ ж̇ааниссанд̇ий’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бхигкуу г̇ан̣зд̇унд̇и.
157. Tena kho pana samayena manussā bhikkhū piṇḍāya carante pucchanti – ‘‘kīvatikā, bhante, bhikkhū’’ti? Bhikkhū evamāhaṃsu – ‘‘na kho mayaṃ, āvuso, jānāmā’’ti. Manussā ujjhāyanti khiyyanti vipācenti – ‘‘aññamaññampime samaṇā sakyaputtiyā na jānanti, kiṃ panime aññaṃ kiñci kalyāṇaṃ jānissantī’’ti? Bhagavato etamatthaṃ ārocesuṃ. Anujānāmi, bhikkhave, bhikkhū gaṇetunti.
ат̇а ко бхигкуунам̣ зд̇ад̣̇ахоси – ‘‘гад̣̇аа ну ко бхигкуу г̇ан̣зд̇аб̣б̣аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ад̣̇ахубосат̇з наамаг̇г̇зна 1 г̇ан̣зд̇ум̣, салаагам̣ ваа г̇аахзд̇унд̇и.
Atha kho bhikkhūnaṃ etadahosi – ‘‘kadā nu kho bhikkhū gaṇetabbā’’ti? Bhagavato etamatthaṃ ārocesuṃ. Anujānāmi, bhikkhave, tadahuposathe nāmaggena 2 gaṇetuṃ, salākaṃ vā gāhetunti.
158. д̇зна ко бана самаязна бхигкуу аж̇аананд̇аа аж̇ж̇убосат̇од̇и д̣̇уурам̣ г̇аамам̣ бин̣д̣ааяа жаранд̇и. д̇з уд̣̇д̣̇иссамаанзби баад̇имогкз ааг̇ажчанд̇и, уд̣̇д̣̇идтамад̇д̇зби ааг̇ажчанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, аарожзд̇ум̣ ‘аж̇ж̇убосат̇о’д̇и.
158. Tena kho pana samayena bhikkhū ajānantā ajjuposathoti dūraṃ gāmaṃ piṇḍāya caranti. Te uddissamānepi pātimokkhe āgacchanti, uddiṭṭhamattepi āgacchanti. Bhagavato etamatthaṃ ārocesuṃ. Anujānāmi, bhikkhave, ārocetuṃ ‘ajjuposatho’ti.
ат̇а ко бхигкуунам̣ зд̇ад̣̇ахоси – ‘‘гзна ну ко аарожзд̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, т̇зрзна бхигкунаа гаалавад̇о аарожзд̇унд̇и.
Atha kho bhikkhūnaṃ etadahosi – ‘‘kena nu kho ārocetabbo’’ti? Bhagavato etamatthaṃ ārocesuṃ. Anujānāmi, bhikkhave, therena bhikkhunā kālavato ārocetunti.
д̇зна ко бана самаязна ан̃н̃ад̇аро т̇зро гаалавад̇о нассарад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бхад̇д̇агаалзби аарожзд̇унд̇и.
Tena kho pana samayena aññataro thero kālavato nassarati. Bhagavato etamatthaṃ ārocesuṃ. Anujānāmi, bhikkhave, bhattakālepi ārocetunti.
бхад̇д̇агаалзби нассарад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, яам̣ гаалам̣ сарад̇и, д̇ам̣ гаалам̣ аарожзд̇унд̇и.
Bhattakālepi nassarati. Bhagavato etamatthaṃ ārocesuṃ. Anujānāmi, bhikkhave, yaṃ kālaṃ sarati, taṃ kālaṃ ārocetunti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / багкаг̇ан̣анаад̣̇иуг̇г̇ахан̣аануж̇аананагат̇аа • Pakkhagaṇanādiuggahaṇānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / багкаг̇ан̣анаад̣̇иуг̇г̇ахан̣аануж̇аананагат̇ааван̣н̣анаа • Pakkhagaṇanādiuggahaṇānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / багкаг̇ан̣анаад̣̇иуг̇г̇ахан̣аануж̇аананагат̇аад̣̇иван̣н̣анаа • Pakkhagaṇanādiuggahaṇānujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 84. багкаг̇ан̣анаад̣̇иуг̇г̇ахан̣аануж̇аананагат̇аа • 84. Pakkhagaṇanādiuggahaṇānujānanakathā
