| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਾ
84. Pakkhagaṇanādiuggahaṇānujānanā
੧੫੬. ਅਥ ਖੋ ਭਗવਾ ਚੋਦਨਾવਤ੍ਥੁਸ੍ਮਿਂ ਯਥਾਭਿਰਨ੍ਤਂ વਿਹਰਿਤ੍વਾ ਪੁਨਦੇવ ਰਾਜਗਹਂ ਪਚ੍ਚਾਗਞ੍ਛਿ।
156. Atha kho bhagavā codanāvatthusmiṃ yathābhirantaṃ viharitvā punadeva rājagahaṃ paccāgañchi.
ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਭਿਕ੍ਖੂ ਪਿਣ੍ਡਾਯ ਚਰਨ੍ਤੇ ਪੁਚ੍ਛਨ੍ਤਿ – ‘‘ਕਤਿਮੀ, ਭਨ੍ਤੇ, ਪਕ੍ਖਸ੍ਸਾ’’ਤਿ? ਭਿਕ੍ਖੂ ਏવਮਾਹਂਸੁ – ‘‘ਨ ਖੋ ਮਯਂ, ਆવੁਸੋ, ਜਾਨਾਮਾ’’ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਪਕ੍ਖਗਣਨਮਤ੍ਤਮਮ੍ਪਿਮੇ ਸਮਣਾ ਸਕ੍ਯਪੁਤ੍ਤਿਯਾ ਨ ਜਾਨਨ੍ਤਿ, ਕਿਂ ਪਨਿਮੇ ਅਞ੍ਞਂ ਕਿਞ੍ਚਿ ਕਲ੍ਯਾਣਂ ਜਾਨਿਸ੍ਸਨ੍ਤੀ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਪਕ੍ਖਗਣਨਂ ਉਗ੍ਗਹੇਤੁਨ੍ਤਿ। ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕੇਨ ਨੁ ਖੋ ਪਕ੍ਖਗਣਨਾ ਉਗ੍ਗਹੇਤਬ੍ਬਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਸਬ੍ਬੇਹੇવ ਪਕ੍ਖਗਣਨਂ ਉਗ੍ਗਹੇਤੁਨ੍ਤਿ।
Tena kho pana samayena manussā bhikkhū piṇḍāya carante pucchanti – ‘‘katimī, bhante, pakkhassā’’ti? Bhikkhū evamāhaṃsu – ‘‘na kho mayaṃ, āvuso, jānāmā’’ti. Manussā ujjhāyanti khiyyanti vipācenti – ‘‘pakkhagaṇanamattamampime samaṇā sakyaputtiyā na jānanti, kiṃ panime aññaṃ kiñci kalyāṇaṃ jānissantī’’ti? Bhagavato etamatthaṃ ārocesuṃ. Anujānāmi, bhikkhave, pakkhagaṇanaṃ uggahetunti. Atha kho bhikkhūnaṃ etadahosi – ‘‘kena nu kho pakkhagaṇanā uggahetabbā’’ti? Bhagavato etamatthaṃ ārocesuṃ. Anujānāmi, bhikkhave, sabbeheva pakkhagaṇanaṃ uggahetunti.
੧੫੭. ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਭਿਕ੍ਖੂ ਪਿਣ੍ਡਾਯ ਚਰਨ੍ਤੇ ਪੁਚ੍ਛਨ੍ਤਿ – ‘‘ਕੀવਤਿਕਾ, ਭਨ੍ਤੇ, ਭਿਕ੍ਖੂ’’ਤਿ? ਭਿਕ੍ਖੂ ਏવਮਾਹਂਸੁ – ‘‘ਨ ਖੋ ਮਯਂ, ਆવੁਸੋ, ਜਾਨਾਮਾ’’ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਅਞ੍ਞਮਞ੍ਞਮ੍ਪਿਮੇ ਸਮਣਾ ਸਕ੍ਯਪੁਤ੍ਤਿਯਾ ਨ ਜਾਨਨ੍ਤਿ, ਕਿਂ ਪਨਿਮੇ ਅਞ੍ਞਂ ਕਿਞ੍ਚਿ ਕਲ੍ਯਾਣਂ ਜਾਨਿਸ੍ਸਨ੍ਤੀ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਭਿਕ੍ਖੂ ਗਣੇਤੁਨ੍ਤਿ।
157. Tena kho pana samayena manussā bhikkhū piṇḍāya carante pucchanti – ‘‘kīvatikā, bhante, bhikkhū’’ti? Bhikkhū evamāhaṃsu – ‘‘na kho mayaṃ, āvuso, jānāmā’’ti. Manussā ujjhāyanti khiyyanti vipācenti – ‘‘aññamaññampime samaṇā sakyaputtiyā na jānanti, kiṃ panime aññaṃ kiñci kalyāṇaṃ jānissantī’’ti? Bhagavato etamatthaṃ ārocesuṃ. Anujānāmi, bhikkhave, bhikkhū gaṇetunti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਦਾ ਨੁ ਖੋ ਭਿਕ੍ਖੂ ਗਣੇਤਬ੍ਬਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਤਦਹੁਪੋਸਥੇ ਨਾਮਗ੍ਗੇਨ 1 ਗਣੇਤੁਂ, ਸਲਾਕਂ વਾ ਗਾਹੇਤੁਨ੍ਤਿ।
Atha kho bhikkhūnaṃ etadahosi – ‘‘kadā nu kho bhikkhū gaṇetabbā’’ti? Bhagavato etamatthaṃ ārocesuṃ. Anujānāmi, bhikkhave, tadahuposathe nāmaggena 2 gaṇetuṃ, salākaṃ vā gāhetunti.
੧੫੮. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਜਾਨਨ੍ਤਾ ਅਜ੍ਜੁਪੋਸਥੋਤਿ ਦੂਰਂ ਗਾਮਂ ਪਿਣ੍ਡਾਯ ਚਰਨ੍ਤਿ। ਤੇ ਉਦ੍ਦਿਸ੍ਸਮਾਨੇਪਿ ਪਾਤਿਮੋਕ੍ਖੇ ਆਗਚ੍ਛਨ੍ਤਿ, ਉਦ੍ਦਿਟ੍ਠਮਤ੍ਤੇਪਿ ਆਗਚ੍ਛਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਆਰੋਚੇਤੁਂ ‘ਅਜ੍ਜੁਪੋਸਥੋ’ਤਿ।
158. Tena kho pana samayena bhikkhū ajānantā ajjuposathoti dūraṃ gāmaṃ piṇḍāya caranti. Te uddissamānepi pātimokkhe āgacchanti, uddiṭṭhamattepi āgacchanti. Bhagavato etamatthaṃ ārocesuṃ. Anujānāmi, bhikkhave, ārocetuṃ ‘ajjuposatho’ti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕੇਨ ਨੁ ਖੋ ਆਰੋਚੇਤਬ੍ਬੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਥੇਰੇਨ ਭਿਕ੍ਖੁਨਾ ਕਾਲવਤੋ ਆਰੋਚੇਤੁਨ੍ਤਿ।
Atha kho bhikkhūnaṃ etadahosi – ‘‘kena nu kho ārocetabbo’’ti? Bhagavato etamatthaṃ ārocesuṃ. Anujānāmi, bhikkhave, therena bhikkhunā kālavato ārocetunti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਥੇਰੋ ਕਾਲવਤੋ ਨਸ੍ਸਰਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਭਤ੍ਤਕਾਲੇਪਿ ਆਰੋਚੇਤੁਨ੍ਤਿ।
Tena kho pana samayena aññataro thero kālavato nassarati. Bhagavato etamatthaṃ ārocesuṃ. Anujānāmi, bhikkhave, bhattakālepi ārocetunti.
ਭਤ੍ਤਕਾਲੇਪਿ ਨਸ੍ਸਰਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਯਂ ਕਾਲਂ ਸਰਤਿ, ਤਂ ਕਾਲਂ ਆਰੋਚੇਤੁਨ੍ਤਿ।
Bhattakālepi nassarati. Bhagavato etamatthaṃ ārocesuṃ. Anujānāmi, bhikkhave, yaṃ kālaṃ sarati, taṃ kālaṃ ārocetunti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ • Pakkhagaṇanādiuggahaṇānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾવਣ੍ਣਨਾ • Pakkhagaṇanādiuggahaṇānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ • 84. Pakkhagaṇanādiuggahaṇānujānanakathā
