| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பக்க²க³ணனாதி³உக்³க³ஹணானுஜானநகதா²
Pakkhagaṇanādiuggahaṇānujānanakathā
156. கதிமீ ப⁴ந்தேதி எத்த² கதீனங் பூரணீதி கதிமீ. காலவதோதி காலஸ்ஸேவ; பகே³வாதி அத்தோ².
156.Katimī bhanteti ettha katīnaṃ pūraṇīti katimī. Kālavatoti kālasseva; pagevāti attho.
158. யங் காலங் ஸரதீதி எத்த² ஸாயம்பி ‘‘அஜ்ஜுபோஸதோ² ஸமன்னாஹரதா²’’தி ஆரோசேதுங் வட்டதி.
158.Yaṃ kālaṃ saratīti ettha sāyampi ‘‘ajjuposatho samannāharathā’’ti ārocetuṃ vaṭṭati.
159. தே²ரேன பி⁴க்கு²னா நவங் பி⁴க்கு²ங் ஆணாபேதுந்தி எத்தா²பி கிஞ்சி கம்மங் கரொந்தோ வா ஸதா³காலமேவ ஏகோ வா பா⁴ரனித்த²ரணகோ வா ஸரபா⁴ணகத⁴ம்மகதி²காதீ³ஸு அஞ்ஞதரோ வா ந உபோஸதா²கா³ரஸம்மஜ்ஜனத்த²ங் ஆணாபேதப்³போ³, அவஸேஸா பன வாரேன ஆணாபேதப்³பா³. ஸசே ஆணத்தோ ஸம்முஞ்ஜனிங் தாவகாலிகம்பி ந லப⁴தி, ஸாகா²ப⁴ங்க³ங் கப்பியங் காரெத்வா ஸம்மஜ்ஜிதப்³ப³ங், தம்பி அலப⁴ந்தஸ்ஸ லத்³த⁴கப்பியங் ஹோதி.
159.Therena bhikkhunā navaṃ bhikkhuṃ āṇāpetunti etthāpi kiñci kammaṃ karonto vā sadākālameva eko vā bhāranittharaṇako vā sarabhāṇakadhammakathikādīsu aññataro vā na uposathāgārasammajjanatthaṃ āṇāpetabbo, avasesā pana vārena āṇāpetabbā. Sace āṇatto sammuñjaniṃ tāvakālikampi na labhati, sākhābhaṅgaṃ kappiyaṃ kāretvā sammajjitabbaṃ, tampi alabhantassa laddhakappiyaṃ hoti.
160. ஆஸனபஞ்ஞாபனாணத்தியம்பி வுத்தனயேனேவ ஆணாபேதப்³போ³. ஆணத்தேன ச ஸசே உபோஸதா²கா³ரே ஆஸனானி நத்தி², ஸங்கி⁴காவாஸதோபி ஆஹரித்வா பஞ்ஞபெத்வா புன ஆஹரிதப்³பா³னி. ஆஸனேஸு அஸதி கடஸாரகேபி தட்டிகாயோபி பஞ்ஞபேதுங் வட்டதி, தட்டிகாஸுபி அஸதி ஸாகா²ப⁴ங்கா³னி கப்பியங் காரெத்வா பஞ்ஞபேதப்³பா³னி, கப்பியகாரகங் அலப⁴ந்தஸ்ஸ லத்³த⁴கப்பியங் ஹோதி.
160. Āsanapaññāpanāṇattiyampi vuttanayeneva āṇāpetabbo. Āṇattena ca sace uposathāgāre āsanāni natthi, saṅghikāvāsatopi āharitvā paññapetvā puna āharitabbāni. Āsanesu asati kaṭasārakepi taṭṭikāyopi paññapetuṃ vaṭṭati, taṭṭikāsupi asati sākhābhaṅgāni kappiyaṃ kāretvā paññapetabbāni, kappiyakārakaṃ alabhantassa laddhakappiyaṃ hoti.
161. பதீ³பகரணேபி வுத்தனயேனேவ ஆணாபேதப்³போ³. ஆணாபெந்தேன ச ‘‘அமுகஸ்மிங் நாம ஓகாஸே தேலங் வா வட்டி வா கபல்லிகா வா அத்தி², தங் க³ஹெத்வா கரோஹீ’’தி வத்தப்³போ³. ஸசே தேலாதீ³னி நத்தி², பரியேஸிதப்³பா³னி, பரியேஸித்வா அலப⁴ந்தஸ்ஸ லத்³த⁴கப்பியங் ஹோதி. அபிச கபாலே அக்³கி³பி ஜாலேதப்³போ³.
161. Padīpakaraṇepi vuttanayeneva āṇāpetabbo. Āṇāpentena ca ‘‘amukasmiṃ nāma okāse telaṃ vā vaṭṭi vā kapallikā vā atthi, taṃ gahetvā karohī’’ti vattabbo. Sace telādīni natthi, pariyesitabbāni, pariyesitvā alabhantassa laddhakappiyaṃ hoti. Apica kapāle aggipi jāletabbo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
84. பக்க²க³ணனாதி³உக்³க³ஹணானுஜானநா • 84. Pakkhagaṇanādiuggahaṇānujānanā
85. புப்³ப³கரணானுஜானநா • 85. Pubbakaraṇānujānanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பக்க²க³ணனாதி³உக்³க³ஹணானுஜானநகதா²வண்ணனா • Pakkhagaṇanādiuggahaṇānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பக்க²க³ணனாதி³உக்³க³ஹணானுஜானநகதா²தி³வண்ணனா • Pakkhagaṇanādiuggahaṇānujānanakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 84. பக்க²க³ணனாதி³உக்³க³ஹணானுஜானநகதா² • 84. Pakkhagaṇanādiuggahaṇānujānanakathā
