| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
84. பக்க²க³ணனாதி³உக்³க³ஹணானுஜானநகதா²
84. Pakkhagaṇanādiuggahaṇānujānanakathā
156. கதினங் பூரணீதி கதினங் திதீ²னங் பூரணீ. கோ தி³வஸோதி கித்தகோ தி³வஸோ. அய்யாயத்தந்தி அய்யேஹி பி⁴க்கூ²ஹி ஆயத்தங் ஆப³த்³த⁴ங். ஸங்ஹரித்வாதி புன ஸலாகங் ஸங்ஹரித்வா. அயங் பாடோ² கேஸுசி அட்ட²கதா²பொத்த²கேஸு நத்தி². காலவதோதி எத்த² வந்துபச்சயோ ஸ்வத்தோ²தி ஆஹ ‘‘காலஸ்ஸேவா’’தி. ஏவஸத்³தோ³ பன ஸம்ப⁴வதோ யுஜ்ஜியதி. பகே³வாதி பாதோவ.
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
158. ஸாயம்பீதி ஸாயன்ஹேபி. பிஸத்³தே³ன அஞ்ஞம்பி ஸரணகாலங் ஸம்பிண்டே³தி.
158.Sāyampīti sāyanhepi. Pisaddena aññampi saraṇakālaṃ sampiṇḍeti.
159. ஆணாபேதுந்தி எத்த² அனாணாபேதப்³ப³பி⁴க்கூ² அபனெத்வா ஆணாபேதப்³ப³பி⁴க்கூ² த³ஸ்ஸேதுங் வுத்தங் ‘‘கிஞ்சி கம்ம’’ந்திஆதி³. ஸதா³காலமேவ கிஞ்சி கம்மங் கரொந்தோதி யோஜனா. த⁴ம்மகதி²காதீ³ஸூதிஆதி³ஸத்³தே³ன க³ணவாசகாத³யோ ஸங்க³ண்ஹாதி. வாரேனாதி பரியாயேன. ஸம்முஞ்சனிந்தி யட்டி²ஸம்முஞ்சனிங் வா முட்டி²ஸம்முஞ்சனிங் வா. ஸமங், ஸுட்டு² வா முஞ்சதி ஸோதே⁴தி இமாயாதி ஸம்முஞ்சனீ, தாலுஜோ பட²மோ. தம்பீதி ஸாகா²ப⁴ங்க³ம்பி.
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
160. வுத்தனயேனேவாதி ஸம்மஜ்ஜனே வுத்தனயேனேவ. புன ஆஹரிதப்³பா³னீதி ஸங்கி⁴காவாஸங் ஆஸனானி புன ஆஹரிதப்³பா³னி. தட்டிகாயோபீதி வேணுஆதி³மயா தட்டிகாயோபி.
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
161. கபல்லிகா வாதி கபாலேஸு பரியாபன்னா பதீ³பகபாலா வா. தந்தி தேலாதி³ங். பரியேஸிதப்³பா³னீதி அனவஜ்ஜபரியேஸனேன பரியேஸிதப்³பா³னி.
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
84. பக்க²க³ணனாதி³உக்³க³ஹணானுஜானநா • 84. Pakkhagaṇanādiuggahaṇānujānanā
85. புப்³ப³கரணானுஜானநா • 85. Pubbakaraṇānujānanā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பக்க²க³ணனாதி³உக்³க³ஹணானுஜானநகதா² • Pakkhagaṇanādiuggahaṇānujānanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பக்க²க³ணனாதி³உக்³க³ஹணானுஜானநகதா²வண்ணனா • Pakkhagaṇanādiuggahaṇānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பக்க²க³ணனாதி³உக்³க³ஹணானுஜானநகதா²தி³வண்ணனா • Pakkhagaṇanādiuggahaṇānujānanakathādivaṇṇanā
